سحــــاب الشـــعر !!

[القرناس المهاجر]

أحبابي .. احساس الإنسان قد لايعلمه القريبون منه ;) !!
وإنما يترجمه فكره وأحساسه فقط .. وهنا نظمت مشاركه متواضعه .. آمل ان تحوز على رضاكم :)


ـــــــــــــــــــــــــــــــــــــــــ


كــتبت يامكشــــات عـــذب القـــوافي
............................... وامطر سحاب الشعـر واردف بسـيله


على جبــالك والـــربى والفــيــــــــافي
.............................احلى المعــــاني شــلتها خــير شـــيلة


واليــــوم حـــــدتـنـا الســنين العجافي
.............................والوقــــت دار ولامعـــي فــــيه حــيله


من بعـــد ماشـــفـت إن فـــيه إخـتلافي
...............................بيــن النفـــوس الطـيــبة والعـــليـلة


والمركــــب اللي مالقـــــاله ضفـــافي
..............................تلعـــبّه الأمـــــواج مـــــدة طـــــويله


ماغــير صـــبر العــبد عالضيم كافي
.............................والســــــر مهما طال يظهــــر عميــله


ونــــور القمـر للنـاس ماهو بخـــــافي
.............................ليــلة تمـــــام البــــدر ينــــزاح ليــــله


والفـــارس الخـيــــال فعـله يشـــــافي
..............................في سـاحة المضمـار يفـخـــر بخـــيله


هـذي علـــــوم اللي ترجـّـل وحــــافي
...............................فــي واهــج الرمضـــا وقــافه دليـله


كلمات .. القرناس المهاجر - المجيرمة :)

[أبو فهد العيد]

صح لسانك ,, وبيض الله وجهك

[ريف النشاما]

مشاء الله ،،،،،،، شكل السيل طلعك:D


ياخوي وشلون لو تشوف ساحوق و وادي الرمة على هالقصيدة :)



صح لسانك وسلم بنانك وسلم لي على خاصة نفسك


"


ساحوق سال وسيلنه عياريه =و جول الحباري في دعوبه مخامير

:)

ولا تنسى تسير علينا هنيا
vvvvvv

::
http://www.cars-club.com/up/8-2-1/carsclub_53953159.jpg
vvvvvv
سيول × سيول (http://75.126.184.24/~mekshat/vb/showthread.php?t=166627)

[قهوة دايمة]

صح لسانك
واضح ان السيل قد هيض قريحتك الشعرية فانشدت لنا كلمات شدية
ماألومك
في انتظار جديدك
دمت بود

[جرير]

سلمت وصح لسانك

[القرناس المهاجر]

صح لسانك ,, وبيض الله وجهك

ارحب يابو فهد .. وين مقانيصك .. طولت علينا يارجال :D الله يحييك ويسلمك يالغالي :)

[القرناس المهاجر]

مشاء الله ،،،،،،، شكل السيل طلعك:D





ياخوي وشلون لو تشوف ساحوق و وادي الرمة على هالقصيدة :)




صح لسانك وسلم بنانك وسلم لي على خاصة نفسك



"



ساحوق سال وسيلنه عياريه =و جول الحباري في دعوبه مخامير


:)


ولا تنسى تسير علينا هنيا
vvvvvv



حياالله الغالي .. ريف النشاما :) اسفرت وانورت .. والمعنى ونا اخوك في بطن الشاعر :rolleyes:

ياما حلا مزنٍ بدى في مســاريه
...............................وارخى عليــها ليـن ظــلت مغـــادير
حتى نســـيّر للقَنَصْ فـي حــراويه
............................... وريف النشـــاما جــالنا بالتــباشـــير

[القرناس المهاجر]

:D
صح لسانك
واضح ان السيل قد هيض قريحتك الشعرية فانشدت لنا كلمات شدية
ماألومك
في انتظار جديدك
دمت بود


الله يسلمك .. والسيل لاتكبر خطيررررررر :D

[القرناس المهاجر]

سلمت وصح لسانك


الله يسلمك وصح بدنك

[مراسل الليث]

............................................

هـذي علـــــوم اللي ترجـّـل وحــــافي
............................... فــي واهــج الرمضـــا وقــافه دليـله

............................................


كفوا والله ياشاعرنا سلمت وبارك الله فيك ولاتحزن يكفيك ان المجيرمه تفخر بك وبقافك اللي سخرته للصيد والطير:)

[عبدالرحمن الخالدي]

ونــــور القمـر للنـاس ماهو بخـــــافي
.............................
ليــلة تمـــــام البــــدر ينــــزاح ليــــله





صح لسانك يا لقرناس المهاجر وعسى يمناك ماتشل .

[الرحال الجديد]

وانا اشهد انك وافي ثم وافي ،،،،،، لو قلت مهما قلت مافيك حيله
قصيده حلوة مافيها اختلافي ،،،،،، اقرأ وعيــــد البيت ومرٍ اشيله

[القرناس المهاجر]

............................................



هـذي علـــــوم اللي ترجـّـل وحــــافي
............................... فــي واهــج الرمضـــا وقــافه دليـله


............................................


كفوا والله ياشاعرنا سلمت وبارك الله فيك ولاتحزن يكفيك ان المجيرمه تفخر بك وبقافك اللي سخرته للصيد والطير:)


هلابك يالغالي :) وانا بكم فخور انتم تاج راسي لاهنت :good:

[القرناس المهاجر]

ونــــور القمـر للنـاس ماهو بخـــــافي

.............................
ليــلة تمـــــام البــــدر ينــــزاح ليــــله






صح لسانك يا لقرناس المهاجر وعسى يمناك ماتشل .


صح بدنك يالغالي .. ومن قال ماشلت له يمين .. :) لاهنت

[القرناس المهاجر]

وانا اشهد انك وافي ثم وافي ،،،،،، لو قلت مهما قلت مافيك حيله
قصيده حلوة مافيها اختلافي ،،،،،، اقرأ وعيــــد البيت ومرٍ اشيله

سلمت يامن حــرّكه زين قـــافي
........................... واقبل سوات العارض اللي نخيله
رحّـال لكن .. لك بقـلبي ضفافي
...............................قلـبي لكم مـــنزال وانتـــم نزيله

اقبلها مني ولك شكري وتقديري :)

[الرحال الجديد]

سلمت يامن حــرّكه زين قـــافي
........................... واقبل سوات العارض اللي نخيله
رحّـال لكن .. لك بقـلبي ضفافي
...............................قلـبي لكم مـــنزال وانتـــم نزيله

اقبلها مني ولك شكري وتقديري :)

******************************

قرناس لو اكتب إبيوت وقوافي
......................في مدحكم مايوفي المدح كيله
مادام عندك لي بقلبك ضفافي
......................فناْ بعد عنـــدي بقلبي مثيـلــة

شكر خاص وتقدير لك ياقرناس

[الحضري]

الله الله


صح لسانك ولاهنت يا بعدي وعسى الخير مقفي


تحيتي

[دغيم1]

السلام عليكم ورحمة الله وبركاته
يعطيك العافية أخي الكريم
وصح لسانك
لاشك أن المعنى في بطن الشاعر
فالإحساس والمشاعر عندما تختلط ، تتفجر ينابيع الحروف
فترسم على أسطر الحياة حكم ومعاني وآلام
لعلي أحسست بما بين السطور ،
أسأل الله أن يسهل أمرك وييسره
والصبر هو مفتاح الفرج

ماغــير صـــبر العــبد عالضيم كافي
.............................والســــــر مهما طال يظهــــر عميــله

تقبل تحياتي

[مراسل الليث]

مشكور يالقرناس والله يبيض وجهك

[مراسل الليث]

مشكور يالقرناس ولاهنت

[القرناس المهاجر]

الله الله




صح لسانك ولاهنت يا بعدي وعسى الخير مقفي




تحيتي



سلمت وبارك الله فيك :)

[القرناس المهاجر]

السلام عليكم ورحمة الله وبركاته

يعطيك العافية أخي الكريم
وصح لسانك
لاشك أن المعنى في بطن الشاعر
فالإحساس والمشاعر عندما تختلط ، تتفجر ينابيع الحروف
فترسم على أسطر الحياة حكم ومعاني وآلام
لعلي أحسست بما بين السطور ،
أسأل الله أن يسهل أمرك وييسره
والصبر هو مفتاح الفرج


ماغــير صـــبر العــبد عالضيم كافي
.............................والســــــر مهما طال يظهــــر عميــله



تقبل تحياتي


سرني مرورك وجزاك الله كل خير

[القرناس المهاجر]

مشكور يالقرناس والله يبيض وجهك


بارك الله فيك .. ولاهنت :)