قصيده وعظيه جميله جداً جداً

[بن عواض]

الاولــــــــــــــــــــــــــــــه يالله يالله يالله
يـامـن عـطـى مـــده ولا مـــن عـطــواه
يـاجــيــدٍ كــــــل الــخــلايــق تـــرجـــاه
ياخـالـقـي رافـعـلـك الـطــرف والـنــون
طـالـبــك تـغـفـرلــي ذنـــــوب ٍ عـلــيــه
شــي سـبـب لسـنـي وشــي مــن يـديـه
جـنـيــتــهــا يالله تــــهــــون عـــلـــيـــه
وتكتـب لـي التوبـة مــع مــن يتـوبـون
والـثـانـيـة طـالـبــك يـاعـالــم الــشــان
طالـبـك تهـديـنـي عـلــى دربـالاحـسـان
لامــن حـصـى ذنـبــي بـكـفـة ومـيــزان
وتـرجــح الاحـســان لاجـــوا بـيـزنـون
والـثـالـثـة طــالــب عــلـــي الـجــلالــي
طـالـبــك يــامــولاي تـلـطــف بـحـالــي
لامــا فـرقــت أهـلــي وجـمـلـة عـيـالـي
وامـسـيـت للـخـالـق مـقـبـل ومـسـنـون
والــمــوت حــــق ولا مـعـانــا تـنــكــار
مرسـل مــن الرحـمـن سـاطـي وجـبـار
لامــا حـصـل وقـتـه فــلا عــاد مـعــذار
يالله تـسـهـل مـيـتــة الـعـبــد بـالـهــون
تغـفـر ذنــوب العـبـد لا امـسـى لـحـالـه
حــطــوه فــــي لــحــد ثـقـيـلـه رمــالــه
لاعـد حسـب لاهـلـه ولاا زكــى عيـالـه
ولاعــد يـحـس لـلـي لــروده ينـوحـون
وفـــــــارق الــدنــيـــا ولام الــقــرابـــة
وامـسـى صديـقـه يلتـفـت فـــي ثـيـابـه
ويــقــول واوجــــدي لـسـقــم غــدابـــه
راح المسـيـر وكـــل الامـــة يـسـيـرون
هـــذا جـــوابٍ مـــن ضـمـيـري بـنـيـتـه
بـنـيـت هـــذا الـقـيـل يــــوم احتـسـيـتـه
هـــرجٍ صـحـيـح ولا جـوابــي غـبـيـتـه
وافـطـن اهــل الفـكـر والـلـي يـخـافـون
والــلــي بـيـعـمــل بــهـــذي الـتـمـاثـيـل
يسمـع جوابـي يـوم رديـت فــي القـيـل
يـلـزم سبـيـلـه لا عـلــى نـفـسـه يـعـيـل
الـلـي يـقـع مايـظـبـط الـعـقـل مـجـنـون
والا سـفـيــه ورايــــح فــــي الـغـوايــة
ويقـول يـا كــم مــن يخـلـق الله كمـايـة
رغـبــان فـــي الـدنـيـا أبـاخــذ هـوايــة
وحبلـهـا يـطـوى وهــم مـــا يحـيـطـون
واتسمعوا فـي ذا القيـل ياجمـع الامـات
هــذا الأمــل غــر الــذي قبـلـكـم فـــات
كــم مــن شـديـد بعافـيـة بعـدهـا مـــات
وامسى إهابه وراح في الأرض مدفون
واقــوا علـيـه اثنـيـن شـافــوا حـسـابـه
وان كـــان مـاهــوا صـالــحٍ واعــذابــه
لـوكــان مـايـقــرا قــــرا فــــي كـتـابــه
وشـــاف مـاســواه بـالـعـيـن والــنــون
واخـتـم بـذكـر الله عــدد نــور الانــوار
وأعــداد مــن لـبــى لبـيـتـه ومـــن زار
قبـر الرسـول الـلـي شفـيـع مــن الـنـار
صلـوا علـى المخـتـار يالـلـي تصـلـون

[ريف النشاما]

الاوله يالله يالله يالله = يامن عطى مده ولا من عطواه





ياجيدٍ كل الخلايق ترجاه=ياخالقي رافعلك الطرف والنون




طالبك تغفرلي ذنوب ٍ عليه = شي سبب لسني وشي من يديه
جنيتها يالله تهون عليه = وتكتب لي التوبة مع من يتوبون

والثانية طالبك ياعالم الشان = طالبك تهديني على دربالاحسان

لامن حصى ذنبي بكفة وميزان =وترجح الاحسان لاجوا بيزنون

والثالثة طالب علي الجلالي = طالبك يامولاي تلطف بحالي

لاما فرقت أهلي وجملة عيالي= وامسيت للخالق مقبل ومسنون

والموت حق ولا معانا تنكار=مرسل من الرحمن ساطي وجبار


لاما حصل وقته فلا عاد معذار = يالله تسهل ميتة العبد بالهون



تغفر ذنوب العبد لا امسى لحاله = حطوه في لحد ثقيله رماله

لاعد حسب لاهله ولاا زكى عياله = ولاعد يحس للي لروده ينوحون

وفارق الدنيا ولام القرابة = وامسى صديقه يلتفت في ثيابه

ويقول واوجدي لسقم غدابه=راح المسير وكل الامة يسيرون
هذا جوابٍ من ضميري بنيته = بنيت هذا القيل يوم احتسيته

هرجٍ صحيح ولا جوابي غبيته = وافطن اهل الفكر واللي يخافون

واللي بيعمل بهذي التماثيل= يسمع جوابي يوم رديت في القيل

يلزم سبيله لا على نفسه يعيل = اللي يقع مايظبط العقل مجنون

والا سفيه ورايح في الغواية = ويقول يا كم من يخلق الله كماية

رغبان في الدنيا أباخذ هواية=وحبلها يطوى وهم ما يحيطون

واتسمعوا في ذا القيل ياجمع الامات = هذا الأمل غر الذي قبلكم فات

كم من شديد بعافية بعدها مات = وامسى إهابه وراح في الأرض مدفون

واقوا عليه اثنين شافوا حسابه = وان كان ماهوا صالحٍ واعذابه

لوكان مايقرا قرا في كتابه = وشاف ماسواه بالعين والنون

واختم بذكر الله عدد نور الانوار = وأعداد من لبى لبيته ومن زار
قبر الرسول اللي شفيع من النار=صلوا على المختار ياللي تصلون


قصيدة ذات معاني سامية ،،،،،،،،،،،،،، لكن ترى المشرف بعيزمنا في الملحق


كوده يصبر علينا شوي ،،،،،،،،، تعرف هذا خيمه مال كشتهي :rolleyes:

[بن عواض]

جعلك في الجنه ياريف النشاما
لك الله إني أعدل في القصيده يجيني هذا الانجليزي إلي أكل مخي
شكراً شكراً رايتك بيضاء

[جرير]

زين اللي قربت ابو عبدالعزيز هالقصيده
اما المشرف ماغير يتغمس بهالغدران نسي الاشراف الله يخلف شايب ولقالة علثه ينحاش من هالبزران

[دغيم1]

السلام عليكم ورحمة الله وبركاته
يعطيك العافية أخي الكريم
قصيدة رائعة وتحاكي الرب وتلتمس ماعنده من الجر والغفران
فيها من الحكمة والموعظة
سلمت يمينك
أخي
أبو أحمد
ماتاخذ معك واحد ثاني
مثلك يعاني
تحياتي