استفسار عن خيمة البيرق

[هاوي المواتر]

السلام عليكم ورحمه الله وبركاته



ياشباب اسألكم عن خيمة البيرق من القاضي للخيام


هل هي استعماليه ؟؟؟



كم سعره عامود واحد ابي ؟؟؟




هل تنصحووون بخيمه اخرى ؟؟؟








اكو ممتن لكم اذا جاوبتوني ...

[مالوكو]

السلام عليكم انا مجرب عدد كثير من الخيام ولم اجد افضل من البيرق خفيفة وسهلة التركيب والفك.....

[إعصار]

البيرق ممتازة ..




لكن ..؟؟ الدعوى صارت ما تنطاق وانا أخوك .




كل أسعارهم مرتفعة على لاشي .. تصدق حتى الي في المعرض قديمة رفعو سعرها ..





ليه عسى ماشر تبيع شي مصلحه من زمان وبتكلفة قديمة .. بسعر الجديد الي ارتفع على غير سنع ..



والله كنت ناوي على وحدة .. بس الشباب في المنتدى ماقطعين القاضي حتى يرجع أسعاره ..



ياخي ماهي معقولة .. كل شي يرخص .. يجي هو ينط يغلي على أيش ..





داري طولت عليك لكن والله شي في الخاطر .. غصب أطلعه ..



:)

[هاوي المواتر]

مشكوورين يا اخواني على المرور انا بشوف سعره ثمن افكر انا صراحه حدي 500 ريال ...

[sedrh]

الله يعينك لو تزود عليها شوي راح تفصل احسن من البيرق :good:
لا تنجرف ورى الدعايه حتى البيرق لها عيوبها على كلام بعض الشباب
اشوف خيمة الفرسان افضل منها لكن مشكلتها انها من القاضي :no2: و انا مع الأخوان مقاطع :good:

[altheeeb79]

اخي الكريم

الخيمه حلوه وخفيفه وسهلة التركيب والفك0000 واعتقد ان سعرها ارتفع بشكل خيالي ومبالغ فيه جدا00يعني نهب بنهب 000 ملاحظه مهمه :الماء يدخلها وهذا الكلام مبني على تجربه شخصيه0

قبل يومين طلعت كشته وكان احد الاخوان معه الخيمه وباليل عطانا الله الخير صحيت الصباح ولقيت تحت فراشي ماء من المطر مع العلم اني كنت نايم في وسط الجهه التي لايوجد فيها ابواب 00يعني الماء دخل من الشراع0

[الشاهين2004]

القاضي رفع اسعاره بشكل غير معقول

[عا سبيل بر]

القاضي رفع اسعاره بشكل غير معقول

كانت خياري

بس مع الشباب

مــــــقاطـــــــــــــع

[الهمده]

والله انا شاريه من سنتين او اكثر ماشاء الله خفيفه وسهلة التركيب اما عن تهريب الماء العام الماضي كنت كاشت وامطرت علينا وكانت تهرب خفيف او بالاصح كانت تندي بس لكن انا اشوف مالها مثيل وعلى فكره تراها عمودين . اما عن سعر فانا مثل ماقلتلك شاريه قبل سنتين قبل الغلا وقلة الحيا الي صارت . ويقولن انهم طلعوا شي مبطن من داخل بس ماشفته .

الله يرزقك خيمه تملى عينك

[ألخشيبي]

اخوني كل ادلى بدلوه لكن ماافيكم من قال سعرها
ياليت احد يتفضل ويقولنا عن سعرها

[هاوي المواتر]

مشكورين اخواني على اراكم انا خلاص مقاطع معكم...

[احمدالدمام]

عليكم بخيمة الصقر

[subr]

اجل سعر غالي على غير سنع

[big boss]

سلام عليكم
انا مجربها خيمة البيرق 4*4 مبطنه من الداخل ممتازة
سعرها 1750

[هاوي المواتر]

الله اقولك مامعي الا 500 او بالكثير 650 ريال ...

من وين لي 1750 كان فصلت ابرك لي ...

[عاشق السيل]

بصراحة إنها على بالي بهالموسم لكن إذا كانت الأسعار ارتفعت فأنا معكم مقاااااااااطع !!!


قبل فترة أشوف السنيدي مسوي نفس خيمة البيرق بالضبط لكن بسعر أقل ،، طبعا لأنها أقل جودة لكنها مناسب للبر واللي يحافظ عليها تعيش معه تمام !!


وعلى فكرة أخوي ترى بهالوقت ما تلقى خيمة تسرك أقل من 800 ريال ،، والله يعينك !!

وتقبل مروري يالغالي .....

[هاوي المواتر]

اجل مالي الا افصل ...

[راعي المقانيص]

خيمة الشبح وانا اخوك سعرها 650 ريال عند القاضي وانا اشتريتها قبل اسبوع تقريبا لان والله مظطر لابعد درجه وقبل لا اشتريها طبعا شاورت الكثير فيها ونصحوني بها والشباب هنا ماقصروا بيض الله وجيههم

[هاوي المواتر]

لو سمحت اخوي راعي المقانيص ممكن تنزل صور له ؟؟؟

وممكن تعلمن جربته بالمطر اخاف تبدأ تخر علي ...

[راعي المقانيص]

ابشر ياغالي

هذي صورة الخيمة

http://dehraan.com/up/uploads/8842f95cad.jpg

وللاسف ياغالي ما اقدر افيدك لاني ماجربتها لحد الان وانا سبق واني ذكرت بردي السابق اني مشتريها قبل اسبوع ولكن على ذمة الاخوان الي جربوها والي ذكروا لي انها ممتازه جدًا ولا احد عطاني لها عيوب وانها ثابته ماتتحرك ولا يهزها الهواء ولا تندي بالمطر مثل البيرق

ان شاء الله قدرت افيدك لو ببعض المعلومات والاخوان هنا اكيد عندهم خلفيه عنها اكثر مني ياغالي

[هاوي المواتر]

الله يجزاك خير اخوي راعي المقانيص كفيت ووفيت ...

[الاحداثي]

أخي الكريم..
أخوك جرب كثير من الخيام وللحقيقة والأمانه لم أجد أفضل من البيرق ويوجد مع الأسف في السوق تقليد لها من محلات معروفه ولكن هذه المقلده خامتها خفيفه وتهرب الماء ولا تصمد في مقاومة الرياح..
لا تحتار أخي العزيز وأسأل المجربين فالبيرق هي أفضل خيام المكاشيت فخامتها متينة وسهلة الفك والتركيب ومعالجة ضد التعفن والفطريات وأرضيتها من البي في سي المتين ولا تهرب الماء وللأبوابها شبك حماية ( تور ) للحماية من الحشرات وله مظلة أمامية وغيرها الكثير من المواصفات الرائعة..
أتفق مع البعض بأن سعره إرتفع ولكن نظرا لمميزاتها الرائعة فقيمتها فيها فأ نت تشتري ساعة بــ 25 ريال وفي المقابل هناك ساعة بـــ 2500 ريال وكل يشتري ما يوافق إمكانياته..


لك خالص حبي وأرجو أن أكون قد وفقت في تعليقي..

[القناص]

اللي يبي الزين يرخي الدراهم

البيرق المبطنه ام 1750 هي اختيار الكشاته

لكن السعر شوي غويلي.. :(

[طرقي سدير]

اللي يبي الزين يرخي الدراهم

البيرق المبطنه ام 1750 هي اختيار الكشاته

لكن السعر شوي غويلي.. :(

الغالي دواه المقاطعه

[هاوي المواتر]

أخي الكريم..

أخوك جرب كثير من الخيام وللحقيقة والأمانه لم أجد أفضل من البيرق ويوجد مع الأسف في السوق تقليد لها من محلات معروفه ولكن هذه المقلده خامتها خفيفه وتهرب الماء ولا تصمد في مقاومة الرياح..
لا تحتار أخي العزيز وأسأل المجربين فالبيرق هي أفضل خيام المكاشيت فخامتها متينة وسهلة الفك والتركيب ومعالجة ضد التعفن والفطريات وأرضيتها من البي في سي المتين ولا تهرب الماء وللأبوابها شبك حماية ( تور ) للحماية من الحشرات وله مظلة أمامية وغيرها الكثير من المواصفات الرائعة..
أتفق مع البعض بأن سعره إرتفع ولكن نظرا لمميزاتها الرائعة فقيمتها فيها فأ نت تشتري ساعة بــ 25 ريال وفي المقابل هناك ساعة بـــ 2500 ريال وكل يشتري ما يوافق إمكانياته..



لك خالص حبي وأرجو أن أكون قد وفقت في تعليقي..



مشكوور اخوي على النصائح بس دخلت راسي الشبح

[هاوي المواتر]

اللي يبي الزين يرخي الدراهم

البيرق المبطنه ام 1750 هي اختيار الكشاته

لكن السعر شوي غويلي.. :(

ان لو عندي دراهم ما لقيتن اشاور بس الدراهم قليله

المقاطه خير دواء

[ابوعلي1385]

البيرق عندي من أكثر من سنتين ، وإليك المفيد :

مزايــــــــــــــــــــاهــــــــــــه :ـ

* خفيفة الوزن
* سرعة النصب (كذابه !!!)
*( ينصبها) شخص واحد
* لايدخلها ماء

عيــــــــــــــــــــــــوبهــــــــا :ـ

*غيرعملية ( من حيث قواعدها ألأربع التي بداخل الخيمة ، وبدونها لايمكن نصب الخيمه، وكذلك قاعدة العمود الرئيسة التي بوسط الخيمة )
* مع الهواء يحصل "قرقعة بالمواصير ( تنكد عليك)
* بوسطها عمود يضيع عليك جزء من مساحتها ( ويتبين لك ذلك عند ألإجتماع على ألأكل)
* لايوجد لها قطع غيار
* (بااااااااااارده) حيث ان قماشها غير مقاوم للعوامل الخارجية ( يعني لايقارن بقماش التنزاني إطلاقا لامن حيت الدفء ، ولا قوة التحمل )
* ارضيتها (بلاستك) مخيوط بالخيمة ( قطعة واحدة) وهذا يتعبك كثيرا عند تنظيفها ، بعد كل طلعة " تتمنى المكنسة الكهربائية لشفط ألأوساخ "
* غلاء سعرها ( 1750 ) ريال ، لا لجودتها وإنما لجشع وطمع وإستغلال موردها ( رفع سعرها مرتين )

[ساكت]

ليتك تقدمت شوي قبل لاحلته
العيب الكبير لاهب الهواء بدات القرقعه

اتكلم عن البيرق حقت القاضي مقاس 4 في 4

احترامي للجميع

[اقرب جهاز]

خيمة البيرق لها فتحة بالارضية البلاستيك لعدة استخدامات وانا مجربها ويمكن تنظيف الخيمة من خلال هالفتحة
وبالنسبه لقطع الغيار انا شاري مجموعة الاعمدة لاني ضيعت الاعمدة الاوله حقتها

[سرهيد]

السلام عليكم

البيرق هي الخيمة حقيقة وكنت اوصي بها دوم

لكن الآن بعد ارتفاع الاسعار ، فلا اوصي بها

سعرها اصبح لا يطاق فعلا

[هاوي المواتر]

البيرق عندي من أكثر من سنتين ، وإليك المفيد :

مزايــــــــــــــــــــاهــــــــــــه :ـ

* خفيفة الوزن
* سرعة النصب (كذابه !!!)
*( ينصبها) شخص واحد
* لايدخلها ماء



عيــــــــــــــــــــــــوبهــــــــا :ـ

*غيرعملية ( من حيث قواعدها ألأربع التي بداخل الخيمة ، وبدونها لايمكن نصب الخيمه، وكذلك قاعدة العمود الرئيسة التي بوسط الخيمة )
* مع الهواء يحصل "قرقعة بالمواصير ( تنكد عليك)
* بوسطها عمود يضيع عليك جزء من مساحتها ( ويتبين لك ذلك عند ألإجتماع على ألأكل)
* لايوجد لها قطع غيار
* (بااااااااااارده) حيث ان قماشها غير مقاوم للعوامل الخارجية ( يعني لايقارن بقماش التنزاني إطلاقا لامن حيت الدفء ، ولا قوة التحمل )
* ارضيتها (بلاستك) مخيوط بالخيمة ( قطعة واحدة) وهذا يتعبك كثيرا عند تنظيفها ، بعد كل طلعة " تتمنى المكنسة الكهربائية لشفط ألأوساخ "
* غلاء سعرها ( 1750 ) ريال ، لا لجودتها وإنما لجشع وطمع وإستغلال موردها ( رفع سعرها مرتين )



طيب اخوي وش تنصحن ؟؟؟

[عبسي4800]

السنيدي

عطي الله فصل نفس الخيمه وقماش تنزاني

وسعر خياااااالي

بس انتبه لشي واحد


افحص الخيمه قبل تحرك من المحل

علشان اذا صار فيها مشكله او شق تغيرها علا طول

[عبسي4800]

السعر مايتعدى

800 ريال

[النشمي11]

اخي

اللي بدون بطانه تلقاها عند جيان مسوين عليها عرض ب 1250

لكن مريت السنيدي ولقيت عندهم اختها ب 800 فقط

وخل ال 450 في مخباتك

[ولد الأجاويد]

يالحبيب مر السنيدي وشف خيامهم والله إني استخدمت الخيمة الهرمية
2*3 و 3*4
أقسم بالله ما مثلها لا تأخذ مكان بالسيارة ولا تتعبك في نصبتها لأنها مواسير بلاستيكية تسقطها في بعض وتدخلها في محل مثل الجسر ويبغالك واحد معك لنصبتها
لا تدخل موية ودافية وأسعارها رخيصة جداً مقارنة بأسعار الخيام

والخيمة اسمها الصمان

اشترها وعني ماجاك
واترك عنك القاضي وطمعهم