فزعتكم سفاري موديل95 ازرق لوحة ح ك ط216 مسروق

[نديم الحيا]

السلام عليكم ورحمة الله وبركاته

فزعتكم يالنشامى موتر الوالد انسرق اليوم من قدام مدرسة ابن باز الثانوية في حي الورود في الرياض

السيارة جيب سفاري موديل 95 جي ال لونين ازرق ورصاصي وماريته جنوطه بيض ماهيب نيكل

مثل جنوط موديل 91 وفيه صدمة في الصدام الأمامي تكفون الفزعة

مشرفنا الغالي انا عارف ان مكان الموضوع في خيمة المفقودات

لكن حبيت انه يطلع عليه اكبر عدد ممكن من الناس ياليت تترك الموضوع ساعتين ثلاث قبل النقل

[abdul]

الله يرده علليكم .... ويخزي السارق ...

وش انسوي ....من أمن العقوبة اساء الأدب

[سبع المكشات]

الله يرده لوالدكم

والله يخزي السارق

وأكيد تبي تلقاه يطاعس فيه بالثمامة أو حولها

لكن عمموا بالكنود في الثمامة وألي حولها

[الملك المتوج]

للتذكير

أغلب السيارات المسروقة يتم تغيير جذري في شكلها الخارجي فقد توضع تظليلة أو أضافة ستكرات أو تغيير لوحات إلى
الله يرده لك عاجل غير آخل

[الروقي نت]

العقلان على الله

[عسّاس المطر]

يعقلها الله
لكن الخسيس عرف يوقت لسرقتها هاف عليه البر جعل يهفه اللي ماياويله

[ابو ايمن]

الله لايوفق اللي سرقه ان شاء الله انه مايربح

ويرد موتركم لكم وانا اخوك ..

لايضيق صدرك . يعوضك الله بأفضل منه او يرده لكم سالم

ندعي لكم

[altargay]

الله حسيبه
وعسى الله لا يوفقه انشاء الله

بنتشوف له

[شاهين2]

اسال الله جامع الناس في يوم لا ريب فيه ان يجمع بينك وبين ضالتك

[سعد السبعاني]

اسال الله جامع الناس في يوم لا ريب فيه ان يجمع بينك وبين ضالتك
ويجمع بين وبين ضالتي

[moon222]

اللهم ان كان في سابق علمك ان تهدي السارق
فاهدة عاجلا غير آجل يارب العالمين واجعله يرجع ماسرق
وان كان في سابق علمك ان لاتهدي هذا السارق فخذة اخذ
عزيز











اخوكم moon222
aaa.999.sss@hotmail.com

[نديم الحيا]

الله لا يحرمكم الأجر ويرد كل ضالة لراعيها

مازال البحث جاريا

[نديم الحيا]

الحمد لله والشكر لله

ابشركم الدوريات الأمنية اتصلوا علينا فجر يوم الجمعه

والسيارة الحمد لله مثل ما خذوها سالمه

لك الحمد والشكر يارب

اشكر كل من رد على موضوعي واسئل الله ان يرد كل ضاله لراعيها

[العتيبي 88]

لاحول ولاقوة الا بالله

حسبي الله ونعم الوكيل

الله يخليلك الوالد ياارب

ويخليك له

أن شااء الله تحصلونه ياغالي