وزن الطير

[bo jara7]

السلام عليكم
ياجماعه الخير انا عندي طير طوله 18 والعرض 17 ونص والطير شرس مشالله عليه ولكن اذا شاف الدجاج الحبشي (دجاج خيبر) يخاف من وجهها و نسرته عليها اكثر من مره ولكن بعد يوم اجيبله صاحيه يشوف وجها يصيح ويوخر عنها ما يبي يطقها كلش؟
فهل المشكله في وزن الطير؟ تكون صنعته زايده وكم الوزن الي ينصح فيه بالنسبه لحجمه ؟
وهل في طريقه ثانيه تخلي الطير ما يهاب اي شي قدامه ؟

يرجى من اهل الخبره في المنتدى المشاركه و ان يعطونا الحلول الطيبه
وبارك الله فيكم

وسلام عليكم

[طير المري]

انشالله الاعضاء يفيدونك
تقبل مروري

[hawwamT]

هذه طبوع طير تفريخ والله اعلم

[مفقش الشري]

اتوقع حسب قلة خبرتي ان الطير حقك يومه فرخ متودس في صدره من هالدجاج او خرب لشان كذا صار عنده رهاب من كل شي اكبر منه حجم واحسن شي له سوق الطيور وسلامتك

[الكافي]

كم عمر طيرك يا ابو جراح

[أبو أمين]

هذه طبوع طير تفريخ والله اعلم


انا اخالفك الراي لان طيور تفريخ تجي فيها شجاعه غير طبيعيه بس على حسب الصقار ومشكوووووور

[الرّمااااي]

السلام عليكم ورحمه الله وبركاته
اولا الاستنتاج ان الطير تفريخ وانت ماقلت ولكن اتوقع
ثانيا ياليت نعرف من اي مزرعه او اذا انت من الكويت من اي مربط مشتري الطير
ثالثا هل يهد علي غير الخيبر من نفس الحجم مثل الرومي الصغير او الفزن او الدجاج او البط
رابعا هل الطير مايجي علي الملواح او الحمام من بعيد
بصراحه عندي اسئل كثيره لاني الموسم الي طاف كان عندنا طير مثله تقريبا وبعد الجواب راح اعطيك الحل ان شاء الله وشكرا

[روووح]

اخوي ابي اعطيك حلول وان اشاء الله تفيدك
الاول هات دجاجه حبشيه ميته وخله ينسر منها بدون ما يشوف وجهها واذا نسر مرتين او ثلاث خله يشوف وجهها من بعيد يعني لا تقربه منه او هده عليها والدجاجه مبرقعه حتى يتعوده او جب له دجاج عادي ارقط مثل الحبشي وهده عليها

وفيه طريقه للطير اللي راسه يابس اربط نسر في ظهر الدجاجه واترك الطير ياكل منه شوي وبعدين اربط طيرك وهد على الدجاجه طير ثاني واترك طيرك يشوف بعدها كرر الحركه مره ثانيه بس لا تهد الطير الثاني هد طيرك بعد ما تبعد الدجاجه وان شاء الله تفيدك الحلول

[أبوتركي]

احسن حل لك وانا اخوك انك تتيب بوز الدجاجه ,, عشان صوتها مايطلع ,, وتهده عليها ,,ومع التنسير بيضبط ان شاء الله ,..

[bo jara7]

السلام عليكم
الطير ياجماعه يطلع على البط وعلى الفزن ويلحق الكروان وصاده ويجي على الملواح من كيلو ونص مشالله
والطير بكر وجاي من الامارات

[الرّمااااي]

ماشاء الله دام هذي علومه زين اكثر الطيور ماتجمع المواصفات هذي والحبشيه مو مشكله المعني الحباري وشكرا