يانجد يادرة الاوطان (من يكمل القصيده)

[جرير]

يانجد يادرة الاوطان=ياسلوة النفس واسرها
جاك الحيا من عظيم الشان=منشي المخاييل وامرها
ملا الصياهد مع الشعبان=والنفد فاضت محاجرها
تصوير من روعة الفنان= رب المخاليق عامرها
يامحلا شوفة الريضان =من بعد ماهل ماطرها
وين انت يامبدع القيفان=نبي توصف مناظرها

[دغيم1]

السلام عليكم ورحمة الله وبركاته
حياك الله أخي الغالي
أبو أحمد ( جرير )
صح لسانك

نجد جاها الحيا من المنان

تمنيت لو كنت جزء من شاعر
حتى أكتب مايتزاحم في صدري
ولكن ........!!

وش حيلة اللي عيت الخواطر له تجود
ماقدر يبني من حروف الشعر لو بيت

تحياتي

[جرير]

هلا والله بابو فيصل طلتك عن قصايد
ولكن مانرضي الا بكم بيت
وما يجي منك زين اعصر المخيخ الين تظهر القريحه الشعريه

[راعي الجيب ®]

خضارها يطرب الولهان *** وكل المخاليق ياسرها
يفرح به البدو والحضران *** هذي حقيقة .. وخابرها

[ابو الفهدة]

صح لسانك والله يعطيك العافية

[مـاجـد الحـمـيـد]

الغالي \ جرير


حياك الله طال عمرك ...... وانا لها ..... مثل مايقولون ....


لي رجعة ولن اتأخر ان شاء الله ...



تحياتي ..\\

[الشاهد1]

مشرفنا الغالي جرير
صح لسانك
ليتك تشرح لي هالبيت اني مافهمته
معك علم العمر له دور


تصوير من روعة الفنـان
رب المخاليـق عامرهـا

[الرحال الجديد]

اولا شكرا لك اخي على هذه الابيات الجميله جدا .واعجبتي جدا جدا ودفعتني لان اكتب ؟؟
...........................................
عقب المطر فـــاضت الشعبان ،،،،،،، ومدت بعد عن محاجـرها
يعطي إلاهـــــي بلا ميــــزان ،،،،،،، الواحـــد الفـــرد وامـرها
الناس كبت على البـــــــــران ،،،،،،، راحت تتبــع مماطــــرها
شوف الصحاري مع الريضان ،،،،،،، عقب المطـــر ماتصورها
في وسط نجد وصلنــــا علان ،،،،،،، وادي الرمه شق خاطرها
راحت اسنين وهــــــو شفقان ،،،،،،، والارض جفت مصـادرها
راعي المزارع صفق ندمـــان ،،،،،،، من وين يسقي بــذايـرها
واليوم بعـــد المطر فرحــــان ،،،،،،، حتــى المهاميل صــدرها
............................
وسلامتم

[مـاجـد الحـمـيـد]

الغالي / جرير ... استلم يابعدي .... لو انها جت على عجله ... لكن العذر على القصور ...



ستة ابيوت(ن) على الميزان = مشيت معها وامترها
شفته وانا خاطري ولهان = شاعر ومعجب بشاعرها
جيتك على وراد النيسان = 2009 على آخرها
جيتك وانا خاطري شفقان = وانته على الروح تامرها
ياما حلا جلسة مسيان = بأرض(ن) به السيل حافرها
فيها ام سالم تجر الحان = للحين ماطاب خاطرها
الأرض خضراء مع الجيلان = والسيل ناقع بحايرها
مناظر(ن) تسكن الوجدان = وعيون الأجواد تسحرها
قلته وانا رجل الميدان = والروح فاضت مشاعرها
مابالخلا يابعد من جان = كود الاناسه لزايرها




وسلامك .... وسلامة الجميع ....



تحياتي ..//

[جرير]

يانجـد يـادرة الاوطـان
0000000000ياسلوة النفـس واسرهـا
جاك الحيا من عظيم الشان
00000000منشي المخاييـل وامرهـا
ملا الصياهد مع الشعبـان
000000والنفد فاضـت محاجرهـا
تصويرروعة من الفنـان
00000000رب المخاليـق عامرهـا
يامحلا شوفـة الريضـان
000000من بعـد ماهـل ماطرهـا
وين انت يامبدع القيفـان
00000000نبي توصـف مناظرهـا
خضارها يطرب الولهان
000000000وكل المخاليق ياسرها
يفرح به البدو والحضران
00000000هذي حقيقة .. وخابرها
عقب المطر فاضت الشعبان
0000000ومدت بعد عن محاجرها
يعطي إلاهي بلا ميزان
00000000الواحد الفرد وامرها
الناس كبت على البران
00000000راحت تتبع مماطرها
شوف الصحاري مع الريضان
0000000عقب المطر ماتصورها
في وسط نجد وصلنا علان
000000وادي الرمه شق خاطرها
راحت اسنين وهو شفقان
00000000والارض جفت مصادرها
راعي المزارع صفق ندمان
00000000من وين يسقي بذايـرها
واليوم بعد المطر فرحان
000000000حتى المهاميل صدرها
ستة ابيوت(ن) على الميزان
000000000مشيت معها وامترها
شفته وانا خاطري ولهان
00000000شاعر ومعجب بشاعرها
جيتك علي وارد النيسان
02009000000000000علي اخرها
جيتك وانا خاطري شفقان
000000000وانته علي الروح تامرها
ياماحلا جلست مسيان
00000000بارض به السيل حافرها
فيه ام سالم تجر الحان
0000000000للحين ماطاب خاطرها
الارض خضرا مع الجيلان
00000000000والسيل ناقع بحايرها
مناظر تسكن الوجدان
00000000وعيون الاجواد تسحرها
قلته وانا رجل الميدان
0000000والروح فاضت مشاعرها
مابالاخلا يابعد من جان
000000000كود الاناسة لزايرها

[saas2008]

بسم الله الر حمن الرحيم

اخي صاحب المشاركه

هذا البيت فيه خطأ كبير جدا بهذا الشكل وخطأ يتعلق بأسم الخالق سبحانه (من المفترض ان يقول الشاعر

تصويرمن روعة المنان^^^^^^ رب المخاليق عامرها

وليس

تصوير من روعة الفنـان

رب المخاليـق عامرهـا



اعرف ان الخطا غير مقصود والله يعلم بالنوايا

تقبلوا احترامي

[احمدالدمام]

صح لسان الشاعر الفنان 00000 الي حكرها والذي بهرها

[مغربل الكايد]

بيض الله وجيهكم يالذيابة

كفيتوا ووفيتوا

وفالكم البيرق ولابكم حيلة

متأثر بشاعر المليون:d

صح لسانكم ولاعدمناكم

[جرير]

ماقصرتوا خلوها
اخي sas2008
حياك ملاحظتك مقبوله ومشكور \ولكن المقصود كان تصوير الفنان وهو المصور الفوتوغرافي اللذي ابدع بتصوير مناظر الامطار والربيع وهذه الصورهي التي اوحت بالابيات
(تصوير روعه من الفنان) اي ابداع رائع من المصور ولم نقصد بالفنان الله سبحانه وتعالي
.. لك التحيه

[العمدة ابو صالح]

مسائك خير
برائحة العطر ولون الزهور
كلماتك لها صداها في النفس
العاشقه للمكان والطبيعه الخلابه
ونجد وأهل نجد ونعم فيهم
اللهم احفظ هذه البلد واحفظ شبابها
وعزهم بدينك يامن ساق السحاب وأنزل المطر
الله يعطيك العافيه
على هذه القصيده
يابو احمد
والاعضاء