سؤال صعب -وش لون السبوق

[محمد الفهيد]

السلام عليكم

سؤال صعب انسألت فيه يوم السبت الي طاف وش لون سبوق طيرك
طبعا الطير ضاع من واحد من الربع يوم كان يدعيه وعلينا هوا

والمهم ان الطير في حجل فيه الرقم وطاح على واحد امين واتصل علي وسألني وش لون السبوق
فكرت وحصلت نفسي ماذكر لونه

وعلى طول رقعتها وقلت الحجل فيه الرقم ويكفي عن السبوق

أبي كل واحد ايعرف سبق طيره يذكره الحين او يكتب ماأدري:)

امتحان بسيط

[شيخ الشرقية]

وعليكم السلام ورحمة الله وبركاته

الجرير بيج والسبوق أخضر على أزرق

ومبروك عقلان الطير

تقبل مروري

[قنيص غبر]

ههههه والله انها وهقه .. بس لاني من قريب مبدل سبق الطير عارف لونه :) .. بني غامق مع احمر ....

[محمد الفهيد]

شيخ الشرقيه : ايهنيك خير ياغالي

قنيص : بالنسبه لو ضاع الزير كلن بيعرف وصفه هههههههههههه
اتصل على اقرب واحد قاعد على النت عشان ايأكد لون سبوقه

شاكر مروركم وشرفتونا

[شاهين2007]

تستاهل العقلان اخوي
الله العالم وان كان ماخانتني الذاكره
الحر لونه بني وخضر والمرسل والسبوق نفس اللون
والشيهانه اخضر وابيض
ولازم اتاكد :)

[مدماك]

مشكور يعطيك العافيه على هذا التنبيه......الحر لونه زيتي (اخضرغامق)الشاهين عنابي (احمر غامق)

[وَسَام!]

احسنت يادكتورررررر:d :d :d

[قلب شاهين]

عندي شيهانة بحرية ضايعه مني من 4 سنين او 3 سنين وللحين اذكر سبوقها :) آصفر مع آسود لأن قبل ماتضيع بيوم مغير لها السبوق وكل شي ،،

وضاعت مني جبلية بس لون سبوقها ما اذكر ،،

والحر سبوقه اممممم ابيض مع اخضر اذا ماني غلطان ،،

والوكرية سبوقها رصاصي ،،

لاهنت على الموضوع ،،

تحياتي / قلب شاهين ،،

[الصقارالصغير]

والله وانا اخوك محد يحدد انت الى تحدد وهو طيرك

[الكافي]

الحمدلله على عقلان الطير

بس شف ادنى الاشياء ما نعطي لها بال

بس بعدين نعرف كبر اهميتها

[عوق الخريش]

لاأدري والله لانه مايهمني

[@قرناص@]

..

الطيره اليوم شآيفها ولا اعرف وش..

الظآهر بني مع ابيض

,,

[محمد الفهيد]

تحياتي للجميع وشاكر مروركم

[مصيول]

هذا اللي لقي الطير ماشاء الله علية فطين

مطلع الرقم من الحجل ويسأل ايش لون سبوق الطير

وش ذا الذكاء!

[محمد الشامان]

الوكري اصفر مع اسود

الشيهانه احمر مع ابيض

[هواي داورد]

طيري ياطويل العمر لونه سبوقه شفاف


ههههههههههههههههههههههه


تدري ليه


لان ماعندي طير خخخخخخخخ


دعواتكم ياشباب بالطير + الجيب

دبلت كبدي الكورلا


ومبروووووووووووك عقلان الطير

والله إن فرحت لك

[عاشق البسيتين]

لابد الواحد يكون حافظ طيره

[محمد الفهيد]

باسترد : تسلم من طيب قلبك ، والله يرزقك الأشقر والجيب والصيد

شاكر مروركم وشرفتوني

[جارح العين]

ابييييييض مع شوي دم

[حزام سبيع]

موضوع زين
شكرن

[نبع الدموع]

ابيض مع يا برتقالي يا احمر
و لو انك سائلني امس او قبل ما اتم على طير واحد كان جاوبتك ما ادري

لان البارح عقب الدعو فكيت جرير باقي الطيور من الشبة و خليت جرير عزام

اهم شئ الحمد لله على العقلان

[محمد الفهيد]

ابيض مع يا برتقالي يا احمر
و لو انك سائلني امس او قبل ما اتم على طير واحد كان جاوبتك ما ادري

لان البارح عقب الدعو فكيت جرير باقي الطيور من الشبة و خليت جرير عزام

اهم شئ الحمد لله على العقلان

أفى وش الطيور الي فكيت جريرها ؟؟