يمدين والا لأ ؟

[عاشق-القمرى]

السلام عليكم .. اخوكم محمد من الكويت وهذى أول موضوع بالمنتدى وأحب اشوركم ..... لى اقارب بالقصيم ( المذنب ) وان شاء الله الخميس أو الجمعه بزورهم .. الحق على شى ؟؟ مع العلم ان طريق سيرى الكويت الحفر ام الجماجم الأرطاويه الزلفى ام حزم المذنب .. ألقى شى على دربى ؟؟ ويمدينى على الوادى والا لأ ؟ ومشكورين

[السنع كله]

يمديك الخير واجد في طريقك وبعد وصولك الله يحييك وتفضل زرنا ترانا على دربك 0الزلفي تحييك وتفرح فيك وعلى الرحب والسعه

[اسير الغضا]

يمديك بالزلفي ان كنت مار من عنده وبما انك قلت المذنب اخطم على عنيزه كلنا جيران

[عاشق-القمرى]

الله يجزاكم خير .. والنعم بأهل الزلفى وعنيزه بس اللى بقهوينى شرط على طعس بالنفود .. تراى أتغشمر ( أمزح ) .. مشكورين يا اخوان على هالبشاره

[محب الكرك]

يمديك وعلى دربك لاتنسى تمر السبله والكسربالزلفى

[أبو المثنى]

بإذن الله يمديك
مر على الشماسية لتشاهد تجمع مياه الوادي فيه على يمين ويسار الطريق المؤدي من الشماسية - الربيعية - بريدة
منظر جميل ورائع جدا
وحياك الله بين أهلك وإخوانك

[عاشق-القمرى]

جزاكم الله خير ... يا اخوان

[رمش الغزال]

الله محييك يمديك يالغالي واشكر اخواني بترحيبهم فيك اذا جيت مر على الزلفي وشف وش فيها من خيرات ربي وبعدها لاتنسى اخواننا بالغاط يالله من فضلك الامطار مغريه وبعدها نرحب فيك في بريده يازينها قبل وبعد المطر تبي تشوف شي ماشفته بحياتك اذا تبي الوادي فسبحان من سيله وساقه واذا تبي قاع الطرفيه الله اكبر كله بحيرات وبعد ما نقوم بالوجب مر على عنيزه يازينها وناسها ولا تنسى الغضى تمره وبعدها الذنب حلتت عصا رويانه من خير ربي..

[عصا الترحال]

يمديك على كل الخير ياوجه الخير

[رهج السنابك]

حياك الله أخوي ..بديرتك الثانية ..وتراك ضيف علينا بالمذنب قل تم ..
وأي شي تامر فيه حنا بالإستعداد,
إن شاء الله بتلقى أشياء .. مدن القصيم متقاربة يمديك بيوم تاخذ جولة كاملة .