اماكن التنزه للعوائل في الرياض ؟

[بوكوارة]

السلام عليكم ورحمة الله وبركاته ومبارك هالخير.
اخواني ماهي افضل الأماكن للتنزه للعوائل ؟ شاكر لكم .

[باني طوية]

انا ما اعرف الا الثمامة

[القلب المحروم]

باني طويه باي مخرج هذه الصوره الجميلة وكم تبعد عن الرياض

اماكن العوايل كثيرة بالرياض

[المسافرالقديم]

كل ما ابعدت عن الرياض كل ما كان افضل
عندك جهة رماح وروضة خريم والشعبان اللي حولها او عندك طريق القصيم حول الحسي اوقبل الحسي بشوي
لكن الثمامة ازعاج للشباب فما بالك بالعوائل

[عبدالعزيز 99]

والله يالطيب على حسب نوع الطلعه
أذا كانت كشته بسيطة ,, يعني ابو اربع أو ثلاث ساعات
فيه مكان جيد ,, بعد نزلت الزدية في شعيب على اليمين حلو وكله عوائل

[ملاعب الذيب]

منتزه الثمامه احسن وافضل وانظف وامن مكان في الثمامه للعوائل 0 وسكر على الموضوع 0 خميس وجمعه تنسيك رقم جوالك صدقني شبه نار وسوالف وسعه صدر 0

[الرررحال]

ياخوي ابعد عن الثمامة وضواحيها,,,قمة في الازعاج,,,والاماكن الزينة مليانة بالشباب ,,,,

عندك روضة المحليه والخرارة مكان طيب للعوائل وبالاخص المحليه حول نساح,,,

ولك حرية الاختيار

[k.a.z]

السلام عليكم ورحمة الله وبركاته،،
كما تفضل الأخ/عبدالعزيز99، على حسب الوقت اللي معك
**إذا كان من الصباح انصح بالذهاب بالعيال وأم العيال :
1- وانت جاي من الجنادرية يجيك مفرق الرمحية عند محطة خزام اتجه يمين
امش 40 ك تقريبًا تجد الشعاب (تخطّم) عليك اختار لك طلحة واقعد وتدعي لي.
2-افرق مع لوحة الصمان الحفنة امش 40ك تقريبًا وتجيك العلوم الغانمة الشعبان والطلاح الظليلة.
** إذا كانت الرحلة ابو 3 ساعات اتجه للثمامة مع إنها زحمة بس ما لك:no2:
إلا هي........ :D
ودمتم سالمين

[ذرب سدير]

أمسك طريق سدير وتنق :)

[باني طوية]

باني طويه باي مخرج هذه الصوره الجميلة وكم تبعد عن الرياض

اماكن العوايل كثيرة بالرياض

اعذرني يالغالي توني اشوف الرد هذي بتمير والله مدري كم تبعد عن الرياض لقيت الصورة بموضوع احد الاخوان بقسم الاحوال الجوية


تقبل تحياتي العطرة @@

[محتزم]

من اجمل الاماكن للعوائل تعدى تفتيش الثمامه بأتجاه مفرق الطوقي50 كلم تقريبا
وتعدى مفرق الطوقي ب10 كلم تجيك روضة الخفس على يمينك عندها نفيدات
جلستها تجيب العافيه...لا تفوتك
تحياتي لك

[بوكوارة]

بيض الله وجيهكم يالنشاما وما قصرتو على الردود ونتمنى المزيد من الإخوان حتي نثري الموضوع وبصراحة انا استفدت كثير من ردودكم. مرة اخرى شكرا لكم .


:) :) :) :) :) :) :) :)

[قاهر الصمان]

اخي العزيز
أذهب إلى المسعودي ،،، طريق الدمام 100 كيلو يصير على يمينك منتزه سعد انت خذ يسار أدخل 6 كيلوا روووعه للعوائل

[ابن مسعوده]

ياحبيبي مخرج هيت على طريق الخرج نفود وشعبان حلوه ولا فيه ازعاج

[altheeeb79]

الا بالمناسبه ياإخوان 00هل سعد ممطوره مطرطيب والا لا00 اللي عنده علم لايبخل علينا لانها احسن للكشته ليوم كامل بالعائله من الثمامه وما بعدهاالى روضة الخفس00 جزيتم خيرا0