ليه كل الحقد هذا ؟

[Shadw]

السلام عليكم

أخواني انا اشوف أنه أكثر الصقارين ينزعجون أذا ذكرتلهم طاري الوكري ؟؟؟ ياليت أعرف سبب الأنزعاج وعلى فكره الطير الوكري هو طير البدو الأولين وكان يتواجد بكثره في نجد ولكن حدته الحياه الى انه يهاجر الى ديار أخرى

[@قرناص@]

..

آنآ آشوف انه طيب وينفع للمبتدئين لاكن لايرتقي لمرتبت الحر والشآهين

لاكن تبقى صقآرته وفعله طيب

,,

[خيال الصبحا]

وعليكم السلام ورحمة الله وبركاته
المسألة ماهي مسألة حقد لان مااحد يحط راسه براس طير لاحول له ولا قوة بين يديك
ولكن يمكن يكون مايجوز لهم فقط وهذا طبيعي فيه ناس تقدر الحر وناس الشيهانه
وناس طيور التفاريخ وكل شخص ومزاجة ، واما بخصوص ليش الصقاقير
مايفضلون الوكري رغم صبره العجيب فانا حقيقة ماصقرت الوكري
ولكن اعتقد بسبب بطئه اسمع ان السبوق فيها الي سبقه عليه
الكلام نادر ، واما اغلبها لا (هل سمعت بوكري يلحق
الزاجل؟؟كانك سمعت أكيد قليل)وشكرًا

[..@القناص@..]

والله الوكـــــري مافيه شيء ..

[محمد الشامان]

الوكري مافيه شي

هو احسن طير عندي

[هاوٍي]

ياخي فيـه ناس يعجبهـا وفيه ناس لا واهو] يصلح للمبتـديـن

[أبوتركي]

والله ماأعتقد أن الدعوى تصل لحد الحقد ,,,, لكن يبدو أن قصدك عدم الرغبة .. فهذا صحيح .. لأن الوكري زي ماقال خيال الصبحا قليل السبوق فيها ,, أما من ناحية الشجاعه والقوة فهي متوفرة بالوكري دون أدنى شك ,, والدليل أفضل الطرادات وكارى ,, لكن يبقى السبق والحجم وكذلك الشكل ,, لهما دور كبير ,, وعلى العموم بعض الوكارى أفضل من الحرار والشواهين ..

[راعي الطرفية]

لا ننسى أهم طبع يتميز به الوكري

وهو الطلع الوكاد

الي يعتبر من اهم الصفات الي تهم الصقار في طيره

[الاشعل 316]

انا كان معي وكري يلحق الزاجل وسبوق وهذا الكلام العام وقبل العام

وكان من الزكارى الطيبه وفي واحد اعرفه عنده وكري سبوق وطارح الحباري والكروان والارنب

والطير طلع وكلن يتمناها وانا من اشد الناس المتمسكين بالوكري




اخوك ابو سطام

[بالون]

انا ماشفت ار كد من الوكري بحياتي راكد راكد راكد وفيه ميزه موب حار(ن) جوعه مثل الشاهين والحرار اما التفاريخ مدري لاكن عزالله انه صبوووور >>كد نقل وكريه وماتت ومتحسف الى يومك حباري وكراوين والقيمه 1700 يابلاش طلع وركاده ايام حلوه!!

[stewrd]

يالربع انا قريت في كتاب يقول ان الوكري هو حر السعوديه ويعتبر حر جلي

[جارح العين]

اي بالله مافيه شي
انا معي وكري ومثل مقال الاخ بالون راكد راكد راكد على الدس وبالتكيه
بس بلاه الصياح

[الحر250]

طيب وينفع للمبتدئين لاكن لايرتقي لمرتبت الحر والشآهين لأن مزايا الحر والشاهين عديييدة

[حريب الياس]

و ازيدكم من الشعر بيت الوكري فيه ولف غير طبيعي لصقاره يجيه حتى من غير ملواح على صوته و كلاً و مزاجه

[حطاب11]

ماقصرتوا يالربع
لكن ودي أذكركم إن أطيب الطيور وكري وأرداها وكري .
يجيك راكد ويطلع لكن السبق قليل اللي يطلع سبوق .
وقد قابلت صقار عنزي في الشمال ، رجال كبير . ومعه وكريه ماشاء الله تبارك الله ، قلت له غريبة مانقلت حر طيب أو شيهانه ، قال : قد نقلت كل الطيور ، ولاجاز لي إلا الوكريه هذي . فيها الركادة والطلع الوكاد والسبق . وكل سنه تصيد معه ، ويعلم بها فرووخ . وانسامت منه ب8000 ولاباع (رخيصة) .
وقد ضاعت لواحد من الربع وكريه ، ولقيناها في واحد من الضلعان حولنا ومعها شيهانه ، والله شوف عيني ، الوكريه تطرد الشيهانه من العلف وتآخذها منها ، والشيهانه معروفه على العلف !!، وهذا يدلك على قوة القلب في الوكري ، ومع ذلك أقيام الوكارى أنا أشوف إنها رخيصة .

تحياتي للجميع .

[x-fire]

http://www.gulfup.com/files/jpg/Yxr95374.jpg