ناقل الخير
10/11/2008, 11:13 PM
السلام عليكم ورحمه الله وبركاته نحن اصحاب الاغنام لدينا مشكله وهي سرقه الاغنام لا يكاد يمر اسبوع اواقل ونسمع ان فلان سرق منه اغنام وهذه الفئه من الحرامييه لاتخاف الله وتروع المساكيين والرعاه واصحاب الحلال لانهم لم يجدوا من يوقفهم عند حدهم ولا يبالون للشرطه وكانهم واثقيين ان ماعندك احد هذه قصه كانت قبل اسبوع ان الراعي اتصل على الوالد في الساعه الواحده ليلا يقول ان اتى اليه سياره فيها ثلاثه اشخاص وضربوه وهددوه بالسكين فقام يصرخ ويستنجد الهندي لراعي ابل قريبه من الموقع فقام صاحب وهو الراعي الابل بالاتصال عليناونحن في الرياض والحلال بعيد حوالي 90كيلو وقلت خلني اكلم شرطه الثمامه هي الاقرب والطريق عليهم وسالت الراعي قلت وش السياره قال نفس السياره حقتك يعني كامري وش اللون قال اسود ويين اتجهه يمين والى يسار قال يسار يعني للرياض قلت يسالم بيصادفون التفتيش وانا اتصل على شرطه الثمامه وعلمتهم بالسالفه قالوا وش نسوي لك قلت نقطه تفتيش قالوا اتصل على شرطه الرمحييه قلت بس السياره متجهه لكم يعني عشر دقائق وهي تاصل محطه خزام تكفى ارسلو دوريه خلوه يراقب قالوا شرطه الرمحيه اقرب وانا اتصلت على شرطه الرمحييه الله يجزاهم الف خير والله ليس بمدح ولاكن يستاهلون اللي يمدحهم اتصلت ورد علي وكيل رقيب حمد السبيعي بكل طيب وسرور علما والله مابيني وبينه اي معرفه الى بالاتصال وقال ابشر وارسل فرقه ونقطه تفتيش الى الساعه الثالثه فجرا ماقصر هو والجنود اللي معه وكل سياره تمر عليهم يفتشونه وماقصروا وانا وشرطه الثمامه مخانق الله يهديهم وبعد حوالي ساعه اتى جيب ووقف قدام المحطة وبعد ماجيت من الرياض قال هل تشك قلت لا قالوا ان شاء الله سوف نقبض عليهم مع العلم والله ان صاحبين الكامري رجعوا وسرقوا اغنام من احد جيراننا وهددوا الراعي بالسكين وسرقوا الاغنام حسبي الله عليهم الرعيان يقولون انهم كل يوم يشاهدون الكامري السوداء سرداد مرداد على الطريق البويب وحنا كل يوم نراقبهم حطوا في حلالنا وحلال المسلمين الخوف حسبي الله عليهم والله لايوفقهم ياهل الرمحييه انتبهوا لهم اوصافهم دائما ثلاثه اشخاص وباين وجه الحرامييه ان شكيتو في احد يشبه اوصاف الحرامييه تكفون بالغونا والله انهم سببوا لنا مشكله من السرقه ويجزاكم الله خير الجزاءالله لايوفقهم بالدنيا ولا الاخره حسبي الله عليهم