بنت وبنت لو تمعنت.....؟؟؟؟؟؟؟؟,,,,{اللغز محلول},,,,{صاحب الحل:برق القصيم}

[ابو ماجد 2]

السلام عليكم




بنت وبنت لو تمعنـت تتـلاه



السمن فيهن والنحافه تطـرّف



في محكم التنزيل آيه قرينـاه



عذاب قوم يوم وصلهن توقف



قلب الصغيره الكبيره لمحناه



و قلب الكبيره الصغيره تكشّف





مع التحية والتقدير لكافة الزملاء

[torrjom]

صح السانك يابو ماجد
جاري التفكير

[برق القصيم]

صح لسانك يازعيم وهذي سلمك الله السبعه والثمانيه لا قلبتهن يجن عكس بعض والظاهر قصدك بالايه ريح العذاب لقوم عاد,,,

[ابو ماجد 2]

صح بدنك اخوي طرجم
وانتظر ذبحته يالغالي كعادتك ماشاء الله عليك وزادك الله من فضله
تحيتي لك

[ابو ماجد 2]

صح لسانك يازعيم وهذي سلمك الله السبعه والثمانيه لا قلبتهن يجن عكس بعض والظاهر قصدك بالايه ريح العذاب لقوم عاد,,,

الله الله .يالغالي
ماشاء الله عليك
صح لسانك
نعم 7 و8
قال تعالى
(وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ (6) سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَى كَأَنَّهُمْ أَعْجَازُ نَخْلٍ خَاوِيَةٍ )

[بواردي الدلم]

ياخوي المفروض اللي يعرف لايتكلم يرسل على الخاص
ههههههههههه

والله توني ابقوله والقى الرجال جايب خبر ام اللغز

ماشاء الله عليك وبارك الله فيك يابو ماجد

[الخلاوي25]

ماشاء الله عليك

[الخيال2006]

صح لسانك اخوي الزعيم على اللغز الطيب

وصح لسانك اخوي المتالق برق القصيم على الحل وماشاء الله عليك