وش رايكم لو نجرب كشتات من هذا النوع ؟

[الملثم]

السلام عليكم ورحمة الله وبركاته

وش تظنون الموضوع :D

الحين الواحد لين يبي يكشت بالله عليكم وش ياخذ معه ؟

أقصد العيشة .

معلبات أشكال وأنواع

لحم ودجاج وغيره

رز وخبز ودنياااااااا

ياخذ حق كشته اليوم مؤنة اسبوع أو أكثر تحت قاعدته يزيد ولا ينقص:eek:

أقول ليش مانجرب كشته من نوع آخر

مايلزم تكون دايم

على الأقل مرة كل ثلاث شهووووووووور;)


( كشته خشونه وتعب )

ماناخذ فيها الإ الأشياء الأساسية

ماء ، تمر ، القهوة ، والشاي وإذا بنزيد لابأس بالخبز وشي آخر وبس

فوائد هذا النوع من الكشتات ؟

الخشونه وجاء عن عمر اخشوشنوا فإن النعم لاتدوم :good:

التعايش مع البيئة التي تعيش فيها يعني عصبن عنك بطلع عشاك ولا مردك على عيشتك ثم ما يدريك بدوام النعمة ( الله يديمها ) على الأقل أخذنا دربه واستعداد لمثل هذه الأيام المتوقعة :what:

أحترام وتقدير النعمة :)

أراحة البيئة شيئا ماء :row:

وفيها من الفوائد الشي الكثير

أقووووووووول وش رايكم لو نجرب مثل هذه الكشتات وأنا عن نفسي أجربها وأشوفها أحلى كشتاتي ولها
يا أخوان طعم ثاني كشته تروح فيها خفيف ترجع خفيف زادك كسبته من يمينك نجعلها على الأقل مره في 3شهور
أو كل 6شهور وأنا بانتظار تعليقاتكم المفيدة .

[حد السيف]

السلام عليكم ورحمة الله وبركاته
الملثم
اسعد الله ايامك ولياليك بكل خير
على طاري موضوعك واحد كشت معنا للربع الخالي للصيد من اول يوم وصلنا قال ابي الديرة ردون
تكفون عندي شغل احسبها مثل طعوس الثمامة
قلنا انثبر ومارديناة الا بعد اسبوع
ومن يومها مايروح الا بسيارتة واذا تعدينا المسافة التي تقصرالصلاة قال ابعود
وين وخابرلك ناس بعد انواع الكريمات والدهانات الملطفة للبشرة من اولويات الاشياء الموجودة بالشنطة وحتى الموز يغسلونة
سلامي لك ولاهل قطر


محبك اخيك
حدالسيف

[الملثم]

وعليكم السلام ورحمة الله وبركاته

حياك الله الأخ الغالي حد السيف

أقول صدق ترى ذا الجيل تعلم على الدعة والنعومة والدلع :mad:

لكن هذا ما يمنع أنه يتمرس على الخشونه والشده وكما أن العلم بالتعلم والحلم بالتحلم
كذلك الشدة والشجاعة :good:

بعدين خويكم اللي راح معكم الربع الخالي ناوي يتقوى ويتصلب لكن ما تعود المسكين فالله الله فيه
والدليل أنه ماتركم

فهو ومثله تكون لهم مثل هذه الرحلات مفيدة وكل على حسب طاقته :)

عموما مشكور على المرور والتعليق

[صقر]

أخوي الملثم فكرة رائعة (رحلة تجويع) تؤدي الى المجاعة.

هل جربتها؟

سؤال دار في ذهني.

بيني وبينك فيه ناس يسمون الطلعات (طلعات الاكل) لأن الواحد تنفتح نفسه للأكل في البر ....

ثانيا انا خايف يطلع معكم واحد يجوع .. وبعدين يقوم بغارة على هالتمر ويقضي عليه وش تسوون .................. ترجعون؟

تحيه طيبة وفكرة جديرة بالتجربة.

[الملثم]

بس مجاعه منها فائدة وأما سؤالك

أقول نعم جربتها وذكرت هذا الجواب وصراحة أنا أعتبر مثل هذه الرحلات أجمل الرحلات اللي اروحها لأن لها طابع خاص يختلف عن نمط الرحلات

بس لاتنسى التجربة خير برهان وليس راءٍ كمن سمع

[بن قطر]

أخوي الملثم فكرة رائعة


http://www.mekshat.com/pix/upload/images4/untitledssss.jpg


تم تصغير الصورة
فحجمها كان كبيرا جدا غير مناسب
وخارج عن اطار الشاشة نفسها
راع الكحيلة

[saag]

السلام عليكم ورحمة الله وبركاته

الاخ الملثم حياك الله وبياك ومن شارك في هذا الموضوع ، وانا آخذ بيدك واشد على عضدك لمثل هذه الكشتات ، فهي والله ممتعة ونظيفة وخفيفة ظل ، وفيها حفاظ على البيئة من ملوثات المدنية ، وقد استغربت موقف بعض من ابدى رايه بان هذه الرحلة شاقة وفيها تجويع ، فانا لم اذهب لفندق خمس نجوم ولاحتى نجمة وحدة ، فهذا البر وحلاوته ( تمر وقهوه وقدر وصحن ) والله كريم

[الملثم]

حياك الله يالمرعب

____

saag :good:

كلامك أطربني
مشكور على الرد

[عبدالله العمير]

اذا اردت الابداع والمواضيع الهادفة

ماعليك الا ان تبحث عن (الملثم)

تسلم والله على هالمواضيع

والحقيقة يوم قريت الموضوع جاء على بالي ايام الساحل والقميري

وهذا سلمك الله يصير معنى اذا قعدنا بالساحل اكثر من 15 يوم

طبعا غصب علينا لانن نكون لاهين شوي مع مطارد القميري

فتلقى اذا صار فية قميري تصير عيشتنا كلها

الصباح قهوة وتمر وعقب تصير العيشة كلها بسكوت وماء وعصيرات

وبدون توقف هههههههههههههههههههه

الين مسيان ويتخللها وجبة عشاء سريعة عبارة عن كبسة قميري

بالكاتم تخليك تاكل اصابعك واصابع الي جنب الي جنبك

واسأل ابو شكاع ويعلمك وش سوى يوم يجوع هاك السنة

[الملثم]

الأخ الكريم الأزرق وهل يُستقى الذوق إلا منكم

مكشور على الرد الجميل

[حفرلوجيا]

أخوي الملثم .. الفكرة فيها ( خشونة ) وتعود عليها .. لا هذا إحتراف خشونة ماهو تعود .. لكن .. تعال
أرى أن الرحلات إما قنص وصيد .. أو كشتات .
القنص والصيد عز الله خذ من يباسة الحلق وشهابة الوجه من الطرد والملاحق .. وأعرف واحد من فتنته القميري ;) ماياكل حتى التمر .. بس بسكوت وماء وطردي و( بم ) ..

أما الكشتات : لا ياخوي .. اسمح لي مايهنى إلا الضرب بالخمس من ( هريفيات البر ) حتى الشحم سبحان الله تختفي علة ( هذا كلسترول .. وهذا ... ) .. أيضا لايهنى الوقت بعد الفجر إلا بشيلة جمريتك ( وبطبطتها ) بعدها ( فتها وخلطها بالتمر ) وغرقها بالسمن أو الزبد يعني تبي الواحد تطلع شمسه بدون ( قرص أو حنيني ) .

يعني ترى والله إن بعض الناس يسوي اللي تقول عليه من مظاهر الخشونة ( راضي وإلا مضطر ) بالديرة .. لكن إذا كشت عطى نفسه ( وبطنه ) وكيفه راحته ..
( يالله لك الحمد والشكر ) .. اللهم أحفظ لنا النعمة ولاتجعلنا ممن يعيش ليأكل ..

لكن لايمنع من التجربة .. وبس .

[الملثم]

السلام عليكم ورحمة الله وبركاته

ترى أنا لي الفخر لي دريت أنك مريت على موضوعي فضلا عن التعليق
وأنا وياك .

لاكن ماتلاحظ اني قلت كل 3 شهور أو 6شهور ويكمن ناس تطرب لها

[مشغول]

هلا بولد الديرة .. الملثم .

الشباب اللي اطلع معهم .. اذا خلصنا الفطور قالوا وش رايكم نسعى في تجهيز الغدا وإذا خلصنا من الغدا قالوا وش رايكم نسعى في العشاء .. لا تجوعونا ... ابشرك سعالوه ..

التمر والبسكون هذا بين الوجبات الله يديمها نعمه .

وشكرا لك على الموضوع الجميل

[الملثم]

حياك الله وأبقاك يالمشغول شغلك الله في طاعته

ما شاء الله على ربيعك أسود من وجبه لي وجبه

طيب تخيل معي أبتدا اليوم

بعد الفجر القهوة والتمر

ثم خبز البر والشعثة وهبة الريح

وليا شرقت الشمس جاء دور الفطور

شكشوكة وفول وغيره

وليا اشتدت الشمس قربت الفواله

ثم فزعت على غداك ولا هو مسنع مع الظهر

بعدين تروق راسك بالشاي والنعناع أو المرطبات

ومع العصر البسكوت والخفايف

ثم بعد المغرب بتشوي لك شي خفيف ( مزه ) بطاطس ولا ذرة ولا كستنه

هاه وعندك على العشاء ذيك الكبسة ولا حواليها

وهذا يومك:eek:

زين لي صارت الكشته أسبوع وش بتغدي:confused:

لا غير خلك طول يومك تتعب ولا عندك إلا القليل التمر ومثله وهو والله كثير ولله الحمد
تحطب وتشتغل وتحرك ولي جيت على العشاء ولا أنت ميت من الجوع شف طعم العشاء وش لون

[المستريح]

شكرا يا أخي

[ق ح ص 411]

السلام عليكم ورحمة الله وبركاته
والله يالغالي اذاء طلعنا للبر يكون المجهود الأي نبذله في المشي بالسيارة والتمشي علي الأرجل زائد عن المدينة برفاهيته ولذلك لزم الأنسان يتغذاء علشان مايحس بالتعب والخمول وتروح الطلعه كلها تسدح .....

[بركان]

لا للمعلبات
نعم للتمر والبر والعسل وحليب نياق. فقط لاغير.
فالبر اساسي ويا ليت بعد يكون بر ( بعل). ياسلام.
تطلع كشته على كيف كيفك
مره مرقوق
مره مراصيع
مره قرص جمر
ومره .....

[الاسود]

السلام عليكم ورحمة الله وبركاته

العزيز: المثلم .

اولا : فك اللطمة .

ثانيا : انا شخصيا اشوف ان طلعات البر الاصل فيها هوالخشونة يعني لازم يكون الواحد تارك وراه اكثر وسائل الحياة الحضرية .. ليش ؟

لاني عافاكم الله منحاش من المدينة وغثاها ومن روتين الحياة اليومي اللي اعيشه هناك .. انا جاي هنا ابي اعيش حياة غير واكل اكل غير واشرب غير ... ابي انظف صدري من هواء المدينة ... ابي اكسر هالروتين تكسير.

- بعدين يا احبتي : الاقتصاد في حمل العزب والتقليل من اغراضها من دوووون نقص شي طيب .. ياخي وصدقوني مافيه احسن من قل العفوووووووووووش .. والعكس صحيح مافيه اغث من كثرتهااا... تخيلوا معي هالصورة : النار مشبوبة وحالقين عليها النشاما .. ودلة وبريقين وحافظة التمر والبيالات والفناجيل في غضيرة عندكم والمعاميل في شنيطة جنب المقهوي .. ياخي هالصورة فيها بساطة فيها ترتيب .

- لاكن تعال وشف لو اغراضك واجد ....اوووه... تلقى الارض مليانه اكياس وعلب وهات يااسئلة .. وين كرتون الغرض الفلاني ؟ .. وين الكرتون اللي فيه كذا ..؟ وحلها عااااااد .

- اخيرا يااحبتـــــــــي : طلعت البر سواء للمقناص او المكشات ترا مهيب مشروع تسمين ... خل الاكل والنوم في الديرة ... وراك ... وعش لحظتك وماعليكم من اللي يحبون اكل الشحم ( احم احم يابو سليمان ) ترااااه ضار في كل وقت ... حتى في البر .... وسلامتكم

[Bader-M]

والله
انك رهييب :good:
........
دايم اقول لعيال
يا
شباب
حنا طلعين نكشت
يعني يازين شغل الخفافي
ليه كل هذا المواعين و الصحون
وكل هذا الاكل
الواحد صارت طلعت
تنزيل و تركيب عفش
و ملي كروش
اقول
اصبر شوي
تلقى الناس تكشت في الميكرويف و الاندومي :D
وقل ما قاله بدر
..........
تقبل تحياتي

[أوس]

السلام عليكم ورحمة الله وبركاته

العزيز: المثلم .

والله التنفيذ صعب لان وحنا نفطر نتكلم بالغداء
وتقول تمر وماء باهالوقت صرنا مع الاسف نعيش لناكل

تحياتي لك


اخوك أوس