ابي مساعده

[الكاسر.]

انا عندي سلقه كبيره شوي


وما تقدر تركب في الصندوق وهو مسكر بس تركب وهو مفتوح



ابي حل

[شهاب حايل]

جب لها سلق وخلهم يركبون وينزلون قدامها

اذا مانفعت اقرب ليور هههههههههههه


تقبل مروري

[راعي سبحة]

أخوي مثل ماقال أخوي شهاب

[رماع]

مثل ما قالو الشباب
او حل احسن خلها في الشبك وجب لك ذيخ وشبها
كلها شهرين
تقبل مروري

[شمري حايل]

يا طويل العمر عليك بالسنسله او الحبل اربطه مع رقبته واركض به وانت فاتح باب الحوض واقمز انت بالحوض وخله تركب وراك وامسح على راسه و رقبته .....

وبعد حوالي عشر قمزات اركب بالحوض و سكر الباب واسحبه وصوّت له وانتله الى ان تركب وهالطريقة مجربة .

[طلو]

الشباب كفو ووفو يالغالي

[سلطان العوني]

حاول ترفع باب الصندوق وخلها تركب بالتدريج يعني كل 4مرات تركب ارفع شي بسيط طبعآ الحبل لازم تكون مربوطه واسحبها والباب مرفوع شي بسيط بالتدريج وصوت لها اركبي اركبي

يومين وتنتهي مشكلتك

[بندر خلف]

السلام عليكم ورمة الله وبركاته

اول شي حاول ان تحط شي ورا الحووض مرتفع يعني السلقه تقدر من هاذا الارتفاع تشوف الى داخل الحووض على حد رقبتهاا وجوعها وخل الاكل بالحووض

اول مره بتطمر من الجوع المره الثانيه زيها الثالثه زيها وعقب جوعهاا وورها الاكل وقطه بالصندوق هي بتجي عقب وبتطمر وعلى هالتمرين وبعدين شيل الى انت حاطه وهي بتطمرر بس بالتدريج المسئله

[بسرعه]

اذا ماطاعت صفقها هاذا الحل الي عندي كذا اذا قالت شي صكيتها بي النعله

[راعي عدلى]

لا تظربها على شان ما تخاااف
و جرب طريقه الرجاجيل لانهم مجربين انشاءالله

[نفاج]

كفو الأعضاء ماقصرو ويقلون مجربين وخذ نصيحت مجرب ولا تاخذ نصيحت طبيب

[فارس مايهاب]

ركبها قدم بدون قفص دربها عشرات المرات

[أبو فيئ]

السلام عليكم .. عليك بالصبر .. الشي ما يجي بسرعه وتعجل .. والشي ما يجي ألا بالصبر .. وافادوك الاعضاء .. وانا عندي ايضا فائده ولا يهونون ... انك تجيب معها ذيخ متعلم وتركبه قدامها وتنزله .. ثم حكك لها راسها وبيديك الثنتين جب يديك من قدام راسها وحكك لها ومش تحكيكك من تحت اذانها على نحرها ,, وخل الذيخ يركب قدامها وقل لها اركب بعد ا تحكك لها ... او مثل ما قالوا الشباب جوعها وحط في الحوض شوي لاكل لها وقل لها اركب...
وتقبل مروري....

[طلو الشمري]

خذ نصيحت الشباب
المجربين

[هواوي]

اهل الخبره يفيدونك واعتقد انهم افادوك

[دنيا بلا معنى]

الله يعطيك العافيه والشباب ما قصرووووووووووو وانا اقول خلها مع سلقان متعلمات وربط فيها حبل وشدها يعني اتعب معها شوي والله يعينك ...

[محمد الشلاحي]

اسمع اخوي بعطيك طريقه انا مجربها مع صرخه كانت ماتركب بالسياره الا وباب الصندوق مفتوح واذا كن مسكر املك ثم املك تركب جبت خيزرانه ام خمسه ريال ولفيت عليها شطرطون عشان ماتكسر وصرت اسكر الباب بالتدريج حتى صارت تركب وتنزل احيان تعصى معك اضربها بس مو مره ضرب مبرحه لا تنويش بالعصاء وانشالله تفيدك