سؤال عن طريق روضة خريم الله

[عشق الخلا]

السلام عليكم ورحمة الله وبركاتة ابي فزعتكم ياالمكشاتين
انافي الدمام واريد ان أجي الى روضة خريم هل يوجد طريق اليها من عند منتزة سعد :confused: وهل فيه اماكن حلوه فياض وغيره حول سعد او بين الرياض والدمام :confused:
ولكم من الدعاء:good2:

[ابو عود]

فيه طعوس في مفرق سعد

يحبها قلبك

وفيه روضة ام القطا

في مفرق سعد

واترك خريم وزحمتها

[عشق الخلا]

مشكور على الرد ياابوعود
لاكن حنا في الدمام ماشفنا المطر ودنا نكحل العيون في الغدران. والطعوس مالين منها لاكن ام القطا يكون فيها ماء وايضا انااشوف في القارمن خريم قريبه من السريع قلت اكيد فيه طريق لسيارات الصغيرة( ومنكم نستفيد)

[دايم البر]

عشق الخلا:
عليكم السلام ورحمة الله وبركاتة
بالنسبة لروضة خريم
اذا وصلت مفرق سعد تعداه بإتجاه الرياض بعد 60 كيلو يجيك
مفرق رماح على اليمين ثم لف يمين بإتجاه رماح بعد 54 كيلو يجيك
مفرق خريم على اليمين بعد 8 كيلو تلقا خريم..
ولو تعديت مفرق خريم بـ 5 كيلو ثم تلف يمين صحراء قطوع تجي الروضة
من الجهه الشمالية..
لكن احذر من التغريز ..
وبالتوفيق
وحنا حاضرين لأي طلب.

[قارّة بنّا]

عشق الخلا:
عليكم السلام ورحمة الله وبركاتة
بالنسبة لروضة خريم
اذا وصلت مفرق سعد تعداه بإتجاه الرياض بعد 60 كيلو يجيك
مفرق رماح على اليمين ثم لف يمين بإتجاه رماح بعد 54 كيلو يجيك
مفرق خريم على اليمين بعد 8 كيلو تلقا خريم..
ولو تعديت مفرق خريم بـ 5 كيلو ثم تلف يمين صحراء قطوع تجي الروضة
من الجهه الشمالية..
لكن احذر من التغريز ..
وبالتوفيق
وحنا حاضرين لأي طلب.

دايم البر ما قصرت أهنيك على دقه الوصف كلامك صحيح :good:

[عشق الخلا]

شكرا يادايم البر على الوصف لكن انا ودي بطريق اختصار من منتزه سعد. او ان كان بين الرياض والدمام فيه فياض حلوه فلاتحرمونا من خبراتكم

[دايم البر]

عشق الخلا
حياك الله
اذا وصلت مفرق سعد لف يمين معه بعد 2كيلو يجيك حرف T لف يمين
بعد 2.5 كيلو على اليمين تجيك روضةالجافية -و روضة حصة حتى 5 كيلو
كلها روضة ومنتزهات..
اعتقد هذه اقرب لك واذا مااجبتك الله يعينك كمل المشوار الى روضة خريم
وحاضرين للطيبين.

[عشق الخلا]

شكراااااااا يادايم البر على الردود الوافيه والكافيه والله يكثر من أمثالك
ونبي نشوف حصه والجافيه لاكن هل هي يمين اذاكنت جاي من الدمام او الرياض . وهل تتوقع يكون فيها ماء
والمعذرة على كثرة الاسئلة

[gamer]

اخوي لاتتعب نفسك لروحه لروضه خريم مشبكه وشبه محميه

يمكن اطرافها شف اي فيضه ماعليها شبك

[عابر النفود]

ماعني معلومه