محتار بين خيمتين

[المطلاع2]

السلام عليكم
أخواني ابي اشتري خيمه ومحتار بين دار الفراسه ولا التوافق نبي خبرتكم الله يجزاكم خير وتكون ضد المطر والبرد وهل تكون الخيمه جاهزه ولا تطول بالتفصيل لاني بالكويت ومشكورين

[الدبل الثقيل]

وعليكم السلام ورحمة الله وبركاته ... يردون عليك الاخوان ..... لكن وش أسعار خيام الصباح الجديد منها ؟ و وش أحجامها ؟

[ابو برررق]

وش الاحجام ياحبيبي

واذا اقروشك واجد ابحث عن الصناعه التنزانية

شفت عنده خيمة فايف ستار 3 * 3 بــ 950 ريال تنزانية بس صدق لاقالك خيمة

تصلح حق 3 انفار بس

المكان رحلتي مخرج 10 على اليمين قبل طريق الملك عبدالله

[المطلاع2]

اخوي الدبل الثقيل خيام الصباح غالين حيل 5*5 270 دينار قبل سنه أخذت منهم خيمه 6*6 قبل 9 سنوات تقريبا 360 طبعا جملون
اخوي ابو بررق انا ابي مقاس 4*4

[halaweenw]

اخوي المطلاع
اذا تبي خيمه ثقيله ثابته لموسم كامل تلقاها جاهزه بسوق الخيام بشويخ
واذا تبي خيمه للكشتات الخفيفه رواقها منها وفيا وسريعة النصب تقدر تفصل بسوق الخيام وانا توني مفصلي وحده 4*3
والأسعار حسب الخام اللي تطلبه عندهم الثقيل والخفيف والمتوسط وتقدر تطلب غاط غاطين ثلاثه
وعلى فكره السنيدي عنده خيام جاهزه وخفيفه بس ما ادري عن قياسك موجود ولا لا انا شفت عنده 3*4 خام تنزاني بس ما عجبني شكلها خفيفه ما تدفي

[المطلاع2]

الله يبيض وجهك وماقصرت بس الخيام الثابته عندي واجد لكن نبيها للكشتات والسنيدي ما يمدحون شغله انا شفت بالمنتدي صور خيمتين وحده التوافق والثانيه من دار الفراسه ومحتار بينهم والقياس 4*4 المنيوم العمد اخف من الحديد واذا على السعر سمعت انها تقريبا2000 ريال

[مدور الخيرة]

انا اخذت من السنيدي خيمة الصقر 4*4 شراع أبيض وضد المطر ومبطنه

وسعرها خيالي 695 ريال بس

انا صراحه مانصبت الخيمه للحين لكن اتوقع تحتاج تدعيمات خفيفه

مثل خياطة شراع لتدعيم الخياطة للأعمدة حتى لا تنقطع

وميزتها ان الرواق منها وفيها وياخذها الصالون وحتى الجيوب الربع باترول او تويوتا


ان شاءالله افدتك

[قرناس صلا]

ما قصروا الشباب

لا هنتو اللي عنده صوره خيمه الصقر يلصقها هنا

ومواصفاتها

مشكورين

[الجفن]

اي والله يا شباب الي عنده خيمة الصقر لا يبخل علينا في صوره لها ومميزاتها وعيوبها تخبرون الاجواء بدت تحلو

[المطلاع2]

الله يبيض وجهيكم ماقصرتوا والله من كثر الخيام الواحد يحتار بالزين بس لو في صوره لخيمة الصقر ومشكورين