عده كامله

[مزاجي فوق]

السلام عليكم يالربع...

ياجماعة الخير ابيكم تدلوني على الزين

ابيلي عزبه متكامله من إلي ويكون سعرها متواضع

اللي يعرف لا يبخل علينا

تقبلو تحياتي

,,,

[ابو رتاج]

افضل لك انت جمع العزبة بنفسك ولا تاخذ الجاهزه

[أبو المثنى]

كما قال أبو رتاج
اذهب إلى أحد محلات الرحلات وشوف العزبة اللي تناسبك وعبها على كيفك

[فيدل كاسترو]

روح لمحلات الاواني وفي طريقك مرعلى الغرابي وشفللك شنطه المقاس اللي تبي وجمع شوى شوي انتبه من عزب اليمنه اللي بالمحطات ترى خوابير

[بروح معاكم]

مر على المحلات اللي في الغرابي وتنق لك عزبه بالمقاس اللي تبي ثم اذهب الى محلات الاواني المنزلية وجمع على كيفك . لاتشتري العزبه الجاهزه
(أو شف لك كم قدر وبريق زائده ماستتخدم في البيت وحطها في العزبه)

[مزاجي فوق]

بيض الله وجيهكم

[(مواصل)]

من الافضل ان تجهز العزبه بنفسك حيث ان تجهيز صاحب المحل لايناسبك
تجد العزبه بمحلات الرحلات البريه والاواني المنزليه

[مفتاح التقنية]

وعليكم السلام

ما اقدر اضيف لك فقد تكرر الكلام

لا اقول كما قال لك فلان ولكن اقول لك افعل كما اجمع الاخوان على تجميع العزبه بنفسك

[الخادم]

العزبة تختلف بعدد الكشاتة وش تحتاج
و احسن شئ انك تعملها بنفسك و حاجتك

[ta3b]

فعلا عليك تجميعها بنفسك ولا تشتري الجاهزة ابد نصيحة مجرب كلا خابور

[way]

فعلا جمع ما تحتاج الية بنفسك

[عضو مكشاتي]

برق الحيا في

[big boss]

السلام عليكم
الاخوان ماقصرو كلهم اجتمعو على انك تجهز اللي تحتاجه باختيارك من المعاميل وهذا الراي الصحيح
ورائي انا انك تشوف الاغراض اللي في البيت واستغنو عنها الاهل مثل السكاكين ملاعق فناجيل بيلات وانت ماشي اوفر لك من تروح تشري واذا نقص عليك شي انقز لمحلات ابوريالين

[البتار2011]

اذا فلوسك واجد اشتر جاهزه واذا فلوسك قد حالك جمعها انت....

[Raselny]

انا توني مجمع عزبي الجديدة
اذا تبي مساعدة أنا حاضر

[naifo]

كما قال الشباب
اذهب إلى أحد محلات الرحلات وشوف العزبة اللي تناسبك وعبها بنفسك اريحلك

السلام

[ابو رياض الهل]

امسي على الجميع انا بكل صراحة عزبتي جمعتها من كم عجوز من قرابتي عندهم اشياء اصلية ولاعاد يستعملونها مثل الاباريق والدلال البغدادية والصحون المعدن الخ000
وانصحك اخوي تروح لم الحراج فيه اشياء مستعملة بس عملية وأصلية ماتلقاها عند حقين الرحلات الي بصراحة غلاء على الفاضي0 ودمتم0