موطير الكهرباء في الخبر

[قلب الهامور]

صباح الخبر على الجميع

افضل مطور كهرباء من حيث الجوده والسعر وتوفر قطع الغيار
واين افضل محلات البيع الموطير في الخبر

[كرملا]

فيه في ساكو مواطير جيدة بس غالية
تحياتي

[البتار2011]

ابو حمل في محلات زينة السيارات او المقناص..

[AL-T7DY]

عندك مؤسسة الخرخير بالثقبة بشارع الرياض اذا خليت الحصن حق الكمبيوترات على يسارك بتجيك اشارهـ اطلع سيدهـ بيجيك المحل القديم على اليمين واطلع سيدهـ لين ماتجيك الإشارهـ الثانية قبل الإشارهـ الثانية بشوي بتشوفه على اليمين عندهم مواطير ديزل وبنزين..

اتمنى اكون افدتك..

[Magellan]

أفضل مواطير البنزين هوندا الياباني
طبعا يصلح للي روحاته كثيرة للهاف مون والبر نهاية كل أسبوع

اما إذا كان عندك مخيم ويشتغل يوميا فعليك بماطور يانمار الديزل الياباني

طبعاُ أحرص على اللي موجود فيه سويتش افضل من الهندل
والخرخير يبدولي مورد مواطير روبن اليابانية وهو جيد بعد الهوندا بالجودة

طبعا يجي الهوندا نوع هندي والروبن يجي نوع صيني وكلهن أقل كفاءة من الأصلي

[Avalanche]

أفضل ماطور كهرباء (من تجربة لمدة 10 سنوات)

هوندا

ومتوفر جميع الأحجام ..... على حسب رغبتك و احتياجك

ومثل ما تفضل الأخ : Magellan (http://www.mekshat.com/vb/member.php?u=11979)



يجي منه نوع ياباني أصلي
و النوع الثاني ياباني لكن التجميع في الهند

تحياتي .....

[هاوي3333]

يانمار اجود شركة في صناعه مواطير الكهرباء ووكيله هو موسسه عبد الله هاشم

[Magellan]

يانمار اجود شركة في صناعه مواطير الكهرباء ووكيله هو موسسه عبد الله هاشم


يانمار هو إسم آخر لأحد ماركات هوندا
ووكيلهم بالسعودية واحد
الإختلاف فقط أن يانمار مخصص للديزل والهوندا مخصص للبنزين
والسويتش فممتاز للي راح يستخدمه يوميا
أما الهندل فجيد جدا للإستخدام الإسبوعي

طبعا ميزة السويتش ترفع السعر أكثر ويرتفع أكثر لوكان فيه الخاصيتين جميع

[Hagaanaf]

صباح الخبر على الجميع

افضل مطور كهرباء من حيث الجوده والسعر وتوفر قطع الغيار
واين افضل محلات البيع الموطير في الخبر


ما دام انك تستفسر عن ماطور كهرباء ، فأن كانك شره بالحيل فماطور كبوتا وأسئل عنه في شارع الريل نسيت اسم وكيله ، لكنه موفر جميع قطع الغيار الصغير منها والكبير ، ومعروف لدى أصحاب الورش بجودته ومتانة صناعته ، فعلمي أنا أنه يصنع في اليابان وصناعته يابانية مائه في المائه .
وأن كنت لمبتين او خمس فهناك محول على بطارية السيارة صناعة صيني وممتاز وموجود عن ساكو سوف يفي بالغرض ، وهو يولد أكثر من (450) وات يعني اربع لمبات امهات مية شمعه

[قلب الهامور]

يعطيكم الف عافيه على الشرح
الحقيقه انا رحة في الخبر محلات موطير واعجبني الروبن بس المشكله حصلت نوعين
1\لونه اصفر ويقول صحب المحل هذا الاصلي قوته (3510)واط وسعره 2700ريال
2\لونه احمر ويقول صحب المحل هذا الاصلي وقوته(3600)واط وسعره 3000ريال
قلتله ليش هذا لونه احمر قال هذا المديل الجديد والله احترت مدريت وين الاصلي فيهم
وكلهم مكتوب عليهم صناعه يابانيه
ملاحظه
المطور الاصفر روبن - روبن
المطور الحمر روبن - جن ستار


افيدوني يااهل المعرفه

[قلب الهامور]

وين هل المعرفه ابطيتو علينا

[Dead]

إن كانك تبي ماطور من الأحجام الكبيرة فعليك بالروبن ولا تباعد عنه نهائياً .... عملي جدا وقطع غياره متوفره ويخدم سنين

روبن الأصفر 3510 هو النوع المشهور والمطلوب أما الأحمر فهو الموديل الجديد واثنينهم اصليات ولكن فرق السعر من صالح الأصفر خصوصا إن الأصفر مجرب من سنين

http://www.shunshingmachine.com.hk/product/rgx3510.JPG

عندي روبن 1300 صغير شنطه صار له عندي حول 9 سنوات ولله الحمد إلى الآن وهو يشتغل وممتاز

http://www.horburylawnmowers.co.uk/offerimages/robin.jpg

وعلى فكره ترى روبن ياباني ميه بالميه وهو تبع شركة سوبارو اليابانية

الهوندا ممتاز ولكن قطع الغيار ناااااااار

[الجفن]

عليك في الهونداء صار له معي عشر سنوات ما فيه افضل منه ما غير له الا بواجي فقط

[سراب اللال]

الروبن ياباني ياباني ممتاز جداً جداً
الهوندا الياباني ياباني ممتاز جداً
الهوندا الياباني هندي ممتاز

[ديم حائل]

اذا كانت حاجتك للاستراحه او ماشابه ذلك فما فيه احسن من اللستر الانجليزيه وهو ديزل بس يغالك تشتري النظيف لو زاد فيها فلوس
اما اذا كانت حاجتك لمخيم صغير وفي طلعات البر فا اعتقد فيه الينمار وهو ياباني ديزل ولكن مشكلته صوته عالي وعند صيانته يحتاج الى فني مو اي فني
وانصحك بالديزل

الله يوفقك