لغز منقول\الاياويش من بنت قديمه وعصرها مافات,,,,{اللغز محلول},,,,{صاحب الحل:arrow}

[فهد الهلالي]

السلام عليكم ورحمه الله وبركاته
حيالله الربع كل بنداه وعساكم بخير وعافيه
والله يمسيكم\ يصبحكم بالخير
هذا لغز قديم منقول وحيث اني ذاكره من قديم حبيت اطرحه لكم
بعد اذن صاحبه
يقول اللغز
الاياويش من بنت قديمه وعصرها مافات
واشوف البنت مع هالناس لاتكتب ولا تقراء
شمال بلادي موجوده على اليمنى تجي مرات
وتجي مرات بالوسطى من اليمنى الى اليسراء


هذا اللغز بالربع حسب ذاكرتي له ارجو
ان ماختلف فيه شي
بارك الله لكم
مع تحياتي للجميع

[ابو نجود]

وش رايك بالمركاة اللي جنب الوجار؟؟
ابو نجود..

[فهد الهلالي]

وش رايك بالمركاة اللي جنب الوجار؟؟
ابو نجود..

اولا الله
يمسيك بالخير يالغالي
ثانيا
مركى الوجار طال عمرك مالك لوا
حفظك الله
تحياتي
لشخصك الكريم

[معشية الأسود]

يمكن الساعة

[فهد الهلالي]

يمكن الساعة

مالك لوا الساعه يامعشيه الاسود
تحياتي لك

[المباشر]

يمكن البوصلة

[فهد الهلالي]

اخوي المباشر البوصله مالك لوا تحياتي لك

[ابو ماجد 2]

مساك الله بالخير يابو محمد صح لسانك ومشتاقين لالغازك لاعدمناك
محاوله
لبسة العقال
تحيتي لك

[فهد الهلالي]

مساك الله بالخير يابو محمد صح لسانك ومشتاقين لالغازك لاعدمناك

محاوله
لبسة العقال

تحيتي لك


هلا وغلاء يابو ماجد
وتشتاق لك العافيه
والله يسعد ايامك بالمسرات
والرمعه
مالك لوا طال عمرك
تحياتي لك
يابيطار
الالغاز

[راع الصقلاويه]

صح لسانك ولسان القايل وسلمت يمناك ياشيخنا

وهذي السبحة ( المسباح بلهجة البعض) طال عمرك .

[فهد الهلالي]

صح لسانك ولسان القايل وسلمت يمناك ياشيخنا




وهذي السبحة ( المسباح بلهجة البعض) طال عمرك .


الله يسلمك من كل شر ياراعي الصقلاويه
وصح بدنك
والرمعه
طال عمرك مالك لوا
لاعدمتك

[بواردي الدلم]

الياء

حرف الياء

وشرايك

[قريب الدار]

السلام عليكم
الخاتم - الدبلة - الفتخة - المحبس
نقي لك وحدة الله لا يهينك ولا يصغرك

[فهد الهلالي]

الياء

حرف الياء

وشرايك
حياك الله اخي البواردي والرمعه حرف الياء مالك لوا طال عمرك

[فهد الهلالي]

[quote=قريب الدار;2116418]السلام عليكم
الخاتم - الدبلة - الفتخة - المحبس
نقي لك وحدة الله لا يهينك ولا يصغرك
]
هلا وغلاء اخوي غريب الدار
نقيت من هالرمعات ولا صلح لي شي
ولاتهون
والقادم منك افضل ياخي الفاضل
ودعتك الله
تحياتي لك

[سندهم]

مساك الله بالخير يأخوي :الشيخ المسكين

رمعتي الياء المقصورة ( ى )

[صقر المرقاب]

وش رايك في الربابه

[محمد الغربي]

الاياويش من بنت قديمه وعصرها مافات
واشوف البنت مع هالناس لاتكتب ولا تقراء
شمال بلادي موجوده على اليمنى تجي مرات
وتجي مرات بالوسطى من اليمنى الى اليسراء ..الحل ثرمدا او اثيثيه حسب الموقع من مدينة مرات.

[فهد الهلالي]

مساك الله بالخير يأخوي :الشيخ المسكين

رمعتي الياء المقصورة ( ى )

اخوي ياسندهم الرمعه حرف اليا مالك لوا بارك الله فيك تحياتي

[محمد الغربي]

(شمال بلادي موجوده على اليمنى تجي مرات)
اتوقع ..مدينة ثرمدا حسب موقعها من مدينة مرات في المنطقه الوسطى
(وتجي مرات بالوسطى من اليمنى الى اليسراء)

[arrow]

بسم الله

نقول الدلة ؟؟؟؟

[arrow]

لم ينجح احد ...

[فهد الهلالي]

السلام عليكم ورحمه الله
اسف يالربع على عدم تمكني بالرد خلال هذه المده
اما بالنبه للرمعات
ثرمداء ومرات وماجاورها مالك لوا يالغالي
كذلك رمعه الدله مالك لوا يالغلاء
تحياتي للجميع

[ابو مي]

الجوزاء
بشر قريب او بعيد

[فهد الهلالي]

الجوزاء
بشر قريب او بعيد

الجوزاء مالك لوا يالغالي لاباخوي العزيز مبعد
انتظر منك مرماع اقرب
الجوزاء بعيده شوي بالسماء نبي شي حولنا ماهو بعيد
تحياتي لك

[فليان الوهبي]

اخوي الشيخ عندي رمعة وانشاء الله تكون هي
الا وهي ( الـــزقيرة ) الدخان ,,,, وشرايكـ
وتقبل مروري

[فهد الهلالي]

اخوي الشيخ عندي رمعة وانشاء الله تكون هي
الا وهي ( الـــزقيرة ) الدخان ,,,, وشرايكـ
وتقبل مروري

مالك لوا طول الله عمرك
( الزقيره)
حفظك الله من كل مكروه

[فليان الوهبي]

الله يحفظك ولكن الواضح من اللغز انه نجم يستدل به لكن المشكله ماحنا حافظين اسامي النجوم

[العـربي]

السلام عليكم ورحمه الله وبركاته

حيالله الربع كل بنداه وعساكم بخير وعافيه
والله يمسيكم\ يصبحكم بالخير
هذا لغز قديم منقول وحيث اني ذاكره من قديم حبيت اطرحه لكم
بعد اذن صاحبه
يقول اللغز
الاياويش من بنت قديمه وعصرها مافات
واشوف البنت مع هالناس لاتكتب ولا تقراء
شمال بلادي موجوده على اليمنى تجي مرات
وتجي مرات بالوسطى من اليمنى الى اليسراء


هذا اللغز بالربع حسب ذاكرتي له ارجو
ان ماختلف فيه شي
بارك الله لكم

مع تحياتي للجميع


وعليكم السلام

عندي رمعه

المهفه

[فهد الهلالي]

الله يحفظك ولكن الواضح من اللغز انه نجم يستدل به لكن المشكله ماحنا حافظين اسامي النجوم

ياخوي
ماهي من النجوم دور على شي قريب عندنا
السماء بعيده
بارك الله فيك تحياتي

[فهد الهلالي]

وعليكم السلام

عندي رمعه

المهفه

المهفه ياخوي العربي مالك لوا الله يطولي عمرك
تحياتي لك

[arrow]

بسم الله

الرمعة :

طريقة السلام عند اهل الشمال هي السلام من الجهة اليمنى فقط ( التبويس) ,,,,,مع المصافحة...

وعند اهل الوسطى التبويس يمين ويسار مع المصافحة ...

واعتقد هذا ماتعني اخوي شيخ مسكين ....

لايذ بالحيل ,, ولالا انا شطحت بالحيل .......

[فهد الهلالي]

بسم الله

الرمعة :

طريقة السلام عند اهل الشمال هي السلام من الجهة اليمنى فقط ( التبويس) ,,,,,مع المصافحة...

وعند اهل الوسطى التبويس يمين ويسار مع المصافحة ...

واعتقد هذا ماتعني اخوي شيخ مسكين ....

لايذ بالحيل ,, ولالا انا شطحت بالحيل .......
الله الله صح السانك وبيض الله وجهك هذا هو الحل الصحيح واللغز منقول ولا اعرف صاحبه بارك الله فيك والمنقول ماعليه منقود تحياتي لك

[arrow]

الله الله صح السانك وبيض الله وجهك هذا هو الحل الصحيح واللغز منقول ولا اعرف صاحبه بارك الله فيك والمنقول ماعليه منقود تحياتي لك


وجهك ابيض ياشيخ .....

وفقك الله ......