أبغا هذا القز ؟؟؟

[(محمد العبري)]

السلام عليكم ورحمة الله وبركاته
أخواني
دورت على قز بريموس الي له غطى في أماكن كثيرة ولا لقيته
ودي أدري إذا أحد عنده خبر وين ألقاه أو الإطالي الي زيه أو الياباني
علماً اني من أهل الرياض
وشكراً لكم

[* رمش العين *]

حياك الله اخوي النقى بالنسبه لطلبك يمكن يكون عند ساكو الي بطريق خريص شفت عندهم الاسبوع الماضي قز بغطى وله عينتين لكن ما ادري وش صناعته المهم بعد تقلب وتفحص اتضح انه متين وجيد وبالماريه لونه بيج فاتح وعليه كتابات ما ادري هي يبانيه او صينيه ولو كنت بعيد عن موقعهم انا جاهز وانا اخوك امرهم واجيب لك تفاصيل عن صناعته وسعره .
والله يجزاك خير

[(محمد العبري)]

السلام عليكم ورحمة الله وبركاته
شكراً أخوي رمش العين على إهتمامك وحرصك وأسأل الله العلي القدير أن يجعله في موازين أعمالك , وشكراً لك على خدماتك الملكية لكن يالغالي ساكو قريب مني جداً الله يسلمك من كل شر وأبمره وأشوف وأعلمك بالمستجدات لكن الظاهرمانيب ماره الا السبت الجاي لأني أبكشت اليوم لم ترباعة الله ييسر علي وعلى كل مسلم
وماقصرت أخوي رمش العين وفيت وكفيت

[الروضة]

أخوي النقى تروح وترجع بالسلامة إن شاء الله
وبالنسبة للدافور اللي تبي إذا تقصد أبو شنطة إرتفاعها تقريباً 8سم فهو موجود عند المحيميد في بريدة في شارع الصناعة ويوجد إيطالي لاتقربه وفيه سويدي ممتاز وسعره تقريباً 280وهو عملي لكن مشلتة الوحيده إذا كان معك قدرين بحجم المتوسط يكون ضيق عليهن . ارجو أن اكون قد افتك
( ملاحظة هذا قد انقطع من السوق قبل فترة ولآن متوفر )
والسلام

[(محمد العبري)]

السلام عليكم ورحمة الله وبركاته
شكراَ لك أخوي الروضة على أهتمامك بطلبي
وبالنسبة للمحل الي ببريده ان شاءالله ان جيت لبريدة أبمره لكن انا من الرياض ولا حولي جيه
الربيع هالسنه جاب العالم كله لرياض وحواليه, وأشكرك ايضاَ على النصيحة ولك شكري وتقديري