ماهي افضل طريقة لطبخ البط ( النحم ) لمنع الرائحة (الزخمة ) من لحمة

[ديزل1]

لا اله الا انت سبحانك اني كنت من الظالمين



السلام عليكم ورحمة الله وبركاتة


اخواني الكرام صدت لي بط وابي الطريقة المثلى الي تقطع زخمة الماء من لحم ( النحم ) البط


سواء كانت ( قلي - شوي - سلق ) وآمل انها تكون مجربة لأني بعزم الأخوان عليها


ولكم الشكر الجزيل
والله يوفقكم . :)

[ديزل1]

لا اله الا انت سبحانك اني كنت من الظالمين


وينكم يا ناس معقولة ما فية احد يعرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


غريبة والله !!!!!!!!!!!!!!!!!!


والله يوفقكم .

[الحوت الازرق]

الله المستعان ذكرني منول يوم كنت اطلع اصيد نحم

جرب هالطريقه

لاتسلخ جلدها ولا تطلع الي في بطنها وتروح ريحة الزخمه

جرب ورد لنا خبر

[نواف الردعي]

اخوي ديزل خذ النصيحه مع احترامي لفكرة الحوت الازرق
شب الضو ... كثر الحطب ... بعد نصف ساعه واذا جمرت ادفن البط في الملى ...
الملى تحت النار اي التراب تكرم والمشاهدين الي تحت النار وادفن البط زي ماصدته بدون تنتيف اطلاقا وادفنه لمدة نصف ساعه او 40 دقيقه حسب النار وطلع البط واسلخ جلده وتخلص من الي في بطنه وتناوله ورد علي هنا في هذا الموضوع
بانتظارك

[طرابيش]

السلام عليكم
هذي طريقتي في طبخ النحم
1\نتف الريش لاتسلخه
2\نضف البطن
3\شلوطه او حسحسه باالنار شلوطه خفيفه
حتى مايروح الشحم
<<الحسحسه بالغازالقوي اللي تشب فيه النارموجود عند السنيدي وغيره>>
4\جهز القصدير قطع البصل والطماط
والقرعه والكوسه والبهارات والملح
وحطهن بالقصدير
5\خذ النحم وحطهن بالقصدير ولف
القصدير لفن جيد
النار تكون جاهزه
6\ادفن القصدير بالنار وحط فوقه جمر
لمده 35دقيقه وبعدين طلعه
الرز يكون جاهز مغسول
7\فك القصدير وحط كل اللي به فوق الرز
بالكاتم انتبه لايروح الماء او العصاره
اللي من النحم
اذنقص الماء اللي من النحم عن الرز
زوده ماء حار على حسب قياسك
شب على الرز وخله ربع ساعه او ثلث
بعد مايتس
او بالهناء والشفاء

[رٍسِـــلآنٍ ٱلدُفُــٱع]

ما انصحك تشويه ولا تقليه

احسن شي كبسه خليه ساعه كامله يفوح في الماء والله الله في الكزبره لانها تشيل الزفره

[كياف]

أيضاً ورق الغار معروف بأن له تأثير على إزالة ( الزخمة )

لكن لم أجربه مع مع البط أو النحم ..