مشكلة بعين الطير ..

[خيال الصبحا]

بسم الله الرحمن الرحيم
السلام عليكم ورحمة الله وبركاته
البارحة طلعنا ندوج والامور تمام ، ولكن
لاحظت على طيري هجران انه يغمض(يغضي)
عينه اليسرى كاملة والعين اليمين فاتحة كاملة ولا ادري
وش المشكلة ، رجعنا البيت مسيان ونفس المشكلة ، واليوم
نفس المشكلة ، ولا ادري وش السواة(اليوم مستشفى الطيور كما
يبدوا لي انه ماهو فاتح)كذلك لاحظت وجود رطوبه بالبرقع من داخل
من جهة العين المصابة .. واذا قربت يدي من جهة عينه المصابة ومسحت على
وجهه يفتحها وياخذ شوي ويرجع يقفلها،والصور تبين عين الطير ، وشكرًا
http://www.mekshat.com/pix/upload02/images87/mk29508_1.jpg
***
http://www.mekshat.com/pix/upload02/images87/mk29508_2.jpg
***
http://www.mekshat.com/pix/upload02/images87/mk29508_3.jpg

[روووح]

اخوي خيال الصبحا الله يشفي طيرك

بس ابي انصحك لا تلبسه البرقع حتى تروح للمستشفىا لان البرقع يبي يزيد العله
وان شاء الله الاموور تياسير

[..@القناص@..]

والله جان نفس الحاله ورحت لـ خالد العويدي
بس كان فيه انتفاخ في العين وقال قلاع في العين ..
على الاعموم الله يشفيه انشاء الله وتاكل من صيده

[صقر الغربيه]

الله يشفيه

[أبو رداد]

وعليكم السلام ورحمة الله وبركاته
مافيه غير العافيه ان شاء الله
اتوقع والله اعلم ان البرقع دايس على عين الطير
بدل البرقع وبخ عينه بماء وشكر
او اطحن الشكر بشكل ناعم وانفثه في العين المصابه بواسطة قمع ورقي
وسلامتك

[ناصر الحمد]

المشكله بالبرقع يالغالي

البرقع يحك بعين الطير

[KAYD]

الله يشفي طيرك ان شاء الله
وسبق ان صارت نفس المشكلة عند واحد من الربع وكتبت عنها في المنتدى
http://www.mekshat.com/vb/showthread.php?t=159495

وخويي خذ نصيحت أخونا احترت بأسمي ونقع له 3 تمرات وخذ من ماها وغسل عين الطير مرتين باليوم لمدة 5 ايام والحمد لله الطير رجع مثل ما كان لكن يفضل تخلي الطير بدون برقع لمدة 3 ايام

تحياتي

[خيال الصبحا]

الأخوة الأعزاء
بيض الله وجيهكم ، والله
لايهينكم ، وشاكر لكم على كل حال


وعليكم السلام ورحمة الله وبركاته

مافيه غير العافيه ان شاء الله
اتوقع والله اعلم ان البرقع دايس على عين الطير
بدل البرقع وبخ عينه بماء وشكر
او اطحن الشكر بشكل ناعم وانفثه في العين المصابه بواسطة قمع ورقي

وسلامتك


الاخ ابو رداد
الله يعافيك
وبيض الله وجهك ، والله
لايهينك ، ولكن بخصوص كلامك
ودي استفسر منك شوي ، انا ابي انفثه
بقمع ورقي أسهل ولكن كم الكمية؟؟وهل السكر
عادي او سكر نبات ، وشكرًا

[ابوعبدالله 3504]

الله يشفيه

[خيال الصبحا]

الله يشفيه
جزاك الله خير يابو عبدالله
.
.
الأخ ابو رداد الله يخلي لك رداد ويجعله ولد صالح
أمس طحنت سكر ونفخته بعين الطير واخذ له شوي يفتح ويغمض
ولكنه يفتح أكثر من أول ، وزانت أموره ولكني أضطريت ابرقعه لاني مافضيت
اشري له برقع ، واليوم فتح ولكن يغمض احيانا ونفخت بعينه سكر ، وان شاء الله
العصر اشري له برقع ، على كل حال كم يوم استخدم الوصفة؟؟وكم مرة باليوم؟؟
الله يوفقك ويجزاك خير ، واسف للاطالة ، وشكرًا

[الخرابي]

مشكلته اتوقع من البرقع مضايق عينه البراقع اكبر مشكله لعين الطير اذا تلامسها افتك من برقعه هذا وان شالله يرد مثل اول والربع افادوك تقبل مروري.

[عبدالرحمن الخالدي]

الله يشفي هجران وتغنم من صيدة ومايشوف شر وابشرك ترى المشكلة بسيطة لا تشيل هم بس لا تأخر علية ودة للمستشفى بأسرع وقت .

[خيال الصبحا]

الأخوة الاعزاء
جزاكم الله خير والبرقع
ان شاء الله اغيره اليوم العصر
وهلا بكم جميعًا

[حفراوي 190]

اخوي خيال الصبحا طيري معه نفس المشكلة بالضبط والله اني مشغول بالي علية مدري وش السواة ياليت تذكرلي وش الطريقة اللي تبعتها وكيف الطير هالحين . ارجوك طمني الله يطمن بالك.

[غواص الجزيرة]

الله يشفي الطير هذا علي ما اعتقد انه مرض يصيب الطير في الصدر طفيليات وهاذي حصلت معي مرتين في طيرين بس لا تخليه وده للدكتور ويعطيه كورس لمدة اربع ايام كل يوم إبره و إن شاء الله بيطيب بس لا تهمله وتاكد من المكان إلي فيه الطير هل التهويه زينه ولا لا مهمه جدا . و لا تبرقعه لين تحس إن العين طابت وتحياتي

[بدران123]

اخوي خيال الصبحا جعل طيرك مايشوف شر انشالله وانشالله بيعتق من هالعارض...

خذللك برقع اكبر ولو يجي كبير مايمنع وقت العلاج فقط وبعده خذله على مقاسه..

فيه براقع تجي من عند العين بارزه وسيعه وللمعلوميه تلقى بالبرقع من قدام علامه ذهبيه تراها نوعيه طيبه..


بدران

[فيصل الدشاش]

الله يشفي طيرك ان شاء الله
وسبق ان صارت نفس المشكلة عند واحد من الربع وكتبت عنها في المنتدى
http://www.mekshat.com/vb/showthread.php?t=159495

وخويي خذ نصيحت أخونا احترت بأسمي ونقع له 3 تمرات وخذ من ماها وغسل عين الطير مرتين باليوم لمدة 5 ايام والحمد لله الطير رجع مثل ما كان لكن يفضل تخلي الطير بدون برقع لمدة 3 ايام

تحياتي




ألرجال يعاني .. من نفس المشكله الي انت تعانيها .. ,مشاء الله على كلامه طيرهـ رجع مثل أول

.. يعني البل الي كان بطيره في طيررك ياليت يكون بينكم كلام .. اكثر وتفصيل اكلالم أكثر .. والله يشفي طيررك

[بو هاشم]

وعليكم السلام ورحمة الله وبركاته

مافيه غير العافيه ان شاء الله
اتوقع والله اعلم ان البرقع دايس على عين الطير
بدل البرقع وبخ عينه بماء وشكر
او اطحن الشكر بشكل ناعم وانفثه في العين المصابه بواسطة قمع ورقي

وسلامتك


ميه الميه
انا صار لحد طيوري نفس المشكله وديته الدكتور وعطاني وصفه وعلاج مانفع
وشافه احد الاصدقاء من دولة الامارت وقالي نفس وصفة اخونا بو رداد ونفع معه
وتحسن على طول بشكل ملاحوظ

[عاشق المخيله]

الله يشفي طيرك
لكن حاول اليومين الجايه لا تلبسه برقع لانه البرقع يزيد المشكلة

[خيال الصبحا]

الاخوة الاعزاء
حياكم الله جميع
المشكلة كانت بالموسم الماضي
وطبقت وصفة اخونا ابو رداد والحمد لله
الامور تمام 100% ، الطريقة للاخ حفراوي
طحنت سكر(شكر)ونعمته مرة وذريت بعين الطير والحمد
لله رجع مثل اول (ولكن ينبغي انك تغير برقعه وهذا ضروري)
وان شاء الله ان طيرك مابه الا العافية ، اخوك/خالد العنزي

[ردااااد]

الله يشفي طيرك انشاء الله

[ولد مساكن]

الله يشفيه