ياليت الكل يشارك برايه

[راعي مطروح]

السلام عليكم يالربع حبيت اطرح لكم موضوع قبض الطيور الناس اللي يمسكونها ولا يذكرونها ويش الحيله فيهم علشان ذا العاده تنقطع منهم وانا من طرحت الموضوع علشان موقف صار لي من كم يوم وهو حصلت واحد اعرفه وقابض طير وقلت له اذكر الطير قال لا هذا رزق المهم اخذت الرقم اللي في الحجل وكلمت راعيه وعلمته بمكان الطير وعقب قلت للرجال اللي مسك الطير انا اللي كلمت راعيه وتم يلومني ويتشره والساكت عن الحق شيطان اخرس هل انا يالربع غلطان في شي ارجو منكم الرد وتقبلو مروري.

[صانع الإبداع]

الله يهديه ويصلحه
ويرد الطير لصاحبه

[ابو منصور2000]

لو اقنعته وحطيته مكان راعي الطير
يمكن كسبت الاثنين
لكن رايتك بيضا وما قصرت

[راع الصقلاويه]

حياك الله ياراعي مطروح :

حركة الشخص هذا حركة نذاله ولا تمت للرجوله بصله ( أعذرني )

ولو كان الطير مافيه حجل وذكره للناس ولا حصَّـل راعيه نقول رزق

وساقه الله لك , لكن رقم صاحبه موجود ويعتبره رزقه فهذا شخص

مايخاف الله سبحانه وتعالى .

وبالتوفيق .

[وَسَام!]

هذا اعتبره من ضعف الدين !
وخيانة الامانه!
واكل اموال الناس بالباطل واحيانا بعضهم يفتي لنفسه
بان هذا حلال!
لكن اللهم اغننا بحلالك عن حرامك!

[..@القناص@..]

صحيح لو اقنعته بالطيب وفهمته ..
كان احسن ...
لاكنك لا بالله منتب غلطان ,,, الساكت عن الحق
شيطان اخرس الله يكثر من امثالك ,,,,,

[الكرتون]

الله يجزاك خير لانك ماتدري وش حال راعي الطيريوم ظاع طيره
وبلنسبه لخويك خله يحط نفسه مكان راع الطير ويحط راع الطير مكانه
هل يرضى ما سواه يسوى فيه

[hawwamT]

الله يجزاك الف خير ياراعي الموضوع ...
ياأخوان كلمة أوجهها وابتغي الأجر من الله أنقلوها لكل شخص جاهل أو عالم.
اذا طرح الانسان طير ووجد فيه حجل فيه التلفون واسم راعي الطير وأخذه وما علم عته فهو سارق حرامي ومثاله مثال الناقة الضايعة هل يجوز ان الانسان يأخذها أو يبيعها أم هذه تعتبر سرقة ؟ والله المستعان وعليه البلاغ.

[بروق عنيزة]

لا بالله سويت عين الصواب ... ونعم الرجل ...

والله يهدي زميلك وحاول تشرح له الموضوع بشكل موسع وتقنعه بأن كلامه خطاء وبطريقة حب وود بينك وبينه حتى يفهم عليك ويفهم الوضع بشكل واضح وانت لا تحسسه بغضبك من الموضوع بالعكس انتم اصدقاء و زملاء اشرح له وبين اكثر واكثر قد ما تقدر .

تحياتي وتقديري

[راعي مطروح]

الله لايهينكم على الردود الطيبه وبيض الله وجيهكم جميع

[هواي داورد]

بيض الله وجهك

ورفيقك دور لك واحد غيره

وكان يقرب لك

الله يعينك

دامه يعرف الأصول وراه مايمشي عليها