أبي خزان للباترول بمواصفات معينه دلوني يالذيابة وين ألقاه

[يازين البر]

بسم الله الرحمن الرحيم


يالربع أبي منكم الفزعة


معي باترول 2002 وأبي أركب له خزان ماء (فرش)


ما أبي وقافي وأبي ارتفاعه قليل حتى ما يضيق بالموتر


أبي ارتفاعه 7 سم فقط ويكون مفروش على الخلفية كلها


ماعدا مكان الرجلين اللي موضوع لأجل الركاب في المرتبة الثالثة فأنا أستفيد منه يا خذ أشياء واجد


المشكلة اني اتصلت على سوافي وقالوا لي ما عندنا أقل من 10 سم لأن المكينة اللي عندهم ما تطعج الألمونيوم على أقل من 10 سم


وياخذ 120 لتر وأنا ما أبيه يتعد 90 لتر حتى ما يثقل على الموتر


وكلمت عروق الشمال وقالوا لي نفس الشي !!


فاللي يعرف منكم ورشة متخصصة تسوي لي ألومونيوم على ارتفاع 7 سم لا يبخل علي


الله لا يهينكم أنتظر ردودكم

[كادر]

السلام عليكم
اخوي الالمونيم اختلفوا فيه كثيرا
ولم اجد اختلاف على الاستيل انصحك بالاستيل من وجه نظري الشخصية (حتى ما احد يزعل علينا )
نصيحه اخرى الفرق مابين السبعه والعشره ثلاثة سنتيميتر ماتفرق في الارتفاع وسبعه اظنها شويها خل مكان للهواء مهب شرط تعبيه كامل
وفيه ورشة الضويان في الرس شغلها ممتاز في الاستيل والالمونيم وذكرت في مواقع مختلفه في المنتدى
تحياتي

[يازين البر]

السلام عليكم
اخوي الالمونيم اختلفوا فيه كثيرا
ولم اجد اختلاف على الاستيل انصحك بالاستيل من وجه نظري الشخصية (حتى ما احد يزعل علينا )
نصيحه اخرى الفرق مابين السبعه والعشره ثلاثة سنتيميتر ماتفرق في الارتفاع وسبعه اظنها شويها خل مكان للهواء مهب شرط تعبيه كامل
وفيه ورشة الضويان في الرس شغلها ممتاز في الاستيل والالمونيم وذكرت في مواقع مختلفه في المنتدى
تحياتي


الله يعافيك أخوي كادر

بس الاستيل أثقل من الألمونيوم

وأنا إلى الآن ماركبت تانكي تصدق ؟! :)

واللي عنده اقتراح في التانكي اللي يشيل 80 لتر ولا يضيق قدر الإمكان

سواء فرش أو وقافي يفيدني تكفون لأني متعقد من الضيق

[لاتكب البيالة]

السلام عليكم

امسي عليك بالخير وجميع اعضاء المنتدى الكرام بعد الاختبارات اللي اتمنى انه تصير منتازة

اخي الكريم الطعاجة او ما ادري وش اسمه تطعج لو تبي 1 سم مهو عاد 7 وانا اشتغلت عليه قبل لكن غريبة هاكلام
وعروق الشمال اعرف واحد مفصل عنده تانكي تحت دعاسة البيبان يمكن 5 او 7 ما تعدى
انصحك تشوف ورشة غيرهم ولا قلهم يطعجونه بزردية:j

[يازين البر]

السلام عليكم

امسي عليك بالخير وجميع اعضاء المنتدى الكرام بعد الاختبارات اللي اتمنى انه تصير منتازة

اخي الكريم الطعاجة او ما ادري وش اسمه تطعج لو تبي 1 سم مهو عاد 7 وانا اشتغلت عليه قبل لكن غريبة هاكلام
وعروق الشمال اعرف واحد مفصل عنده تانكي تحت دعاسة البيبان يمكن 5 او 7 ما تعدى
انصحك تشوف ورشة غيرهم ولا قلهم يطعجونه بزردية:j


أخوي (لا تكب البيالة) والله المعرف :p

أشكرك من قلبي على التفاعل معي وحلوة الزرادية :)

لكن ما عطيتني رايك وش أنسب طريقة للتانكي بحيث انه مايضيق وياخذ 80 لتر ؟

[إعصار]

اطيب مكان داخل الموتر .. يصير واقف ورى المرتية الثانية ..

ومع الطبق والترتيب تصير عندك مساحة ممتازة ..

وفيه حل ثاني ..

التايوتا له مكان تحت.. مدري عن الباترول ..
حط التانكي تحت .. ومسألة الثقل ترها نسبية مرة .. يعني مافي فرق مرة خاصة ان التانكي يصير موزع حمله يعني مافي شي يذكر ..

وانصحك بالامنيوم تحت الموتر .. في ورشة اليحيي قدام مقبرة النسيم .. ضمان مدى الحياة الله يطول في اعمارنا على طاعته ..

[عبون الجواء]

وعليكم السلام ورحمة الله وبركاته
اخوي يا زين البر
انا معي مثل موترك موديل 2007 ما خليت شيئ الا وانا اسال عن المكان المناسب رحت لما عيال عمي في بريده قالو لا تتعب نفسك ما لك الا مكان واحد فقط ومكانها تحت تانكي بنزين يكون فيها خمسين لتر فقط اما اذا حطت وراء المرتبه الاماميه راح يكون لك اصوات مزعجه واذا حطيت على شكل خزان الوادي راح يثقل على الموتر 0
والخلاصه في القول وتقولي بيض الله وجهك ونصيحه مني لك لا تركب تانكي وخذلك مياه ابو خمس ريال افضل لك واتمناك لك التوفيق واي سوال انا حاضر طال عمرك
اخوك ابو عبدالله (بريده)

[يازين البر]

اطيب مكان داخل الموتر .. يصير واقف ورى المرتبة الثانية ..





..




جزاك الله خير أخوي إعصار , هذا اللي أنا ناوي أسويه بس إلى الآن ما توصلت إلى الهيئة المناسبة لشكله أبيه وذف


قالوا لي عروق الشمال إذا تبيه 80 لتر ورا المرتبة بيكون عرض أرضيته 27 سم وارتفاعه 37 سم وعرض سطحه 15 سم بـ 650 ريال ملبس شراع

ومبدئيا مناسب لكني فكرت استفيد من الفتحة اللي تحت المرتبة الثانية ولا أدري بيقدرون يفصلون على قدها وإلا !!




ومع الطبق والترتيب تصير عندك مساحة ممتازة ..
..





ياسلام عليك أبيك تفصل في الكلام زيادة لأني أبحط طبق عشان الترتيب

[يازين البر]

وعليكم السلام ورحمة الله وبركاته
اخوي يا زين البر
انا معي مثل موترك موديل 2007 ما خليت شيئ الا وانا اسال عن المكان المناسب رحت لما عيال عمي في بريده قالو لا تتعب نفسك ما لك الا مكان واحد فقط ومكانها تحت تانكي بنزين يكون فيها خمسين لتر فقط اما اذا حطت وراء المرتبه الاماميه راح يكون لك اصوات مزعجه واذا حطيت على شكل خزان الوادي راح يثقل على الموتر 0
والخلاصه في القول وتقولي بيض الله وجهك ونصيحه مني لك لا تركب تانكي وخذلك مياه ابو خمس ريال افضل لك واتمناك لك التوفيق واي سوال انا حاضر طال عمرك
اخوك ابو عبدالله (بريده)


جزاك الله خير يا ابو عبد الله

مسألة الأصوات محلولة بالشرايح والثقل مهوب مشكلة لأنه بيكون فوق الدفرنس وهذا أقوى للتحمل

وأما جيكات الماء أمهات 5 ريال فأنا أكرهها وبشدة ياما ربص موتري منها الله تخرخر

ومشكوووووووووور وما قصرت

[يازين البر]

يالربع عطونا وجه :(

[سيف الظفير]

يالذيب توكل على الله وركب تانكي فوق الـ 150 لتر عطي الله تحت الجيب وركب مساعدات استرالية وهذا رأيي

[يازين البر]

يالذيب توكل على الله وركب تانكي فوق الـ 150 لتر عطي الله تحت الجيب وركب مساعدات استرالية وهذا رأيي


ليتك تقرا الموضوع زييييين قبل ما ترد

وش اللي 150 لتر تحت الجيب , أنا معي باتروووووووووول سفاااااري نيسااااان !!!

مهوب لاند كروزر الله يجزاك خير ...

[يازين البر]

ولله الحمد تم تركيب خزان 100 لتر والأمور تمام

[أمير الخيال]

الحمد لله على كل حآل

مشكور و آشكر الآخو الذين آفآدوك

[لاتكب البيالة]

على البركة

لكن ماعلمتنا وين ركبته ووشلونhttp://www.phys4arab.net/vb/images/smilies/p_03bad_1.gif

[عبون الجواء]

ممكن صورتها ومكانها يا زين البر وهل تنصحني بها

[يازين البر]

اليوم بإذن الله أنزل لكم الصور والمعلومات

[يازين البر]

http://www.mekshat.com/vb/showthread.php?t=216190

[سبع الصحراء]

مبروك التانكي اخوي

كنت حاب أطرح أقتراح انا مجربة بموتري وبصراحه عملي جداً جداً

لكن عاد خيرها بغيرها نخدمك إنشاء الله بالموتر الجديد

تحياتي

[يازين البر]

مبروك التانكي اخوي

كنت حاب أطرح أقتراح انا مجربة بموتري وبصراحه عملي جداً جداً

لكن عاد خيرها بغيرها نخدمك إنشاء الله بالموتر الجديد

تحياتي


الله يبارك فيك أخوي سبع الصحراء وياليت تعطينا اقتراحك وتفيدنا

[0007]

السلام عليكم به محل ببريدة يفصل توانك فيبر قلاس اخف من الالمنيوم والستيل :good: