غريب هل::: أهل الأحساء يدرون عن جريان وادي الرمة ووادي الرشا

[الثقيل]

لازلنا كل يوم في جديد من عجايب وادي الرمة ووادي الرشا

يقول أحد الشيبان

انه كان يوم كان يشتغل في الأحساء قديما كان جالس وسمع شيبان من أهل الأحساء يحدثون بعضهم ان وادي الرمة والرشا ماشيات

يقول التفت عليهم وقلت وشلون عرفتم انهن ماشيات

قالوا نلاحظ هذا في العيون اللي عندنا في الأحساء

يزيد ماها


أما وادي الرشا فيدرون عنه أهل عنيزة مع ان بينهم وبينه نفود الشقيقة

إذا زادت مياه أبارهم

[sakando]

مشكور على الموضوع بس باقي احد من الاخوان في الاحساء يشوف اذا المياه السطحيه او الجوفيه زاد منسوبه ويكون خبر زيادة الماء في الاحساء موثق بأدله وبكذا تكون سابقه مكشاتيه في توثيق واحياء ارث معلومات الاباء والاجداد اما عنيزه فأكيد ان مياه الابار زادت لان كل اوديته سالت.

[البتار2011]

ننتظر اهل الاحساء

[فتى شنه]

الاحساء الله والعالم

لكن اللي انا متاكد منه اثباتا لكلامك

انه اذا سال وادي الدواسر ووادي بن هشبل ووادي بيشه سيل قوي بعدها بـــ 14 ليل القلمان اللي بالرمله تغرف بالغضاره منها وانت واقف .

[الثقيل]

ودنا برد من أهل الأحساء

ولو ان الشايب خبر عندي موثق

لكن جيد لو يولفونا أهل الأحساء

ويستفسرون من شيبانهم كم يوم ياخذ لين يلاحظون

[جواثا]

السلام عليكم

بالنسبه لاعيان الاحساء مرتبطه ومتصله باوديه المنطقه الجنوبيه واكبر دليل على ذلك بعد انشاء سد وادي الملك فهد في بيشه جفت اعيان الخرج والاحساء

تحياتي

[طحنون]

متصله بالافلاج ومنطقه وادي الدواسر والسليل
والربع الخالي

[الثقيل]

ننتظر العلم من أحد من الأحساء

يتشوف خلال الأيام القادمة ويتحرى وصوله

ويجيب العلم الأكيد

مع ان الرجال اللي يقولي يأكد الأمر