الذ طريقه لعمل الفقع

[اخت الشقرديه]

احلا طريقه تذوقتها لعمل الفقع((الزبيدي هذا اسمه عندنا))
هذي طريقة الوالده الله يسلمها وغير هالطريقه اشوف ماله طعم
[اول شي نضع الفقع في مويه لمدة ساعه
حتى يسهل تنظيفه
وبعد تنظيفه يوضع في قدر غويط شوي
نضع عليه سمن اوزبده ثم نصب عليه لبن حتى يغطي الفقع
ونتركه على نار هادئه ولانضع عليه غطا ابد ابد حتى مايفور اللبن وينكب ويصير متقطع
وبعد ساعه يكون جهز والي يحب الملح طالع يضع عليه قليل
لان اللبن يكون حامض يكفي عن الملح وبعدين حطو قليل من الزبده عند التقديم
جربوها والله انها الذ من الكشنات وغيرها؟]

لو يكون اللبن طازج يكون احلا من المبستر

[نسم سحابه]

(حتى مايفور اللبن وينكب ويصير متقطع وبعد ساعه يكون جهز)

ياريت يكون اكثر توضيح هل يطبخ مع البن

لمدة ساعه اوكيف

ومشكوره اختي على الطبخه والتي ان شاء الله اتى موسمها

[المتزن]

ونعم والله باخت الشقرديه
مستعده للفقع (الزبيدي) من بدري ماشاء الله عليك
عسى الله لايحرمنا من فضله هالسنه خصوصا مع هالخيرات وكل سنه انشاء الله
موضوع يستحق الاطلاع الله يعطيك العافيه ويحفظ لك الوالده
طريقه سهله واتوقع انها لذيذه
شكرا لك

[اخت الشقرديه]

[quote=نسم سحابه;2122397](حتى مايفور اللبن وينكب ويصير متقطع وبعد ساعه يكون جهز)

ياريت يكون اكثر توضيح هل يطبخ مع البن

لمدة ساعه اوكيف

ومشكوره اختي على الطبخه والتي ان شاء الله اتى موسمها
يعني اذا غطيتي اللبن راح ينكب وينقص بسرعه
حتى الي يسوون الاقط اذا طبخو اللبن مايغطونه لين يصير اقط
الساعه هي مدة طبخ الفقع باللبن
يعني يجلس الفقع الله لايهينه يطبخ باللبن ساعه
علامة نضوجه يكون اللبن ثقيل ومافيه مويه كثير
ياليت فهمت قصدك واجبتك.........................

[اخت الشقرديه]

المتزن
اشكر مرورك

[wrs3975]

الله يعطيك العافية ..... تحياتي

[راع الصقلاويه]

كلام عدل , بس فيه طريقه أخرى , وهي :

يطبخ بالماء لمدة ساعه , ثم ينقع في اللبن ليلة كاملة

وهذي طريقة بدونا , خصوصاً وأن اللبن إذا طبختيه

لابد من بقله ( أي تحويله إلى إقط بلهجتكم أو بقل بلهجتنا )

فاللي مايبي يبقل يكتفي بالنقع ثم شرب اللبن بعد ذلك

وياربي لك الحمد على نعمك التي لاتحصى .

سلمتي وأنا أخوتس .

[الشامخ الشمالي]

الله يعطيك العافيه اخت الشقرديه على الوصفه الرائعه

بارك الله فيك

[اخت الشقرديه]

كلام عدل , بس فيه طريقه أخرى , وهي :



يطبخ بالماء لمدة ساعه , ثم ينقع في اللبن ليلة كاملة


وهذي طريقة بدونا , خصوصاً وأن اللبن إذا طبختيه


لابد من بقله ( أي تحويله إلى إقط بلهجتكم أو بقل بلهجتنا )


فاللي مايبي يبقل يكتفي بالنقع ثم شرب اللبن بعد ذلك


وياربي لك الحمد على نعمك التي لاتحصى .



سلمتي وأنا أخوتس .


اما اسم الاقط بلهجتنا فهو((مظير))بتشديد اليا
وانت صادق اخوي اذا طبخ اللبن بزياده صار بقل بس ساعه يكون ثقيل وهذا حلاته مع الفقع والسمن البلدي

الوالده تطبخ اللبن 4ساعات حتي يصير (لتيحه)يعني صار اقط

[الشيف محمد]

السلام عليكم
الله يعطيك العافيه طريقه ممتازه وشكلها لذيذه
ماأدري الطازج والناشف طريقتها وحده
الله يخليلك الوالده ويحفظها من كل شر
تقبلي مروري

[سيف الظفير]

حلاته مكبوس على لحم يا الذيب





والله يجيه هالسنة يارب

[المجمعه]

يعطيك العافيه

وهالسنه وقته ان شاء الله

بس عندى سؤال : هل يؤكل بخبز والا بملعقه والا كيف .. ياليت يكون الشرح وافى

[اخت الشقرديه]

الشيف محمد يعطيك 1000عافيه
بخصوص استفسارك والله ماعمري جربت الناشف لانه راح يفقد اكثر طعمه وقيمته الغذائيه والله اعلم وشلون محفوظ

[اخت الشقرديه]

المجمعه
اخوي اكله حتى بالشوكه انت وبرستيجك
لكن بالخبز ماجربناه والذ حاجه اكله لوحده