الطير الي يكوش على الفريس شسويبه

[قناص ام وشاح]

عندي طير يكوش على الفريس شسويبه؟

[هاوٍي]

نتـفـه يا الاخوٍوٍ

[الكرتون]

السلام عليك أخوي قناص
والطير اللي يكوش على الفريسه هو عندي أفضل الطيوررر
وعلاجه عندي ولنفرض أن طيرك ذبح كروان وكاش عليه
وهو يذبحه أربط سبوقه وخله ينسر منه كم نسره
وبعدين أحفر تحت الكروان ولاعبه بيدك ولاشديت أنتباه الطير ادفن الكروان بليد الثانيه
ودفنه كاااااااامل
وخل الطير وراح يكفخ من محله (( لكذا ربطنا السبوق ))0
كم مره وبعدين خلاص تاخذ صيدته ولا يعاندك ويكوش
ولاتنساني من الدعاء
إنشاء الله إني أفدتك
تقبل مروري

[alsarm]

هل فيه حل اخر غير الدفن يالكرتون

[عاشق1]

السوق وعذراً على هذي الكلمه لان الطير اللي مثل هذا يجيبلك الملل من الطير

[هواي داورد]

الله يفكه من علته وجعلك تاكل من صيده

[روووح]

اخووي الحل سهل وبسيط اخذ لك حمامه واذبحها واقطع الجناح مع ربع الثندوه رح للبر عط الطير الحمامه حتى لو الطير مربوط بعدين البس الدس وامسك الجناح وخله يشوف الثندوه بس انتبه لا ياخذها منك وبعدين اقرب لطير على شوي شوي وانت تناديه هوووي هوووي
وحط يدك بين رجووله وارفعها علشان ينقز على الدس واخذ الحمامه لا يشوفها وخله ياكل على يدك

بس اهم بس تجيه شوي شوي مع الصوت الهادئ اسبووع وشوف النتيجه

[راعي فزاع]

هلابك اخوي


انا من رايي ولعل الأخوان عطوك راي افضل

انك تهد الطير على حمامه ضعيفه اقصد بالطيران
وتخليه يعلف منها لين يشبع وبكره نفس الكلام
لان اصلا مشكلة الكوش جت ان الطير يكون جوعان ومقوصر له بعد ويقلل له العلف فتلقاه يكوش حتى لا تاخذ منه صيدته او علفه كم مره ولا أصطنع ابد انت اذا نسرله كم نسر تعزله
وتقبل مروري
اخوك ابو عبدالله

[الكرتون]

وأنا خوك أنا أعطيتك الحل الأحسن
بس تقدر بدال الدفن تستخدم رقعه وتكون مبطنه بطربال
لتخطيت الفريسف
أو صماط
بس الأفظل اللون يكون بيج

[صقار البحرين]

هلا اخوي

انا عندي بعض النقاط اللي اتمنى انها تنفعك
ان شاء الله

اخوي اول حاجه الطير ما يكوش الا من ضعف او جوع
وبعض الطيور يكون فيه هذا الطبع
ولكن في حل لها ان شاء الله
حاول انه تستخدم دعو للعزال ولا تعشيه على يدك بالمره
لنه اليد هي مشكلة الطير بعض الاخوان يعزل الطير وهو يشوف الفريس
وحاول انك تنسيه الحمام وخلك دايم تعشه على تلواح وعلى الارض
واستخدم الدعو في عزاله دايم
وان شاء الله انه بيكون افضل

اخوك ابوعلى

[F J]

طيب يا روح وش قولك عن الطير اللي يكوش وهو على كف صقاره؟!ّ؟!

[قناص ام وشاح]

نتـفـه يا الاخوٍوٍ

لو هو طيرك كان شفتك تبكي عنده لانك مب كفو تنقل شرياس

[قناص ام وشاح]

السلام عليك أخوي قناص
والطير اللي يكوش على الفريسه هو عندي أفضل الطيوررر
وعلاجه عندي ولنفرض أن طيرك ذبح كروان وكاش عليه
وهو يذبحه أربط سبوقه وخله ينسر منه كم نسره
وبعدين أحفر تحت الكروان ولاعبه بيدك ولاشديت أنتباه الطير ادفن الكروان بليد الثانيه
ودفنه كاااااااامل
وخل الطير وراح يكفخ من محله (( لكذا ربطنا السبوق ))0
كم مره وبعدين خلاص تاخذ صيدته ولا يعاندك ويكوش
ولاتنساني من الدعاء
إنشاء الله إني أفدتك
تقبل مروري
بارك الله فيك والله ويوفقك لاكن الطير من يمسك الفريس كووش

[قناص ام وشاح]

السوق وعذراً على هذي الكلمه لان الطير اللي مثل هذا يجيبلك الملل من الطير

لو الطير عادي كان من زمان بعته لاكن الطير طلع وسبوق

[قناص ام وشاح]

بارك الله فيكم وانا لي رجعه عشان ارد على الي فادوني

[عاشق1]

الحل عندي ادام ذي علومه اذا جيت تعلف الطير خل العلف مرادف يعني على قطع اول شيء الثندوه ثم الثندات الثانيه ثم الرجل وبعدها الرجل الثانيه بحيث انك تعطي الطير وهو بين يديك يعني ماترفعه من الارض اذا خلص من الثندوه وهو على يدك تخليه ياخذ الجناح ويطب بالارض وتعطيه الثانيه وبها الطريقه مايطمع الطير باللي بين يديه والصنع الطير عشان يتعود على الغناة (وغيرك معلم وهو مجرد رأي وجعله انشاء الله يصيد ويفيد )

[قناص ام وشاح]

والله الطير فيه عيب ثاني انه يلحق الناس ويشبكهم>>>>عنبوه وحش هههههه
وتراها ماهيب مزحه والله انه اذا فرط سبوقه ولا على الوكر وحد مر جمبه انه يشبك الناس ويطرد الناس اي والله انه مشكله والطير اضن فيه خلل في المخ لان الطير ماهوب طبيعي

[عاشق المقناص3]

الحل عندي ادام ذي علومه اذا جيت تعلف الطير خل العلف مرادف يعني على قطع اول شيء الثندوه ثم الثندات الثانيه ثم الرجل وبعدها الرجل الثانيه بحيث انك تعطي الطير وهو بين يديك يعني ماترفعه من الارض اذا خلص من الثندوه وهو على يدك تخليه ياخذ الجناح ويطب بالارض وتعطيه الثانيه وبها الطريقه مايطمع الطير باللي بين يديه والصنع الطير عشان يتعود على الغناة (وغيرك معلم وهو مجرد رأي وجعله انشاء الله يصيد ويفيد )
:good: :good: :good: :good:

[bo3essa]

الطير الي يكوش يا من جوع ولا تعلفه مع طيور اخرى اذا كان يكوش على كف صقاره فمن رأيي انجيت تعلفه لاتخليه مع طيور وأنشاء الله اكون فدتك
تقبل مروري..

[الرقعي]

الله يكفيك شره لي يهد علي الناس مصيبه ليكل البزران انتبه

[الدباغ كحيلان]

صقار البحرين معه حق وضم صوتي الصوته وتقبل مروري صقار متقاعد وعندي خبره