ممكن احد يدلني عن مخارط السنن الناعمة

[موادع 1]

الاخوة الاعزاء اعضاء وزوار مكشات
السلام عليكم ورحمة الله وبركاته
ممكن احد من الاخوان يفيدني عن المخارط اللي تسوي السنن الناعمة والصغيرة مثل سنن المامة للدافور
لاني ناوي اسوي سنة مثل سنة المامة
وهو تطوير للقز اللي سبق وطرحته بس
سويت له تعديلات بتخلية شي خياااااااالي من جد واقتصادي وبقوووه والبيع بـ 1200 ريال :D :D
او 300 $ ما يخالف بالدولار لو انه معد يسوا
واليابانيين مو احسن منا:j
وهذا رابط الموضوع الاول
ولا تخلونا من الاقتراحات
http://www.mekshat.com/vb/showthread.php?t=154547
وهذي الصورة


http://www.mekshat.com/pix/upload02/images87/mk50546_20081116612.jpg


معليش الصور ماهي واضحة بس توصل المطلوب
لاني سبق ورأيت موضوع يتكلم عن هالمخارط ولكن لم اجده بالبحث في الموقع
يقولون في صناعية الفوزان ولا ادري وينها فيه او اي مكان ثاني يسويها
لا تقولون الصناعية القديمة لانهم ما يسوون السنن الناعمة
او اذا كان احد مسويها يدلني وجزاه الله خير


موادع 1

[ابولولو]

ودي افيدك بس اقول لك الله يقوك وتلقا من يدلك

[سرهيد]

هلا بموادع

وعاش من شافك

طيب المخارط اللي انت خابر ما تنفع

والله مدري وش انك ناوي عسى الله يطعمنا من خير ما تسوي آمين :)

تقبل تحياتي

[famr55]

حسب خبرتي بالخراطه .. الاشياء الصغيره مثل المامات والبراغي الصغير تسنن

بالبفتات ... تباع عند محلات العدد والبراغي !

ولها ارقام .. كثيره

[ابوفهيدان]

انا عندي عدة صغيرة لعمل السنن ذكر وانثي وصناعتها يابانبة بس طال عمرك تعمل سنن خشنة مش ناعمة

بس المااميات لها احجام تختلف لو تدور لك راس صيني تلقا بعض المامايات لها سنن صغار وكبار وتاخذ من ذا وتجرب

العدة هاذي شاريها من الكويت ولها مقاسات كثيرة من المايكرو للكبير انا شريتها علشان عندي كم قز مسويهن وفادتني بس تري السن اللي عليها خشن عكس سن المامايات الناعم وماعتقد انها تنفع للغازات الظاهر حقات صواميل بس راح ابحث عن السنن الناعمة وابلغك
http://www.mekshat.com/pix/upload02/images88/mk63246_99999.jpg

[موادع 1]

ودي افيدك بس اقول لك الله يقوك وتلقا من يدلك

مشكور اخوي ابو لولو

[موادع 1]

هلا بموادع

وعاش من شافك

طيب المخارط اللي انت خابر ما تنفع

والله مدري وش انك ناوي عسى الله يطعمنا من خير ما تسوي آمين :)

تقبل تحياتي

هلا بذيبان
عاشت ايامك يابو عبدالله
ماظنيت المخارط ذيك تنفع لانها تسوي سنن خشنه
وراح تشوف شي يوسع الصدر

[موادع 1]

انا عندي عدة صغيرة لعمل السنن ذكر وانثي وصناعتها يابانبة بس طال عمرك تعمل سنن خشنة مش ناعمة

بس المااميات لها احجام تختلف لو تدور لك راس صيني تلقا بعض المامايات لها سنن صغار وكبار وتاخذ من ذا وتجرب

العدة هاذي شاريها من الكويت ولها مقاسات كثيرة من المايكرو للكبير انا شريتها علشان عندي كم قز مسويهن وفادتني بس تري السن اللي عليها خشن عكس سن المامايات الناعم وماعتقد انها تنفع للغازات الظاهر حقات صواميل بس راح ابحث عن السنن الناعمة وابلغك
http://www.mekshat.com/pix/upload02/images88/mk63246_99999.jpg

مشكور اخوي ابو فهيدان على تفاعلك وهذي عوايدك طال عمرك
ننتظر افادتك وبيض الله وجهك

[xozxo]

يا اخي اخبرها في الصناعيه القديمه اول لفه وانت داخل من طريق الامير سلمان متجه شرق لف يمين متجه جنوب المخارط الى علي يمينك سبق ان وحده منهم خرطت لي صاموله سنه ناعمه جدا

[موادع 1]

يا اخي اخبرها في الصناعيه القديمه اول لفه وانت داخل من طريق الامير سلمان متجه شرق لف يمين متجه جنوب المخارط الى علي يمينك سبق ان وحده منهم خرطت لي صاموله سنه ناعمه جدا

مشكوووووووووووور اخوي وبيض الله وجهك

[دغيم1]

حياك الله أخوي
اذكر مخرطة بعد البان الصافي (محلهم القديم ) قبل إشارة الصناعية ( طريق الأمير سلمان ) وانت متجة شمال
مقابل ورشة المالكي
مخرطة جيدة
يمكن تحصل مطلوبكم عندهم
تحياتي

[amoraba]

المخرطه طال عمرك تلقهافي الصناعيه القديمه قبل شارع الامير سلمان فييه شارع خش معه بيجيك صندقه علي اليمين تستخدمها الجمعيه للتفطير في رمضان هو المحل الي قبل الخير علي اليسار لوحتها زرقا قبل التقاطع وقف عند الصندقه وتحصله هناك يسون لك الي تبي سعره حليو من 15 الي 20

[Hagaanaf]

صناعية العويضه ، وصناعية الفوزان ، والصناعية القديمه

[sedrh]

اعتقد ياخوي ان مثل هذي الحاجات تلقى خبرها عند اهل المخارط نفسهم بس دورلك على واحد يكون فعلا معلم مهو من اللي مسوي معلم وهو ماعندك احد
مره سئلت واحد من حقين المخارط عنها قالي احنا مانستخدمها عشان كذا مانجيبها لكن موجوده في السوق باشكال مثل اللي عرضها ابوفهيدان
تحياتي