منيفة ,, نهاية الأسبوع ,, فزعة يا أهل الفزعة .. استفسارات

[النوخذة الأحسائي]

السلام عليكم ,,

الله حيهم ،،

حبابيبي لا هنتم ,,

عزمت أنا وبعض الأصدقاء الذهاب يوم الأربعاء هذا الأسبوع أو اللي بعده إلى منيفة ..

فلدي بعض الاستفسارات لاهنتم ,,

1/ أنا ذهبت في إجازة العيد للخفجي من طريق بوحدرية وأنا في الطريق لقيت مكتوب منيفة على اليمين .. هل منها طريقها ولا ممن موقع ثاتي ,,

2/ كم تبعد عن الأحساء أو الدمام أو الخفجي .. ؟؟

3/ هل يصلح نخييم فيها ,,

4/ تحتاج واسطة ولا تصريح عادي من الخفر ..

5/ اماكن الصيد .. من السييف ؟؟؟


غفرالله لكم ,,

لاتخذلوني

بو فهد

[النوخذة الأحسائي]

هذي خريطة لأبوراشد بارك الله فيه ,, هل مازالت ولا تغير الوضع

http://www.mekshat.com/pix/upload/images4/mnifah094map.jpg

[راعي اليتامى]

الحين منيفه صارت اغلبها مقفلة وممنوع التخييم فيها الا بتصريح من حرس الحدود

[النوخذة الأحسائي]

حنا راح ناخذ تصريح ..

طيب ننتظر البقية ,,

وهل المنطقة تحتاج سيارة دبل .. ولا أي سيارة تدخلها مثل الكورلا

[abdullah9]

بعض الاماكن تحتاج دبل والبعض مايحتاج
وحسب معلوماتي القليله والمتاواضعه انو مكان رقم 3 بالخريطه مايحتاج دبل
شكرا لك على هذا الموضوع
ننتظر دعمكم له يانواخذه
شكرا
عبدالله

[راعي اليتامى]

اذا طلعتك للحداق

يعني بتخيم قريب من البحر

ماتحتاج لسيارة دبل لأن الارض قوية

خاصة بعد هطول الامطار الكثيفة خلال الاسبوعين الماضيين

وللإحتياط نسم على كفرات سياراتكم وموفقين بإذن الله ،،،،،،،

[نمط]

عليكم السلام

راح أحاول أجاوبك على حسب معرفتي من باب تجربة في منيفة لا أكثر , والدنيا أرزاق وانا اخوك
http://www.mekshat.com/vb/showthread.php?t=160396


1/ أنا ذهبت في إجازة العيد للخفجي من طريق بوحدرية وأنا في الطريق لقيت مكتوب منيفة على اليمين .. هل منها طريقها ولا ممن موقع ثاتي ,,

بالضبط تماماً نفس الطريق , لأن منيفة لها لوحة واحدة فقط , وبعد اللوحة على طول بتلقى مدخل عاليمين هذي هي منيفة
تدخل سيدا وبيكون الطريق رايح جاي , بتجيك لوحة بعد مسافة مكتوب فيها خفر السواحل
ادخل المدخل عاليسار لا تكمل سيدا , وامشي لين توصل لمركز خفر السواحل

, بخصوص اللوحة اللي مكتوب فيها منيفة يمكن ماتلقاها الحين , لان في الطريق اللي فيه اللوحة في تحويلة وتعديلات , فبتكون انت على الطريق الثاني في التحويل ولا راح تبان لك اللوحة
عالعموم انت راح تلقى نقطة تفتيش رئيسية لأمن الطرق عند المحطة
بعدها بـ 30 كيلو تقريباً بتجيك مدخل منيفة




2/ كم تبعد عن الأحساء أو الدمام أو الخفجي .. ؟؟

مدري كم تبعد بالضبط , بس مشوارنا لها من القطيف لمنيفة يكون حدود ساعتين , سرعتنا 120 الى 140
واحياناً اقل اذا داعس الموتر

وطريقها فيه تحويلات كثيرة



3/ هل يصلح نخييم فيها ,,

يصلح ونص , انا مجربها االسنة واللعام مع الشباب , خيمنا فيها اكثر من اسبوع وروعة , في الصيف جوها معتدل , في الشتاء باردة جداً ,


4/ تحتاج واسطة ولا تصريح عادي من الخفر ..

ما تحتاج أي واسطة , فقط روح لمركز خفر السواحل مع مواتركم وهوياتكم ويسوون لكم تصريح , لا تودون معكم غزول ولا مسدسات صيد , كل طرق الصيد هناك ممنوعة ما عدا الحداق فقط .
يعملون لك التصريح في أي وقت , تاخده وتتوكل للمكان اللي تبي , بس حاسب وين بتروح , لان منيفة كبيرة واماكن كثيرة ما ندلها ولا جربناها , وفي مواقع ممنوعة اللي تكون بجانب شركات .



اماكن الصيد .. من السييف ؟؟؟

أي نعم , منيفة مليانة مزيزي وسبيطي , في أغلب مواقعها , وين ما تروح الحبيب لمزيزي يتلقاك . والبحر ارزاق

دور عالمكانات الضحلة , اللي تكون مايتها للركبة تقريباً , راح تصيد مزيزية يحبها قلبك , ولسبيطي متواجد برضو

الفجر والمغرب سحب جامد

ادخل موضوع هذا مسوي تغطية كاملة عن رحلتنا في منيفة , مواترنا ما كان فيها ولا موتر دبل
كوامري وهونداي وونيت بس
http://www.mekshat.com/vb/showthread.php?t=160396

لكن منيفة فيها شوارع تشوفها , وفي اماكن اذا لقيت الطريق يخوف لا تخاطر فيها
اما بقية الطرق ارضيتها قوية جداً ولا تحتاج تنسيم كفرات ولا دبل ولاشي

الطريق اللي يوديك لخفر السواحل كله طريق تمام مافيه أي تغريزات
قبل توصل لمركز الخفر على يمين بحر وعلى يسارك
وانت رايح للخفر على يسارك البحر , هذا برضو موقع ممتاز وفيه مزيزي وسبيطي , لكن احياناً يكون شحيح واحياناً مافيه , خصوصاً باوقات العيد يكون شحيح , من كثرة الضجة والناس
لكن بالايام العادية قط واسحب احياناً , فانت جرب قبل تروح تدور , ان ما حصلت شي رح لأماكن ثانية


راح اشرك لك على خريطة ابو راشد


http://www.mekshat.com/pix/upload/images4/mnifah094map.jpg






رقم 3 و 2 و 1 , الطرق نظيفة , الباقي ما جربتهم , وصلت لقريب رقم 4 , والشارع نظيف , وقبل رقم 4 تلقى هناك خور وتياره قوي , يسموه راس بالول , فيه هوامير وشعري , بس صعب الحداق فيه لان التيار جداً قوي وجربناه ما يسوى


شوف رقم 2 , هذي اكثر منطقة حدقت فيها , في المغرب اروح لي ساعتين , مزيزي طولهم نص يدك , وعريضي اكبر من كف اليد , وقرقفان سمين , وصدقني الطعم كله خثاق , ورغم ان لمزيزي يبي شي غير الخثااق , لكنه بمنيفة متوفر وجوعان , والطش فيه لين تقول بس

وهذي عينة للمزيزية بمنطقة رقم 2 العيد اللي طاف
http://www.al-baharh.net/up//uploads/images/al-baharh3-12956b4960.jpg




http://www.al-baharh.net/up//uploads/images/al-baharh3-4fee524ac2.jpg





ما بين منطقة رقم 2 وخفر السواحل , بوسطهم , المكان المقصوص الواضح في الخريطة
هذي جزيرة
تقدر توصل لها عن طريق الدخول لها من منطقة رقم 2 وقت ما تكون قراح

الجزيرة فيها كل شي يخطر ببالك , واحياناً ما تصيد واحياناً تعين خير
حنا نروح نوضع مدود فيها

لكن نصيحة لك لا تخاطر , ولا تفكر تدخلها في السقي أبداً , لان راح تتيه وتنسى المكان وماية منيفة قوية

وماية منيفة 12 ساعة
يعني ثبرتها تكون 12 ساعة مو 6 ساعات

يعني لمن قراح الفجر , تقدر تدخل الجزيرة لين العصر


هذا اللي عندي

لا تعملوا ضجة في السيفة وخد لك رفقة تحب الهدوء وبتلطش في لمزيزي لين تشبع

لمن تكون بدايتها سقيها الحق الماية لا تنتظرها

انزل لين يوصلك الماية للركبة , وقط واسحب

وكل ما قربت الماية انت بعد للسيفة
لين توصل وقرابة 3 ساعات بيكون سحب قوي

وبعدها بيكثر القرقفان

لا تدور المكان الغزير في منيفة نصيحة

لي تغطية حقت اللعام هنا دور عليها , بتشوف صور لمزيزية وقيس عمق الماء بنفسك
راح تلقاه للركبة او ما وصل للركبة

بالتوفيق
ولا تنسانا من الصور خلنا نستمتع

وتراها بعد المطرة اللي جت بتكون منيفة غير

والصيد بيكثر

[abdullah9]

نمط دائما مبدع
ومن الناس الي مايبخل بالمعلومات المفيده
اشهد انك نوخذه
شكرا لك وشكرا لصاحب الموضوع
عبدالله

[القناص-sniper]

انا بصراحه مقدر افيدك بس

لي طلب ولا تردني

صور منيفه صور السيف وكثر

ترى لها معزه في قلبي من سنين من قبل لا يشدون اهل السفانية

الله ييسرامرك ويسهل دربك

انتظر تقريرك يا غالي

تحياتي لك

[النوخذة الأحسائي]

بعدي والله .. وبارك الله فيكم ,,

تسلم يانمط .. هذا العشم وأشهد أنك ذيب ..

طيب يالذيب ولا يهون الحبايب بسألك..

ارجو توضيح الطريق لمنيفة بالضبط لأني بضيع كذا لأنك تقول اللوحة ماراح أشوفها وبعد ما أذكر نقطة تفتيش واجهتني في هالطريق .. هل تقصد راس الزور ؟؟!!




هل التصاريح لها وقت معين .. يعني لو جيت الصباح أو الظهر او قريب المغرب كله عادي ولا لهم أوقات معينة ,,

** هل من احداثية للموقع 2 حسب الخريطة أو صورة من صوركم توضح لي معلم من معالم الموقع ..

وإذا طحنا على الموقع 2 نخييم فيه ولا نتعداه؟؟ والبحر ما يوصلنا مثل بو قميص .. فوقت السقية والمد ينخاف منه في بو قميص ؟!!!

أيضا يالغالي هل من خدمات قريبة مث بنزين ... بقالة ,,

كثرت عليكم ..

لكني كذا أحب اكون على إطلاع قبل لا أروح لأي مكان ,,


بارك الله فيكم..

[نمط]

في نفس الخط اللي رحت منه
خط أبو حدرية

بيجيك كبري لجبيل بتعديه
وبتجيك الخرسانية بتعديها

بعدها بتجيك نقطة تفتيش لأمن الطرق على الخط الثاني مو على الخط اللي انت فيه
يعني بيكون يسارك حق الرجعة , يمينك محطة وقدامها كبري
بتكمل سيدا وبعدها نص ساعة تقريباً ويجيك مدخل منيفة

بتشوف لوحة مكتوب فيها الكويت 230 كيلو

بعد هاللوحة بعشر دقايق تقريباً بتكون عند مدخل منيفة


التصاريح مالها وقت معين , متى ما وصلت يصرحوا لك المركز على مدار 24 ساعة
خدمات مافي قريبة , ولكنها بنفس الوقت ماهي بعيدة

ارجع على نفس الخط اللي جيت منه
بتلقى محطتين على اليسار

الأولى قبل نقطة التفتيش
والثانية عند نقطة التفتيض بالضبط
الثانية فيها خدمات أكثر
فيها استيديو , فيها مطعم , فيها حلاق , فيها بنشري ومحل قطع غيار وسوبر ماركت , فيها خدمات كثيرة

الثلج خده معك , لانك ما بتلقى الا ثلج حلو وما راح يصمد معك

المحطة تقريباً 25 دقيقة وتوصل لها

بالتوفيق

[النوخذة الأحسائي]

بعدي والله يالقطيفي .. ما قصرت ,,

** هل من احداثية للموقع 2 حسب الخريطة أو صورة من صوركم توضح لي معلم من معالم الموقع ..

وإذا طحنا على الموقع 2 نخييم فيه ولا نتعداه؟؟ والبحر ما يوصلنا مثل بو قميص .. فوقت السقية والمد ينخاف منه في بو قميص ؟!!!

[( ابو تركي )]

بالتوفيق اخوي الحساوي ما قصر معاك الذيب نمط
لا تنسا الخيمه لازم تبعد عن البحر 200 متر حسب قوانين المركز وفي محلات يحبها قلبك إذا تبيها كلمني على الجوال 0505816093 وانا حاضر
تحياتي

[الوحش79]

المنطقه رقم 8 وماحولها غير ممنوعه واسمها راس بلبول وتحتاج دبل للوصول اليها
محدقها ممتاز بس تحتاج نص ميت وتدخل البحر لين الركبه وعاين من الله خير

كثر من الميد والسلوس عليهم ضرب يحبه قلبك
حاول تركب ترديعه بميدارين بالميده من الراس والبطن للتدعيم فـ السبيطي غالبا يمسك جهة البطن وهو رايح

والله يوفقك

ولص

[accentkool]

ماشاء الله الاخواان ماااقصرو
بجد استفدنا من استفساارك كثير

[بوناجم]

حمستوني اطلع منيفة يا اخي...من زمان ودي بطلعه لها بس ناقصني اجوبة والان لقيتها
بس حبيت اسأل ...الان فيه شي في منيفة؟؟
يعني الضرب اوك اذا كان الجو حلو وصاحي؟؟

[( ابو تركي )]

هلا والله بوناجم اذا تبي تروح لمنيفه خلها بعد اسبوعين أو ثلاثه وبتشوف الضرب بعيونك