انواع براميل المندي واسعارها

[ابوريم865]

السلام عليكم ورحمة الله وبركاته
بما اننا مقبلين على الشتاء والكشتات والطلعات وسعة الصدر
حبيت اسأل اهل الطبخات والمندي عن أنواع براميل المندي واحجامها واسعارها
وطريقة الطبخ فيها
وأين تباع بالرياض
ولكم جزيل الشكر

[حمد 2003]

حياك الله أبو ريم

طبعا براميل المندي أنواع

فيه براميل (حديد صاج) العادية اللي تدفن في الارض يعني ثابت وتكون في البيت اوالأستراحات

وفيه براميل مندي (فخار) وعلية صاج من الخارج ومركب له كفرات متنقل (ثقيل الوزن) أصغر حجم يزن 45 كيلو :D

وسعر الصغير منها = 120 ريال تقريبا

وتباع في حي الشفاء بالرياض

وطريقة إعداد المندي بسيطة جدا :confused:

1- تضع حطب وتشب علية في البرميل :D
2- في أثناء ذلك تقوم بتجهيز لحم التيس أو الدجاج (تقطيعة حسب الطلب ووضع البهارات والملح..الخ)
3- تجهز الرز في قدر وتضيف له الماء طبعا والملح والفلفل والقرفة.. الخ)
4- اذا جهز الجمر تقوم بوضع قدر الرز أولا على الجمر ويكون على تكاية أفضل :cool: ثم تقوم بوضع اللحم على شبك فوق الرز ثم تضع (قصدير) وعلى القصدير تضع قماش مبلل بالماء وتقوم بتغطية برميل المندي بالكامل واحكام إغلاقة وتنظر وتحسب الوقت بناء على نوعية اللحم بالنسبة للدجاج تنتظر (من 45 دقيقة الى ساعة) وبالنسبة للتيس تنتظر (ساعة ونصف)تقريبا

والبهناءءءءءء والعافية يابو ريم :D

أخوك ابو محمد :cool:

[سرهيد]

تمنيت اخدمك والاخ الفاضل jacophama (http://www.mekshat.com/vb/member.php?u=70548)
ما قصرت جعله يسلم

اخوك

ابو عبدالله

[ابوريم865]

مشكووورين والله يعطيكم العافيه
بس وش افضل البراميل او اللي على غاز
وشكرا

[حمد 2003]

مشكووورين والله يعطيكم العافيه
بس وش افضل البراميل او اللي على غاز
وشكرا

كل نوع له ايجابيات وسلبيات

البراميل أطعم ولكن تتطلب وقت أكثر

أما الغاز أسرع بكثير للمستعجل ولكن الطعم لك عليه

[ابوريم865]

مشكور اخوي jacophama (http://www.mekshat.com/vb/member.php?u=70548)
والله يعطيك العافيه
وبعد سرهيد ماقصر بيساعدنا بس انت سبقته

[Rahhal_xp]

jacophama

شرح ولا أروع، حتى العليمي يتعلم منه