الطير تعب بعد الشنذرة

[النمر الأشهب]

الطير تعب بعد الشنذرة ماهو الحل ما يأكل إلا قليل يبدأ بالصياح عندما يطير لا يستطيع الطيران لمسافة 500 متر وإذا طار يتعب والتنفس فيه صعوبة والطير له 10 أيام على هذه الحالة وبدأ الآن يتحسن بالنسبة للأكل فهل تعرفون علاج طيب علماً بأنني عرضته على دكتور متخصص في الصقور وأعطاني حبوب كورس وأنتهت الآن ولا زال الطير مريض .

[صقار البحرين]

يامرحبا ياخوي


ان شاء الله ماعليه شر


طيرك ملتهب من الشناذر
التهاب في المفرس
والطير اذا التهب لازم يرتاح
والظاهر انك قمت تدعيه وهو ملتهب
حاول انك تريحه وتكثر الماء لنه يحتاج الماء
لنه بيكون فاقد سوائل كثيره من الماء
ويمكن يسبب له جفاف
والله يشفيه ان شاء الله


يفيدونك الاخوان


اخوك ابوعلي

[النمر الأشهب]

جزاك الله خير ورحم الله والديك وأسكنك الفردوس الأعلى

[شبراق]

اخوي ابوعلي ماقصر

اهم شي تريحه والماء لا يفقده خله على طول عنده ون شاءالله مايشوف شر ويقوم بالصحه والعافيه

[987]

اخوي اهم شيء تريحه والماء واعلفه هبر (لحم صافي بدون ريش او عظم ) وان شاء الله يقوم بالصحه والعافيه

[النمر الأشهب]

جزاكم الله خير يا شباب وأبشركم الطير شفي من الله ثم من نصائحكم وجزيتم خيراً

[السنقية]

الله يشفى طيرك

[بو غازي]

السلام عليكم ورحمه الله وبركاته
ماقصروا الشباااب
لكن مرررة ثانية بعد ماتشنذرة عطه حليب السعودية وريحه يوم بعد الشناذرة وباذن الله ماراح يجيه الي جاه

[ألحر العراقي]

اخوي اهم شيء تريحه والماء واعلفه هبر (لحم صافي بدون ريش او عظم ) وان شاء الله يقوم بالصحه والعافيه
والله انك عارفه وازيد على كلامك الطيب وعن تجربه اكثر للطير العلف وبعد ايام ان شاء الله راح يتعافى الطير وبعد ذلك اعط الطير سكر نبات لان سكر النبات يسهل الطير شي بسيط وتكدر تشتريه من اي ابو اعشاب طبيه قريب على بيتك

[ابرق آلريش]

اضن الاخوان ماقصرو