وش رايكم بهالقصيدة

[دايم العز22]

السلام عليكم اخواني


قبل اسبوعين وعندما كانت محافظة الزلفي مديمة لاكثر من اسبووووووووووووع قمت بارسال رسالة لاحد الاحبة الغالين بالرياض اخبره عن ديم الزلفي فرد على بهذه القصيدة :


ديم على الزلفي وحنابعد غيم =والخير مقبل يالله الاستجابه
وسم مبكر عله يصير تعميم= بكل الديار الممحله ينحكى به
تلقى الجبال مربعه والترانيم= من الطيورتزيل طارى الكآبة
ويزين مرباع الجوازي مع الريم =وينسى المعنى مامضى من عذابه
بعد العسر خيراتنا علها تديم= باذن الذي ماخاب منهوالتجابه



٠٠ابوتركي ٤/١١/١٤٢٩هـ


فما راي الاخوة الشعراء بهذه القصيدة ولا مانع من الرد عليها

[راع الصقلاويه]

ياحليلك تلعب علينا ياراعي زلفونيا :D

انت تحكم على أكبر شاعر طال عمرك

والأبيات هذي مابها حيله على قولة القايل

وفال قايلها البيرق وطولة العمر على العمل الصالح وانت معه يابناخي .

والرد الليله إن شاء الله بس انت اكتب لي اسم الرجال أو كنيته ( أبوفلان )

وابشر بسعدك .

[سكب]

ديم على الزلفي وحنابعد غيم @@ والخير مقبل يالله الاستجابه
وسم مبكر عله يصير تعميم @@بكل الديار الممحله ينحكى به
تلقى الجبال مربعه والترانيم @@ من الطيورتزيل طارى الكآبة
ويزين مرباع الجوازي مع الريم @@وينسى المعنى مامضى من عذابه
بعد العسر خيراتنا علها تديم @@ باذن الذي ماخاب منهوالتجابه

رد متواضع

ارسل لبو تركي من القلب تسليم @@ حياه ربي في ديار الصحابه
حنا هل المكشات نعطيه تكريم @@ ونطلب من المولا يزيد بثوابه


تحياتي دايم العز

[يوسف الخليفة1]

صح لسانك أخي الفاضل دايم العز وننتظر منك المزيد بإذن الله والشكر الجزيل

[دايم العز22]

ياحليلك تلعب علينا ياراعي زلفونيا :D



انت تحكم على أكبر شاعر طال عمرك


والأبيات هذي مابها حيله على قولة القايل


وفال قايلها البيرق وطولة العمر على العمل الصالح وانت معه يابناخي .


والرد الليله إن شاء الله بس انت اكتب لي اسم الرجال أو كنيته ( أبوفلان )



وابشر بسعدك .

اخوي راعي الصقلاوية بارك الله فيك ..................انا شرق والشعر غرب ........................



الرجال يقاله ابو تركي ولوني اعرف الشعر رديت عليه على طوووووووووووووول

بارك الله فيك ورزقك من حيث لا تحتسب

[دايم العز22]

ديم على الزلفي وحنابعد غيم @@ والخير مقبل يالله الاستجابه
وسم مبكر عله يصير تعميم @@بكل الديار الممحله ينحكى به
تلقى الجبال مربعه والترانيم @@ من الطيورتزيل طارى الكآبة
ويزين مرباع الجوازي مع الريم @@وينسى المعنى مامضى من عذابه
بعد العسر خيراتنا علها تديم @@ باذن الذي ماخاب منهوالتجابه

رد متواضع

ارسل لبو تركي من القلب تسليم @@ حياه ربي في ديار الصحابه
حنا هل المكشات نعطيه تكريم @@ ونطلب من المولا يزيد بثوابه


تحياتي دايم العز


اخوي سكب صح لسانك وبيض الله وجهك الرد ارسلته لابو تركي وانا انتظر رده وان شاء الله اكتبه هنا

بارك الله فيك اخوووووووووي

[دايم العز22]

صح لسانك أخي الفاضل دايم العز وننتظر منك المزيد بإذن الله والشكر الجزيل




ولسانك اخوي ابو عبدالله الله لا يهينك على مرورك

وانا مجرد ناقل

[راع الصقلاويه]

استلم ماوعدتك به يادايم العز الله يديم عزك واسمح لي على القصور

لكن تراها جت على الكيبور للإنشغال بغيرها , وإلا حقك وواجبك

أكبر من هذا طال عمرك :


مني لبوتركي تحيه وتسليم = قل ياهلا بك ياعشير الذيابه
وصلن سلامك ياسليل الشغاميم = ورسالتك وصلت ويامرحبا به
ومثلك يابوتركي لويصيح ماليم = وسط الرياض وزحمته والكآبه
واللي رزقك الغيم يرزقك بالديم = والله وعد داعيه بالاستجابه
كنك نمر يومك تشيل الترانيم = ماينقصك يافلان غير الربابه
والرجل مثلك له علينا ملازيم = ونفرح بصوته وان لفا ياهلا به
ولو هي بيدنا كان بالديره تقيم = معنا لنا منَّـا بنا لاغرابه
أخو ٍ كريم ومن رجال ٍ أكاريم = ومثلك ومرنا الرب نكرم جنابه
حييت ثم حييت ماطشطش الديم = وعداد حبات الثرى ومن وطابه


واسلم وسلم لي على رفيقك النشمي .

[دايم العز22]

اخوي راعي الصقلاوية صح لسانك وبيض الله وجهك وفالك ماهوب البيرق الا بيااااااااااارق

واشكرك على سرعة ردك والحين ارسلتها لابو تركي وكلمته ويسلم عليك كثير ويقول اشكره بالنيابة عني

[جرير]

ابيات جميله ومثل ماقال راع الصقلاويه
مافيه حيله
وعطنا ردك علي خويك

[مخاوي الذيابه]

صح لسانك ....

[كهلان]

أبيات معتبره وليس غريبه على شعراء الزلفي
وكذلك رد الاخ راعي الصقلاويه رد وافي
وكلكم مافيكم حيله
أشكرك اخي الفاضل دايم العز 22 على الاختيار الموفق

[أبوعبدالرحمن الأسعدي]

ياونتن من الخلوج ونة هل الكيف ...!!

صح لسانك ومداعبه خفيفه

[ابوسعود 300]

أبيات جميلة جداً

صح لسانك يا أبوتركي

ومشكور يادايم العز على النقل

[دايم العز22]

الاخوان جرير ومخاوي الذيابة وكهلان والزير ابو حيمد وابو سعود300 بيض الله وجيهكم وصحت ابدانكم وشكرا لمروركم

[دايم العز22]

وهذا رد شاعرنا ابو تركي على قصيدة راعي الصقلاية ويقول العذر والسموحة تراها ما جت على الكيف لانه ما كتبها الا وهو بالعمل اليووووووووووم

اهلا هلا باللي بهم مثلي يهيم @@@@ اهل الكرم واهل الوفا والمهابه

والصقلاويه راعيه طير وفهيم @@@ طيبه بدى من منطقه والغلا به

والا السكب فارس مايحتاج تعليم @@@@ من هيبته كل الفوارس تهابه

ويا دايم للعز قولي بتصميم @@@@ تعبان من جاراك تتعب ركابه

والله رحمنا والولي دايم كريم@@@@ كل الفياض امليات وتشابه

وصلاة ربي عد ماطردت الريم @@@@على النبي وعداد مزن السحابه


ابوتركي _٢٠/١١/١٤٢٩
وسلامتكم

[راع الصقلاويه]

صح لسانك ولسان ابوتركي , والله يحفظ الجميع ويوفقهم الوفق المبارك

ويجمعنا وإياكم على الطاعة في الدنيا , وفي الجنة في الآخرة إنه هو

الجواد الكريم .

[سكب]

اللهم صلي على سيدنا محمد

ابيض وجه ابو تركي والشكر لك اخي دايم العز
وتسلم اخي راع الصقلاوية

تحياتي

[دايم العز22]

صحت ابدانكم اخواني راعي الصقلاوية وسكب ولا هنتوا...............................

ولا تحرمونا من جديدكم ..................................الله يوفقكم

[خوي الساري]

وزن وقافية يامال العافيه 00000

[الرحال الجديد]

اهلا بأخوي ديم العز وهذه اول مشاركه لي في هذا المنتدي المميز مع العلم اني من المتابعين له بإستمرار.. تقبل مني هذا الرد ولك التحيه ولي صاحبك .واريد رأيكم في ردي لاني اول مره انشر ابيات لي ولكم تحياتي
................
رسالــــة مني تحيــــة وتسليــــــم ،،،،،، ويامرحبــا تـعـداد رش السحابـــه
ويامرحبا تـعداد ماغيــــم الغيـــــم ،،،،،، تحيـــة الشاعـر وراعي الكتابــه
أهل المراجل ماعليهم تعـاليـــــــم ،،،،،، بــفعـــال وقـــوال لـهم ينحكـابـــه
منهم ابوتركي تغنى مـــع الـريـــم ،،،،،، شاف الوسم بكر وزاد انسكابـــه
وهاضت له ابيات القصيده ترانيـم ،،،،،، وصفـــه على قيــفـان ميــم وآبـه
وارسل بها لـدايـــم العـز والشيــم ،،،،،، الصافي الـــوافي سليـــل الـذيابــه
جعل الوسم ببــلادنــا دايـــم ديـــــم ،،،،،، وتزهى بها شعبان اضحت خرابه

[أبو شعلان]

مبروك ماجا الزلفي والديار كلها من خير وأسأل الله العلي العظيم أن ينفع به البلاد والعباد




ياطير ياللي لك مع الجو تنغيم=صوتك عجيب ٍ مثل جرّ الربابه
معذور لا صارت عليك المطر ديم=تفرح بخيرٍ جاك عقب الشهابه
ياطير خذ منّي سلامٍ وتسليم=وودّه لبو تركي وإلى جيت بابه
تلقاه مفتوحٍ وعنده معازيم=ودلّه يوديها وهذيك جابه
ماينثني بابه عليّ الملازيم=ضيفانه أولى لو عليهم طلابه
سلّم وباركله على الخير والغيم=والله يعيد اليوم هلّ السحابه

[دايم العز22]

وزن وقافية يامال العافيه 00000

اخوي الساري لا هنت ومشكور على مرووووووووووورك

[دايم العز22]

اخوي الرحال الجديد واخوي ابو شعلان بارك الله فيكم وصحت السنكم وبيض الله وجيهكم وعز الله انها قصايد وافية وكافية وابو تركي يسلم عليكم سلام كثيييييييير ويقوووووول

نبي يابوشعلان كشته وتخييم @@@@@ وقت الربيع بفيضة تقل غابه

لعلي اوفي من حقوقك لو سهيم @@@@ والي دخل مكشات يامرحبا به

ورحال ندعيله عسى عزه يديم @@@@ ياصل وياطا موقع مانوطابه

غمرتموني بالثنا والتساليم @@@@ الله يجازيكم بوافر ثوابه

[الرحال الجديد]

اهلا بالاخوة ابوتركي وابوشعلان ودايم العز وأسال الله ان يديم الخير على هذي البلاد
..........................................
إن كنت تبي البروكشتــه وتخييــــم ،،،،،،،،، ابشر عسى قول يحقق إجـــابـــه
وكشتــــه بعد معكم معزه وتكريــــم ،،،،،،،،، أهل الوفاء وافين مابـــه غرابــــه
ترى الوعد يالربع في روضة اخريم ،،،،،،،،، عقب الفجر تطري علي الطرابــــه
أطرب إليــا شفت البكار المجاهيــــم ،،،،،،،،، ترعى بوسط الروض عز ومهابه
وطرب إليا شبيت ناري وبـه غيــــم ،،،،،،،،، وركي إدلالي بـــذوق ورتــابـــــه
خاصه إليا خاويت ربـــع مكاريـــــم ،،،،،،،،، منهم ابوتـــركي نحيــي جنابــــه
ومنهم ابــوشعلان رأس المعازيــــم ،،،،،،،،، اللي بدع بالــرد بـــوابل سحابــه
ولا عاد ماننسى وسيــــط المغانيـــم ،،،،،،،،، ( العز دايم ) والسناعه إركابـــه

[مـاجـد الحـمـيـد]

ماشاء الله .... تبارك الرحمن ....


ابداع لايوصف ... في الفتل والنقض .... من ابو تركي ... الى الرحال .... ابو شعلان .. والصقلايه


صح السنتكم جميعاً ....


تحياتي ..\\

[دايم العز22]

ماشاء الله .... تبارك الرحمن ....


ابداع لايوصف ... في الفتل والنقض .... من ابو تركي ... الى الرحال .... ابو شعلان .. والصقلايه


صح السنتكم جميعاً ....


تحياتي ..\\



اخوي رجل الميدان شكرا لمرورك

[العمدة ابو صالح]

ياسلاااااام ياسلااااااام


إييييه يادايم العز22 أظهر أظهر الخافي هههههههههههههههههههه


هذي والله المسكته صح الله لسانك وسلم رأسك
وراس ابو تركي
ولاننسى كحيلان راع الصقلاويه
تحياتي

[دايم العز22]

ياسلاااااام ياسلااااااام



إييييه يادايم العز22 أظهر أظهر الخافي هههههههههههههههههههه


هذي والله المسكته صح الله لسانك وسلم رأسك
وراس ابو تركي
ولاننسى كحيلان راع الصقلاويه

تحياتي



عمدتنا ابو صالح انت والله المسكت مشكووووووووووووووووور على تعليقك الطريف وصح بدنك

[الرحال الجديد]

سلام يا دايم العز 22 وينك مغيب ( من طول الغيبات جاب الغنايم )
****************

وين انت ياللي ديم العزماديم
.........................وراك يالغالي وقفت الكتابه
كل يوم أدورمنك طله وتسليم
........................أبيات عندي جاهزه للإجابه

[دايم العز22]

سلام يا دايم العز 22 وينك مغيب ( من طول الغيبات جاب الغنايم )
****************

وين انت ياللي ديم العزماديم
.........................وراك يالغالي وقفت الكتابه
كل يوم أدورمنك طله وتسليم
........................أبيات عندي جاهزه للإجابه


هلا بخوي الرحااااااال الجديد هالبيتين يبيلي سنتين اليما ارد عليهن ..............................صح لسانك وبيض الله وجهك وانا موجوووووووووووووود اقرا بس بدون تعليق .............


مشكور وتحياتي لك

[دايم العز22]

اخووووووووووووووووووووووووووووووووي الرحاااااااااااااااااااااااااااااااااااااااااال الجديد


انا على خبرك علي الملازيم >>>>>>>> انقل جديد الشعر لو بالإنابه



ولان نقادي امثالك فواهيم >>>>>>>>> اتعب على الطيب واخاف الرتابه

[الرحال الجديد]

تحياتي لك اخي دايم العز ومادمت موجود بصحه وعافيه الحمد لله بس المتواصل ينفقد اذا تأخر

انا أعرف انك يالوفي دايم ديم **** على المكاشت رشته يرتوابه
ديـــم إثــر ديـــم علينا تتاويم **** ينبت به الزاهر كثيرإمتشابه

[دايم العز22]

تحياتي لك اخي دايم العز ومادمت موجود بصحه وعافيه الحمد لله بس المتواصل ينفقد اذا تأخر

انا أعرف انك يالوفي دايم ديم **** على المكاشت رشته يرتوابه
ديـــم إثــر ديـــم علينا تتاويم **** ينبت به الزاهر كثيرإمتشابه



صح لسانك اخوي الرحال الجديد ولا هنت

[نواف الردعي]

بعض العرب همه مغازل وترقيم.....هذا سطل تافه ولا ينغزابه
والبعض همه في الجوازات تختيم...ان جاه مالن للسفاهه غدابه
وتلقى بعضهم بلابي الفندق مقيم.....ساذج ممل من الطفش والرتابه
والبعض الأخر فيه رقلة وتنسيم...يا عربجي والاالدشاره زهابه
تبرق وترعد والسماء فيه تعتيم... بامر الولي تمطر عيون السحابه
ويفز قلب العاشق الصب ويهيم.... في دربها يشعب عناة وركابه
مالوم ابو تركي على مطارد الغيم....والبارق الي مقتفيه وسرابه
لأنك اصلا حر تتنفس الديم....عاشق دروب المرجله والذرابه
يسعد صباحك يارفيق الشغاميم....والي كتبته دايم العز جابه
في منتدى مكشات تحلى الترانيم,,,,جزل القصيد يشوقني للكتابه
مزنن على الزلفي تزبر مراديم....يسقي ديار المرجله والقرابه
وختامها عطر وتحيه وتسليم,,,على الرسول الهاشمي والصحابه


مشاركه أمل ان تنال استحسانكم.... كتبتها على عجل وانا جالس بعد ماوديت البزران المدرسه (يالله مثل الشباب كلهم ردو كذا ؟؟ على عجله )

[abuazzam]

أخي الكريم نواف الردعي اشكرك جزيل الشكر والشكر موصول للأخوان جميعاً على تفاعلهم وكذلك الأخ دايم العز 22 على نشر الأبيات ومتابعة الردود واقول لك على عجل :

يامرحبا يامصمم القاف تصميم _ حط الهدف قدام عينه واصابه
المرجلـه بانت بليــا مراســــيم _ بنواف بن ردعي وفيه النجابه
والحر مثلك لاهوى الخير ماليم _ لانك مكانك فوق فوق السحابه

وسلامتكم اخوك ابوتركي