ارجوكم افيدونا عن الفقع

[من غير ليه]

السلام عليكم ورحمة الله وبركاته

ارغب يا اخوان بمعرفة انواع الفقع اللي يصلح للأكل والسام

وكيف نستدل عليه طبعا انا في الجنوب وحوالينا بر وجانا مطر وخير الله يديمه علينا وعليكم

ويا ليت المساعده تعرفون نبي نفتح لنا باب رزق ويا ليت تزودونا بالصور وكيف نلقاه

لكم تحياتي

[ابوحماد]

لا تستعجل الفقع باقي عليه 65 يوم أقل شي في نصف شهر محرم الى نصف شهر صفر

[من غير ليه]

لا تستعجل الفقع باقي عليه 65 يوم أقل شي في نصف شهر محرم الى نصف شهر صفر

لا هنت يا ابو حماد بس ودي وانا اخوك اعرف كيف اجمعه واعرف انواعه

وابشر بالخير وانا اخوك

[ابوحماد]

بس انا ماقد سمعت بحياتي أنه يوجد فقع في الجنوب

منابت الفقع في نجد وشمال نجد و الحدود الشمالية

وشمال شرق السعودية وهو افضل شي

وخاصه شمال الصمان و النعيرية و الحفر الباطن

[من غير ليه]

بس انا ماقد سمعت بحياتي أنه يوجد فقع في الجنوب

منابت الفقع في نجد وشمال نجد و الحدود الشمالية

وشمال شرق السعودية وهو افضل شي

وخاصه شمال الصمان و النعيرية و الحفر الباطن


يا ابو حماد يا اخوي حجرت لي يعني الجنوب ما فيه صحرا ولا امطار ؟؟؟؟

ترى الربع الخالي قريب مني وعلى اطرافه ربيع يضاهي ربيع الصمان الف مره

والبرق قريب منه لانه الفقع يسمى نبات البرق

انت علمني كيف استدل عليه وبس
ويا ليت صور منك او من الاخوه الموجوديين

[خفجاوي 22]

الفقع ينبت بالارض الي تنبت عشب الرقروق واذا الرقروق ينبت عندكم بتلقاه

واسف ليمكنني بتزويدك بصورلئني ماعندي وان حصلت شي ابشر

[دهران]

الرجاء قراءة هذا الموضوع قبل كتابة أي مشاركة . (http://www.mekshat.com/vb/showthread.php?t=139477)