الاستفسارات العامة (( خاص للمواضيع الغير مصورة ))

[بارود برنو]

بسم الله الرحمن الرحيم


***************************************


احبتي أعضاء منتدى مكشات الكرام


السلام عليكم ورحمة الله وبركاته


مساكم \ صبحكم ........الله بالخير والمسرات


ألاستفسارات العامة


طرح هذا الموضوع من اجل أستفسارات الاعضاء الغير مصوره


لكل مايخص بنادق


الشوزن - والخرازة - والهوائية






أي موضوع استفسار يطرح في الخيمة غير مدعم بالصور سوف يدمج مع هذا الموضوع


****


بالنسبه لأرشيف أستفسارات....... الشوزن- والخرازه - والهوائيه


لمن ارد الرجوع اليها على الرابط ادناه



http://www.mekshat.com/vb/showthread.php?t=50504 (http://www.mekshat.com/vb/showthread.php?t=50504)








تمنياتي للجميع بالتوفيق

[السيد60]

السلام عليكم ورحمة الله وبركاتة

عندي استفسار بسيط

معروضة علي بيكال الروسية بس ابي افرق بين 30 انش و28 انش

ابي اعرف فين تكون مدونة على السلاح



وانتم ترون ايهم افضل ال 30 انش او 28 انش


وشكرا

[شاص2007]

ال30 انش افضل بالنسبه للطول اتوقع لو تقيسها بالمتر اسهل

[أبو طلال-نقوه]

السلام عليكم,
بالنسبه للبيكال, ال30 أطول من 28 و شخصيا أفضل ال30 و يمكن التفرقة عن طريق الكلام المكتوب على المصوره... والله يوفقك.

[بلاتين]

وعليكم السلام

اخوي فيه ناس تفضل الـ30 عن الـ28 واكثر اناس تفضل الـ30

على العموم هي الـ30 اغلى بفرق 300 ريال تقريبا

مايكتب على الماصوره طولها تفرقها بطريقتين

الطريقه الاولى: تقيس الماصوره بدون الشوك اذا طلع 29 ونص هاذي الثلاثين.

الطريقه الثانيه : هي الاسهل تعد الفتحات الى بالجسر
10 فتحات هاذي 28
12 فتحه هاذي 30
8 فتحات هاذي 30 الموديلات الجديده لانه فيها محل تثبيت الدربيل .

بالتوفيق

[بارود برنو]

عطاك العلم بلاتين

والله يوفقك اخي السيد 60 وان شاء الله ماترمي فيها الى بشحم

والتحكم بالرمي يعتمد على الشوكات في البندق ام شوكات

في البنادق القديمه التحكم في المسافه على حسب طول الماصوره

مثل ام سبع ابر رميها ابعد من ام سيلان

ليس هنا اي فرق في طول ماصوره البيكال


راجع هذا الموضوع يفيدك اكثر

http://www.mekshat.com/vb/showthread.php?s=&threadid=3057 (http://www.mekshat.com/vb/showthread.php?s=&threadid=3057)

بالتوفيق

[أبوحمد 505]

السلم عليكم ورحمة الله وبركاتة
أخواني ناوي إنشاء الله أشتري ساكتون ومخصصة للقميري بس
لأن عندي دواء الضبان مايحتاج بس قلت إذا بغيت أطلع حول المزارع القريبة صعبة أجلس أنقل سلاح ناري
وسبق وجربت فايروخ 80 ماشاء الله مايحتاج جلست معي 3سنوات لأكن أهديتها
والحين جيت أبشتري أختها وقالو الأخوان نزل فية السوق أقوى منها
لذلك أستفساري وش أقوى شي من نوع الفايروخ والديانا وكم قيمتة وفايروخ 80 كم سعرها الأن

لقيت روسية 95 ب1600 وماشاء الله شكلها شكل شوزن ومدحوها الشباب بس والله ما أرتحتلها هواي ألماني
ولكم جزيل الشكر

[السيد60]

مشكورين على اجاباتكم
وما قصرتو قدها وقدود

وقريبا راح انزلكم صور للبيكال تبعي ان شاء الله

[أبوحمد 505]

لقيت روسية 95 ب1600 وماشاء الله شكلها شكل شوزن ومدحوها الشباب بس والله ما أرتحتلها هواي ألماني
ولكم جزيل الشكر

أسف قصدي لقيت أسبانية 1600 وليس روسية

[بارود برنو]

السلم عليكم ورحمة الله وبركاتة
أخواني ناوي إنشاء الله أشتري ساكتون ومخصصة للقميري بس
لأن عندي دواء الضبان مايحتاج بس قلت إذا بغيت أطلع حول المزارع القريبة صعبة أجلس أنقل سلاح ناري
وسبق وجربت فايروخ 80 ماشاء الله مايحتاج جلست معي 3سنوات لأكن أهديتها
والحين جيت أبشتري أختها وقالو الأخوان نزل فية السوق أقوى منها
لذلك أستفساري وش أقوى شي من نوع الفايروخ والديانا وكم قيمتة وفايروخ 80 كم سعرها الأن

لقيت روسية 95 ب1600 وماشاء الله شكلها شكل شوزن ومدحوها الشباب بس والله ما أرتحتلها هواي ألماني
ولكم جزيل الشكر



وعليكم السلام ورحمه الله وبركاته

يالله حي ابو حمد

عليك بالفايروخ الثمانين والخمسه والثمانين دواء القمرى ودواء الضب اذا جات بالراس

وفي الى اقوى منها هنتر من شركه قامو الاسبانيه سرعتها عاليه 380 متر في الثانيه

وفي بنادق غيرها من شركات اخرى بنفس السرعه

ان شاء الله الاخوان يفيدونك عنها

موفق خير

[qewc]

السلام عليكم ورحمه الله وبركاته

كيف الحال عساكم بخير

سؤال يا النشما ؟


واهو انا عندي ام صتمه اسبانيه هنتر440
فشقها 177 - 4.5

وشهي قايله ممتازه والا جيد جدا والا جيده والا جويده والا فلس

وهل موديلها جديد والا قديم

وكيف اسوي وزنيتها وايش احسن دربيل لها


وابغي اعرف وش نوعها من الارقام

مثل ديانا 27 والا فايروخ 80

هي هنتر ايش


واذا حد يعرف مواصفاتها سرعتها وقوتها ومداها

لا يبخل علي



الله لا يهينكم وبيض الله وجيهكم

[بارود برنو]

السلام عليكم ورحمه الله وبركاته




كيف الحال عساكم بخير


سؤال يا النشما ؟




واهو انا عندي ام صتمه اسبانيه هنتر440

فشقها 177 - 4.5





وشهي قايله ممتازه والا جيد جدا والا جيده والا جويده والا فلس



وهل موديلها جديد والا قديم



وكيف اسوي وزنيتها وايش احسن دربيل لها




الله لا يهينكم وبيض الله وجيهكم







وعليكم السلام ورحمه الله وبركاته


يالله حي qewc



الهنتر 440 بندق جيد جدا



وزنيتها سهله جدا شوفلك مكان امن وخذ معك لوح خشبي



ووزن البندق



عندك ميزانيه للاعلى والاسفل وميزانيه لليسار واليمين



غير فيها لين توزنها بنفسك واذا واجهتك مشكله عطنا خبر



http://inlinethumb49.webshots.com/22640/2354468940104209706S600x600Q85.jpg






1- في الصوره الاولى استخدام المنشاف على الهدف



بالشكل الصحيح



2- في الصوره الثانيه تتجه الرصاصه يمين الهدف



3- في الصوره الثالثه تتجه الرصاصه يسار الهدف



4- في الصوره الرابعه تتجه الرصاصه اعلى الهدف



5- في الصوره الخامسه تتجه الرصاصه اسفل الهدف





اذا حبيت تركب دربيل



عندك دربيل صاب الماني مقاس 32×4



والقاعده خذ قاعده جسر واحد مثل هذي القاعده ولو كانت بمساير مربع تكون في الشد اقوي من السداسي



http://inlinethumb01.webshots.com/42688/2946326000104209706S600x600Q85.jpg





http://inlinethumb10.webshots.com/44169/2667110850104209706S600x600Q85.jpg

الميزانيه الي فوق ... تحركها بتجاه السهم UP للاعلى

الميزاينه اليمنى ... تحركها بتجاه السهم L لليسار




ان شاء الله الاخوان يفيدونك اكثر

بالتوفيق

[qewc]

بارود برنو

بس شفت الفرار الكبير الي يجي فوق

الميزانيه الي فوق وتحت عندي ما عاد تحرك تهقى وش منه


الله لا يهينك طال عمرك وبيض الله وجهك بياض اللبن

[أبوناصر]

السلام عليكم ورحمة الله وبركاته


مريت محل صاب الي في الشارع الثميري


ولقيت أسبانيه 28 وخشبتها فيبر خفيفه


وسعرها 800 ريال


هل ها النوع الي عند صاب جيد


يعني أشتريها ولا أخليها




ثانيا


عندي ديانا أصليه 25 هل بالامكان أقويها بحيث تكون بقوة ال 27

أو بقوة 35


وياليت تدلوني على المحل الي يصلحها

[مداوي]

السلام عليكم ورحمة الله
سؤال لأهل الخبره ومن عنده خلفيه عن الشوزل أم خمس أو أم ثمان الوانشستر والبراوننق ايهما افضل وهل هما عمليات أرجو الإفاده

[سوبر بنلي 787]

انا من رايي ان الشوزن البراونق افضل من الونشستر

[سوسة حطب]

يا الصياد شكلك تهيضت عقب يوم الخميس
لا وصايد بأم صتمه عوجا بالتوفيق

[أبوناصر]

هلا والله يا سوسة


هارد لك الجايات احسن ان شاء الله

[مداوي]

مشكور اخوي على رأيك بارك الله فيك

[ولد الجنوب]

البراوننق افضل

[سوسة حطب]

شف وش رايك نسوي جولات على جميع المحلات إللي في الرياض ونحصر الأسعار والأجود في الإستخدام والأفضل ونشري هاااااااااااااااااااه موافق يا بو ناصر

[بارود برنو]

السلام عليكم ورحمة الله وبركاته


مريت محل صاب الي في الشارع الثميري


ولقيت أسبانيه 28 وخشبتها فيبر خفيفه


وسعرها 800 ريال


هل ها النوع الي عند صاب جيد


يعني أشتريها ولا أخليها




ثانيا


عندي ديانا أصليه 25 هل بالامكان أقويها بحيث تكون بقوة ال 27

أو بقوة 35


وياليت تدلوني على المحل الي يصلحها



وعليكم السلام ورحمه الله وبركاته

ياهلا وسهلا يابو ناصر

الاسبانيه جيده جدا ولكن في الاجود منها اللماني

وتلقى ال28 في حدود سعرها

من وجه نظري تصلح للمسافات القريبه من 30 متر واقل

لصيد الطيور الصغيره مثل الدخل والصفاري

اذا تبي للقمري والضبان خذ فايروخ 80 او 85

اذا تبي بندق اقوى من الفايروخ موجود من بنادق وبلي وقامو سرعات عاليه لكن تحتاج الى صيانه

بالنسبه لتقويه الاهوائيه ماعندى خبره فيها

ان شاء الله يفيدونك الاخوان

موفق خير

[بارود برنو]

السلام عليكم ورحمة الله


سؤال لأهل الخبره ومن عنده خلفيه عن الشوزل أم خمس أو أم ثمان الوانشستر والبراوننق ايهما افضل وهل هما عمليات أرجو الإفاده




وعليكم السلام ورحمه الله وبركاته

مرحبا اخي مداوي

الونشستر s3 تقنيتها عاليه جدا ومتطوره الى ابعد حد واسرع بندق في رمي التماتيك

والبراوننق الفيجون افلون كذالك


من وجهة نظري كلها عاليه في الاداء


رابط يفيدك اكثر عن البراوننج الفيجون

http://www.mekshat.com/vb/showthread.php?t=78027 (http://www.mekshat.com/vb/showthread.php?t=78027)


بالتوفيق

[مداوي]

مشكور مشرفنا العزيز يعطيك العافيه فعلا سمعت عن الونشستر كلام طيب من صاحب خبره

[أبوناصر]

مشكور مشرفنا بارود على الرد الوافي

[راعي الطلعات]

السلام عليكم

شخباركم جميعا ان شاءالله الجميع بخير وصحه وسلامه

سؤالي لهذا اليوم عن الساكتون مقاس 90 و 85 هل تقنص الضبان او لا
انا محصل لي خرزه بس يبيلها تصريح وسين وجيم وانا مااقدر اصير في هالموقف وهالاشياء يبيلها واسطه وكم رصاصه مك وانتم اعلم مني بهذا الشي.

ودي بالساكتون الاي اهم شي يكون معك فاتوره يثبت انها لك والله يستر عليك

وسؤال اخر وش الزين فيهم الالمانيه ولا الاسبانيه

واذا احد عنده او يخبر لنا ساكتون نظيفه من نفس المقاس الي ذكرة يخبرني


وشاكر ومقدر تعاونكم

ودمتم بحفظ الله ورعايته

[راعي الطلعات]

للرفع

وش دعوه وين اهل المقانيص
:(

[arrow]

انا عندي 85 من 13 سنة والى الحين زي الحلاوة ....والضب مايعوق بس اهم شي تصيبة بمكان مناسب ( الراس , بين اليدين تحت الرقبة .. ) وانتبه لاتصوبه وانت مو متاكد علشان ماتستاثم فيه ..

العام شريت بندق 90 لكن ماكانت زينة ....قوية لكن تضعف بسرعة ووزنتها تتغير عكس الـ 85 ...

الخلاصة : خذ 85 ....

وفقك الله

[أبوحمد 505]

من وجهة نظري خذلك فايروخ 80 ألمانية
جلست معي فترة لا يعلى عليها
قوة وثبات وزنية

[صايد البرقا]

من وجهة نظري خذلك فايروخ 80 ألمانية
جلست معي فترة لا يعلى عليها
قوة وثبات وزنية
كلام سلييييييييييييييييييييييييم :good: :good:

[oالحربيo]

اخواني اريد افضل فشق لام صتمه مقاس 27 وابى الصوره الفشق


وشكرا,,,,,,

[النشمى22]

ماهو أفضل فشق للحصد والفري

[الديزلاوي]

السلام عليكم ورحمة وبركاته ..

شخباركم شباب أن شاء الله بخير .

اتمنى الكل يعطينا رأيه بالونشستر x3 الجديده .

من ناحية الاستخدام ، الأعطال ، التحمل .


وشكرا .

[omar salman]

الثمانين أفضل من 90 ومن 85

[أمير الصيد]

وانا كذلك مثل الاخوان
الفايروخ 80 افضل من 90 و الـ 85
من واقع تجربه بس أهم شي تضبط الميزانيه .

[ابوتلين]

مرحبا اخوي اشتر اي شي غير ال90 تراها ماتنفع بريال والله انها تمصع الكتف تحياتي

[انتماء عربي]

السلام عليكم ورحمة الله وبركاته
ابعد عن التسعين اولا واخيرا وانا ارشح 85 لها عندي اكثر من 15 سنه ومافيه مثلها

[محب الفتك]

إن كان تبي نصيحة مجرب
لا تآخذ أسبانية بأي ثمن ولو اضطررت إلى أنك ما تشتري شيء ، لأنك تقعد ما تشتري أحسن من أنك تدفع فلوسك في شيء مايستاهل أبد .
خذ ألمانية فايروخ هي الأفضل على الإطلاق ، وارتح .

[الديزلاوي]

معقوله مكشات أهل الخبرة والمعرفه ما أحد رد .

[abu yaser]

ننتظر !!!!!!!!

[راعي الطلعات]

بارك الله فيكم وبيض الله وجيهكم على هذه المعلومات

كفيتو وفيتو

[الديزلاوي]

ولازلنا ننتظر أرائكم ..

[ردن]

ماهو أفضل فشق للحصد والفري


كل ماصغر حجم الطائر ابحث عن اصغر جحم في الحلبيات
والعكس في ذلك ...

يعني يصلح لك رقم 6 او 7,5 ضغط 32
او 9 :good: للحصد .. وسلامتك

[نزلاوي]

السلام عليكم ورحمة الله وبركاتة اخواني جميع اعضاء منتدا مكشات
عندي استفسار بسيط لا هنتووو......
هل السوجن البلجيكي ام خمس لها توصيلة ام لا
اللي عندة خبر لا هنتو افيدوني
لاني ابي توصيلة واللي يعرف عنها شي يكلمني علىآ الجوال
واكوون شاكر لة
ومعليش على الاطالة
وهاذا رقم جوالي /0530901056/

[أبو طلال-نقوه]

السلام عليكم ورحمة الله


سؤال لأهل الخبره ومن عنده خلفيه عن الشوزل أم خمس أو أم ثمان الوانشستر والبراوننق ايهما افضل وهل هما عمليات أرجو الإفاده



السلام عليكم,
حدد أي نوع من البراوننج والونشستر!

[مداوي]

هلا اخوي حسب سؤالي لأهل الخبره انها مثل البراوننق افلو واحسن خاصة انها 3،5 انش لكن البراوننق لها شهره قويه ولاشك انها تستحق ذلك بشهادة من جربها

[مداوي]

هلا اخوي ابو طلال البراوننق الأفلو والونشستر x،3

[بو فايز]

:no2: السلام عليكم انا ابي سكتون يصلح حق صيد لان بشتري حق ولدي عمره 14 سنه شنو السكتون القوي والخفيف

[أبو طلال-نقوه]

هلا اخوي ابو طلال البراوننق الأفلو والونشستر x،3

والله الونشستر سرعتها ممتازه, أسرع من البراوننج لكن البراوننج عريقه و جميله و تتحمل... بالنسبه لي أختار براوننج, لكن فيه الأحسن من الإثنين!

[omar salman]

وعليكم السلام
الموضوع أو المسألة تحتاج تفصيل :
إذا كان ولدك من فصيلة المصريين أبناء النيل أقصد في البنية الجسمانية
فأنصحك بفايروخ 85 وأما إذا كانت بنيته عادية مثل أبناء شعب الجزيرة العربية
فأنصحك ب 27 ديانا عند صاب أو 27 فايروخ عند الرميح
والديانا إن كان فيها بلاستيك مثل ما نسمع عن موديلاتها الأخيرة فلا
تأخذ إلا فايروخ وإذا تبي أسباني رخيص وخفيف وقوته حلوة ففيه نوع اسمه مكسيما
عند الرماية جربوه ناس ومدحوه يصلح للي مثل سن ابنك والله أعلم والاخوان يفيدونك

[العقله]

اي ساكتون رخيص السعرههههههههههههههههههه

[بارود برنو]

السلام عليكم ورحمة وبركاته ..

شخباركم شباب أن شاء الله بخير .

اتمنى الكل يعطينا رأيه بالونشستر x3 الجديده .

من ناحية الاستخدام ، الأعطال ، التحمل .


وشكرا .



وعليكم السلام ورحمه الله وبركاته

ياهلا وسهلا بالديزلاوي

الونشستر مصنعه لتحمل الضروف القاسيه

وانسيابيتها وجسرها ونظام الرش فيها متقن جدا

الونشستر شركه متفوقه في صناعاتها من قديم الزمن

بالنسبه لاستخدامها قليل جدا ما هي مثل البيكال والبريتا والبراوننج

واتوقع ان اعطالها قليله لكن يعيبها قطع الغيار والله اعلم

اكيد الي جربها اخبر مني فيها

ان شاء الله يفيدونك الاخوان الي جربوها

موفق خير

[النشمى22]

يكفي أن الونشستر أسرع الشوازل رمي

[qewc]

السلام عليكم ورحمه الله وبركاته


يا الربع اذا معليكم كلافه


بغيت استفسر عن مشكله عندي


وهي


ان الوزنيه حقت ام صكمه الي يرفع وينزل الشعره

الي هو المدور الكبير الي فوق

معاد تحرك


مادري ايش مشكلته

افيدووني بيض الله وجيهكم يوم تسود وجيه

[راعي الطلعات]

27 ديانا ممتازه لعمره وخفيفه وخذها رصاص 4,5

والله يحفظ ولدك من مشاكل السلاح وبلاويه

[صايد البرقا]

80 فايرخ ثقيله شوي
لاكن ثعيش وقويه
تلقاها عند الرميح

[الذيب911]

85 افضل من 90 بوجهة نظري

قوويه صايد فيها من الطيور( قميري - صفار - دخّل من مسافه بعيده)

بالنسبه لـ الضبان ماجربت صراحه.

[الذيب911]

27 مناسبة جداً

وياليت كل الاباء زيك .
لحديث الرسول صلى الله عليه وسلم (علمو اولادكم الرمايه وا لسباحه وركوب الخيل).

[الذيب911]

اخوي بالنسبه لـ (البنادق الهوائية من 25 - 90)

يركب عليها جميع انواع الفشق(الصتـم)

وانصحك بالنوعيه اللي اشوفها ممتازه ومتداوله ومشهوره ورخيصه اللي عليها علامة فشق الاخضر

ودورت لك صور ماحصلت .(الصوره اللي ابي على العموم هو مشهوور مره ومعروفه هالفشق)


تحصله عند (الرميح -الرمايه-حتى من القهر تحصله عند البقالات القريبه من مناطق الصيد مثل : رماح قد اشتريت من هناك - وسعد ) والخ معرووف مرره دورت صور لكن مالقيت

[أبو درويش]

طيب وش الاحسن

حبة الصتم الي يجي راسها محدب والا مكور والا حاد .. وش الافضل

[oالحربيo]

طيب لقيت انا فشق مثل حلب فشق الشوزل هل هو ينفع ولا

ميكور مثل الكره بس انه صغير


وشكرا....

[omar salman]

الذيب 911 لا يضيق صدرك
أنا بحط لك النوع الي تقصد
وترى فيه نوع منه يقولون انه مقلد
وانا ما لاحظت ذا الشي
والأصلي نوعين قديم وجديد
وترى القديم منه أصلي أكثر
وكل الإثنين موجودات عندي
والفرق بين الأصلي
القديم والجديد إن الجديد يجي
معه برادة رصاص في أسفل
العلبة تحت الرصاص وهذي صورته :



طبعاً بعدستي الخاصة

http://inlinethumb39.webshots.com/28326/2928585230104209706S600x600Q85.jpg

[السلوم 2005]

جابه على الجرح اخوووي صياد90

افضل صتم على الإطلااق ... بنسبه لي

[omar salman]

الحديث يقال انه من كلام عمر بن الخطاب رضي الله عنه وهو الأقرب والله أعلم

[بارود برنو]

السلام عليكم ورحمه الله وبركاته


يا الربع اذا معليكم كلافه


بغيت استفسر عن مشكله عندي


وهي


ان الوزنيه حقت ام صكمه الي يرفع وينزل الشعره

الي هو المدور الكبير الي فوق

معاد تحرك


مادري ايش مشكلته

افيدووني بيض الله وجيهكم يوم تسود وجيه



وعليكم السلام ورحمه الله وبركاته


تأكد ان البندق ما طاحت يمكن تاثر الفرار بالطيحه وما يلف

يحتاج الى تعديل او تغير كامل

او مصلب ويحتاج الى تزيت

فك الوزنيه وزيتها وركبها من جديد ان شاء الله ان المشكله بسيط وتنحل

والاخوان يفيدونك اكثر

[ذيب طريف]

سكتون عيار 37 قوي وخفيف بنفس الوقت يرميلك القمري والصفاري والفري .

[S N I P E R]

والله الديانا 27 زينه للكبير والصغير

[ذيب طريف]

السلام عليكم ورحمة الله وبركاتة ياجماعه انا عمري 17 وابي اشتري شوزن اي الانواع تصلحلي . ;)

[المرعضي]

الله يعطيكم العافيه ياشباب والله يعافيك يابارود برنو على هالموضوع المميز وعسى الله يكتب منه النفع للجميع ,

حبيت اسألكم يالربع عن الشوزن ام خمس البلجيكيه القديمه ام شجره , وش رايكم فيها , وهل فيها عيب غير

انها ماترمي ضغط عالي , بالاضافه للشباب للي جربوها وشو احسن فشق يناسبها للقمري والصفاريات ؟

اسفين على الاطاله ومشكورين مقدما ,

احتراامي للجميع ,,,

[المرعضي]

هلا وغلا بذيب طريف ,

اذا كنت تقصد بسؤالك عن اي نوع - يعني شوزن التماتييك او ام حبه - فأنا انصحك لاتاخذ الا التماتيك ,

خلاص ام حبه انتهى زمانها والحين مايبرد تسبدك الا التماتيك ,

واذا كنت تقصد اي نوع من شركات الشوازن يصلح لك ,

هنا اللي يحكمك وانا اخوك الدراهم ,

فيه الغالي وفيه الوسط وفيه الرخيص ,

على قد الدراهم اللي معك تشري شوزنك ,, لكن عليك بالشركات المعروفه مثل برتا , بنيلي , براوننج ... الخ ,

هذا اللي عندي والاخوان مايقصرون انشاء الله ,,,

احتراامي ,,,

[بارود برنو]

الله يعطيكم العافيه ياشباب والله يعافيك يابارود برنو على هالموضوع المميز وعسى الله يكتب منه النفع للجميع ,


حبيت اسألكم يالربع عن الشوزن ام خمس البلجيكيه القديمه ام شجره , وش رايكم فيها , وهل فيها عيب غير


انها ماترمي ضغط عالي , بالاضافه للشباب للي جربوها وشو احسن فشق يناسبها للقمري والصفاريات ؟


اسفين على الاطاله ومشكورين مقدما ,


احتراامي للجميع ,,,




ياهلا وغلا بالاستاذ المرعضي


البراوننج ام شجره مصنعه من اكثر من مصنع اجودها البلجيكيه واليابانيه


قبل 6 سنوات شراء واحد من الشيبان الي اعرفهم شوزن ام خمس


يحلف بالله انه يرمي الوبران فيها من مرامي الخرازة



وماطولت معه وباعها لواحد يعرفه ويمدحها بالحيل


سألته عن نوعها قال ياباني اصلي رقم واحد


المهم اتضح لي بعد الاسئله انها ام شجره براوننق اليابانيه




الرابط هذا يفيدك عنها ....


http://www.mekshat.com/vb/showthread.php?p=1508404 (http://www.mekshat.com/vb/showthread.php?p=1508404)

[قناص خليص]

دراهمك وأنا أخوك زي ماقالو الأخوان كثيرة عليك بالبرتا أو البنلي واذا متوسطة عندك البيكال الروسية تراها زينة

[المرعضي]

كفيت ووفيت يابارود برنو , بيض الله وجهك ومشكور على التفاعل السريع ,

لك طولة العمر يالاجودي ,,,

احتراامي ,,

[بارود برنو]

السلام عليكم ورحمة الله وبركاتة ياجماعه انا عمري 17 وابي اشتري شوزن اي الانواع تصلحلي . ;)




وعليكم السلام ورحمه الله وبركاته

ياهلا وسهلا فيك اخوي ذيب طريف

اخوي المرعضي ماقصر عطاك الاجابه

اضيف على كلامه

ان هناك بنادق احترافيه وبنادق شبه احترافيه

البيكال الروسيه اصنفها مع البنادق الشبه احترافيه وتؤدي الغرض وزياده

بالتوفيق

[بارود برنو]

:no2: السلام عليكم انا ابي سكتون يصلح حق صيد لان بشتري حق ولدي عمره 14 سنه شنو السكتون القوي والخفيف



وعليكم السلام ورحمه الله وبركاته

ياهلا وسهلا فيك اخوي بو فايز


عندك الالمانيه الفايروخ والديانا ....... بنادق لك ولزمن

وعلى حسب صيدك تختار البندق

اذا كانت للطيور الصغيره مثل الدخل والصفاري والسمان

ديانا 45 ممتازه جدا

اذا كان صيدك اكبر واحذر مثل القوقس والقميري

فايروخ 80 او 85 .......... ممتازه جدا ومناسبه



موفق خير

[arrow]

بسم الله الرحمن الرحيم

انا من المهتمين بموضوع الساكتون الهوائي والمحبين له ....

جربت الكثير منها لي ولاخوتي الصغار ..

اعتقد ليس هناك افضل من الفايروخ الالماني اللي عند الرميح ..

بالنسبة للمقاس اذا رحت يم الرميح شف اللي يصلح للولد خله يشيل ويجرب ويرمي فيها عندهم لين يطيب خاطره ويختار ...

اذا يبغاها للطيور الصغار لايتعدى 27 وفيه موديل تو نازل جديد عند الرميح 30 مثل الـ 27 ,,,,, اعتقد انه مثل الـ 27

اذا يبغى شي اقوى الـ 35 ممتازة ...

اذا يبغى شي قوي مرة الـ 85

وانا انصح اخواني الصغار دايم مايتعدون الـ 27 ....لسبب ان الولد يوم يرمي باتجاه معين الصتمة تقطع مسافة اكبر لو كانت قوية ويصير فيه خطورة ...

لذلك من رايي انك تاخذ 27 فايروخ وانت مغمض وماراح تندم .....


بس خله يجربها بالمحل قبل ياخذها عشان يقتنع فيها ....

وفقك الله .........

بالنسبة لموقع الرميح:

( المركز الرئيسي بحي الملز بالرياض, مقابل استاد الامير فيصل بن فهد ,,,,, وله فرع بحي النسيم , شارع الاربعين)

[بارود برنو]

اخواني اريد افضل فشق لام صتمه مقاس 27 وابى الصوره الفشق






وشكرا,,,,,,





ياهلا باخوي مكسيما



بالفعل الصتم الالماني الاخضر القديم جيد جدا




وصتمه متساوى ما يطيح اذا ركبته بالماصوره




اغلب الانواع المقلده غير متساويه في الصتم تلاحظ ان صتم يركب وصتم يطيح

وبعضها الصتم مجرد ما تلمسه تطبع في يدك مادة الرصاص






هذا يعدم الصيد ويؤثر على الصحه




و الاهم ايضا اختيار شكل الصتم





http://inlinethumb16.webshots.com/30415/2739489750104209706S600x600Q85.jpg




http://inlinethumb40.webshots.com/25255/2352087260104209706S600x600Q85.jpg








بالنسبه لي اشوف ان الصتم المسطح العادي افضل شي واقوى تأثير من الصتم الهرمي والاشكال الاخرى


http://inlinethumb39.webshots.com/28326/2928585230104209706S600x600Q85.jpg





تحيتي

[بارود برنو]

السلام عليكم

شخباركم جميعا ان شاءالله الجميع بخير وصحه وسلامه

سؤالي لهذا اليوم عن الساكتون مقاس 90 و 85 هل تقنص الضبان او لا
انا محصل لي خرزه بس يبيلها تصريح وسين وجيم وانا مااقدر اصير في هالموقف وهالاشياء يبيلها واسطه وكم رصاصه مك وانتم اعلم مني بهذا الشي.

ودي بالساكتون الاي اهم شي يكون معك فاتوره يثبت انها لك والله يستر عليك

وسؤال اخر وش الزين فيهم الالمانيه ولا الاسبانيه

واذا احد عنده او يخبر لنا ساكتون نظيفه من نفس المقاس الي ذكرة يخبرني


وشاكر ومقدر تعاونكم

ودمتم بحفظ الله ورعايته





وعليكم السلام ورحمة الله وبركاته

ياهلا بخوي الغالي راعي الطلعات

الفايروخ 80 وال85 مناسبه جدا للضبان بس خل في عين الاعتبار

ان الخرازه اذا اصابت الضب في بطنه يهرب :)

يعني لازم تركز على الراس:good:

والله يكتب لك الي فيه الخير

بالتوفيق

[أمير الصيد]

انا عندي ابو حربه الالماني افضل من العادي لإنه يخترق الهدف عكس العادي لا يخترق
بس عليك بالالماني الاصلي .
وتحياتي للجميع .

[أبو درويش]

تعددت الأسباب والموت واحداً ...

[راعي الطلعات]

وعليكم السلام ورحمة الله وبركاته



ياهلا بخوي الغالي راعي الطلعات


الفايروخ 80 وال85 مناسبه جدا للضبان بس خل في عين الاعتبار


ان الخرازه اذا اصابت الضب في بطنه يهرب :)


يعني لازم تركز على الراس:good:


والله يكتب لك الي فيه الخير



بالتوفيق


الله يجزاك بالخير يالغالي وهذه معلومه قيمه

بالنسبه للفايروخ دورتها في بعض محلات الرمايه ما حصلتها فا اظطرية اني اشتري لي الانجليزيه باتريوت 95 على 5,5 كما سمعة انها اقوى ساكتون في المملكه لكن مشكلتها في قوتها انه لازم بعد كل طلعه طلعتين اني اربط مساميرها

والله يعين

شكرا لك

[بارود برنو]

الله يجزاك بالخير يالغالي وهذه معلومه قيمه

بالنسبه للفايروخ دورتها في بعض محلات الرمايه ما حصلتها فا اظطرية اني اشتري لي الانجليزيه باتريوت 95 على 5,5 كما سمعة انها اقوى ساكتون في المملكه لكن مشكلتها في قوتها انه لازم بعد كل طلعه طلعتين اني اربط مساميرها

والله يعين

شكرا لك



مايحتاج ربط المسامير حتى الفايروخ بعد رمي كم علبه لازم تشد مساميرها

والباتريوت :good: قوه دفع مع حجم صتم كبير تنفع للوبران :)

بالتوفيق

[فتى حرض]

هذه اول مشاركة لي في هذا المنتدى
انا عندي خرازة المانية
moodel 302 AL
22LR
وضاع مخزنها وتكفون وين احصله فيه لاني رحت وسألت عنه في سوق الزل بالضبط عند الشايقي وما حصلت وقالوا بتلقاه في القصيم وانا من اهل الشرقية والرياض اقرب شئ لي وقالي واحد من الشباب اكيد بتحصلة في الرياض.
تكفون دلوني وين احصلة فيه وبكم بيكون سعرة لا تخلوني من فزعتكم .
وشكرا. :rolleyes:

[فتى حرض]

ياشباب وين الردود

[ي ح ق 517]

السلام عليكم ورحمة الله وبركاته

ياشباب انا عندي ام خمس بيكال فيبر والمسمار اللي بأخر الماصوه

اللي هو المنشاف طايح علي وابي حل لأن اغلب رميي الحين بدون فايده

يعني نص الصيد اليي ارميه يروح ...ابي حل سريع تكفون...



اخوكم عبدالله ...

[فتى حرض]

35 مرو على الموضوع ولا فيه رد
ساعدوني ياشباب

[عاصوف نجد]

أخوي فتى حرض رح لمحل الهدف الي في شارع التخصصي تراه يفصل المخزن لكن بسعر غالي شوي

[ي ح ق 517]

اعوذ بالله 26 مشاهدة ولا رد

وين الفزعه

[فتى حرض]

شاكرلك يا عاصوف نجد وجزاك الله كل خير
وتقريبا كم بيكون السعر لو تقربلي في السعر أو خمن الله يعطيك العافيه

[رياح الشرق1]

انا مره جيت الهدف الي با التخصصي وقالي 280 اذا ما ني واهم بس ترا خرازتي تشيك مدري عاد اذا مخزنها نفس الالماني او لا والله يا طويل العمر استغليته وقالولي تلق بسوق الزل ورحت لسوق الزل لقيته اغل 500 عند شايب بس تراي ما دورت زين بسوق الزل لكن رحله ودور زين وبتلقاه ان شاء الله بسعر اقل ..............تحياتي

[أبو طلال-نقوه]

السلام عليكم,
أي مسمار فيهم!(مسمار النيشان)! نزل صوره إذا تقدر...

[أمير الصيد]

اخوي فتى حرض
ودي اخدمك لكن ما عندي علم
بس يمكن هالرابط يبفيدك :

http://www.mekshat.com/vb/showthread.php?t=50792

[حكم ساحة]

هلا بأخوي فتى حرض
تلقاه إن شاء الله في سوق الجرده ببريدة عند الصمعاني

[qewc]

بارود برنو



لاهنت بيض الله وجهك على الرد السريع والتجاوب والتفاعل



جعلك الله ذخر لهذا المنتدى

[ي ح ق 517]

ايه مسمار النيشان

[أبو طلال-نقوه]

بسيطه إن شاء الله,
أي محل سلاح يبيعها أو ممكن تشتري النيشان المغناطيس الليلي.

[ي ح ق 517]

جزاك الله خير اخوي ابو طلال

[بارود برنو]

السلام عليكم ورحمة الله وبركاته

ياشباب انا عندي ام خمس بيكال فيبر والمسمار اللي بأخر الماصوه

اللي هو المنشاف طايح علي وابي حل لأن اغلب رميي الحين بدون فايده

يعني نص الصيد اليي ارميه يروح ...ابي حل سريع تكفون...



اخوكم عبدالله ...



وعليكم السلام ورحمة الله وبركاته

ياهلا وسهلا فيك اخوي عبد الله

مثل ماقالك ابو طلال المنشاف تحصله في اماكن بيع ادوات
الصيد وتقدر تركب منشاف ضوئي

افضل وادق خاصا في الرمايه الليله

بالتوفيق

[ي ح ق 517]

جزاك الله خير اخوي بارود برنو

القاه عن الرميح ولا الرمايه

[بارود برنو]

جزاك الله خير اخوي بارود برنو

القاه عن الرميح ولا الرمايه





بالنسبه للرميح او الرمايه لا اعلم لكن في المدينه موجود المنشاف العادي والمنشاف المضيئ

في محل ادوات الصيد

ان شاء الله انك تلقاه عندهم ....

بالتوفيق

[الذيب الابيض]

الاخوان الاعزاء بعد التحيه


الفابارم ام حبه كسر

من له خبره فيها ويعطيني العلم وهل هي ربع ام نصف ام كامل
ووش الفشق المناسب لها للرمي الطيار


ارجووووووووووووو الرد

[ي ح ق 517]

جزاك الله عنا كل خير...

[راعي الشلفاء]

السلام عليكم

تدري اني فاكه ماله سنع ترمي من دونه

[ي ح ق 517]

ليش فاكه بالعكس

[راعي الشلفاء]

السلام عليكم

ارم خمس رميات لما تاخذ عينك عليه وتعرف ان ماله اي داعي

[سرحان220]

الاخوان افادوك ,, الله يبارك للجميع

[_ذيب ثهلان_]

تلقاه في صاب

[بارود برنو]

هذه اول مشاركة لي في هذا المنتدى
انا عندي خرازة المانية
moodel 302 AL
22LR
وضاع مخزنها وتكفون وين احصله فيه لاني رحت وسألت عنه في سوق الزل بالضبط عند الشايقي وما حصلت وقالوا بتلقاه في القصيم وانا من اهل الشرقية والرياض اقرب شئ لي وقالي واحد من الشباب اكيد بتحصلة في الرياض.
تكفون دلوني وين احصلة فيه وبكم بيكون سعرة لا تخلوني من فزعتكم .
وشكرا. :rolleyes:



ياهلا وسهلا فيك اخوي .......... فتى حرض

ان شاء الله انك تحصله عند احد الاماكن الي دلو عليها الربع جزاهم الله خير

قبل كم سنه ضاع مني مخزن التشيكيه الاصلي ودورت عليه ولقيت واحد قال بعد كم يوم اجيبه لك وماصبرت

اخذت من عنده واحد تجاري يمشي الحال ب200 ريال

عيبه

تعلق السسته الداخليه للمخزن اذا مليته بالفشق

انصحك بالاصلي الاصلي

بالتوفيق

[عبدالرحمن305]

يجماعة دخخخخخووولل
ولدي يبي ام صكمة
ابي صور ام صكمة
بسرعة ممكن

[omar salman]

إذا ولدك تووّه
أنصك ب 75 فايروخ عند رميح التخصصي
واذا كبير حول العشرين 85 فايروخ

[عبدالرحمن305]

شكران على المداخالة اخ الصياد
ولدي اذنا حن علي وصممة اشتريلة
وهو عمرة 15ىومادري اي نوع اشتريلة

[أبوقزاز]

عمره 15 اشترله 85فايروخ المانيه

وموفق خير

فمان الله

[عبدالرحمن305]

اشكرك اخوي
ابو قزاز وماقصرت
اللة يعطيك اللف عافية
تسلم

[صايد البرقا]

80 فايرخ المانيه
تكرف وقويه
تلقاها عند الرميح

[ي ح ق 517]

جزاك الله خير
صحيح ان رمي الطيار بدون تقديه...

[أمير الصيد]

هلا اخوي عبدالرحمن
شف ياطويل العمر :
الالماني افضل الموجود بالسوق حالياً
والجميع هنا ينصحون بالالماني الفايروخ مقاس 80 أو 85
يعني اذا ولدك جسمه زين خذ له 80 لإن وزنها ثقيله شوي
بس ساكتون ماعليها كلام ابد وتتحمل وتجلد جلد ماهب
صاحي خاصه اذا ضبطت الوزنيه .
أما اذا ولدك جسمه اقل من عادي فأختها الـ 85 نفس الشي ونفس الحجم
بس اقل وزن واخف حتى في الكسر لإن السبرنق حقها نحيف وطويل ولين
أما الـ 80 فالسبرنق امتن واقصر واقوى هذا الفرق بينهما أما القوه والجلد نفس الشي .
وهم لك وللزمن وأنا معي حالياً 80 وسبق وجربت الـ 85
علشان كذا اعطيتك الفرق بينهما واسعارهم في حدود 1500 ريال .
أما اذا تبي اقل سعر عليك بالفايروخ 35 قيمة اقل وهي ممتازة
ولكن ليست في قوة الـ80 والـ 85 ولكنها ممتازة وكثير يمدحونها
وايضا سبق وجربتها ولكن منذ سنين طويله ولا عليها كلام بالعكس
ممتازة واذا بتوصل 1500 خذ 80 وارتح .
أما اذا الولد يبي المنظر والديكور فقط فعليك بالاسباني ؟ احسن مافيه
الديكور وأول ما تأخذها ممتازة وبعد فترة تضعف وتحتاج قطع غيار
وصيانه مستمره ويليتها ترجع مثل أول ؟
ولا بعد شفت احد يمدح الاسباني .
وانت واللي تشوف .
والالماني موجود بفروع الرميح وصاب ولكن وكيلها الاصلي الرميح
محلهم بشارع التخصصي وايضا مقابل ملعب الملز من ناحيه الجنوب
ويوجد فروع اخرى لا اذكر مكانها حالياً .
واذا بتطلعها بأسمك لازم صورتين 4×3 وبطاقة الهويه علشان
يسجلون رقمها فقظ والتصريح يطلع بعد شهر تقريباً .
أما الولد لا يسجلونها بأسمه لإنه دون السن القانوني .
ارجو أن اكون قد افدتك ولو بالقليل اخي عبدالرحمن .
وتحياتي لك .

[omar salman]

عبدالرحمن 305 الله يحفظك
ويحفظ كل من كتب
85 أراها الأنسب بما ان عمره 15
وشيك على 75 لكن اذا صيد ولدك
من ضمنه نوع من الحمام فأقل شي
35 ولك الخيار والرميح عنده طلبك .

[abo sal7]

طق له 80 فايرخ وبتدعيلي بس انتبه من الاسباني خمام مجمع

[عبدالرحمن305]

اللة يعيعطيكم العافية
كلكم
وتسلممممون الللة يجزاكم خير

[عبدالرحمن305]

سمعة انا ام صكمة الأ سبانية افضل اسمها Gamo

[ابو خالد 27]

رح للرمايه القامو عنده

ان عندي قامو شادو 1000
وجربت 85

نفس بعض بس الشادو اخف بكثييييييييييييييير ولها معي 6سنين

وسعرها اقل بكثير من 85
سعر الشادو 1050
سعر 85هو 1550

الفرق400$$$$$$$

[بورااشد]

السلام عليكم ورحمة الله وبركاته

اين الافضل فاايروخ 80 ولا فايروخ 58



جزااكم الله خير بالربع

[صايد البرقا]

السلام عليكم ورحمة الله وبركاته

اين الافضل فاايروخ 80 ولا فايروخ 58



جزااكم الله خير بالربع

والله شف من واقع تجربتي انا والعيال الفايرخ 80 افضل ابواجد من ناحية القوه والكرف
عيبها الثقل ولا هي ما فل حسي فايده

[omar salman]

بو راشد يمكن من كثر تكرار الموضوع بعض الشباب
ما يرد ولكن خذا هالرابطين المكشاتيين واعتقد تطلع بنتيجة :

http://75.126.184.24/~mekshat/vb/showthread.php?t=53951

http://www.mekshat.com/vb/showthread.php?p=1928212

[@قرناص@]

,,

السلآم عليكم

آخوآني لدي مشكله في البندقيه

نوع البندقيه فآيروخ 27 هوائي

المشكله فيها انه بدئ الزنآد يثقل علي وبصعوبه اضغطه

والان صرت ما آقدر آضغطه نهآئيآ

الي له معلومه او حلـ الله لا يهينه يحطه هنا

ومشكورين

,,

[omar salman]

الحل اقلب البندق واسدحها على ظهرها
ونقّط على قاعدة الزناد زيت بمقدار نص ملقة صغيرة
وخلها ساعتين ثلاث على وضعها وجرب .
واذا ما نفع قدامك طريقين خخخ قصدي ثلاث حاجات والله أعلم :
وكلهن يتطلبن فك البندق :
1 - شف إذا البندق مجيّمة زيّتها وشحمّها في حدود ولا تكثّر عليها .
2 - إذا مصدّية من جوى خذ بخاخ W40 وبعد كذا شحمها فقط .
3 - أحياناً يطيح جسم صلب يمكن كسرة خشب
أو مسمار صغير أو غيرهن فيعيق الزناد حتى يمنعه عن
الحركة تماماً والله أعلم ورد لنا الله لا يهينك وش صار معك .

[@قرناص@]

الحل اقلب البندق واسدحها على ظهرها
ونقّط على قاعدة الزناد زيت بمقدار نص ملقة صغيرة
وخلها ساعتين ثلاث على وضعها وجرب .
واذا ما نفع قدامك طريقين خخخ قصدي ثلاث حاجات والله أعلم :
وكلهن يتطلبن فك البندق :
1 - شف إذا البندق مجيّمة زيّتها وشحمّها في حدود ولا تكثّر عليها .
2 - إذا مصدّية من جوى خذ بخاخ W40 وبعد كذا شحمها فقط .
3 - أحياناً يطيح جسم صلب يمكن كسرة خشب
أو مسمار صغير أو غيرهن فيعيق الزناد حتى يمنعه عن

الحركة تماماً والله أعلم ورد لنا الله لا يهينك وش صار معك .


,,

آخوي مشكور ع الرد

جربت الزيت ونفع والحمدلله البندق رجع مثل آول

بيض الله وجهك يالذيب

,,

[مطفش القمري]

]السلام عليكم كيف حالكم يالربع انا بشتري شوزن ايهم ازين سيلانيه ولا اسبانيه واللي يختار اح الثنتين الله لا يهينه يصورلي البندق

[الزايدي518]

بسم الله الرحمن الرحيم


يا اخوان ابي منكم طريقه وزن نيشان السكتون
مثلن ابيها راس الحبه كيف اوزنها يا ليت باصور
انتظر ردودكم

[omar salman]

ما فيه صور للأسف
لكن باختصار لو وضعت
رأس العلم على الهدف
وطلقت وصارت الطلقة تحت الهدف
حل الميزانية وبتلاحظ الميزانية ارتفعت
وبيجبرك ارتفاع الميزانية ترفع
العلم وانت مركز على الهدف
واطلق مررة ثانية بتلاحظ
ان الإصابة ارتفعت معك
واذا ارتفعت فوق اللازم
وصارت فوق الهدف
ارجع وسو العكس يعني شد
الميزانية حاجة بسيطة بنفس
اتجاه عقارب الساعة
والله يحييك .

[نديم الغرباء]

نب سكتون نارية

[أبوقزاز]

الحل اقلب البندق واسدحها على ظهرها
ونقّط على قاعدة الزناد زيت بمقدار نص ملقة صغيرة
وخلها ساعتين ثلاث على وضعها وجرب .
واذا ما نفع قدامك طريقين خخخ قصدي ثلاث حاجات والله أعلم :
وكلهن يتطلبن فك البندق :
1 - شف إذا البندق مجيّمة زيّتها وشحمّها في حدود ولا تكثّر عليها .
2 - إذا مصدّية من جوى خذ بخاخ W40 وبعد كذا شحمها فقط .
3 - أحياناً يطيح جسم صلب يمكن كسرة خشب
أو مسمار صغير أو غيرهن فيعيق الزناد حتى يمنعه عن

الحركة تماماً والله أعلم ورد لنا الله لا يهينك وش صار معك .


الله يبيض وجهكـ،،:good:,,

[A124]

اخواني الاعزاء

عندي استفسار
كم سعر

ولكم جزيل الشكر..............

[بارود برنو]

اخواني الاعزاء

عندي استفسار
كم سعر

ولكم جزيل الشكر..............



اخي الحبيب A124

يمنع التطرق الى ذكر اسعار الاسلحه الناريه في منتدى مكشات

يرجى منك الاطلاع على رابط القوانين

http://www.mekshat.com/vb/showthread.php?t=32337 (http://www.mekshat.com/vb/showthread.php?t=32337)

مع خالص شكري وتقديري لك

في امان الله

[شعب-علي]

السلام عليكم ...............
باختصار مشكلتي مع الماجنوم 350عيار 5و5
انها عيت تنوزن دائما تجي فوق الهدف حاولت انزل النيشان مافيه فائده قدمت اخرت بلافائده عجزت بصراحة على الرغم انها جديده وكانت زي اللوز ارجو من الخبراء المساعده .

[رٍسِـــلآنٍ ٱلدُفُــٱع]

http://www.mekshat.com/vb/showthread.php?t=106021

[شعب-علي]

مشكور على الرد ولكن مشكلتي اكبر ان النيشان مايجي على الهدف دائماً فوق الهدف مهم نزلت

[بارود برنو]

السلام عليكم ...............
باختصار مشكلتي مع الماجنوم 350عيار 5و5
انها عيت تنوزن دائما تجي فوق الهدف حاولت انزل النيشان مافيه فائده قدمت اخرت بلافائده عجزت بصراحة على الرغم انها جديده وكانت زي اللوز ارجو من الخبراء المساعده .


وعليكم السلام ورحمة الله وبركاته

ياهلا وغلا بشعب - علي

تصدق في بنادق الشوزن القديمه البندق الي تزم فوق الهدف مرغوبه جدا

حتى بنادق ام حبه القديمه البندق الي تزم مرغوبه

عندك بنادق الهواء تختلف باختلاف سرعتها في الهواء واختلاف نوع الرصاص

الرصاص الانسيابي الهرمي اذا رميت فيه ببندق سرعتها عاليه

يقاوم الجاذبيه الارضيه لمسافه اطول مثلا يمشي معك على خط مستقيم 30 متر هذا اقل شي

يعني ماتقدر تصوب شي اقرب الا اذا وضعت الحبه تحته

هذي البندق تعتبر قويه وتطربك في المسافه البعيده

وبعض البنادق الي سرعتها ضعيفه

اذا رميت فيها برصاص انسيابي

هذا ما يقوم الجاذبيه يمكن ابعد مدى له على خط مستقيم 10متر وبعد 10متر يبدى بالنزول التدريجي

شف رصاص 5.5 ثقيل في الهواء مع ذالك ماشاء الله تقول يزم فوق الهدف

تاكد ان المسافه الي انت رامي فيها اول والان مثل بعض لان لو بعدت المسافه يتغير الرمي

تاكد ان النيشان على اخر حد لا يكون معلق او شي



بالتوفيق

[الوافي الحربي]

السلام عليكم
الاخوه الاعز اء عرضت علي ماسورة شوزر البندق عليها صورة بطه .
تنفع الماسورة للترهيم للروسيه ؟؟؟؟؟؟
ارجو الافاده ولكم جزيل الشكر.

[بووووووو فيصل]

السلام عليكم اخواني

عندي ام صتمه 350 ديانه

كل ما ازبط الوزنيه شوي وتختلف وتقريبا كل مارمي تختلف
والله تعبتني ما ادري وش المشكله

الله عنده علم بها يفيدني وجزاه الله خير

[بارود برنو]

السلام عليكم
الاخوه الاعز اء عرضت علي ماسورة شوزر البندق عليها صورة بطه .
تنفع الماسورة للترهيم للروسيه ؟؟؟؟؟؟
ارجو الافاده ولكم جزيل الشكر.



وعليكم السلام ورحمة الله وبركاته

حياك الله اخي الوافي الحربي ....... اي موضوع يخص الترهيم يعتبر مخالف للقوانين ويتم حذفه

وبخصوص استفسارك

نصيحه اخي ابعد كل البعد عن الترهيم والتعديل

تمنياتي لك بالتوفيق

[بارود برنو]

السلام عليكم اخواني

عندي ام صتمه 350 ديانه

كل ما ازبط الوزنيه شوي وتختلف وتقريبا كل مارمي تختلف
والله تعبتني ما ادري وش المشكله

الله عنده علم بها يفيدني وجزاه الله خير


اخوي بوووووو فيصل

اغلب بنادق ام صتمه ذات المقاس الكبير متعبه في الوزنيه بسبب رجف البندق يختلف العيار ولازم تازنه من جديد

حتى مسامير البندق تتحلحل مع الرمي بعد كل فتره وفتره تشد عليها

يمكن يريحك الدربيل اذا ركبته بقواعد ممتازه

او ممكن تغير الميزانيه الى ميزانيه اخرى

لكن تحتاج الى معلم

ان شاء الله الاخوان يفيدونك اكثر

موفق خير

[هارون97]

اي مسمار صغير يركب على السنة لي في الماصورة

[راعي الطلعات]

لا اوصيك رح للرمايه او الرميح على حسب وكيل الساكتون الي معك اريح لك

وانا ان شاءالله رايح للرمايه وعلى الضمان

بالتوفيق

[asamh]

وعليكم السلام ورحمة الله وبركاته
با لنسبه للمنشاف اعتقد ماله داعي لأن البندق رش ولا يحتاج الى منشاف مثل ما قالولك الأخوان وسلامة الجميع من كل شر وكل عام وأنتم بألف خير

[مواطن]

مااعتقد انه ضروري ارم بدونه

[العبقري 1]

وعليكم السلام ورحمة الله وبركاته

ياهلا وغلا بشعب - علي

تصدق في بنادق الشوزن القديمه البندق الي تزم فوق الهدف مرغوبه جدا

حتى بنادق ام حبه القديمه البندق الي تزم مرغوبه

عندك بنادق الهواء تختلف باختلاف سرعتها في الهواء واختلاف نوع الرصاص

الرصاص الانسيابي الهرمي اذا رميت فيه ببندق سرعتها عاليه

يقاوم الجاذبيه الارضيه لمسافه اطول مثلا يمشي معك على خط مستقيم 30 متر هذا اقل شي

يعني ماتقدر تصوب شي اقرب الا اذا وضعت الحبه تحته

هذي البندق تعتبر قويه وتطربك في المسافه البعيده

وبعض البنادق الي سرعتها ضعيفه

اذا رميت فيها برصاص انسيابي

هذا ما يقوم الجاذبيه يمكن ابعد مدى له على خط مستقيم 10متر وبعد 10متر يبدى بالنزول التدريجي

شف رصاص 5.5 ثقيل في الهواء مع ذالك ماشاء الله تقول يزم فوق الهدف

تاكد ان المسافه الي انت رامي فيها اول والان مثل بعض لان لو بعدت المسافه يتغير الرمي

تاكد ان النيشان على اخر حد لا يكون معلق او شي



بالتوفيق

الحقيقة الأخ بارود برنو تحدث في ناحية فيزيائية بحتة صحيحة مية بالمية والدليل أنه دائماً في نياشين البنادق يقول لك كل ما يبعد الهدف لازم نرفع راس البندق عشان يعطي مجال احتياطي للجاذبية بحيث لو نزلت الرصاصة نكون محتاطين لها برفعة في راس البندق فتجي على الهدف .. كل الشكر لك أخي بارود برنو على هذه الفوائد التي تقدمها لنا بين الحين والآخر .
أخي شعب علي أنا مثلك عندي الماجنوم 350 وفعلاً عانيت منها بنفس معاناتك غير انها مو تزم لا مالها قانون مرة تحت ومرة فوق ويمين وشمال لكن مع مرور الوقت اكتشفت إن السبب مني أنا لأن البندق ثقيلة ويبغاله ضبط غير عادي ( دقيق جداً ) مع تقديم اليد اليمنى أثناء الرمي حتى تساعد اليد الأخرى بشكل قوي
الشيء الثاني هذه البندق قوية جدا جدا في الرمي والبعد والسرعة وهذه ميزتها التي تغطي على عيوبها الأخرى .. لكن هناك فكرة أتوقع أن تنجح معك .. خذ فلينة مربعة وارسم عليها دائرة حمراء مثلاً بخط عريض بحجم الطائر الصغير وابعدها عنك مسافة 25 متر وارمي عليها وحدد مكان الضربة وأوزن وتأكد انها راح تزبط معك مع التجارب وإذا مازبطت غير النيشان تلقاه عند وكيل البيع بـ 90 ريال .

[بواردي الدلم]

نفس المشكله عندي بالساكتون الاسبانيه لان نيشانها بايخ شوي ومايعطي دقه مثل نيشان الالماني لذلك ركبت عليها دربيل وصرت اتحدى في الحمام على ضرب الراس ومن مسافه 75 متر
طبعا مسافه 25 متر واقل احط الصليب تحت الهدف لكن مسافات بعيده احطه على المركز بالضبط

[شعب-علي]

الاخواه بارود بونو
العبقري 1
بواردي الدلم
مشكورين على التفاعل وحقيقة استفدت كثيرا من طرحكم

[راعي الطلعات]

اخوي توني جاي من عند الرمايه وزنو لي الساكتون بشكل يبرد القلب وعندهم مكان للرمي داخل المحل ويوزنها لك مضبووط

والصراحه كلام الاخ بارود برونو كلام موزون وصحيح

[العبقري 1]

نفس المشكله عندي بالساكتون الاسبانيه لان نيشانها بايخ شوي ومايعطي دقه مثل نيشان الالماني لذلك ركبت عليها دربيل وصرت اتحدى في الحمام على ضرب الراس ومن مسافه 75 متر
طبعا مسافه 25 متر واقل احط الصليب تحت الهدف لكن مسافات بعيده احطه على المركز بالضبط

هل الدربيل ينفع مع الهوائية لأني سمعت إنه مايصلح معها ، عندي ديانا ماجنوم 350 ؟

[ي ح ق 517]

السلام عليكم ورحمة الله وبركاته

ياشباب انا سمعت عن وصله للبيكال يقال انها تركيه

ويقولون الشباب اللي جلست معهم انه تصف مع السوابر اذا ركبت على البيكال

وتراها ضيقه يعني تسوق واحد من الشباب مجربه يقول عاد 80 متر وصايد قوقسيه واقعه...

وانا قلت استشير المكشاتيه لأنهم ابخص ...

[أبوناصر]

وش رايكم في بندق هواء من عند الرميح


اسم الشركة


weihrauch


مقاس 27



وش هي من لحيه ؟؟؟


هل مجربه من قبل ولا لا .؟

[راعي الطلعات]

وش رايكم في بندق هواء من عند الرميح


اسم الشركة


weihrauch


مقاس 27



وش هي من لحيه ؟؟؟


هل مجربه من قبل ولا لا .؟

انا ماقد سمعة بها لكن مادامك بتاخذ 27 خذ لك ديان ولا فايروخ

اضمن لك

[ابو لارا]

تحياتي لك

انا مثلكـ سمعت عنها نفس الكلام وادور لي على وصلة

[عقاب11]

السلام عليكم ورحمة الله أنا مجرب
وصلة
640 ممتازة الصناعة أمريكية

[قناص خليص]

عندك الآن نزلت 640 ماأدري عنها بس 660 ويقال لها رقم صفر تراها زينة وضيقة تسخدم للبعد

[ال مغيره522]

ياربع الله لا يهينكم
وش صار على فشق الشوزن
لا ألحين غالي ولا رخص
وإذا غالي للحين
متى بيرخص لا هنتم جميعا

[أمير الصيد]

وش رايكم في بندق هواء من عند الرميح


اسم الشركة


weihrauch


مقاس 27




وش هي من لحيه ؟؟؟



هل مجربه من قبل ولا لا .؟





اخي ابو ناصر :


احب ان افيدك أن
weihrauch
هي نفس الفايروخ اللي يتكلمون عنها الشباب في
هذا الموضوع ولكن weihrauch باللغه الالمانية
وافضل الفايروخ هو الـ 80 كما في هذه الصورة التي رفعها أخي الصياد90 بموضوع اخر
واضعها هنا بعد أذن اخي الصياد90 جزاه الله خير.


http://i376.photobucket.com/albums/oo202/jmeel/ABCD0003-1.jpg


والفايروخ وكيلها الرميح وأيضا صاب
ارجوا ان اكون افدتك
تحياتي للجميع.

[برق الجبل]

السلام عليكم ورحمة الله وبركاته ..

صباح / مساء الخير للجميع ..

عجزت اثبت اسم هالشوزن مرة فرانكي ومرة فرانشي .. المهم ابي اسأل هي من النوع اللي لها وصلات ولا لا ؟ واذا كانت بوصلات اجل ستطعش الف وش عليه ؟ :mad:
^
^
هذا لان ترهيم الماصورة للبنلي مكلف :mad:

[أبو طلال-نقوه]

وعليكم السلام,
أخوي إلي أعرفه أن كلهم واحد, بس الإسم الصحيح لغوياً هو فرانكي. لكن بسبب الحروف Franchi ينطقها البعض فرانشي لكن الفرينكي خطأ...
بالنسبه للوصلات إذا كان قصدك شوكات, نعم الفراكي من الشوازن إلى يركب لها شوكات و هذه الشركة من توابع شركة بنيلي وممكن تحصلها على موقع بنلي.

[ابوفرايديز]

يااخواني انا عندي بيكال ورميها ضعيف جدا وانا بالقصيم وين احصل الوصله المذكوره 660و640

[أبوناصر]

تسلم والله اخوي الحر الأزرق


هذا هو الجواب الشافي الله يعطيك ألف ألف ألف عافيه

[برق الجبل]

بالظبط هي الشوكات يابو طلال ..

لكن اذا كان لها شوكات مو من الافضل لي اخذ بنلي وارهم لها ماصورة وتكون بنفس قيمة الفرانشي وهي بشوكات ؟

وش رايك يالعزوة ؟

واشكر لك هالتوضيح

[ي ح ق 517]

الله يجزاكم خير

[أبو اصايل]

السلام عليكم أخواني الكرام أنا عندي بيكال وركبت عليها وصله 660 ورميت قوقسية تقريبا فوق الضغط العالي وصدت ايضاً فيها خمس كرك رفع مواصير الانوار مرة ونصف والله على ما اقول شهيد والحين معي سوبر مركب عليها وصله 660 ويوجد منها للسوبر والروسية وكلها شد بلد ارجو ان اكون قد افدت كما استفدت منكم سابقاً..

[راعي سوبر]

السلام عليكم أخواني الكرام أنا عندي بيكال وركبت عليها وصله 660 ورميت قوقسية تقريبا فوق الضغط العالي وصدت ايضاً فيها خمس كرك رفع مواصير الانوار مرة ونصف والله على ما اقول شهيد والحين معي سوبر مركب عليها وصله 660 ويوجد منها للسوبر والروسية وكلها شد بلد ارجو ان اكون قد افدت كما استفدت منكم سابقاً..
ابو اصايل من وين تكفى جبت توصيلة السوبر شاكر ومقدر

[أبو طلال-نقوه]

والله مو فاهم قصدك ممكن توضح أكثر!, لكن البنلي الجديده أغلى من الفرانكي , ومصورة البنلي أفضل من الفرانكي... الفرانكي مثل البنلي فيها نظام الإنيرشا.

[رٍسِـــلآنٍ ٱلدُفُــٱع]

وين راح موضوع الدربيل الليلي ؟؟ كنت انتظر رد احد الاخوان ولاكن الان محذوف ليه؟

وهل مثل هاذا الموضوع مخالف ؟

[النشمى22]

ماهو أفضل فشق للخضاري

[بووووووو فيصل]

هل الدربيل ينفع مع الهوائية لأني سمعت إنه مايصلح معها ، عندي ديانا ماجنوم 350 ؟

اخوي العبقري

تبي تسمع نصيحتي لاتركبلها دربيل لانه بيتعبك كل شوي بتوزن فيه

انا مثلك عندي ماجنوم 350 ديانه واخذتلها دربيلين مانفعت معي

والأن انا بدون الدربيل مرتاح وماتخطي الحمدلله

[asamh]

السلام عليكم ورحمة الله وبركاته
اخواني المكشاتيه ابي خشب ستيفينز الي يعرف محلات تبيعها لايبخل علينا

[مدير العمليات]

على ماظن ... الهدف يبيع خشابات شوازن ام وحدة وام خمس
تقبل مروري

[jaber280]

أخوي
لا تغير في البندق تراها ماتحتاج تبديل للماسورة وماسورة الفرانكي مثل البنلي وهذا عن تجربة مع البنلي الرفايلو نفس الرش ونفس كل شي اللهم إن الفرانكي أنعم من البنلي بكثير والله اعلم

[العبقري 1]

هل يعتبر الدربيل على الخرازة شيء ضروري وماذا لو لم أشتريه هل تعتبر البندق ناقصة بدونه ؟

[shaheenshah]

والله اذا كان شوفك زين ما يحتاج

[بارود برنو]

هل يعتبر الدربيل على الخرازة شيء ضروري وماذا لو لم أشتريه هل تعتبر البندق ناقصة بدونه ؟



هلا بأخي الغالي العبقري


تصدق ان في ناس ماتفضل الدربيل لانه صعب عليها كم واحد اعرفهم ما يفضل الدربيل


والسبب انه يوم يشوف حجل او شنير جافل يصعب عليه شوفه بالدربيل يوم يكون على الحبه اسهل واسرع


وهذي المشكله تواجه الى مااستخدم الدربيل او تدرب عليه ايضا في نفس الوقت الرمي بالحبه اذا كان صيدك بعيد


صعب ترميه والله كثير من القناصه يرمي صيدهم بالحبه على جهامه


الرمي بالحبه ما ينفع للي يقنص الحيوانات الحذره


بالنسبه لي الوبر ما اميز بينه وبين الصخور الي حوله اذا كانت جالس في شمس والوبرفي ظل الله يخلف وبعض الاحيان على وقت مغرب الحبه ما تنفع


نصيحه لك من مجرب الرمي بالحبه ما يصلح الا في بداية تعلم الرمي


بالتوفيق

[العبقري 1]

والله اذا كان شوفك زين ما يحتاج

شكراً على مرورك وعلى ردك المختصر المفيد .

[العبقري 1]

هلا بأخي الغالي العبقري



تصدق ان في ناس ماتفضل الدربيل لانه صعب عليها كم واحد اعرفهم ما يفضل الدربيل


والسبب انه يوم يشوف حجل او شنير جافل يصعب عليه شوفه بالدربيل يوم يكون على الحبه اسهل واسرع


وهذي المشكله تواجه الى مااستخدم الدربيل او تدرب عليه ايضا في نفس الوقت الرمي بالحبه اذا كان صيدك بعيد


صعب ترميه والله كثير من القناصه يرمي صيدهم بالحبه على جهامه


الرمي بالحبه ما ينفع للي يقنص الحيوانات الحذره


بالنسبه لي الوبر ما اميز بينه وبين الصخور الي حوله اذا كانت جالس في شمس والوبرفي ظل الله يخلف وبعض الاحيان على وقت مغرب الحبه ما تنفع


نصيحه لك من مجرب الرمي بالحبه ما يصلح الا في بداية تعلم الرمي



بالتوفيق


أكثر من دقة الرمي بالدربيل دقة التفصيل في ردودك ماشاء الله لك جزيل الشكر فقد أوضحت لي الصورة .

[النشمى22]

أبو أصايل هل البيكال ممتازة معك

[النشمى22]

اذا كنت من أهل القصيم رح محل للفايز ببريده بحي الجرده يكون عنده طلبك

[ابوفهيدان]

الستينفر لو تفصله احسن الظاهر ماهو متوفر بكثرة

[ابو ريان2007]

على ماضن انة في سوق الجرده في بريدة

[slomi]

السلام عليكم ورحمة الله وبركاته
مساكم الله بالخير يالربع
عندي كم سؤال ودي تشفون غليلي بالإجابة عليهن الله لايهينكم
ناوي بعون الله اشتري بندق هوائية ( ساكتون )
وكانت لدي تجربة سابقة مع الساكتون الإنقليزية OMEGA موديل 45 وعز الله إنها ينشد فيها الظهر لكن راحت
ودورت على وحدة مثلها ماحصلت لأنها قديمة , لكن يقولون عند الرماية نفس نوعيتها اسمها باتريوت على ماأضن .
و لما اطلعت على المنتدى لقيت أكثر الإخوان يمدحون الفايروخ 80 أو 85 لأنه مايمدح خامل مثل مايقولون
والضاهر إني حطيتها في بالي فهل تؤيدوني في الفايروخ ولا الباتريوت ؟؟ .


((لكن فيه مشكلة تواجهني أبغي رايكم فيها وهي )):
هل يسمح بنقل البنادق الهوائية أم صتمه عن طريق الطيران أو أحد مراكز الشحن
لأني ناوي أروح طيران هاليومين إلى الرياض وناوي أمر الرميح وكيل فايروخ وحضرتي مش من أهل الرياض قلبنا مصارية


فاهل أحد جرب منكم هذه الطريقة أني أنقل البندق الهوائية المصرحة من الرياض إلى مدينة أخرى عن طريق الطيران أو محل شحن مثل أرامكس وغيره


أفيدوني غفر الله لي ولكم ولوالدينا أجمعين
أخوكم

[سعودأبوفهد]

الدربيل له ميزات وله عيوب
ومن أهم عيوبه أذا ضبط على مثلا 100 متر
عند الرمي على مسافة غير المئه يتغير ميزانيته
لازم تازنه مره أخرى

[ابو سفيان]

البيطار الله لا يهينك وفصلك وحده بالتمام وشوف البيطار الشاطر لا تورح لاي واحد الطائف عندك في سوق البندر واحد اسمه قاسم الباكستاني ممتاز ممتاز ممتاز في التفصيل وتقبل مروري

[بارود برنو]

الدربيل له ميزات وله عيوب

ومن أهم عيوبه أذا ضبط على مثلا 100 متر
عند الرمي على مسافة غير المئه يتغير ميزانيته

لازم تازنه مره أخرى




اسمح لي اخي سعود ابو فهد

ان هذي لا تعتبر مشكله ولا عيب .... هذ شي طبيعي جدا في الرمي بالحبه او الدربيل

اذا وزنت الدربيل على مسافه معينه اغلب رميك يكون حول هذه المسافه لنفترض انها 100 متر

الباقي سهل جدا اذا جاك شي قريب تحطها تحته واذا ابعد ترفع فوقه

كيف تقدر وضع المنشاف او الاكس بالتدرب على الرمي

تحيتي

[أبوقزاز]

طيب عندي سؤال يابارود برنو!!

هاليحن الفرق في الماسافات واضح ولاا لاا!!

يعني لاوزنت على 100متر ورميت ضب من 50متر وحطيتهاا في راسه وين تجي الرصاصه!!؟

[omar salman]

((لكن فيه مشكلة تواجهني أبغي رايكم فيها وهي )):
هل يسمح بنقل البنادق الهوائية أم صتمه عن طريق الطيران أو أحد مراكز الشحن
لأني ناوي أروح طيران هاليومين إلى الرياض وناوي أمر الرميح وكيل فايروخ وحضرتي مش من أهل الرياض قلبنا مصارية


فاهل أحد جرب منكم هذه الطريقة أني أنقل البندق الهوائية المصرحة من الرياض إلى مدينة أخرى عن طريق الطيران أو محل شحن مثل أرامكس وغيره


أفيدوني غفر الله لي ولكم ولوالدينا أجمعين




اللهم آمين


أهم شيء نبتعد عن المجازفة
المؤدية لمتاهات غير محمودة العواقب
وأفضل شيء
إن إحنا نبحث
عن أحد له صلة أو يعرف أحد
يعمل بأي قسم بالمطار ويسأله ويجينا الخبر
اليقين لأن الجمارك عنده وبيسألهم وفيه قائمة موجودة
بمحظورات السفر وهي مطبوعة أعتقد على أي تذكرة فنتأكد أفضل
والي يجد شيء عن هذا الأمر يفيدنا الله لا يهينة لأنه يهم الكثير
والمقصود أسلحة الساكتون فقط المصرحة ونقلها من مدينة لمدينة داخل الوطن الغالي
وليس المقصود الأسلحة بشكلٍ عام لأن الأسلحة معروف حظرها دولياً
إلا ما أستثني والله أعلم .

[نايف العنزي2]

اعتقد ان التفيش على البوابة مايسمح قبل موظفين الخطوط لكن استفسر افضل وتقبل مروري

[الصقري2000]

اخوي انا الحين عندي تذكرت طيرات
ومكتوب في صفحه من صفحاتها مرسوم صور سكاكين وسيوف وبنادق وهذي في صفحة الممنوعات
يعني ممنووووووووووووووووووووووووووووووووووووووووووووووو ووووووووووع
اما ارمكس وطقتها ما ادري

[الصقري2000]

اخوي انا الحين عندي تذكرت طيرات
ومكتوب في صفحه من صفحاتها مرسوم صور سكاكين وسيوف وبنادق وهذي في صفحة الممنوعات
يعني ممنووووووووووووووووووووووووووووووووووووووووووووووو ووووووووووع
اما ارمكس وطقتها ما ادري
ام بالنسبه لل الساكتون نصيحه لا تشري اي بندقيه من الرمايه
تعبت معهم عشرين مره وشريت بندقيتين
كلهن خيااااااااااااس
نصيحه لا تشري الا ديانا او فايروخ

[العبقري 1]

طيب عندي سؤال يابارود برنو!!

هاليحن الفرق في الماسافات واضح ولاا لاا!!

يعني لاوزنت على 100متر ورميت ضب من 50متر وحطيتهاا في راسه وين تجي الرصاصه!!؟

ماتجي في راسه تجي فوق راسه لأنه كل ماقربت المسافة كل مالك تنزل الحبة تحت أو علامة الدربيل ( وبعد إذن أخي بارود برنو على الإجابة ) لكن هذا اللي أنا أعرفه نظرياً لكني لم أتأكد منه تطبيقياً .

[slomi]

الأخوان /القناص -نايف العنزي-الصقرالأشقر
شكرالله لكم على هذه المعلومات والنصايح
أخي القناص/فهمت قصدي وهوالبنادق الهوائية المصرحة وليت أحدمشرفيناإذا له معرفه بالخطوط يسألهم فهم مايقصرون
وتقبل شكري الخاص
ألأخ/نايف العنزي- حنا يوم نسأل كله منحاشين عن هالمتاعب بالمطارات
ومشكور أخوي

الأخ /الصقرالأشقر
على طاري صورالبندق الي بالتذكره أذكر يوم أنا صغير ماأحتفظ إلابهالصفحة من التذكرة لحبي لبنادق الصيد ههههه
ومناحية الرماية والله هم مثل الباشق صيده على قده لاشفت شكله تقول صقروهوماينفع
والصدق جربت ساكتون من الرماية والله ماتقودالوجه ولاتعرفلها مذهب مره تخدش والباقي ماهي يم الصيده
عشان كذا أفكربالرميح وفايروخ
تقبل تعليقي ولك ألف شكر
لكن بقا وكالات الشحن فدكس وأرامكس أبي أتصل عليم وأتأكد ينقلون البندق الهوائية أولا

هذا ماعند وننتضر باقي الإخوان وتعليقاتهم

[fza3 harb]

السلام عليكم ورحمة الله وبركاتة
يف حالكم
انا عضو جديد عندكم الله لا يهينكم
وودي استفسر عن الساكتون النارية الجديدة
وهي الروسية موديل 2008
مع ان ماصورتها اقصر من ال96
وودي اعرف عنها بالتفصيل
وتسلمون
محبكم fza3 harb

[slomi]

أخوي الصياد 90 وصلتني رسالتك وراح أرد عليك بالعاجل القريب لأن مشاركاتي أقل من 50 ولا أقدر أرسل رسالة خاصة بس اصبر علي

[slomi]

الله يجزاكم ألف خير على هالإضاحات المفيدة

[omar salman]

باختصار شديد يا صاحب الموضوع
إذا الأهداف واضحة سوا كانت قريبة
أو بعيدة فما يحتاج دربيل أهم شيء
تكون خرازتك موزونة مضبوط .
وأما الهدف الصغير والبعيد مرررة
من مئة وخمسين متر وفوق فما يستاهل
انك تركب له دربيل وتتعطل وتتأخر مع أهدافك
المتوسطة والقريبة الي دائما تصيد عليها
ومن جد مجرب الدربيل مع القريب مررة
ماله داعي صدقني سيء للغاية
يأخرك مالقيت الهدف وثانيا تقدير وضعك لمكان الهدف
من الوزن يكون خاطئ دائما تطلق بينك وبينه 15 متر
وتشطفه وتشوف ريشه ينتثر ويطير الطير ولا ما تجيه .
وثانيا متى يجيك هدف صغير وبعيد جداً .
فنصيحتي لا تركبه يحوس صيدك ومشاهير القنص
ما يعترفون به قديماً وحديثاً إلا مع القناصات إن احتاجوا له .
. رأي شخصي .

[بارود برنو]

طيب عندي سؤال يابارود برنو!!

هاليحن الفرق في الماسافات واضح ولاا لاا!!

يعني لاوزنت على 100متر ورميت ضب من 50متر وحطيتهاا في راسه وين تجي الرصاصه!!؟



اخوي ابو قزاز مثل ماقال العبقري بالضبط

لكن لتوضيح اكثر انا وازن السلاح على 100 متر

وجاء صيد على 70 متر .... ثم جاء صيد بعده على 40 متر

هنا تنزيل الحبه او الاكس تحت الهدف يكون بمقدار راح تتعرف عليه بعد تجربه البندق ونوع الرصاص الي تستخدمه

مثلا في 70 متر تنزل بمقدار 2 سانتي

و40 متر تنزل مقدار 4 سانتي

وفي المسافه الابعد العكس وهكذا

تحيتي

[بارود برنو]

السلام عليكم ورحمة الله وبركاتة




يف حالكم

انا عضو جديد عندكم الله لا يهينكم

وودي استفسر عن الساكتون النارية الجديدة
وهي الروسية موديل 2008
مع ان ماصورتها اقصر من ال96
وودي اعرف عنها بالتفصيل
وتسلمون
محبكم fza3 harb












مرحبا اخي الحبيب fza3 harb



الروسيه لم اسمع عنها مايعيب




http://www.alganasah.com/test/up/ff/mmmmmmmmmm.jpg







RUSSIAN TALA TOZ مصنعه من اقدم ثاني شركه في تصنيع البنادق الناريه




والبندق جودتها ممتازه وكفاءتها عاليه




جاء منها موديلين بنفس المواصفات تقريبا الاول موديل 78 والثاني موديل 99




http://inlinethumb34.webshots.com/42401/2837968910104209706S600x600Q85.jpg




بالتوفيق

[العبقري 1]

باختصار شديد يا صاحب الموضوع
إذا الأهداف واضحة سوا كانت قريبة
أو بعيدة فما يحتاج دربيل أهم شيء
تكون خرازتك موزونة مضبوط .
وأما الهدف الصغير والبعيد مرررة
من مئة وخمسين متر وفوق فما يستاهل
انك تركب له دربيل وتتعطل وتتأخر مع أهدافك
المتوسطة والقريبة الي دائما تصيد عليها
ومن جد مجرب الدربيل مع القريب مررة
ماله داعي صدقني سيء للغاية
يأخرك مالقيت الهدف وثانيا تقدير وضعك لمكان الهدف
من الوزن يكون خاطئ دائما تطلق بينك وبينه 15 متر
وتشطفه وتشوف ريشه ينتثر ويطير الطير ولا ما تجيه .
وثانيا متى يجيك هدف صغير وبعيد جداً .
فنصيحتي لا تركبه يحوس صيدك ومشاهير القنص
ما يعترفون به قديماً وحديثاً إلا مع القناصات إن احتاجوا له .
. رأي شخصي .

ألف شكر على هذه العبارات الرائعة فقد وضعت النقاط على الحروف ..
وفعلاً هذا كان توجهي وانت زدتني اصرار ،، بارك الله فيك .

[العبقري 1]

اخوي ابو قزاز مثل ماقال العبقري بالضبط



لكن لتوضيح اكثر انا وازن السلاح على 100 متر


وجاء صيد على 70 متر .... ثم جاء صيد بعده على 40 متر


هنا تنزيل الحبه او الاكس تحت الهدف يكون بمقدار راح تتعرف عليه بعد تجربه البندق ونوع الرصاص الي تستخدمه


مثلا في 70 متر تنزل بمقدار 2 سانتي


و40 متر تنزل مقدار 4 سانتي


وفي المسافه الابعد العكس وهكذا



تحيتي


أخي بارود برنو أنت سلطت الضوء على الرمي الأفقي وماقصرت ، لكن ودي أعرف الرمي للأعلى مثلاً على شجرة أو خطوط الكهرباء ( وإن كنت لا أحبذ الرمي عليها ) أو سفح جبل كيف يكون النيشان والحبة ، لأني أعتقد أنه يختلف عن الرمي الأفقي أي لأعلى أشعر أنه أصعب قليلاً .

[بارود برنو]

أخي بارود برنو أنت سلطت الضوء على الرمي الأفقي وماقصرت ، لكن ودي أعرف الرمي للأعلى مثلاً على شجرة أو خطوط الكهرباء ( وإن كنت لا أحبذ الرمي عليها ) أو سفح جبل كيف يكون النيشان والحبة ، لأني أعتقد أنه يختلف عن الرمي الأفقي أي لأعلى أشعر أنه أصعب قليلاً .



مرحبا اخي العبقري


القاعده واحده


لكن تاثير الجاذبيه الارضيه يقلل او يبطيء من سرعه الرصاصه للاعلى


عندما تطلق بالنار على هدف منخفض تاثير الجاذبيه يساعد على سرعه الرصاصه اي انها تستمر في خط مستقيم اطول


لو افترضنا انك في راس جبل والصيد اسفل منك والبندق موزنه على 100 متر على سطح الارض


ماذا يحصل؟


راح تستمر الرصاصه على خط مستقيم اطول من 100متر بسبب تاثير الجاذبيه


ماذا تأثر الجاذبيه؟


تزيد سرعه الطلقه وتضرب فوق الهدف


ايضا في الاماكن المرتفعه


لنفترض ان الصيد في اعلى الجبل على مسافه 100 متر وانت على سطح الارض والبندق موزونه على 100 متر افقيه
ماذا يحصل لو رميت


تتاثر الرصاصه بالجاذبيه وتقل من سرعتها بالتالي لا تستقيم في خط 100 متر وتضرب تحت الهدف


بالمختصر الارتفاع يضعف سرعه الرصاصه والانخفاض يزيد من سرعتها


ومن المعروف ان الرصاصه تسير في خط مستقيم من بداء انطلاقها من فوهة البندق وتميل تدريجيا نحو الارض


بسبب الجاذبيه الارضيه .




تأكد اخي العبقري ان الدربيل لا غنى عنه اذا انت راعي صيد حذر


وخذ حقك من مدى البرنو القاتل 200 متر مايخدمك ولا يشفي غليلك في هذه المسافه الى الدربيل


واذا انت تبي تنوع ركب قاعده ترمي بالدربيل للبعيد وبالنيشان للقريب في ان واحد


وبالتوفيق لك وللجميع

[alshery]

السلام عليكم جميعا

موفق اخوي بارود برنو
خبيت اسال يا غالي عن كيفية وزن الدربيل للخرازة الروسية
وهل فيه احد يوزن الدربيل بالمدينة المنورة
لاني شاري الخرازة توي طازة زي ما يقولون
ولاني عارف عنها شي
ثانيا هل مخزن الروسية يركب على البرنو
وتوقعك عن سعر دربيل مع القاعدة مع التركيب مع الوزن كم ممكن يكلف

انا جالس اطامر من منتدى لمنتدى حقيقة ما لقيت مثل ها الموضوع والمعلومات المفيدة
الله يوفقك اخوي بارود برنو

[بارود برنو]

السلام عليكم جميعا

موفق اخوي بارود برنو
خبيت اسال يا غالي عن كيفية وزن الدربيل للخرازة الروسية
وهل فيه احد يوزن الدربيل بالمدينة المنورة
لاني شاري الخرازة توي طازة زي ما يقولون
ولاني عارف عنها شي
ثانيا هل مخزن الروسية يركب على البرنو
وتوقعك عن سعر دربيل مع القاعدة مع التركيب مع الوزن كم ممكن يكلف

انا جالس اطامر من منتدى لمنتدى حقيقة ما لقيت مثل ها الموضوع والمعلومات المفيدة
الله يوفقك اخوي بارود برنو

وعليكم السلام ورحمة الله وبركاته

يالله حي العضو الجديد alshery

يوجد محلات تصليح اسلحه ولو تبي تركب دربيل مع وزن ماعنده مانع العامل دام في شي يدخل في جيبه

الافضل والاضمن اوزنها بنفسك والطريقه سهله جدا تبي شوي تركيز

اقراء هذا بالاول واكمل الاجابه بعد صلاه المغرب ان شاء الله




طريقه استخدام المنشاف الامامي بالشكل الصحيح





http://inlinethumb49.webshots.com/22640/2354468940104209706S600x600Q85.jpg




1- في الصوره الاولى استخدام المنشاف على الهدف

بالشكل الصحيح

2- في الصوره الثانيه تتجه الرصاصه يمين الهدف

3- في الصوره الثالثه تتجه الرصاصه يسار الهدف

4- في الصوره الرابعه تتجه الرصاصه اعلى الهدف

5- في الصوره الخامسه تتجه الرصاصه اسفل الهدف





لتأسيس دقه كافه

ولتجنب الاخطاء اثناء الرمي من الضروري التدرب على رمايه الاواح الخشبيه بثبات

من نفس المسافه التي ترمي منها دائما صيدك ومع الممارسه تتعلم على تحديد الابعاد والمسافات وتقديرها بشكل

جيد اذا كنت مصاب بعمى الالوان يجيب عليك ان تكون حذر في تميز اللوان لبس الصيادين من اللوان الصيد



من المستحيل

ان رصاص البندق يذهب في خط مستقيم ابدا يذهب في شكل قوس ذالك بسبب تاثير الجاذبيه الارضيه

عمليه ضبط عيار البندق في خط مستقيم على مسافه 100 متر

هي في الاساس رفع العيار للاعلى والنزول على

الهدف عند مسافه 100 متر




لوزن البندق بثبات

اذهب في مكان هادء وامن وساكن من الرياح

ضع امامك لوح خشبي

لاترمي مباشرا ضع البندق على جسم صلب وضع تحت البندق ستره او بطانه لحمايتاها واوزن سلاحك


ضع في عين الاعتبار

التنفس يمكن ان يحرك البندقيه لن تحتاج الى كتم التنفس الا لحظه سحب الزناد فقط


اذا استعديت للرمي اسحب نفس عميق وازفر حول النصف منه ثم احبس نفسك واسحب الزناد


سحب الزناد

ان عمليه سحب الزناد من احدى عمليات ثبات البندق اذا تحتاج الى سحب زناد بطيئه

بعد سحب الزناد لا ترجع اصباعك اجعله مسحوبا

حتى تخرج الرصاصه من فوهت البندق



الطلاقات الحيويه

تحتوي منطقه الاعضاء الحيويه على اوعيه دمويه

وشراين رائيسيه اي طلقه في هذه المنطقه تسبب

نزيف شديد وبعدها الوفاه



افضل مناطق الرمي

هي الصدر - والكتف

تزيل الطلقه العظم وتدخل الى الاعضاء

الحيويه الرئتين والقلب



من الصعب

رمي حيوان يجري او يركض في منطقه حيويه

من الافضل الصبر حتى يقف بدلا من رميه

في منطقه تخريبه
http://www.mekshat.com/vb/images/misc/progress.gif

[الرادااار]

السلام عليكم
اخواني اتمنى لكم السعاده
وشاكرين على موضوعكم الجميل والرايع
تقبلو مروري

[بارود برنو]

بالنسبه لمخزن الروسيه ما اعتقد انه يركب على الخرازه ولو احد يجرب يفيدنا اكثر

اختار دربيل من نوع ممتاز تتراوح الاسعار من 200 الى ماشاء الله

ابو 200 صاب يجي منه صيني وكوري والماني والظاهر انها كلها صينيه تمشي معك سنه او سنتين خذ مقاس 32 × 4 ممتاز للخرازه

القاعده انواع واشكال خذ قاعد مثل الي بالصوره سعرها من 80 وطالع القاعده ارى انها اهم من الدربيل لان الثبات عليها


http://inlinethumb54.webshots.com/3253/2038420380104490398S600x600Q85.jpg

سمي بسم الله وركب القاعده

ومن ثم اطرح الدربيل واغلق عليه بالغطاء العلوي مع مراعات مساوات الاكس بالمنتصف

مكان تركيب القاعده مثل الصوره

http://inlinethumb34.webshots.com/42401/2837968910104209706S600x600Q85.jpg






بعد الانتهاء

تاكد من شد البراغي ..... تأكد من عدم ميلان الدربيل



وجرب الدربيل على مسافه 70 متر


بعد اطلاق رميه على لوح خشبي لنتفترض ان الرصاصه ذهبت اسفل يمين الهدف

طريقه تحريك الميزانيه



http://inlinethumb13.webshots.com/43276/2821514400104490398S600x600Q85.jpg



الميزانيه العلويه .......حرك بأتجاه السهم up ترتفع الرصاصه

الميزانيه الجانبيه ..... حرك بأتجاه السهم L تذهب يسار الرصاصه



الرصاصه اتجهة اسفل يمين الهدف

اول شي حرك الميزانيه العلويه 4 طقات بتجاه السهم ترتفع الرصاصه واطلق طلقه وقدر مسافه الارتفاع بعد التغير وحرك 4 او 8 طقات على حسب المسافه الى ان تصل على مستوى الهدف

ثانيا حرك الميزانيه الجانبيه بتجاه السهم تتجه الرصاصه يسار كما عملنا في السابق الى ان تطابق الهدف وبالتوفيق

اذا في اي استفسار ثاني تحت امرك

مواضيع تفيدك في الوزن

http://www.mekshat.com/vb/showthread.php?s=&threadid=9602

http://www.mekshat.com/vb/showthread.php?s=&threadid=9943


http://www.mekshat.com/vb/showthread.php?s=&threadid=10011

في امان الله

[راعي الطلعات]

السلام عليكم

سؤال بارك الله فيكم انا ابي اركب فرارات على الباترول فا وين احصل بالرياض تركيب صحيح بالضمان او بدون

وشكرا لكم

[سكري القصيم]

السلام عليكم ورحمه الله وبركاته

صباح /مساء الخير

عندي استفسار عن افضل ماصوره للبانلي ابي فزعتكم الله يجزاكم خير

[راعي الطلعات]

السلام عليكم

سؤال بارك الله فيكم انا ابي اركب فرارات على الباترول فا وين احصل بالرياض تركيب صحيح بالضمان او بدون

وشكرا لكم

up

up

up

:confused:

[الماطور]

اول شـــــــــــــــــي .... مســــيتوباالخـــــــير

:confused: :confused: ســــــــــــــــــــــــــــوال يــــل اهل البواريــــــد؟؟؟؟؟؟

هـــــــــــــــــــــــل يـــــــــــــــوجد شوزن ام خـــــــــــمـــــــــــــس5 تعشــــــيق اللي تهنــــدل من تحــــت صينية
ارجــــــــــــــــــــــــــــو الافـــــــــــــــــــــادهـ يــــااهــــــل الخبـــــــــــــــره

واكون ممتن لكم


اخوكم المــــاطور

[الصقري2000]

والله ياخوك اني ماقد شفتها
بس على العموم اي شي تعشيقه هندل موب زين
وجهة نضر

[عبدالرحمن 11]

السلام عليكم
اخوي اذكر مره شقت مع واحد ام خمس صنيه
بس كانت تعشق من عند الخشب الامامي .

تقبل مروري

[بورااشد]

السلام عليكم ورحمة الله وبركااته:D

انا نويت اشتري ساكتوون وقررت على
الفايروخ 80:hot:
وانا باخذها من محل في الاحسااء اسمه نهاار:alarm:

بس سؤالي:confused:
ماهو عياار الصتم حق الفيروخ 80؟
وسؤالي الثاني:no:
سمعت من نااس كثيرين يقولون اخذ صتم عياار 52
هل كلامهم صحيح
تحيااتي للجميع

[صايد البرقا]

ونعم الاختيار 80 فايرخ هي البندق
اما الرصاص اي نوع يمشي ولابه فرق من واقع تجربه
ابوكرسي ولا ابوصاروخ الي تلقاه فل بقلات
توكل على الله وخذها
اني لك ناااااااااااااااااااااااااااصح

[بارود برنو]

السلام عليكم ورحمة الله وبركااته:D

انا نويت اشتري ساكتوون وقررت على
الفايروخ 80:hot:
وانا باخذها من محل في الاحسااء اسمه نهاار:alarm:

بس سؤالي:confused:
ماهو عياار الصتم حق الفيروخ 80؟
وسؤالي الثاني:no:
سمعت من نااس كثيرين يقولون اخذ صتم عياار 52
هل كلامهم صحيح
تحيااتي للجميع



ياهلا وسهلا يابو راشد


ونعم الاختيار


الصتم عيارين فقط
عيار 4.5 ملم
5.5 ملم



والافضل 4.5


بالتوفيق

[أبوقزاز]

ياهلا وسهلا يابو راشد



ونعم الاختيار


الصتم عيارين فقط
عيار 4.5 ملم
5.5 ملم



والافضل 4.5



بالتوفيق



ونعم الأختيار:good:

ورايي من راي بارود برنو;)

ومقدماً(الله يطعمك من خيرهاا ويكفيك شرهاا)

فمان الله

[crash.mad]

هن عيارين الأزين والمرغوب هو 4.5 ملم

[omar salman]

فيه نوع سالس :) مصري
المهم حجمه كبير ينفع للبنادق
الهوائية القوية جداً
مال الأرانب والحبارى
الي مو بعيدة وكذلك الحيوانات
الكبيرة لأنه يعيقها بكسر في أحد
الأطراف وأحياناً يكون قاتل
وخطير ومدمر إذا أصاب في
مقتل وحجمه 6.3 ومتوفر
عند الي يبيعون بنادق هوائية
لكن نصيحة البنادق الصغيرة
ما ينفع معها والله تعالى أعلم .

[ابوانس1]

اخي العزيز ارامكس يقبل الشحن لاني شريت مره ساكتون هوائيه من الرمايه وارسلوها لي عن طريق ارامكس

[شعب الحلاه]

السلام عليكم ورحمه الله وبركاته


مساكم الله بالخير


يالربع أبي ديانا أو فايروخ كم أسعارها والرميح والرمايه ممكن تعطوني الوصف مظبوط


واللي عنده صور للنوعين هذي ينزلها عشان نشوفها وحجم الفشق


لأني موذاك الزود وودي تفيدوني واذا فيه بنادق أحسن لاتتأخرون



وأنا ودي اشتري ومحتار وهل يحتاج تصريح والا اشتريها من المحل وأمشي


الله لا يهينكم

[شعب الحلاه]

وكم أسعارها

[أبوحمد 505]

السلام عليكم
فايروخ 80 لقيتها يوم الثلاثاء الماضي عند صاب اللي بالروضة ب 1570

[aljubail]

فايروخ 80 بالنعيريه سعرها 1400
و85 نفس السعر

ومسئلة الطيران ماتوقع تدخلها لكن ودها لفديكس او....... نسيته

المهم يجيبها لك باي منطقه

لاني البارح خذت من الرمايه وحده من الدمام وقالي مو موجوده اطلبلك اياها من الرياض وتجيك لبيتكم او انك تمر فرعهم
وانا بالجبيل

[الشنه]

تقدر تاخذها بالطياره
البندق هوائيه
بس تسلمها للكبتن وتستلمها منهم عند ل
الهبوط بورقه
لا توزيها خاها في كرتونه
وقل للموضف معي هوائيه ابذبح بها الظواطير هههههههه
اعتقد ما فيه مشكله ابد فيه اماكن في الطياره تشحن فيها الأشياء الغاليه او الهامه

ويكون عند الكبتن علم عنها وخبر

[شعب الحلاه]

السلام عليكم ورحمه الله وبركاته

ياراعي الجبيل كيف الحال وين المحل بالنعيريّه والفشق متوفر

واللي فالدمام وين ألقاه

انتظرك لاهنت

[abo-lma]

السلام عليكم ورحمة الله وبركاته

يالربع أستفساري عن ناظور مكتوب عليه صدام حسين

هل أحد يعرف وين القاه او يخبر احد عنده وده يبيع

لاهنتو ياشباب

[slomi]

اخي العزيز ارامكس يقبل الشحن لاني شريت مره ساكتون هوائيه من الرمايه وارسلوها لي عن طريق ارامكس
جزاك الله ألف خير أخوي أبو أنس على هالمعلومة لأني والله أتصل على أرمكس من فترة ولا ردو علي لكن انت كفيت وفيت

غفر الله لك ولوالديك والدينا

[aljubail]

الي بالنعيريه محل صغير يمكن مافيه الا كم بدق

وهو اذا جيت النعيريه السوق على يسارك امش معه سيده يجيك دوار خذ معه يمين
ويجيك سوق عادي محالات يعني هو بينهم المحل صغير ولوحته قديمه الي يشتغل فيها مصري
والفشق رخييييص بالمحل 250 فشقه من النوع التوب 8 ريال

والي بالدمام مايبيعون فايروخ

البارح رايح بمحل القناص قامو الاسبانيه وصاب الصينيه
ونوع اسباني ماعرف اسمه بس انه نصااااب

والرمايه هو وكيل قامو ماعنده فايروخ

وخذت لي قامو فيبر سودا ضغطها 45 وفيها مخزن 10 فشق

بــ 1080
تطلبها اليوم بكره تجيك لا ديرتك

تجيك بجرابها وسكين وفشق وتصريحها
عن طريق
الشحن
مثل فدكس وغيرها

وارجو اني افتدك

اخوك بو مقبل

[slomi]

السلام عليكم ورحمه الله وبركاته



مساكم الله بالخير


يالربع أبي ديانا أو فايروخ كم أسعارها والرميح والرمايه ممكن تعطوني الوصف مظبوط


واللي عنده صور للنوعين هذي ينزلها عشان نشوفها وحجم الفشق


لأني موذاك الزود وودي تفيدوني واذا فيه بنادق أحسن لاتتأخرون



وأنا ودي اشتري ومحتار وهل يحتاج تصريح والا اشتريها من المحل وأمشي



الله لا يهينكم



مساء الخير أخوي
بالنسبة للهوائية الفايروخ موديل 80 أو 85 أسعارها أنا سئلت الوكيل لها الي هو الرميح يقول سعرها ب 1500 ريال مع هدية جراب وسكين وطلقات يحسبنا شايلين هم طلقات السكتون :j ههههههه
وبالنسبة لحجم الفشق أعتقد الأفضل الفشق مقاس 4.50 لأنه هو الي متوفر والدارج عند أكثر الناس

وأما التصريح أناسئلت محل الرميح وقالي
تجي وتشتري البندق وأحنا نعطيك تصريح مؤقت وبعد شهر أو شهرين يجيك التصريح الرسمي بس تجيب معك ثلاث صور لخشتك :D وبطاقة الأحوال

وأفضلك تشريها من الوكيل لأنه يعطيك تصريح لها أفضل من أنك تشيل معك بندق ماهي مصرحة وتطيح بسين وجيم :no2: :no2: :mad:

[بلاتين]

ياشباب عند واحد من الشباب بارود بنلي ام بطنين (ام روحين ) الاخشاب نتكسره الاخشاب الى في خلف البندق المهم ودينها لمهندس قال يبيلها تفصيل اخشاب جديده وصبغ بويه وياخذ وقت شهر وشوي وبقيمة 750 ريال !!!!!

اشوف انه غالي مره مع العلم ان الموقع المدينه ومافيه غيره يصلح بنادق ياليت الى عنده خبره كم تكلف في القصيم.

السوال الثاني عن ماصورة البيكال الروسيه مقاس 30 كم سعرها ؟؟

يعطيكم العافيه ...

[بارود برنو]

اول شـــــــــــــــــي .... مســــيتوباالخـــــــير

:confused: :confused: ســــــــــــــــــــــــــــوال يــــل اهل البواريــــــد؟؟؟؟؟؟

هـــــــــــــــــــــــل يـــــــــــــــوجد شوزن ام خـــــــــــمـــــــــــــس5 تعشــــــيق اللي تهنــــدل من تحــــت صينية
ارجــــــــــــــــــــــــــــو الافـــــــــــــــــــــادهـ يــــااهــــــل الخبـــــــــــــــره

واكون ممتن لكم


اخوكم المــــاطور



حياك الله اخي الماطور

البندق الهندل مرغوبه في الولايات المتحده

عندنا قليله جدا والي شفت منها بيكال


موفق

[بارود برنو]

السلام عليكم ورحمة الله وبركاته

يالربع أستفساري عن ناظور مكتوب عليه صدام حسين

هل أحد يعرف وين القاه او يخبر احد عنده وده يبيع

لاهنتو ياشباب



وعليكم السلام ورحمة الله وبركاته


والله ما مر على لكن الدرابيل العراقيه صناعتها جيده وغاليه

تحيتي لك

[بارود برنو]

ياشباب عند واحد من الشباب بارود بنلي ام بطنين (ام روحين ) الاخشاب نتكسره الاخشاب الى في خلف البندق المهم ودينها لمهندس قال يبيلها تفصيل اخشاب جديده وصبغ بويه وياخذ وقت شهر وشوي وبقيمة 750 ريال !!!!!

اشوف انه غالي مره مع العلم ان الموقع المدينه ومافيه غيره يصلح بنادق ياليت الى عنده خبره كم تكلف في القصيم.

السوال الثاني عن ماصورة البيكال الروسيه مقاس 30 كم سعرها ؟؟

يعطيكم العافيه ...



حيالله بلاتين


اشوف ان شغلتها سهله جدا وما تحتاج كل هالتأخير والوقت ...... ولو كان تفصيل ... مر على


البواردي وعلى ريم البراري وشف يمكن تلقى حل


واخبر محل قديم لصيانة الاسلحه راعيه شايب


اتأكد من موقعه وارد عليك


بالتوفيق

[بلاتين]

الله يحييك اخوي بارود برنو

ريم البراري هو الى قالي بـ،750 !

ياليت والله لو تشوفلي هذا محل الشايب الله يعطيك العافيه ويكثر من امثالك .

ياخوان ياليت تخدمونا وين احصل ماصورة روسيه مقاس 30 او 28 لاكن يفضل 30 واحد من الربع مرميه ماصورته وراحت فيها .

[شعب الحلاه]

السلام عليكم ورحمه الله وبركاته

تسلم ولاهنت ياراعي الجبيل

وشلون القامو تنصح فيها

[ي ح ق 517]

السلام عليكم ورحمة الله وبركاته

كيف حال الشباب طيبين

ابنشدكم للي عنده خبره اناجيت ابشري صندوق فشق شوزل ( الفوشي ..32,7.5 ) (او ار سي ..32,7,5 )

ووصيت واحد وقالي لا تشتري هذا انه خفيف على ام خمس اشر (36,9 ) يقول انه زين

وانا قلت استشيركم..

تحياتي لكم اخوكم عبدالله

[خلاوي 111]

أخوي

أنا يمكن معلوماتي قليلة شوي وأكيد الشباب راح أكثر ...

إذا كانت شوزن اللي عندك بلجيك بالعكس هذا الفشق أفضل نوع لها اللي هو 32

أما بالنسبة 36 فترميه ماعندها مشكلة بس ان يرخي البراغي وثقيل شوي عليها ...

أنا كانت عندي أول وكنت ارمي فيها 36 لكن بعد كل مقناص لازم اشد البراغي ....

أتمنى إني أفدتك لو بالقليل ....

[صايد البرقا]

على حسب نوع صيدك
ارسي طيب وممتاااااااااااااااااااااز

[أبو طلال-نقوه]

والله أنا جربت الفيوشي 32 ما عجبني, ال أر سي أفضل و بالنسبه ل36 بالبلجيكي ما أنصح فيه... وهذا حسب الصيد.

[قناص البعارين]

السلام عليكم ورحمة الله وبركاته ...

صبحكم / مساكم الله بالخير ..

ياجماعة الخير أنا ودي لي بساكتون .. طلعت لمحل الرماية وحصلت عندهم ساكتون يقالَّه :

فايبر ماكس - القوة 85 - السرعة 305 م/ث .- (ضمان سنتين على البندق).

السعر 1250 .. يجي معه 500 فشقة - جراب - سكين.

طبعا البندق خفيفة بالحيل ووزنه ممتاز .. لكن أبي رأيكم به من جميع النواحي ..

علما أن الاستخدام ليس بغرض الصيد بقدر ماهو تعلم الرماية ..

ومايمنع إني أنتف الحميّْمة اللي غاثتن بدريشتي..

[محب العقاب]

بسم الله الرحمن الرحيم
السلام عليكم ورحمة الله وبركاته
أخوي قناص البعارين
يسعدني أن أكون أول من رد عليك
وأقول لك
أخوي لا تنتف الحميمة على قولك يمكن تبي تتكاثر
( لا تزعل )
خذلك ألماني من الرميح
ديانا والا فايروخ
بلا اسباني بلا هم
وخذ هذا الرابط
من أخوي الصياد 90
الله يحفظه
كود ينفعك إن شاء الله :
http://www.mekshat.com/vb/showthread.php?t=175269
والمثل يقول ( اسأل مجرب ولا تسأل خبير )
وتقبل تحياتي والسلام عليكم
...

[صايد البرقا]

انصحك بندق لك وزمن لجميع انوااااااااااااااااع الصيد
(فاااااااااااااايرخ80)
غيره لادور
ونت بكيفك

[ي ح ق 517]

أخوي

أنا يمكن معلوماتي قليلة شوي وأكيد الشباب راح أكثر ...

إذا كانت شوزن اللي عندك بلجيك بالعكس هذا الفشق أفضل نوع لها اللي هو 32

أما بالنسبة 36 فترميه ماعندها مشكلة بس ان يرخي البراغي وثقيل شوي عليها ...

أنا كانت عندي أول وكنت ارمي فيها 36 لكن بعد كل مقناص لازم اشد البراغي ....

أتمنى إني أفدتك لو بالقليل ....


الله يعافيك على المعلومات طيب انا سلاحي بيكال وجربت الفوشي و ار سي

بس على كلامه يقول انه بارد رميه وترى صيدي قميري ونحم يعني شي خفيف

تحياتي ...

[ي ح ق 517]

على حسب نوع صيدك
ارسي طيب وممتاااااااااااااااااااااز


مشكور وماقصرت
ار سي جيد اللي هو الخفيف 32.7,5

[ي ح ق 517]

والله أنا جربت الفيوشي 32 ما عجبني, ال أر سي أفضل و بالنسبه ل36 بالبلجيكي ما أنصح فيه... وهذا حسب الصيد.


الله يسملك

انا صيدي قميري وجاي يعني مب شي قوي وابي فشق يطيب الخاطر

ونوع سلاحي بيكال...وبالعكس الفوشي جيد


تحياتي....

[قناص البعارين]

الله يجزاك خير محب العقاب .. أشكرك بشدة على رابط الموضوع فقد استفدت منه الكثير ..

والحميّْمة مانقدر نسوي له شيء .. داخلة تحت حماية وزارة الداخلية (الوالدة)

وجزاك الله خير أسير القنص على إبداء رأيك الذي سأستفيد منه بالتأكيد..

لكن بالنسبة للفايروخ 80 . كم وزنه ؟ وإلى أي مدى تصل ؟ وسعره ؟؟ وماهي الأشياء التي يمكن صيدها من خلالها؟؟
يعني تنتف لي ذا هو وعييناته:j ؟؟:D

أدري كثرت بالأسئلة .. لكن عشمي أني بين إخوة أكارم ..

[بارود برنو]

السلام عليكم ورحمة الله وبركاته ...





صبحكم / مساكم الله بالخير ..


ياجماعة الخير أنا ودي لي بساكتون .. طلعت لمحل الرماية وحصلت عندهم ساكتون يقالَّه :


فايبر ماكس - القوة 85 - السرعة 305 م/ث .- (ضمان سنتين على البندق).


السعر 1250 .. يجي معه 500 فشقة - جراب - سكين.


طبعا البندق خفيفة بالحيل ووزنه ممتاز .. لكن أبي رأيكم به من جميع النواحي ..


علما أن الاستخدام ليس بغرض الصيد بقدر ماهو تعلم الرماية ..



ومايمنع إني أنتف الحميّْمة اللي غاثتن بدريشتي..




وعليكم السلام ورحمة الله وبركاته


ياهلا بالعضو الجديد


قناص البعارين ..... حياك الله وبياك


الحميمه اعف عنها .... واذا صدتها لازم .. تاكلها




بالنسبه للبنادق خلك على الاماني بما ان فارق السعر بسيط ... اضمن واجود


بالتوفيق

[بارود برنو]

السلام عليكم ورحمة الله وبركاته

كيف حال الشباب طيبين

ابنشدكم للي عنده خبره اناجيت ابشري صندوق فشق شوزل ( الفوشي ..32,7.5 ) (او ار سي ..32,7,5 )

ووصيت واحد وقالي لا تشتري هذا انه خفيف على ام خمس اشر (36,9 ) يقول انه زين

وانا قلت استشيركم..

تحياتي لكم اخوكم عبدالله



وعليكم السلام ورحمة الله وبركاته



الضغط الخفيف للقريب ما يحوس الصيد ..... واريح للبندق

رقم 6 و7.5 للقمري مناسب ...

رقم 9 ضعيف يستخدم للطيور الصغيره

الارسي يمدحونه الاكثريه .....

بالتوفيق

[ابوفهيدان]

خلك 36 رقم 6 مناسب لكل شي