هل هذا طير الباشق ؟؟ ((( صورة ))) ...

[صقار عليمي]

السلام عليكم ,,

هل هذا طير الباشق ؟؟ وهل هذا يعتبر صقر ؟؟ وهل هو قرناس وإلا فرخ ؟؟ وهل هو ذكر او انثى ؟؟

http://www.mekshat.com/pix/upload02/images87/mk101435_aa.jpg

ومالفرق بين الباشق والشبوط ؟؟

وماهو الشرياص ؟؟

ودي استفيد منكم ..


دمتم بود ,,

[أبو أمين]

هذا شبوط ولا هو من الصقور وهو قرناس ذكر او انثى لا اعلم
الفرق بين الباشق والشبوط فرق السماء عن الارض
والشرياص هو الشبوط بس مسمى اخر
امل اني افدتك

[صقار عليمي]

اخوي ابو امين اشكرك من قلبي على الافاده ,,

[501]

هـــــــذا يا خوي شرياص(شبوط)
ما تستفيد منه اطلق سراحه
وهذا ذكر الشرياص
و
يجي منه لونه احمر و شوي كحلي (انثى)

501

[أبو_خالد]

نعم هذا الباشق أو الحميميق

[ناصر الدهمشي]

باشق لكن شوي لونه فاتح

[عاشق الوكري]

رد على اخوي 501

انا اوافق رايي انه شرياص

بس العكس صحيح من ناحيه هو ذكر او انثى

اللي بالصوره انثى اما الذكر هو اللي راسه شبيه للون الازرق وذنبو ويمسى الترمبه

[عاشق المقناص3]

الناس بالصقور ونت بالباشق ترى هذا حقة 50ريال وأقل
وهذا يخاف من المريعي اللي بعض الناس يسمونة سمان
وما يربي حتى لو تهدة علي جربوع يلقاها فرصة ويطير
الشبوط :
يجي كلة أسود ويسمونة بعض الناس بكة
وهو يربى مثل الصقر ولكن صيدة مو مثل الصقر الشبوط يصيد الجرابيع والمريعي وما أصغر

[جوبا]

اخوي صقار عليمي اولا احييك على شجاعتك والانسان ماولد وهو يعرف كل شي ولا تهتم بالردود السلبيه اصلا بعضهم من جنب الصقاره ويسوي نفسه فاهم وهاتك هياط على خلق الله اما انت اعترفت انك عليمي والاعتراف بالحق فضيله وهذا طال عمرك باشق وليس له فائده الا بشبك الصقور يضعون به نوع من الشباك يسمى نقل ويضعون داخل النقل ريش اوجناح ويطيرونه ببرقع او يقطبون عيونه لتراه الطيور ويهدن عليه وقد تهد عليه العقبان والصقور وكل جارح ولاكن هذه الطريقه فيها نوع من التعذيب للباشق استخامه للشباكين عسى اكون افدتك

[صايد البرقا]

اخوي صقار عليمي اولا احييك على شجاعتك والانسان ماولد وهو يعرف كل شي ولا تهتم بالردود السلبيه اصلا بعضهم من جنب الصقاره ويسوي نفسه فاهم وهاتك هياط على خلق الله اما انت اعترفت انك عليمي والاعتراف بالحق فضيله وهذا طال عمرك باشق وليس له فائده الا بشبك الصقور يضعون به نوع من الشباك يسمى نقل ويضعون داخل النقل ريش اوجناح ويطيرونه ببرقع او يقطبون عيونه لتراه الطيور ويهدن عليه وقد تهد عليه العقبان والصقور وكل جارح ولاكن هذه الطريقه فيها نوع من التعذيب للباشق استخامه للشباكين عسى اكون افدتك

كلام سليم :good: :good:

[الرجل الطموح]

هذا باشق
يعتبر فصيله من الصقور
هذا قرناس
هذي انثى

[الكرتون]

هاذا طول الله عمرك شبوط
ومامنه فائد إلا نقل والنقل ألان ممنوع
فلكذا أطلقه وحرر صراحه وكسب أجره
ويعوظك الله بالطيب

[الجيش BOY]

احنا في قطر انسمي هذا الطير ترمبه والله يعطيكم العافيه

[eleas]

واحد من الاخوان عارض نفس الصور الظاهر الشبوط العالم طايحه بصيده يحسبونه صقر
ولا نوع من انواع الصقور

[أخو وضحة]

هذا هو الشبوط او بالأصح باشق

وبعدين انت ليه منتف ريشه والله حرام عليك الحين ريشه الي نتفته ما عاد راح يطلع مو زي الحمام

لكن اذا كان يطير طيره والله يرزقك بأحسن منه واذا ما كان يطير الله يعينك عليه تعلفه لين يفرجها الله من عنده

[عادل الجابر]

السلام عليكم ورحمة الله


يا والله المشكله مافي أحد ينزل موضوع يبي الفزعه والمساعده أو أستفسار

أو معلومه ألا ويتشرشح


يالربع أبصرو شوي بعض الردود ما لها داعي


قل خير ولا أسكت الله يرحم والديك

[القطاوي 2008]

ما قصرو الاخوان

[الهواوي 502]

ماينفع ولا بريال

[تمياط]

هاذا باشق وله اسامي كثيره : شرياص باشق شبوط حمميق

[@قرناص@]

مثل ماذكرو الاخوان ,,

وخلاصة الموضوع لايصلح البته واذا انت مبتدء افضلك تبع الشاهين

والله يوفق الجميع

[سهيل البحري]

افااا يعني الباشق طلع ابو كلب لالالا ولا على قد اسمه

[الحزم الأسود]

هذا الطير باشـق . وهو نفسه الشرياص .. وفيه اختلاف بينه وبين الشبوط
والسلام عليكم

[falconer]

نعم يا صقار هذا فرخ الباشق ويسمى الشرياص والشبوط وبعد مايقرنس راح تعرف ذكر او انثى الذكر يكون رأسه محجل بلون اخضر والذيل ايضا والوزن اقل عن النثى بقليل

[مشبر البران]

الأخوان ما قصروا

[راعى شاهين]

هذا انثى وهو باشق تراه يطره السمان البرى

[قرناس شماالي]

فادوك الاخوان

[..@القناص@..]

الباشق .. والشبوط والشرياص كلهن نفس الشيء.
وهذ1 اتوقع انه ذكر والي يجي راسه رصاصي انثى
والله اعلم