محترفي كبسات الرز البريه ممكن تجاوبون على هالسؤال

[كاش 11]

لاحظت ان معظم الكبسات اللى تسوى يكون فيها معجون طماط او طماط ويطلع لون الرز ابيض شلون خصوصا انه بعد فيه بهارات ملونه ياليت تبردون قلوبنا بالجواب خصوصا الجواب اللى يخليك تسوى رز زي مطاعم الرياض للمندي او المظبي لان رزهم رهيب وابيض وقصدى هنا مطاعن العاصمه الرياض

[عاشق السيل]

عزيزي ،، الطماط لايمكن يغير لون الرز يعني لوكثرت يطلع لك الرز أبيض بس أهم شي لاتفكر تحط صلصة ولاتكثر من البهارات المطحونة ولاتحط زعفران أو كركم ( صفار ) وتأكد إن رزك يبي يصير مثل المطاعم اللي معجبتك وهذا الدليل :

http://www.mekshat.com/pix/upload02/images88/mk49539_a20.jpg

رغم إن اللي بالصورة مكثر عليها البهارات !!!!

[قارمن]

هو صادق ..
أبعد عن البهارات المطحونة ، و حط بداله بهارات ( عدلة ) أي غير مطحونه و لا تكثر منهن ..
أما الطماط ما يغير اللون إطلاقا ً .

[دغــ أبومحمد ــيم]

هو صادق ..
أبعد عن البهارات المطحونة ، و حط بداله بهارات ( عدلة ) أي غير مطحونه و لا تكثر منهن ..
أما الطماط ما يغير اللون إطلاقا ً .


:good: :good: :good: :good:

[فهد584]

مع احترامي لكم
الطماطم يغير اللون وخاصة كان الطماطم احمر

[باوزير]

الطماط يغير اللون و ذلك بتكشين الطماط حتى ينهرس و يعتمد على الكمية كل ما زدت زاد اللون و لكن يا حسافة كرتون الطماط في قطر وصل 60 ريال الله يحفظ

[حكم ساحة]

الكبسة الطعمة تعتمد على اللحم الزين والطازج
ولا تحتاج ماجــــــــــــــــي أوطماط أو بهارات
ممكن تحط بهارات عدلة وتشخلها وإذا كان ضروري طماط حطه
عدل أو أنصاف أو أرباع وشله من المرق لا يموع مره ويلون الرز
وللريحة الزينة حط فلفل أخضر حار بس لاتفتحه فوق الرز ونغزه في الكبسة وهي تتسكر على النار
أما الصلصه تراها تحرق الرز بسرعة
وإذا بغيته نثري شل دهن اللحم وحط زبدة أوسمن ولا زيت نباتي أوحمسة بصل

وبالهناء والعافية على قلبك أخوي :D :D :D

[كاش 11]

الكبسة الطعمة تعتمد على اللحم الزين والطازج
ولا تحتاج ماجــــــــــــــــي أوطماط أو بهارات
ممكن تحط بهارات عدلة وتشخلها وإذا كان ضروري طماط حطه
عدل أو أنصاف أو أرباع وشله من المرق لا يموع مره ويلون الرز
وللريحة الزينة حط فلفل أخضر حار بس لاتفتحه فوق الرز ونغزه في الكبسة وهي تتسكر على النار
أما الصلصه تراها تحرق الرز بسرعة
وإذا بغيته نثري شل دهن اللحم وحط زبدة أوسمن ولا زيت نباتي أوحمسة بصل

وبالهناء والعافية على قلبك أخوي :D :D :D

.................................................. ...........
اشكر كل من مر على الموضوع وغلطان اللى يقول الطماط مايلون الا اذا كان عدل ماقطع والاخ صاحب هالموضوع شكلك محترف ماشاء الله عليك كلام صح اللى قلته

[بواسامه]

الله لا يخلينا بس
عز الله انه يدوخ:D

http://www.mekshat.com/pix/upload02/images87/mk7296_6.jpg

[قناص خلاوي]

حقين المطاعم يملون الرز ( ماجي أبيض) البودر اللي زي الملح
لأنه يخلي الرز أبيض
لكنه ضار بالصحة على ما سمعنا

[كاش 11]

حقين المطاعم يملون الرز ( ماجي أبيض) البودر اللي زي الملح
لأنه يخلي الرز أبيض
...................................
ليش لا كلام صح ممكن

[سيف العدالة1]

جزاك الله خير

[ياسر ولد هبس]

حقين المطاعم يملون الرز ( ماجي أبيض) البودر اللي زي الملح
لأنه يخلي الرز أبيض
لكنه ضار بالصحة على ما سمعنا


:good:

صحيح حقين المطاعم يملون الرز ماجي أبيض وهو الي يطعم بالرز ..

الماجي الأبيض مُضر بالصحه و يقولون فيه مواد مسرطنه ..

[abdullah.k.s]

الصلصه هي الي تخليها حمرا

الطماط اكثره مايغير لون الكبسه

[abogana]

والله يا أنتم شهيتون وخاصة بوأسامه ...
مرررررررررررررررررررره جوعان

[فهد الخالدي]

في جميع طلعاتي وطبخاتي لا استخدم سوى البصل والملح فقط مع الكبسه خاصة مع لحم الهرفي الطازج ولا ننسى الفلفل الاحمر والاخضر الحار
جرب تسوي مثلي وتعرف طعم اللحم والارز على حقيقته سوها ولا تنسى تزود لي سليقة اللحم فقط بصل وملح واشربها وبالعافيه ولا تنسى تحطي لي صحن اشربه
تقبل مروري وتعليقي

[ابوليان2009]

عزيزي كاش 11/ كثر معجون الطماطم ويكون الطماطم اللي تقطعه احمر وتطلع الكبسة حمراء وذا ودك تجرب اعزمني في روضة نورة يوم الخميس القادم وجيب معاي الطماطم ومعجون الطماطم قل تم

[شواق]

الطماطم مايغير لون الكبسه ولكن الصلصه لها دور في هالشي خاصه لاجا معها بعض البهارات مثل الكركم ..

وترا طبخه البر خاصه لاصارت اللحمه طريه وودك تاكلها وانت ماطبختها مايبيلها الا طماط منصوف ماهوب صلصه وعليه شويه بهارات وبالهناء والشفاء ..

[الغريري]

في جميع طلعاتي وطبخاتي لا استخدم سوى البصل والملح فقط مع الكبسه خاصة مع لحم الهرفي الطازج ولا ننسى الفلفل الاحمر والاخضر الحار

جرب تسوي مثلي وتعرف طعم اللحم والارز على حقيقته سوها ولا تنسى تزود لي سليقة اللحم فقط بصل وملح واشربها وبالعافيه ولا تنسى تحطي لي صحن اشربه

تقبل مروري وتعليقي



بيض الله وجهك يابن العم ...

هذا الشغل الصح ... تحتفظ بنكهة الرز الأصلية .. وتطعّمها بنكهة اللحم الطازة ....

اغسل الرز ولا تخليه يشرب الماء منقّع ... وخله ياخذ راحته بالحيل على النار الهادية بعد شربه للماء ...

ما يمنع مع كبة الرز ... تجدع علبين الى ثلاث علوب فلفل اخضر طــــازة ....

وايضا من المهم ... عدم تكثير الماء ... وبعدين ازالة الزائد منه ... أو تقليل الماء .. وبعدين اضافة الناقص ...
واختر .. النوع الصح من الرز سواء بشاوري/عنبر .. أو مزة ..

[مكشاتي متواصل]

في جميع طلعاتي وطبخاتي لا استخدم سوى البصل والملح فقط مع الكبسه خاصة مع لحم الهرفي الطازج ولا ننسى الفلفل الاحمر والاخضر الحار

جرب تسوي مثلي وتعرف طعم اللحم والارز على حقيقته سوها ولا تنسى تزود لي سليقة اللحم فقط بصل وملح واشربها وبالعافيه ولا تنسى تحطي لي صحن اشربه

تقبل مروري وتعليقي



انت كييف

كلامك 100%

ما شاء الله عليك

لو فيه أي زيادة على كلامك...بأن تصفي اللحم من الزبد مع أول الغليان.

[بن شمروخ]

والله ياخوي الشباب ماقصروا وكل كلامهم عدلــ

لكن في الكبسة خذ مني كم نصيحة اذا كنت تبيها تضبط .....

استعمل بهارات عدلة واشخلها ... ولا تسعمل ماجي - ولا تحط معجون طماط اذا كنت تبي الرز خفيف لانه تحرق الرز ... وحاول تستعمل شحم او زيت زيتون ويفضل الشحم او السمنة

وبالعافية