المشراق(الحنيني)

[خشم الحصان]

الاخوه الغالين
السلام عليكم
اليوم مشراقنا بيتكلم عن اكله شعبيه قديمه و كانت سائده في الماضي وخاصه عند اهل القري ولها قيمتها في
الشتاء اذا هبت شمال اللهم ياكافي
الي قامت الحنوك ترقل كنها موتر في بطانيج يجي وقت الاكل الي يدفي
و الحنيني من الاكلات الي تدفي وتزيد من الطاقه وهي من البر والتمر والسمن البري (مهوب مثل هالزيوت الي اذا قام الوحد من النوم كن علي كبده مله من الحراره واذا شهق نتق مع اثمه تقول قطع كراتين ملونه)

وكان اكثر من ياكل الحنيني من اول ناس مغنيهم الله وليس كل واحد ياكل حنيني يوميآ وهنالك قصص يرويها الاباء وهي
(( ان احد الاطفال من الي منعم الله عليهم والي ياكلون الحنيني كل يوم خرج للعب مع اقرانه الصغار الي علي قد عمره ووجد صبيآ يقاربه في العمر وطلب منه المطارحه من باب التسليه في ذالك الوقت فما كان من هذا الطفل الا ان طرح الطفل الاخر من اول مره فقال الطفل الفايز بكل براءه الصغار رح لبيتكم كل حنيني وشرب لبن غنم وتعال طرحني ويظن هذا الطفل ان كل الناس عندهم حنيني ولبن ))

ويحكى ان ناس قدم لهم صينية حنيني وكان هنالك واحد لعاب وعينه شرهه وكانت الصنيه يسيل لها اللعاب واراد هذا الشخص ان يبعد واحد عن اكل الحنيني ولكن بطريقه ذكيه فقال اني اخبر سعيد مايحب الحنيني مادري هو علي خبري ولا لا ورد سعيد وقال انا علي خبرك ماكل الحنيني وتشطر عن الاكل وحرم روحه.

اخوكم

خشم الحصان

[الطبيب]

الله اكبر على هذا الموضوع الجميل

ويازين الذكريات القديمه والقصص والمزوح اللي كانت بين الناس من اول في الماضي

ويا صفاء النفوس اللي مافيها حقد ولا غل لبعضهم

شكرا لك لهذا النبض الجميل من الذكريات واللي تخليني اتذكر اشياء تخلي العبره تخنقني

اتذكر يوم يطيح الواحد مصخن بالحاره تلقا كل ربعه عنده وكلهم يزورونه ويتطمنون عليه

واتذكر يوم يصير على الواحد شي لا سمح الله تلقاهم كلهم يفزعون له وياقفون معه

واتذكر الاكلات القديمه الشعبيه وان كل بيت لما يسوي اكله من النوع المكلف ( مثل الحنيني ) فانه لا ينسى ان يذوقها جيرانه

الله يا هذيك الايام

تسلم يا بعد خشمي يا خشم الحصان

ولا تقطعنا من سوالف المشراق

[مشغول]

هلا وغلا ابو محمد

طيحت سعابيلي الله يهديك ...

وش ذا الاسلوب الجديد ما شاء الله قصص وحركات ذكرتني بابو سليمان حفرلوجيا :)

الله يعطيك العافية مشاركة جميلة

[حفرلوجيا]

اخوي خشم الحصان : الله يسلم اصيبعاتك ( اللي خبري روسها مربعة ) وتضرب على الكيوبورد ( خمط وخمش ) .. ياحبي لك وأنت تؤرخ من حيث ( نأكل ) .. وبمناسبة التاريخ والأكل والحنيني ومشراق عمنا ( خشم الحصان ) تذكرت :

واحد من الشلة ( أيام الطفولة : والحنيني اللي مايحصل كل وقت ) كان إذا اجتمعوا على صحن الحنيني قال : ( عيال ماودكم أوريكم وش لون ياكلون الجن ) :p.. يردون وسعابيلهم تقاطر : إيه تكفى :D..

ويبدأ بالفصل الأول : يلقط الكسر الناشفات من الحنيني يرسلهن بحركات متتابعة من يده اليسر لليمنى .. وأثناء ماهو يعلك يقوم واقف يبرم بحركات دائرية حتى لاتزوغ عيونهم لصحن الحنيني:mad: ..

بعدها يبدا الفصل الثاني : يكحش بجموع ايدية باقي ( الحثيرات ) اللينة حتى إذا بقى الحثال اللي مايعشي النمل .. قال : شفتوا أكل الجن !
عاد يحول يردون وسعابيلهم مانشفن : ياسلااااام من اللي علمك :D.

--- ماإنتهينا .. بقى الفصل الثالث : عند ماكبروا وعلى أوائل سن المراهقه كانوا إذا صادو قميري وطبخوهن ( وتوهم يبي يقولون بسم الله ) قال : عيال ماودكم أوريكم أكل الكلاب :p..
يردون وسعابيل ذاك الحنيني توه تنشف : ايه تكفى :mad:.

يتشطر اخونا ويبدأ يمشي على أربع وكل ماقرب الصحن خمط قميرية ( وعرش ) الثنادي .. ورجعها للصحن ويفتر ويعود ثانية .. وعلى هالحالة حتى يشبع ( ثنادي ) .. بعدها يقول : تعبت على شان تضحكون تعشوا أنا مالي شهوة .:D
وتتجدد السعابيل ويقولون : يحول .. نخلي لك ( قسمك ) تأكله بعدين ؟ :mad:...
يرد : لا.. حقي خلوة إذا تصيدنا مرة ثانية ;).
عاد أخوي خشم الحصان أنت أي واحد من هالشلل.:D

[خشم الحصان]

الاخ الدكتور(طبيب)
السلام عليكم
عمي ايه هين اهه من يقضبك بس الحين الي بيسمعك يقول هذا شايب السبيت مقطوع سره تحت طلحه معني توني غلام الديمن بس الشمس والمشق اثر علي ملمحي البنانيه.
اما الماضي صعب رجوعه ويازينه بهمه و غمه وفرحته هاذك منول
انت ينبض قلبك الا ذكرة انا يرجف قلبي تقول مكينة نخل ونفرط سيرها
اجل متبيش العبره في طرف الجفن قبيبك رهيف الله يلوم الي يلومك عذا وانت طبيب اجل واش اقول انا
صدقة منول اذا طاح الواحد متسمع له صوت يلقطونه قبل مايطيح ام هالحين يادفع البلا ام توطوك كنك في المرجم ام الشيل ابشر بقلها معاد احد يشيل احد حتي لونه تكسي الحين اذا طبخة وعطية جارك جابه ولدهم ورده ويقول يقول ابوي ولا امي مناب طراروه تعطونا باقي عشاكم ثم تاخذه منه وتردم بابك وعيونك فالارض
ويغدي في الصدر خترشه تقول صخله تمشي علي عسبان يابسه تذكر منول الي عطية جارك قام يدعي لك وتدمع عيناته من الفرحه ان له جار مثل اخوه مانساه الله يالدنيا.

-------------------------------------
الاخ مشغول
السلام عليكم
اخيي انت قايله من قبل ياقربك قرباه حولنا حولينا بس الله الي جابك من قريب والصدفه زينه الا صرة تحت
ظلال المحراب اجل طيحت سعابيك اجل انت وش مطيح فيني انت ذاب في البطن حصاة انت ونفكة عقدك بس
باقي .......... الي انت خابره وياخوفتي تكون انت الي هو.
الله يغفرلك ويرفع من قدرك ومشكور علي مرورك علي الموضوع
............................................

[خشم الحصان]

الغالي
ابو سليمان
الله مير يسلمك علي مرورك علي هالموضوع مير ابشرك ان اصبعاتي غدة مشوطره ا لا مير وش قصة عمي تركم ذبحتوني انت و طبيب هين بعدين اصيدك.
1- وشلون ياكلون الجن انت شايفني كل يوم في سامري مسك الصف وملطفني 20 جني وسعابلهم تقاطر اجل بزبوز خربنتآ جلبته.
2- اجل ماص مغير يلقط لقط ولا يفتر علشان لا ينتبهون لصحين الله ياهو ذهين
3- اجل يقحش قحش ماشاف نعمه والباقي مايعشي نمل انتخلية فيه شي الصحن مايغسل علي طول يحط علي الرف من الي علمك شف من هو يجالس
4- اكل كلاب وحمام قميري قاول وين هالكلب اروح اخنقه الحين مالقينا قميري نشوفه وذي ياكله ايه تكفي الا ماتقول دلوخ نسو الحنيني
5- ثنادي اهه ياثنادي الي قمة تعلجها و تلحق عليها هاك المريقه اه من يكسر يده الي من قام خمط وش في القميري غير الثنادي اجل شطب عليهن معد يبي ياكل تعب هو خلي شي علشان ينتحسف عليه نومة الي نام ولاعاد قام يبي يضحكهم لا والله الي ضحك عليهم عسي منتاب منهم المره الاخري اذا صتم بدوه الاول كنك ماشفته
6- هذا مربط الفرس انا اي من الشلل اقول اخوي ابو سليمان فيه مثل يقول
دخلوه غار وشبو عليع نار ان قام طقه الغار ون قعد احرقة النار
عاد انت وش تقول الحين اي انا من الشلل.....:D
اخوك
خشم الحصان