مشكلة في الريشة .. تحتاج أهل التخصص !

[أبو مروحة]

:good: السلام عليكم ورحمة الله وبركاته:good:



وأسعد الله أوقاتكم بكل خير ..:)


الحقيقة قبل كل شيء .. وبما أن هالمشاركة هي أولى مشاركاتي بهالمنتدى .. أحب بداية أن أشيد بهذا الصرح الشامخ والذي هو بمثابة مرجعية لهواة الرحلات.


وأدخل في صميم الموضوع أو المشكلة على طول ..


سلمكم الله عندي جهاز آيكوم 2100 شاريه تقريبا عام 1419هـ .. ولله الحمد ما زال يحتفظ بجودته وما زال يقوم بعمله على أكمل وجه ..

ويجي مع الجهاز ريشة البلد يسمونها (المبرقعه) الشكل القديم


http://www.almlf.com/get-11-2008-yd57trpp.jpg










من تالي لاحظت أن زناد التحدث في الريشة صار يعلّق وينشب في مكانه ولا يطلع !


طبعا فتحت الريشة وشفت ان المشكله من نفس الزناد الداخلي لمّا ينضغط ما يرجع لمكانه الصحيح.



http://www.almlf.com/get-11-2008-nxwp3gl7.JPG






http://www.almlf.com/get-11-2008-gruky47w.JPG






السؤال لأهل الخبرة ومن لهم باع طويل بالأجهزة .. أو من عنده خبرة بالألكترونيات عموماً ..

ما هو الحل؟:confused:

(مع العلم اني حريص على الريشة جدا ولا يمكن اني اغامر بالريشة عند أي محل الكترونيات يتطبب فيها:no2: )

[الحطيشي]

السلام.
ياخي ادهب الى محل القطع وطلب نفس القطعة وركبها ترى قيمتها ماتعدى الخمسة اريال

[المفضل]

جرب حط عطور ونظفها من الغبار احيانا مع الوقت يكون داخل فيها بعض الغبار بتم تنظيفها برشها بالعطور

[م.بندر]

اخوي حاول تنظفه مع الاطراف بالعود حق الاذان الي فيه قطن وحاول يكون فيه زيت مازولاعلى القطنه وانت تنظف علشان يسهل من عملية التنظيف ويسهل الدخول والخروج
انا مجربها كثير وتظبط معي
ارجو اني افدتك

[شلاش]

السلام عليكم ورحمة الله وبركاته

اخوي ابو مروحه ...... الي فهمته منك هو انك اذا كبست الريشه وبغيت تفك تعــــلق الريشه
مظبوط فك الريشه وانفخها بالهوا وطبقها وشف تظبط ولالا
اذا ماضبطت جب لك نقطه زيت لاحظ نــــقـــطــــه واحده وحطها على مكبس الريشه الالكتروني
وانشاء الله بتظبط

ولاتنسى ترد علينا واعذرني على الاطاله

تحياتي
شــــــلاش

[أبو مروحة]

هلا بالحطيشي:

ما في شي وانا اخوك بـ خمسة ريال .. يمكن الكلام هذا يوم آيكوم الأولين .. أيام ما كان الايكوم من خشب <== وش اللي آيكوم خشب !! شكرا لك على كل حال

ِ

[أبو مروحة]

هلا بك أخوي المفضل:

والله فكرة رش العطور قالها واحد من الشباب .. لكن أنا حقيقة كنت أبحث عن شخص كانت له تجربة سابقة مع نفس المشكلة حتى استفيد.

كل الشكر لك أخوي "المفضل"

[أبو مروحة]

م.بندر:

أهلا وسهلا ..

فكرة عود الأذان+الزيت ممتازة ..

ودام انك لك تجربة سابقة .. فـ معناه ان شاء الله بنتوكل على الله ونطبقها .. والوعد ان شاء الله بعد العملية الجراحية !! :)


أخوي شلاش:

فكرتك طال عمرك وفكرة الاستاذ م.بندر متقاربات من غير قصور بالزملاء الاعضاء اللي علقوا بالبداية عساي ما اعدمكم .. الليلة التطبيق .. والرد بإذن الله غداً

بيض الله وجيهكم جميعاً !

تحيات فريق الجراحين العرب <=== الله يخلف على أهيلكـ !

[جهام القصيم]

بخاخ تنظيف المسجلات بدون زيت موجود عند مجداف قيمتة 10 ريال بخ الريشة وبإذن الله تضبط الامور0
وفق الله الجميع

[سيف الظفير]

خذلك ريشة جديدة اصلية


لأن هالريشة استهلكت ولها 10 سنوات

[م.بندر]

قديمك نديمك
الريشه مابه الا العافيه
اذا ماضبط معك الي قلتلك
غير الزر الداخلي ب10 ريال فقط وترجع زي الحلاوه ياحلو
دمتم على خير

[رحال الرياض.]

http://www.ojqji.net/vb/images/welcom/9.gif

http://up3.m5zn.com/get-9-2008-h58pz7g8m3j.gif

قراءة بعض الردود اخواني
هذي قطعه اكترونيه لها اهلها
الزيت غير صحيح لانه يجمع الغبار ويضر مابنفع
اما العطر وهو اخطر من الزيت لانه بحل بعض الاجزاء البلاستيكية
المفتاح غير موجود فى محلات قطع الغيار نقوم بتوليف له
ام البخاخ يوجد بعشره ريالات ومكتوب علية 60 هذا للتنظيف المفاتيح الصوت والبيبان والمفتاح المذكور
اما الذى مكتوب عليه 90 هذ لراس المسجل للفديو للقاري السيديات للعدسات السوني
انا حولت الصور لك المفتاح الذى نقوم بتوليفه عسى ان يكون واضح
http://up.damasgate.com/files/eyw5rvu135b2k796qoxe_thumb.jpg

http://up.damasgate.com/files/7no7peimkk6bkh5zxgto_thumb.jpg

[عجمي]

اخوي نفس القطعة الخربانة عندك (الصغيرة اللي بالريشة ) تباع بالمرسلات اليوم شريتة ب 15 ريال اصلية وتركبة عند فني متخصص
علما ان الريشة الأصلية تباع ب 140 ريال