عندي سلسلة سحب وجاها (صدأ ) وش الحل ؟؟

[المغترب55]

السلام عليكم


هلا بالغالين

عندي مشكله بسيطه وابي منكم الحل


عندي سلسلة سحب وجاها هالايام ماء ورطوبه وأصدت !!!

وش الحل عشان يروح الصدأ عنها ؟؟

لانها بصراحه صارت تبلشني وتوسخ اي شي حولها او يلمسها

عطوني الشباب بعض الحلول ابقولها لكم

وابي منكم حلول غيرها الله لايهينكم


قالوا:
1ـاغسلها ب بنزين
2ـ ادهنها بشحم
3ـ اربطها في السياره واسحبها على الرمل إلين يروح الصدأ


انتظر حلولكم

ولكم الشكر مقدما


اخوكم المغترب

[عريدان]

3- صحيح ومجرب.

[راعي 2700]

خوي عليك بالسفن اب

حطه بسطل و ربصه بسفن

والطريقه مضمونه

[مفتاح التقنية]

السلام عليكم

بعد ما تجد الحل المناسب لإبعاد الصدأ عنها انصحك بشي مفيد حتى لو لم تصدأ

فصل لها جراب في الغرابي يكون له ممسك من فوق تقل شنطه وحط سحاب اصلي حتى تتفادا توسيخ سيارتك
لأنه بعض الاحيان تستخدمها على الطين فتوسخ السياراه حتى لو ما فيها صدأ لكن اذا كان لها شنطه من قماش ممتاز وسحاب اصلي تضعها فيه تحافظ على نظافة سيارتك

والسلام عليكم

[سيّار]

أخبر كاني منب واهم ان فيه بخاخ في ساكو ومحلات المحدات يزيل الصدا ..

[حق الفيتو]

المعروف لازاله الصدى

قصدير وموية ادعكها تدعليلي وطريقة رخيصة

[ابودعسان]

فيه فرشه حديد تلقاها عند محلات العدد
تسويلها صنفره بالفرشه وتطله اكه
او السفن اب تراه جيد

[سلطان المغيري]

تعرف الكلوركس حق الملابس
حط منه كاسه شاهي في مويه
وحط السلسله فيه يومين
وشلها وشطفها وترجع جديده

[الصايخة]

3- ولا تتعب نفسك ،

كلها ثلاثة او اربعه كيلو وتطلب جديده شد بلد

[شامخ ألهيلا]

الصدى امره بسيط فلو جربت تربطها في السياره وتمشي فيها بالرمل
او تنقعها على قولة الشباب في سفن وكلوركس او اي ماده ثاانيه

المهم اذا السلسله غاليه عندك
رح لاقرب ورشه سمكره وكلهم يرشونها ببويه وهالطريقه شفتها في ميناء جده سلاسل عليها بويه برتقاليه ضد الصداء ومبين انها رش

[الحسن القاضي]

شف ياطويل العمر.

خذ طشت وحط فيه خل وليمون وبعد ماتعصر اليمون حط قطع الليمون معه
ثم انقع السلسة في الليمون والخل لمدة يوم كامل .
بعدها ادعك السلسلة بسلك مواعين وبتشوف النتيجة.

[إعصار]

فصل لها جراب متين واجدعها فيه ..

[straitlaced]

السلام عليكم ورحمة الله

أخوي عليك W40 تعينه في ساكو والمحلات الي تبيع أغراض سيارات مثل قطع الغيار

ذا دواء للصداء رش على المكان المصدى ونظفه برشاه خشنه الي تكون فرشاتها من أسلاك معدنيه

ناعمه وأذا كانت السلسله طويله خذ لك أكثر من واحد تراه ماهو بغالي أن أذكره أيام الرخص على 10

ريال وألي أحسن لك وأفضل لك من السلسله في محلات الرحلات مثل محل الرمايه تعين عندهم قلص من

قماش (( ماهو بقماش عادي )) أخف لك وتقدر تلفه ولا حك في سيارتك ما يعدم لك الصبغ

أنا عندة وطوله أذا ماني بغلطان 20 متر وفيه عندهم على الأوزان كم طن تبي تسحب وتختار

أتمنى أني أفدك ياغالي

[ظبي]

ـ اربطها في السياره واسحبها على الرمل إلين يروح الصدأ

[Hagaanaf]

السلام عليكم


هلا بالغالين

عندي مشكله بسيطه وابي منكم الحل


عندي سلسلة سحب وجاها هالايام ماء ورطوبه وأصدت !!!

وش الحل عشان يروح الصدأ عنها ؟؟

لانها بصراحه صارت تبلشني وتوسخ اي شي حولها او يلمسها

عطوني الشباب بعض الحلول ابقولها لكم

وابي منكم حلول غيرها الله لايهينكم


قالوا:
1ـاغسلها ب بنزين
2ـ ادهنها بشحم
3ـ اربطها في السياره واسحبها على الرمل إلين يروح الصدأ


انتظر حلولكم

ولكم الشكر مقدما


اخوكم المغترب




أخي الفاضل بطريقة مجربة وصحيحه 100% ، أسحب السلسلة على رمل النفود ، او التلال التي بها رمل مع بحص وعندها سوف تدعو لي بالتوفيق

[المغترب55]

الله يعطيكم العافيه يالغالين

[رأس الزعامه]

أنصيك يا خوي طريقه مجربه أنا أشتغل بالدبابات والجنزير إذا صدى ربصته في بانزين وزيت مدت ثلاث أيام سو مثلي وجرب

[ابو مشعل2]

فيه بخاخ للصدا
عند محلات العدد والادوات

اعتقد اسمه w40

رش عليه وبس

[المغترب55]

الله يعافيكم يالغالين

شكرا

[راعي النبات]

فيه ورش عندها مايسمى بضرب الرمل يجعلك الحديد كأنه توه مصنع بعدين يرش بويه ضد الصدي انا ادل ورشه في الدمام كانك من اهل الدمام

[بيلسان]

عليك بالبيبسي اغطسها بسطل من البيبسي