انا ابي اسال المختصين با ها الخيمه ابي ازين بهارات للكبسه

[رياح الشرق1]

يا الربع انا ابي اسال المختصين با ها الخيمه ابي ازين بهارات للكبسه ومن وين القاها وطريقة طبخها مع الكبسه هل اني احطها مع حمس الحم والبصل والبندور قبل اكب الماء ولا اذا طبخ القدر احط البهار .................يعني با العربي ابي احسن طريقه لحكر الكبسه..................ارجو الرد الله يجزاكم خير

[Just Cavalli]

هلا فيك اخوي

من واقع تجربه وكمان من ((عشق للبهارات))

الكبسه اذا ماهيب مقلوبه او برياني او من هالطقه فاحسن بهارات لها البهارات العدله
حب هيل واعواد القرفه -الدارسين- والفلفل الاسود غير المطحون وورف الغار واكليل الجبل الطازج

مع حمسة الدجاج او اللحمه او الربيان حطها يامال الغناة وان شاء الله بتصير الامور عدله

وعلى العموم نفسك في الاكل يابعدي اهم:)

[رياح الشرق1]

الله يعافيك وشكور اخوي لكن ها الحين انا والله اسمع فيها البهارات العدله لكن ما قد جربتها ابد حنا نحط البهارات المطحونه المخلوطه بس ابيك توضحلي اكثر هل احط بس الي قلتلي عليهن بكبستنا العاديه مهي مقلوبه ولا برياني(طبخ عادي)يعني بدون اي بهارات ثانيه ابعد يعني المخلوطه (المطحونه)ما احطها ابد..............والي قلتهن اخوي احطهن بدوون طحن ...........ارجوو الرد

[al360f]

هلا بك دواس ضلماء

السنه هذي سنه ربيع وخير ان شاء الله ومقبلين على اجازة عيد الاضحى ومستبشرين خير

وبيكون فيه طلعات وخير وعلوم غانمه واذا بديت تطبخ حط البهارات مع اللحم او الدجاج قبل اضافة الماء لها

وان شاء الله تكون خبير وماهر فيها

وانتظر منك تعطينا نتيجه التجربه

[عاشق السيل]

أخوي دواس ،،،

الكبسة تحتاج للبهارات العدال أكثر من المطحونة ،،

بالنسبة للعدال : دارسين ( قرفة ) ، كزبرة ، ورق غار ، هيل ، ليمون أسود مكسر ، فلفل اسود ، كمون ، مسمار ( عويدي ) ،، وهذي البهارات كثر منها على كيفك !!

المطحونة : هي نفسها لكنها مطحونة بوزنيات مدروسة وإذا بغيت محل بالرياض يبيعها محكورة ومضبوطة قلي بس وأبشر بعزك !!!

الطريقة : احمس البصل حتى يتغير لونه وحط عليه الطماط واللحم والبهارات العدلة وملعقة صغيرة من البهارات المطحونة والملح واحمسها خمس دقايق وبعدين أضف عليها الماء المغلي وكمل طبخك ،،،،،،

أتمنى أكون أفدتك وتقبل مروري يالغالي ....

[رياح الشرق1]

الله يعافيك يا عاشق السيل الينك كفيت وفيت تحيااااااااتي

[رياح الشرق1]

الملحححححححححح@@وشو ملح انت متاكد احط الملح مع البهارات

[omar salman]

اللحم والدجاج ما يحمس خاصة اللحم
إلا كانه مقلقل أو يكون الدجاج قطع صغيرة
لمكرونة مثلا أو أرز أمريكي
لأن الحمس له تأثير سلبي على
اللحم أو الدجاج لأنه يترك طبقة
قوية تتسبب في ذهاب طراوة اللحم
ويصبح جامد مما يذهب عنه صفة الطراوة
وكذلك يتأخر ما يستوي ولم أعرف أحد من الطباخين
يقوم بحمس اللحم أو الدجاج وكذلك لا نضع اللحم أو الدجاج
والماء مغلي أو بارد فكلا الحالتين خطأ 100%
وأتحدى أي واحد يثبت عكس ذلك
والصحيح نضع اللحم أو الدجاج
في قدر الطبخ في ماء دافيء
حتى لا ينكمش بالحرارة
أو يأخذ وقتاً طويلاً بفعل البرودة ,
وأما البهارات فأصاب الكثير
الخشنة فقط كالقرفة والليمون الأسود
والمسمار والهيل وتكملت نكهة البهارات بالفلفل
وهو رئيسي في جميع الكبسات .


الصياد 90
t90100@hotmail.com

[عاشق السيل]

الملحححححححححح@@وشو ملح انت متاكد احط الملح مع البهارات


لا ياشيخ ،،، أقصد تحط البهارات وتحط الملح وكل واحد من علبة خاصة فيه ،، انتبه تخلطها !!!!

[رياح الشرق1]

الصياد الله يعافيك عل ها المعلومه بس تصدق انكم درتو راسي كلن براي ارسوو عل برر بس الله يعطيكم الف عافيه................تحياتي

[رياح الشرق1]

ادري يا عاشق ان كل واحد بعلبته انا ما اقصد ذي انا اقصد ان الملح ما ينحط الا بعد ما يستوي الدجاج او اللحم يعني قبل تكب الرز بشي 5 او 10 دقايق ولا لا ..........تحياتي

[سلطان المغيري]

شف اخوي لاتشتري بهارات مطحونه نهائي
انصحك اشتري بهارات صحيحه يعني مو مطحونه
والبهارات هي
كزبره ناشفه حبات دائيريه
فلفل اسود
ورق غار
قرف
ليمون اسود
هيل
وقت ماتحمس البصل حط في هاون او نجر ملعقه كزبره وكم حبه فلفل اسود ورقه غار وعود قرفه
وطحنها باهاون لين تمطحن ولا تخليها ناعمه مره الهاون مايخليها تصير ناعمه
بعدبن تحط ملي ملعقه كبيره على البصل وتحمس شوي ثم نحط باقي مكوناتك

[عاشق السيل]

ادري يا عاشق ان كل واحد بعلبته انا ما اقصد ذي انا اقصد ان الملح ما ينحط الا بعد ما يستوي الدجاج او اللحم يعني قبل تكب الرز بشي 5 او 10 دقايق ولا لا ..........تحياتي


تقدر تحط الملح متى مابغيت ،، وكلامي عن مئات التجارب !!!!

[ريح الرمث]

كفوا ووفوا الرجاجيل :)

[رياح الشرق1]

الله يعافيك يا عاشق كفيت وفيت والف شكرررر.................تحياتي