عاجل /بداية ظهور الفقع

[سلطان السنيدي]

بداية ظهور الفقع
السلام عليكم
محدثكم سلطان السنيدي ينقل لكم الخبر طازج ومن موقع الحدث
نحدثكم بداية ظهور الفقع وهو المسمى بالهوبر
تحذير نرجوا من الجميع عدم تعرض لهاذا النوع من الفقع حتى للمستقبل القريب
إن شاء الله يصبح هناك الزبيدي
اليوم كانت لي جولة في احد المناطق !!!
كان سباب الجولة البحث عن البسباس مسكه غلط
http://www.islambl.com/up/uploads/images/islambl-ca1a19980c.jpg (http://www.islambl.com/up/uploads/images/islambl-ca1a19980c.jpg)

لفت انتباهي هذا أشي كنت بالأول أحد أنوع الفطر المشهور بهذا المنطقة لكن بعد الحفر !!
http://www.islambl.com/up/uploads/images/islambl-519269d2f1.jpg (http://www.islambl.com/up/uploads/images/islambl-519269d2f1.jpg)

هنا تتضح الهوبر يمنع منع تعرض لهذا النوع

http://www.islambl.com/up/uploads/images/islambl-bd70cbb89d.jpg (http://www.islambl.com/up/uploads/images/islambl-bd70cbb89d.jpg)


وهذي لعيونكم اليوم بجالس بالمحل يوم شفت الجو وقت الغروب مع الخيال قلت لازم نصور صوره
http://www.islambl.com/up/uploads/images/islambl-1298c10623.jpg (http://www.islambl.com/up/uploads/images/islambl-1298c10623.jpg)


وابشركم الوادي حتى صلاة العشاء من يوم الجمعة لهذا اليوم وهو يمشي عند كبري التشليح


محبكم
سلطان حمد السنيدي
أبوغلا

[الطيبة كلها]

يا جماعة الخير اي منطقة بالسعودية تنشهر بالفقع خاصة اذا بغينا نشتري منها

[لفح الهجير]

ماشاء الله الاخبار تواترت عن أول ظهور للفقع احد الشباب ارسل لي صورة من غرب حائل وقد عثر على الفقع .
سلطان اسم العائلة يدل على مكان الفقع.تحياتي لك

[سلطان السنيدي]

يا جماعة الخير اي منطقة بالسعودية تنشهر بالفقع خاصة اذا بغينا نشتري منها

اصبر ياعم تو ناس مابعد بداء الفقع وان شاء الله هالسنه مايحتاج كل المناطق راح يظهر فيها الفقع

[طالب الروقي]

الاخ العزيز.......سلطان

هذا واضح من اللون عرجون

الفقع...الهوبر والزبيدي يحتاج الى خمسين يوم بعد مطر الوسم اقل شي حتى يطلع

تقبل تحياتي.......

[سلطان السنيدي]

ماشاء الله الاخبار تواترت عن أول ظهور للفقع احد الشباب ارسل لي صورة من غرب حائل وقد عثر على الفقع .
سلطان اسم العائلة يدل على مكان الفقع.تحياتي لك

ههههههههههههههههه
اجل اسم العائلة السنيدي في كل مكان من المملكة
لتخاف انا رايح بالسيارة لمكان بعديد
تعرف الشاص انت يحب الامكن البعيده

[سلطان السنيدي]

الاخ العزيز.......سلطان

هذا واضح من اللون عرجون

الفقع...الهوبر والزبيدي يحتاج الى خمسين يوم بعد مطر الوسم اقل شي حتى يطلع

تقبل تحياتي.......

عرجون!!!
يالشيخ معروف الفقع والعرجون <<<<< الفقع الزبيدي يظهر بعد المطر 70 يوم على قولت اهل الخبره
لكن هذا انوع هو المشهور بالهوبر وابشرك انا متاكد من هذا والمنطقة !!! محجوزه لي

[أبوعُمر]

ما شاء الله

رائع أبوغــــــلا

و اليوم تصيدنا بعض العراجين :)

[سالم1111]

الله يعطيك الف عافيه والله ما قصرت

[grdan]

إن شاء الله يصبح هناك الزبيدي :)
مشكور يابو غلا

[سلطان السنيدي]

ما شاء الله

رائع أبوغــــــلا

و اليوم تصيدنا بعض العراجين :)

احم احم صيد اجل العراجين تري مشغول بالمحل عادي تمر وتجيب لك شوي !!!
ههههههههههههههه

[الوافي جدااا]

الله يعطيك الف عافيه

[سوبر152]

شكرا سلطان ولكن هذا عرررجووووووون ماهوب هوبر
http://www.islambl.com/up/uploads/images/islambl-bd70cbb89d.jpg (http://www.islambl.com/up/uploads/images/islambl-bd70cbb89d.jpg)

[طالب الروقي]

اختلاف الرأي لايفسد للود قضيه

اولا واضح من الصوره انك حصلتها في مسيل والهوبر مايطلع في المسيل

ثانيا لونها ابيض مثل ماهو واضح ولون الهوبر ترابي

ثالثا اعذرني على التطفل.............................

[fusfus]

انا من يوم الأثنين الماضي بالبر ماجيت الإ اليوم الجمعه ودرت مناطق كثيره وشفت شوفات تسر النفس منها الرقروق وبكثره ابشروا بالخير هالسنه والأمر اولاً واخيراًبيد الله

[سلطان السنيدي]

شكرا سلطان ولكن هذا عرررجووووووون ماهوب هوبر
http://www.islambl.com/up/uploads/images/islambl-bd70cbb89d.jpg (http://www.islambl.com/up/uploads/images/islambl-bd70cbb89d.jpg)


اخوي الكريم انا اعرف العرجون واعرف الفقع العرجون معروف لي بعدين كلكم تتوقعون انه عرجون
أول شي
من يقول لون أبيض <<<زبيدي لونه أبيض
الفقع لايخرج بالمسيل<<<< الفقع يخرج بالنفود وانا اعرف هالمنطقه من زمان من عام 18 هـ
ثانياً معروف الفقع من رائحته مايحتاج

وانا متاكد حتى اني عارضها على الوالد الله يحفظه قال هذي هوبر
يعني متاكد 100%

[سلطان السنيدي]

اختلاف الرأي لايفسد للود قضيه

اولا واضح من الصوره انك حصلتها في مسيل والهوبر مايطلع في المسيل

ثانيا لونها ابيض مثل ماهو واضح ولون الهوبر ترابي

ثالثا اعذرني على التطفل.............................

لا عادي ياعم ماصار شي بس انا احب افهمك فقط

واذا تبي تشوف بنفسك تعال للمنطقة المذكوره M<<<<< سر هالمنطقة

[fusfus]

يا اخوان اللي ما يعرف يفرق بين الهوبر والعرجون من الأحسن يخلي الفقع لأهله او يسال السؤال ماهو عيب

[سلطان السنيدي]

يا اخوان اللي ما يعرف يفرق بين الهوبر والعرجون من الأحسن يخلي الفقع لأهله او يسال السؤال ماهو عيب
هههههههههههههههههههههههههههههههههه
ليصير قصدك انا

[الساهر20]

ابو غلا ماقصرت لكن ليتك ماستعجلت عليه تعرف بعض ربعنا يحوس الدنيا حوس

[abnbtota]

السلام عليكم
اخي .. ياليت .. ارفقت صور عند اخراج ( الهوبر ) ان امكن ..
فكما ذكرت هناك هوبر وهناك فقع
وله عدة انواع : الجبا .. وخلاص .. وزبيدي
والعراجين .. نوع من الفطر كذلك .. بانتظار صورك لتحديد اي نوع وجدته :)

[طالب الروقي]

يا اخوان اللي ما يعرف يفرق بين الهوبر والعرجون من الأحسن يخلي الفقع لأهله او يسال السؤال ماهو عيب


لا لا قصده انا الرجال في صفك من الرد الاول:confused: :confused:

[سلطان السنيدي]

السلام عليكم

اخي .. ياليت .. ارفقت صور عند اخراج ( الهوبر ) ان امكن ..
فكما ذكرت هناك هوبر وهناك فقع
وله عدة انواع : الجبا .. وخلاص .. وزبيدي

والعراجين .. نوع من الفطر كذلك .. بانتظار صورك لتحديد اي نوع وجدته :)


هلا بالغالي صراحه راح سأل الوالده
وين الهوبر قالت راح مع المطازيز

لكن هذي صوره بعد اخراج واحده ثانيه
ويتضح الحجم
http://www.islambl.com/up/uploads/images/islambl-9d0d1348f1.jpg (http://www.islambl.com/up/uploads/images/islambl-9d0d1348f1.jpg)

[راعي الذيب]

بارك الله فيك .. وطول بعمر والديك على العافية

[سلطان السنيدي]

ابو غلا ماقصرت لكن ليتك ماستعجلت عليه تعرف بعض ربعنا يحوس الدنيا حوس


المقصود من تنزيلها هو تحذير ناس من اخراج مثل هذا انوع

[ميار1]

اسأل الله أن يجعل هذا العام وكل عام أعوام خير ورخاء فقد تواترت الأخبار التي تبشر بظهور الفقع وذلك في عدة مناطق فإضافة لهذا الخبر المفرح هناك خبر من الأسياح , وآخر من سميراء في منطقة حائل , إطلعت عليه في إخبارية حائل مما يجعلنا نسأل الله العون على طاعته والرزق الحلال والغيث المبارك لجيع أوطاننا ووفرة المياه في المناطق المحتاجه إنه سميع مجيب ,,

[سلطان السنيدي]

اسأل الله أن يجعل هذا العام وكل عام أعوام خير ورخاء فقد تواترت الأخبار التي تبشر بظهور الفقع وذلك في عدة مناطق فإضافة لهذا الخبر المفرح هناك خبر من الأسياح , وآخر من سميراء في منطقة حائل , إطلعت عليه في إخبارية حائل مما يجعلنا نسأل الله العون على طاعته والرزق الحلال والغيث المبارك لجيع أوطاننا ووفرة المياه في المناطق المحتاجه إنه سميع مجيب ,,

صحيح والله اليوم قلت لواحد صاحب محل قلت اليوم لقيت هوبر
قال ياسلطان ناس ماتخلي شي الحين بداء نشوف نبش في الارض مهب صابرين
لكن بعد العيد ان شاء الله زبيدي

[جبال الهملايا]

شكراً ياسلطان على هذه الصور الجميله

وترى إذا بروزت الصوره اللي تحت تراي شراااااي

http://www.islambl.com/up/uploads/images/islambl-1298c10623.jpg

[سلطان السنيدي]

شكراً ياسلطان على هذه الصور الجميله

وترى إذا بروزت الصوره اللي تحت تراي شراااااي

http://www.islambl.com/up/uploads/images/islambl-1298c10623.jpg


احم احم ماعرتفك يالشيخ
واذا تبي نبروزه لك بكرى نوديها للمحل وتطلع الاحد

وهذا بيت طازج لشاعر عبداللطيف السنيدي
يوم شاف الصوره
أذبحوا أغصان و أوراق الشجر
و أثبتت و جذوعها لمت بعضها

[ندى النفود]

يا شباب

عام 18 طلع الهوبر ولقيته بنفسي شرق مزرعة الامير متعب بعد سقوط المطر بعشرين يوم وكنت أحسبه فقع صغير وطرت بالخبر لأحد الشياب توفي رحمة الله عليه وما صدق ويوم شافه ابتسم وقال هذا الهوبر ويطلع سريع وليس في لأمر غرابة .

معلومة :
الهوبر يتميز بالبياض الناصع من الداخل وكذلك سهولة تفتته وأشبه ما يكون بالفلين .
شكراً أخ سلطان السنيدي

[سلطان السنيدي]

يا شباب

عام 18 طلع الهوبر ولقيته بنفسي شرق مزرعة الامير متعب بعد سقوط المطر بعشرين يوم وكنت أحسبه فقع صغير وطرت بالخبر لأحد الشياب توفي رحمة الله عليه وما صدق ويوم شافه ابتسم وقال هذا الهوبر ويطلع سريع وليس في لأمر غرابة .

معلومة :
الهوبر يتميز بالبياض الناصع من الداخل وكذلك سهولة تفتته وأشبه ما يكون بالفلين .
شكراً أخ سلطان السنيدي

هذا الكلام من واحد فاهم يعرف وش الهوبر

[ندى النفود]

معلومة أخرى :

الفقع من أبطى النباتات البرية طهوراً وتقد المدة التى يظهر بها ظهوراً جلياً بــ 70 يوم .

يا شباب كلنا نتلهف لمثل هذه الأخبار والله الله بصقل الخبرات حتى لا نقع ضحية سبق يكون ذماً علينا لا مدحاَ .

مرة أخرى شكراً سلطان

[سلطان السنيدي]

شكراً لك على المعلومه اخوي ندى النفود

[abnbtota]

هلا بالغالي صراحه راح سأل الوالده
وين الهوبر قالت راح مع المطازيز

لكن هذي صوره بعد اخراج واحده ثانيه
ويتضح الحجم
http://www.islambl.com/up/uploads/images/islambl-9d0d1348f1.jpg (http://www.islambl.com/up/uploads/images/islambl-9d0d1348f1.jpg)
هذه مافيه شك هوبر لكن لمعلوماتك .. لا يؤكل :D

[سلطان السنيدي]

فيه نااااااااااااااااااس تآكله ليش لا
وعرف ناس واجد تاكله

[ماجد الفياض]

الصورة الاخيرة قمة الروعة
بارك الله فيك
اخوك ماجد الفياض

[gamer]

الاخ العزيز.......سلطان

هذا واضح من اللون عرجون

الفقع...الهوبر والزبيدي يحتاج الى خمسين يوم بعد مطر الوسم اقل شي حتى يطلع

تقبل تحياتي.......


هذا اللى انا كنت ابي اقوله باين انه عرجون وليس فقع هههههههههه تحصل تعليق واجد لو انك مطلعها ماقلنا عرجون

الظاهر انه عرجون والفقع توه صغير

والهوبر على حسب معرفتي يختلف عن الفقع لانه يجي اغلب الاحيان قريب من بعضعه وكثير يعني تحصله اذا جيت مكان الفقعه تحفرها تحصل 6 الى 7 حبات صغيره بكبر الاضفر

ولا عمري اكلته



قلت اشارك بهالموضوع

ماقصرت اخوي على المشاركه وبيض الله وجهك


ممكن انها من نوع زبيدي مو عرجون

[مالك الجمش]

سلطان انا متأكد انه عرجووووووووووووووووون

[سلطان السنيدي]

سلطان انا متأكد انه عرجووووووووووووووووون


ياخوي انا اعرف العرجون الله يهديكم والصوره ماتقدر تحكم عليه لكن اليوم اذا طلعت من دوم مبكر راح ابحث عن شي جديد والصوره لكم
وانا ماقول ان هذا هوبر عبث او شي الوالد شافه والوالد من اهل المزارع يعرف جميع انواع نبتات
يوجد بهذه المنطقة 5 انواع من الفطر
1- العرجون ......... هذا لي غلبكم مايعرف غيره
2فطر معرف اسمه بالضبط لكنه حجمه كبير جداً ويوآكل وله طعم خاص
3 فطر سام وهذا خطير جداً ويجي حجمه صغير بالغالب وتحت اسود
4 الهوبر وهو مفتح الفقع
5- الزبيدي

[سلطان السنيدي]

هذا اللى انا كنت ابي اقوله باين انه عرجون وليس فقع هههههههههه تحصل تعليق واجد لو انك مطلعها ماقلنا عرجون

الظاهر انه عرجون والفقع توه صغير

والهوبر على حسب معرفتي يختلف عن الفقع لانه يجي اغلب الاحيان قريب من بعضعه وكثير يعني تحصله اذا جيت مكان الفقعه تحفرها تحصل 6 الى 7 حبات صغيره بكبر الاضفر

ولا عمري اكلته



قلت اشارك بهالموضوع

ماقصرت اخوي على المشاركه وبيض الله وجهك


ممكن انها من نوع زبيدي مو عرجون


انا ودي اعرف من قال اني قلت فقعه ياعم الله يهديك انا أقول هوبر وبينهم فرق
وش جاااااااااااااااااااااااب العرجون للهوبر انا مهب أول مره شوف عرجون

اخوي تاكد اني لم أقل انه فقع انا أقول هوبر
وعرف انواع الفقع الي يظهر بالجبل والبنفود
واسم واحد من شباب واجد الهوبر في البندرية

[العميد ابواروى]

تحيه طيبه يبناخي
وعساك على القوه

اليوم ان شاء الله (بالطبق) الي انت خابر
نبي ندور عسى نلقا

[koko psk]

الله يعطيك الف عافيه على صور رااائعه

[دليلة الصمان]

يعطيك الف عافيه والله يجيب الخير أن شاء الله

[جغم جغم]

ياسطان لا اكذبك ولكن عنوان الموضوع غير المضمون ولم تذكر تاريخ لتأكيد كلامك لهذا موضوعك غير موثوق فيه مع احترامي لك

[جغم جغم]

انا ودي اعرف من قال اني قلت فقعه ياعم الله يهديك انا أقول هوبر وبينهم فرق
وش جاااااااااااااااااااااااب العرجون للهوبر انا مهب أول مره شوف عرجون

اخوي تاكد اني لم أقل انه فقع انا أقول هوبر
وعرف انواع الفقع الي يظهر بالجبل والبنفود
واسم واحد من شباب واجد الهوبر في البندرية


انت قلت بعنوان الموضوع
عاجل /بداية ظهور الفقع
ما ذا تسمي هذا
هل هي اثارة ام استخفاف بعقولنا

اتمنى من الادارة الانتباه لمثل هذا المواضيع المسيئة لمصداقية المنتدى

[راعي الطيار]

هذا عرجون طيييييييييييييييييييييييييييييييييب

[alsalehm]

طيب الله اوقاتكم بالخير والمسرات للجميع ،،،
مشكور يا السنيدي على الصور والمقال ،،، ويعطيك العافية يارب ،،
واذا كان هوبر او عرجون جهد مشكور وملاحظة جيدة وإن شاءالله ها السنة نبي نعين خير من العراجين والفقع .

[سلطان السنيدي]

ياسطان لا اكذبك ولكن عنوان الموضوع غير المضمون ولم تذكر تاريخ لتأكيد كلامك لهذا موضوعك غير موثوق فيه مع احترامي لك


طيب انا وثق لك تاريخ 23/11 / 1429هـ يوم الجمعة ساعة 9 صباحاً الموقع !!!
بعدين اخوي تمنى تسأل بنفسك أهل الخبره في مكان الفقع وهل ظهر
هذا النوع

اما انك تقول اني استخف اناس بالموضوع !!
اخي الغالي أول شي معروف ان الهوبر هو بداية ظهور الفقع ابشاره لناس

[الهوبجة]

يا اخوان فيه حاجة مهمة نسيتوها الا وهى الرائحة فهى التى تميز هل هو اجبه او عرجون او فقع. المعروف ان رائحة الفقع مميزة ومحبوبة!!!!
بعدين يا اخوان اذا كان الموقع الذى تكلم عنه العزيز صاحب الموضوع قد جائه وسم مبكر فلم الأختلاف؟

[ابو دعفس]

الله يعطيك العافيه وتقبل مروري وننتظر جديدك

[سلطان السنيدي]

انت قلت بعنوان الموضوع

عاجل /بداية ظهور الفقع
ما ذا تسمي هذا
هل هي اثارة ام استخفاف بعقولنا


اتمنى من الادارة الانتباه لمثل هذا المواضيع المسيئة لمصداقية المنتدى


ذكر لك علامة الثانية واقول لك بداية ظهور الفقع
انا لم أقل ظهور الفقع قالت بداية

0000000000
هذا طول الله عمرك ذعلوق
والشاعر يقول/
لسنبل الذعلوق ترى الفقع مذيوق

والذعلوق معروف راعين الكشتات وان شاء الله
انه حول يسنبل يعني عشر ايام ويسنبل
الصوره اليوم السبت 24/11/ 1429هـ ساعة 8 صباحاً

http://www.islambl.com/up/uploads/images/islambl-955092c40e.jpg (http://www.islambl.com/up/uploads/images/islambl-955092c40e.jpg)

هذا المكان الثاني الذي تم فيه البحث
http://www.islambl.com/up/uploads/images/islambl-f8b1577aca.jpg (http://www.islambl.com/up/uploads/images/islambl-f8b1577aca.jpg)

المكان المعروض في هاذي الصوره صغير جداً
http://www.islambl.com/up/uploads/images/islambl-141a6e6c87.jpg (http://www.islambl.com/up/uploads/images/islambl-141a6e6c87.jpg)


هذا الفطر لي تكلمت عنه وهو سام على المعلومه الي عندي ليجي واحد يسحبه
عرجون !!
http://www.islambl.com/up/uploads/images/islambl-e43fb734da.jpg (http://www.islambl.com/up/uploads/images/islambl-e43fb734da.jpg)

تحياتي

[سلطان السنيدي]

يا اخوان فيه حاجة مهمة نسيتوها الا وهى الرائحة فهى التى تميز هل هو اجبه او عرجون او فقع. المعروف ان رائحة الفقع مميزة ومحبوبة!!!!
بعدين يا اخوان اذا كان الموقع الذى تكلم عنه العزيز صاحب الموضوع قد جائه وسم مبكر فلم الأختلاف؟

صحيح أخي الكريم انا مهب أول مره شوف العرجون معروف ريحته والفقع معروف ريحته

بس المشكله اني صورت الصوره من فوق واسباب اني مستخدم عدسة الزوم ولى هي شكلها دائيري