سكاكين خوجه

[باترول98]

السلام عليكم ورحمه الله وبركاته

استفسار ياشباب وين القاء سكاكين وسواطير خوجه في الرياض :confused:

[سيف العدالة1]

اعذرني اخوي باترول98 على التطفل
انحصل بعد ندري وين محله في الخبر او الدمام

[البكيريه]

السلام عليكم
انا من اهل نجد لكن ظروف العمل اجبرتني ان اعيش في المنطقه الجنوبية ومن خلال الكشتات والتجول بالمنطقة رأيت (سكاكين خوجه) بكثر واسعارها من 150 الى 250ريال

[قناص خلاوي]

خوجة ياغالي محله بمكة الله يشرفها
كان قريب من الحرم بشارع غزة
ثم نقل بعد هالتوسعات اللي صارت ولا أدري وين
وحسب علمي البسيط ماله فروع بنجد كلها

[باترول98]

طيب اخوي قناص خلاوي مافيه محل في الرياض يورد من عنده

[حجازي اصيل]

اخي في الله سكانين خوجه عده انواع

1- خوجه الاصلي صناعته الماني وسعر السكين الان 300 ريال و هذا سعر مبالغ فيه .
2- خوجه درجه ثانيه صناعته جنوب افريقيا ب 10 ريال وانصح بها ممتازه .
3- خوجه بدون درجه صيني ما يسوى .

[باترول98]

يعطيك العافيه اخوي حجازي اصيل لكن وين احصلها في الرياض

[عاشق z71]

يووووووووووووووووووه
ذكرتني بعهدن مظى

اذا حصلت تكفى حطلنا رد هنا عن مكانها يالذيب

[mr_ams]

لقيت سكين مكتوب عليها خوجة و ميد ان جيرمني يعني الماني 25 ريال يقول اصليه

[الضاحي]

اذا تقصد سكين خوجة الردادي (مطوية) ام قظاب خشب فهذي تراها تصدي بناء على كلام خوجة نفسه

جاب نوع ستيل ما يصدي بس الشكل مختلف

المحلات موجودة في مكة المكرمة فرع في سوق العزيزية وفرع في سوق وقف الملك عبدالعزيز جنب الحرم

ان حصل تزورة فلاتتردد لأن عنده سكاكين من كل نوع وكل مقاس

[مسك الحجاز]

أتوقع أخي الكريم أن تجدها في اسواق الزل بالرياض , شمال المحكمة الكبرى , ويصير السوق شرق امارة منطقة الرياض . . . . عساني أفدت بس ,’,,,وتحياتي

[ابو ريتال]

طيب ايش رايك بهذي


http://www.a7bk-a-up.com/img1/WlT33314.jpg

[حكيم الدين]

السلام عليكم ورحمةالله وبركاته

سكاكين خوجه توجد عن محل بانبيل في الرياض مقابل سوق العثيم في حلة العبيد

[باترول98]

ابشر اخوي عاشق z71 اول ماحصلها لك وحده مني هدية

تكفى اخوي mr_mas وين حصلتها فيه

والله مادري اخوي العافور لكن انا شفت وحده مع ولدعمي سكين وساطرو بس استيل لكن ماشاء الله عليها مايردها شي والساطور نحطب بها ولا تتكسر سنتها :eek: بس بعيت استفسر وين القاها فيه في الرياض:confused:

خوي مسك الحجاز وين بظبط
اكبر من هذي يابو ريتال بس لو حصلت هذي منيب قايل لا:D

[باترول98]

يطيك العافيه اخوي حكيم الدين اليوم العصر ان شاء الله عند محل بانبيل وانشاء الله اني احصلها وارد لكم

[باترول98]

اخوي حكيم الدين رحت لمحال بانبيله وماحصلت النوعيه الي ابغهاء والسواطير ماعنده الا النوعيه الي زي السكين

[وحيد بزماني]

الي عند بانبيله بس الصغيره ماعنده سواطير خوجه

[ابو خالد 8]

اذا تقصد سكين خوجة الردادي (مطوية) ام قظاب خشب فهذي تراها تصدي بناء على كلام خوجة نفسه

جاب نوع ستيل ما يصدي بس الشكل مختلف

المحلات موجودة في مكة المكرمة فرع في سوق العزيزية وفرع في سوق وقف الملك عبدالعزيز جنب الحرم

ان حصل تزورة فلاتتردد لأن عنده سكاكين من كل نوع وكل مقاس


وين بالظبط اللي جنب الحرم
ياليت الوصف بالظبط
والرقم اذا موجود


اخوك ابو خالد

[مشعل العيسى]

يالغالي .. شف عندك في ايكيا سكاكين تجي طقم ثلاث حبات .. لدرجة انها تقص عضم الدجاجة ولون ممساكها ابيض
سعر الثلاث 35 ريال .. ورائعه جداً جداً ..
وعندك فكتوريا هذي ممتازه ..
ووالله شاري سكين قيمتها 5 ريال وتصدق انها من افضل السكاكين اللي عندي ولكن خذها واحد من الشباب واستحيت اطلبها منه ..

القصد ان السكين ليس شرط ان سعرها اذا كان غالي انها جيد وليس كذلك شرط انها اذا كانت رخيصه انها رديئه ..

انا شريت عدة سكاكين وسعرها غالي ولكن بعضها غير مناسب ..