المساعد الشخصي الرقمي

مشاهدة النسخة كاملة : سوق الطيور في الخوبة(الصقور)


السنافــــــي
01/03/2004, 09:55 PM
السلام عليكم ورحمة الله وبركاته
ودي اسال اهل الخبره عن سوق الخوبه الشعبي للصقور
اريد معلومات عن السوق بشكل عام ومتى يبدا وماهي انواع الطيور التي تباع هناك
وهل السوق رخيص ام لا واين يقع على خارطة السعوديه وكم كيلو من الشرقيه الى هناك
واسمحولي على الاطاله وجزاكم الله الف خير اخوكم السنافــــــــــي
البراوي
05/03/2004, 08:24 AM
ابشر من بينشد لك

بس تره مو ذيك الدرجه

اصبح السوق لكل الطيور وكل ماهب ودب

تحياتي

البراوي
صقر
05/03/2004, 01:31 PM
اخوي البراوي

حياك الله

فيه موضوع تم طرحه في مكشات عن السوق بس انا حاولت ابحث عنه وما قدرت... معلومات كاملة ..

الموضوع تم طرحه خلال أشهر الصيف الماضي...

عموما انا بحاول ابحث لك عنه وازودك بالرابط..

واسمح لي عن القصور

وبارك الله فيك.
الدبل الثقيل
06/03/2004, 12:39 AM
ياخوي مايستاهل العنوة اشتر طير من الشرقية او الرياض ابرك لك وافر لك ...
انا رحت للسوق الصيفية قبل الماضية وكنا في ابها .. المهم هو في منطقة جيزان تمر بابو عريش وصبيا والصراحه نسيت الوصف .. لكن من ابها الى سوق الخوبة من 270 الى 300 كم تقريبا وأذكر ان يومهم الخميس لكن مكان وصخ وعالم فقراء الله يغنينا واياهم .. حتى اليمنى اللي جايبين الطيور حاطينها في كراتين واسعارهم غالية فرخ الشيهان الجبلي ب 1500 ريال
وهذ الكلام مجرد رأيي الشخصي وانا من اهل جدة.. وجزاكم الله خير..
امير الرفيعه
07/03/2004, 07:52 PM
اخوي السنافي السلام عليكم ورحمة الله وبركاته...........
بالنسبه لسؤالك فالسوق اذا ماتعرف فيه احد ( احد اهل الخوبه ) يجيبلك طيور فلا والله مايستاهل العنوه
وبالنسبه لاسعارهم فهي متوسطه نسبيا . وانا محاكيك رحلته هالسنه والعام ومافيه شي يستاهل لأنهم اذا انت ماتعرفهم بيعطونك من الطيور اللي ماودك تشوفها ومثل ماقلتلك لازم تعرف واحد ..........
وبالنسبه عن بدايته يبدأ من نص شهر 8 الى نهايه 10. ويبعد عن مدينه ابها حوالي 200 كيلو متر
واذا تبغى الوصف الدقيق على طريق جيزان ابها الى ماتوصل مفرق ابو عريش وتفرق معه وتتعدى ابو عريش واحد المسارحه بعدين يجيك مفرق الخوبه وتفرق معه الا ان يجيك السوق على اليسار ( سوق شعبي )
ولاتتوقع انه سوق وسوقهم بعد صلاه الفجر الى الساعه 8 صباحا ..........

*******************

وتقبا تحياتي ..............

********************

اخوك امير الرفيعه.
الرمله
21/03/2004, 11:51 PM
اخوي السنافي .
تستاهل يابعدي بحثت لك عن طلبك ولقيته ورفعته (سوق الخوبه الشعبي ) للعضو المميز المفقود( قيال) في خيمة الرحلات البريه والاثار .

تحياتي ..
الـبــدووووي
22/03/2004, 10:21 PM
الأصل كُتب بواسطة الرمله
اخوي السنافي .
تستاهل يابعدي بحثت لك عن طلبك ولقيته ورفعته (سوق الخوبه الشعبي ) للعضو المميز المفقود( قيال) في خيمة الرحلات البريه والاثار .

تحياتي ..

وشكررررررررررررر
الرمله
22/03/2004, 10:52 PM
المعذره ....
الموضوع موجود في خيمه الحياه الفطريه .

تحياتي ..:j