المساعد الشخصي الرقمي

مشاهدة النسخة كاملة : عمل التمر والبر والسمن والاقط ( بالصور) لا يفوتك


ابن شارخ
02/03/2004, 02:37 PM
التمرية او المبروكه او المفروكه او الشعثه على طريقتنا المتواضعه وكلٍ يسميها اسم

اول شئ هذه الاكلة ما نسويها الا بالبر وبعد صلاة الفجر مباشرة وعلى الوجار وفيه جمعة نشاما
ومقاديرها حسب عدد الاشخاص يعني خلنا نقول ثمانية اشخاص
ثلاثة كاسات بر
كيلوا تمر منزوع القمع والطعام أو عجينة تمر نادك
فنجال سمن بري
زبده غنم اربع ملاعق
ملعقه كبيرة هيل مطحون ناعم
فنجالين طحينية ( حسب الرغبة)
كاس حليب
اقط مطحون ناعم جدا
http://www.mekshat.com/pix/upload/images4/DSCN0580.jpg

الطريقة نحمس الطحين البر على النار حتى يميل لونه الى البني فاتح
http://www.mekshat.com/pix/upload/images4/DSCN0581.jpg

نحط الزبده ونخلطه مع الطحين ونفتته بالملعقه ونحركه حتى يتفرق البر
http://www.mekshat.com/pix/upload/images4/DSCN0582.jpg

نبعد القدر عن النار ونضع التمر ويفضل ان التمر يسخن شوي حتى يتفلل مع الطحين ونقوم عليه باليد
نخلطه مع الطحين البر ونفركه في اصابع اليد ونفرق التمر ونخلطة مع الطحين حتى يتفرق التمر
http://www.mekshat.com/pix/upload/images4/DSCN0583.jpg

نضع السمن وندعك الخليط ثم نضع الحليب وندعك الخليط حتى يصبح متماسك ونخلطه وندعكه باليد
وشوي شوي نضع الهيل وشوي شوي نضع الاقط
http://www.mekshat.com/pix/upload/images4/DSCN0585.jpg

وندعك حتى يتماسك الخليط ولا يكون يابس ولا يكون لين

http://www.mekshat.com/pix/upload/images4/DSCN0586.jpg

والاقط يذر عليه شوي بعد ما يوضع بالصحون حسب الرغبة وبشرط تكون القهوة والمه.

http://www.mekshat.com/pix/upload/images4/DSCN0587.jpg

بالهنا والعافية

تقبلوا خالص تحياتي
اخوكم
ابن شارخ
الجمس الحمر
02/03/2004, 03:00 PM
الله يعطيك العافية

تبي من يطبقها إن شاء الله
الجوني
02/03/2004, 03:14 PM
ابن شارخ تسلم لنا ... وأبشرك تم اضافه الموضوع الى قائمتي المفظلة .... وشكلي اذا جيت ابطلع للبر اباخذ الكمبيوتر معي عشان اطبق الطبخه :) وزيد يامبدعنا
( برى بحرى)
02/03/2004, 04:35 PM
جوعتنى والله لكن بالعافيه على اللى عملها
((( الحر)))
02/03/2004, 04:44 PM
بارك الله فيك اخوي ابن شارخ...!!!

ماخليت شي من الوصف ... والصور ابلغ...!!!

لاكن الحليب المستخدم في الخلطه سائل مثل السعوديه والصافي..او بودره...!!!

مشكور 1000 يالغالي

تحياتي................اخوك.................((( الحر)))
فرد حمزة
02/03/2004, 06:03 PM
ابن شارخ

ياجعلك سالم وغانم

وعسى ربي يحرم هاليدين والوجه على النار

يجزاك الجنة

بجربها :)
الملثم
02/03/2004, 06:35 PM
وعليكم السلام ورحمة الله وبركاته

عز الله انك ماقصرك

شرح وافي

وصور روعة
ابن شارخ
03/03/2004, 07:42 AM
هلا وغلا الجمس الحمر

الله يعافينا وياك من كل شر
لا يخوي جربها وصدق ما تندم وكل ما كان التمر طيب مثل خلاص عز الله انك بتاكل وبتدعي لي

وبالعافية عليك

اخوك
ابن شارخ
ابن شارخ
03/03/2004, 07:57 AM
هلا وغلا اخوي الجوني

لا ضروري تضيفها الى قائمة الطبخات المفضلة وصدق ما راح تندم لان الضيوف اللي جونا للبر
ما بقى واحد ما قال ياخوي لا صار بكرة تكفة عطنا مقاديرها ونبي ننتبه وانت تسويها

الله يوفقنا وياكم لما يحب ويرضى

تقبل تحياتي
اخوك
ابن شارخ
ابن شارخ
03/03/2004, 07:59 AM
هلا وغلا اخوي بري بحري

ان شاء الله ما تجوع يالغالي ولا تضمى
الله يعافيك وشكرا على مرورك على موضوعي

تحياتي
اخوك
ابن شارخ
ابن شارخ
03/03/2004, 08:01 AM
هلا وغلا اخوي الحر

اشكرك على مرورك وعلى قراءة موضوعي المتواضع
اما عن الحليب اللي استخدمته انا حليب خلفات طازج توه محلوب، والحليب البودر ما انصح فيه
استخدم المراعي او نادك او الحليب الطازج

تحياتي لك
اخوك
ابن شارخ
ابن شارخ
03/03/2004, 08:03 AM
هلا وغلا اخوي فرد حمزه

يا جعلك تسلم يا بعدي
اشكرك على مرورك وعلى تعليقك
وانصحك لا تطوفك هالاكله والله انها على الريق مع القهوة عز الله ما تبي غيرها

وجزاك الله خير على هالدعوة الطيبة

تحياتي لك
اخوك
ابن شارخ
ابن شارخ
03/03/2004, 08:16 AM
هلا وغلا اخوي الملثم

ما عليك زود يالغالي

اشكرك على مرورك وعلى تكرمك بقراءة موضوعي المتواضع، الله لا يهينك

تحياتي لك
اخوك
ابن شارخ
عريدان
03/03/2004, 09:18 AM
السلام عليكم ورحمة الله وبركاته
أشهد بالله إنك شارخ على مسماك . وش هالطبخة الأميريه ( بقي حبه وتصير ملكيه). والصور الزينه اللي شرخت كبودنا من الزين.
ما أقول الا يا حظ من هو خويك يالشارخ.
الا إنت من " الشارخ" والا أسم يعني هيك حيا الله.
ابو ايمن
03/03/2004, 12:14 PM
تسلم والله يابن شارخ . ماقصرت ..

ان شاء الله بكرة الخميس نطبقها ..

تحياتــــي .
تالي الاولين*
06/03/2004, 03:39 PM
.


عز الله ماقصرت يابن شارخ

ويبيلها تجربه ....

شكلها صبوح ماتدور عقبه مضحى

يعطيك العافيه يالغالي


.
سنـــــــــام
09/03/2004, 01:29 PM
جعـــل يديــك ماهن للكسر قــل أميــن :)
وبارك الله فيك وعالفيه عليك أنشاءالله ...تحياتى وسلامي.
هاجس
09/03/2004, 01:47 PM
لاهنت يابن شارخ . . .

شرحك وافي . . .

تحياتي
laith
09/03/2004, 02:30 PM
شاعرنا "ابن شارخ" الله يحفظك

الاكله هذه معروفه جدا جدا ...... ;)
ولدي منها عدة موديلات وبعض الفروقات بحسب المكان والزمان اللي راح تسويها فيه... انشاالله رايح ادرجها بالمنتدى باسرع وقت

ياسلام عليك ياشيخ. :good:
جنوبي الغاط
14/03/2004, 03:01 PM
مشكور ابن شارخ على الوصفة
ابو عايد
14/03/2004, 04:24 PM
ياسلام اخوي " ابن شارخ " موضوع رائع وجديد بارك الله فيك لذا الله يعطيك العافيه

جهد تشكر عليه و ما قصرت ولاهنت

تقبل تحيات // العاشق الولهان
ريف النشاما
04/06/2004, 01:59 AM
(((أبــــن شارخ)))

مشاء الله عليك .... بارك الله فيك على الشرح والمقادير

سبحان الله مع اني أعرف الطبخه وجربتها .....

لاكن شرحك وتنسيقك شدني وكاني اول مره اشوفها

تسلم يالغالي :good:
الضاري
06/06/2004, 05:42 AM
ألاخ العزيز / ابن شارخ

مشاء الله عليك ... عزالله أنك ما قصرت شرح وافي ومدعم بالصوررررر .. ياسلام

وياسلام لو يحصل أحد هالصحون اللي مصفوفاة .. ماعندهن أحد..:D

ذكرتني ... مرة سويت هالطريقة بالوصف (( واللي ياصف لي الطريقة .. لو تشوف وجهة تقول .. ياربي لك الحمد )) المهم حست الطريقة حوووووس .. المهم نهاية الطريقة .. كبيناها للغنم .. حتى الغنم ما كلت الطبخة ..:D

غنم فسقانة .... (( واحد يبي يرقع السالفة )))

تحياتي
الغزال الشارد
02/06/2009, 09:04 AM
ماشاءالله تسلم يمينك وبيض الله وجهك وبالهناء والعافيه!!!!!!
دغــ أبومحمد ــيم
02/06/2009, 01:29 PM
ما شاء الله جعله بالعافيه
mo7taj
02/06/2009, 02:04 PM
ماشاء الله اكلة طيبة........
«نجم الخير»
02/06/2009, 02:31 PM
الله يعطيك العافية
العتين
03/06/2009, 09:29 AM
ماشاء الله
هاوي داورد
03/06/2009, 09:40 AM
موضوع جميل يبي من يطبقه بس انك طباخ ماهر
:hot: :hot: :hot:
راعي الطلعات
03/06/2009, 10:44 AM
بيض الله وجهك والله على هذه الطبخه الطيبه والسريعه

ننتضر جديدك
البديوى
03/06/2009, 11:12 AM
تسلم ايدك وما قصرت
shaheen70
03/06/2009, 12:51 PM
عز الله انك ماقصرك

شرح وافي

وصور روعة
نورين
03/06/2009, 01:36 PM
السلام عليكم ورحمة الله وبركاته

يعطيك الله الف عافيه يا شيف ابن شارخ على الوصفه السريعه

وبارك الله فيك
دهران
22/06/2009, 08:11 AM
الأخ الغالي / ابن شارخ


:good: :good: :good: :good: :good:


http://www.mekshat.com/pix/upload02/images79/mk17809_1000shoker.gif


موضوع قديم يستحق الرفع .


ننتظر المزيد من هذه الطبخات الجميلة .



الرجاء المرور على هذا الرابط (http://www.mekshat.com/vb/showpost.php?p=2825048&postcount=2)


وتقبل أعذب وأرق تحية .
عاهد بن علي
22/06/2009, 08:30 AM
تسلم يا لسنافي

الله لا يهينك على هذه الطبخه
ألأطلسي
22/06/2009, 11:44 AM
عزالله انه وجبة الشتاء اللي ماتفوت تسلم ايدينك