لأهل الخبره في الدرابيل

[في اكس ار]

السلام عليكم ورحمة الله وبركاته

حبيت استفيد من خبرتكم يا اخوان من ناحية الدرابيل انا ناوي اشتري دربيل عدستين وماهوب للصيد في الدرجه الاولى لاكن للصيد والبحث عن الأبل والتأكد من الأشياء البعيده

فيه ناس نصحوني بالجلوري وفيه ناس نصحوني بالستاينر وفيه ناس نصحوني بالصقر

وابي رايكم يا اخوان والله يكتب اللي فيه الخير :::

[يوسف 206]

السلام عليكم اخوي دربيل الصقر هو ستاينر وهو دربيل ممتاز وراكد اتوقع انه افضل من الجلوري تحصله بحدود 1200
لكن السايز افضل من الستانر لكنه غالي اسعاره من 5000وطالع

[alwheed2]

سايز 00من الدرابيل المعروفة في الدقة والوضوح ولاكن اسعارها من الاربعة وطالع
00بوزشنل00 امريكي وهو جيد ايضا وهو من 600 مئة وطالع وبض الرابيل تسبب الم بالراس
الابعاد 8x35 او10x35 من واقع تجربة
الوحيد2

[دروب السهر]

ياليت الاخوان اللي عندهم خبره يشاركون بالموضوع ويفيدون اخوانهم اللي فعلا يبحثون عن اجابات شافيه





الكل يعلم ان السايز هو رقم واحد ولكن سعره مكلف شوي لذلك ياليت تطرحون لنا من واقع تجاربكم

انواع اخرى تكون جيدة الاستخدام

[في اكس ار]

وين اهل الخبره في الدرابيل

اللي عنده معلومات لا يحرمنا منها الله لا يهينكم

[في اكس ار]

مرحبتين بالشباب

انا اليوم رحت لوكالة ستاينر وحصلت عندهم ستاينر الصقر 8×30 سعره 650 ريال

وفيه الصقر رقم 2 وهو 7×50 وسعره 1150 ريال

والصدق انا اخذت الاول اللي سعره 650 وطلعت برى المحل وجلست حوالي 10 دقايق ادربل واقز العماير البعيده وشوف وضوحه الصدق ينقال عزالله انه واضح والعاده ان الدربيل اول ما تشيله عن عيونك يلفك راسك وهذا عادي ما حسيت بشي منه .

[بارود برنو]

للاستفاده اكثر عن الدرابيل

http://www.mekshat.com/vb/showthread.php?t=1429 (http://www.mekshat.com/vb/showthread.php?t=1429)

بالتوفيق

[غربيل]

عليك بالزايس وبس لك وللعمر

[alblsam0409]

السلام عليكم ياشباب ودي الله يحفظكم تدلوني علي وكبل دربيل الصقر الألماني في الرياض شاكرا مشاركاتكم


أرجو الرد عآجلا ..

وجزاكم الله خير

[الجندلي]

السلام عليكم
من قال ان الزايس هو الافضل حاليا !!!الكلام هذا انتهى مع انتهاء تصنيع الزايس في المانيا

الدربيل يعتمد على ميزانيتك
افضل الدرابيل حاليا
el من سواروفسكي(يصنع في النمسا) و ultravid من لايكا(يصنع في البرتغال وهو الماني) يليها زايس
وهذي اسعارها مرتفعه جدا ...من 5000 وطالع
ياتي بعدها دربيل نيكون ..ولكنه غير متوفر بالسعودية
افضل الموجود بعده الجلوري الياباني ثم الستنر الالماني
انا امتلك دربيل سوارفسكي el ودفعت فيه مبلغ ليس بالقليل ...(بعد ان جربت لايكا و زايس وبعدة انواع )ولكن والله اني كل يوم ادربل فيه احس اني استثمرت فلوسي استثمار ناااجح ...
وللمعلومية الدربيل الغير جيد يسبب الصداع والحرارة في العين واحساس بعدم التوازن عند المشاهدة فيه لمدة طويله
تحييياتي

[ALSARAP]

الله يعطيك العافية

[راشد الخلاوي]

الفكسار * أخوي الموضوع وما فيه على أوضاعك المادية ويدلك على الخيل أثمانها أنكانك عندك أستطاعة تدفع عليك بالسايز والشوارافسكي والألايكا وأنكانك مثلنا حولك حواليك عندك الجلوري والستنر .

أخوك الحلاوي