*** نـجـد الـعـذيـه ***

[جلمود الجبيرى]

السلام عليكم ورحمة الله وبركاته
قصيده جميله ولكن لااعلم من قالها ارجو من يعرف اسم الشاعر يفيدنا مشكورين
مـتـى نـمـد الـنـظـر --- بـديـار نـجـد العـذيه
عـقب ارتوت بالمطر --- في ليلةٍ وضحـويه
ديمه من امس العصر --- وامسأ عليها برديه
برقـه يعـشـق السهـر --- اوبله من الله هديه
وتصير روضٍ خضر --- بقدوم عيد الضحيه
شـوفـه يـزيـل الكـدر --- عـن كـل نفسٍ شقيه
هـاذي طـراة الـعـمـر --- مـمـشاً بـنجـد الـعـذيه
ارجو ان تكون نالت استحسانكم

[جرير]

هلا بك جلمود طولت الغيبه عن الخيمه
عسي المانع خير
ومن جاء ماغاب
فعلا ابيات حلوه في وقت المطر
وهي حسب ماسمعت لشاعر يقال له حجاب المطيري
ومنشده ايضا.
لك التحيه وهذي هديه مني لك
.

قم يافهيد وشب نار كبيره=واصرم عليها من الحطب لين تعتز
نار لها مع طلعة الشمس نيره=ليشافها العمسان عقب العمس فز
وهات الدلال وحطهن بالحظيره=واجذب لها جمر الغضا واترك القز
حتى الى جونا الوجيه السفيره=على تنابيل يكزونها كز
يلقون فنجال شرابه بريره=يطرب لها العمسان ليمزها مز
ومن عقبها كبش اشحومه كثيره =الى جت موجيبه يقلط على رز
في روضة عقب المطر مستديره =من سيلها تلقا بجيلنها حز
ليهب ذعذاع النسيم بغديره =تلقا بها الغرنوق والبط والوز
وش خانة الدنيا الختول الغريره=ليما ادرك الرجال باطرافها عز
نفرح بها نبي الشرف والستيره =وعن حاجة تحوج لمن لا يميز
تمسي بها وامن وتصبح مغيره =ولابد من صدفاتها لو تحز
خاب وخسر من حطها له ذخيره =والموت راياته على الناس تهتز
لبد من قبر هيام حفيره =فوقه طويلات النصايب تركز


محمد بن ناصر السياري

[جلمود الجبيرى]

اخوي جرير هلابك وغلا وانتم قريبين من القلب لو ابعدنا الله يحفظك شرفني مرورك وهديتك غاليه وهاذي رائعه من روائع القصيد مشكور بارك الله فيك