الفقع في شرق الرياض اليوم كبر الفناجيل(مفاجئه)

[نواف الردعي]

هذا اليوم الاثنين 26/11/1429 هاتفني صديق لي وذكر لي انه شخصيا وقف على لقط الفقع المكتشف شرق الرياض في احد المساحات الخاليه ... اكتشفت مجموعه من الفقع
من احد الشباب واحضرها للصديق وماكان منه الى الانتقال للموقع ليقف عليها شخصيا ويتاكد وقد التقط صور لها وذكر انه تعادل بالحجم فناجيل القهوه وهذا مدهش جدا
وسأحاول جاهدا ان احصل على الصور .. اما الخبر فردوه عني واتحمل مصداقيته
اما الصور فواعدني انه سيرسلها هذا اليوم ولاكن بعد ان ينشر الخبر عبر جوال المناطق

الغريب في الامر وجود فقع في الوسم ............

[ولد وايل]

انتظـــــــــــــــــــــــــــــــار

[العراك]

الحمد لله وحده وهو على كل شي قدير وممكن المكان

[ربيع نجد2]

اخوي مستحيل ظهور الفقع الا بعد 50يوم من الامطار

اعتقد ان الموقع الذي وجد به الفقع يسقى من قبل الامطار

[فرغالي]

ماشاء الله شكرا بارك الله فيك

[محب سامي جوفي]

الله يجيب الي فيه الخير

[غرة سهيل]

ننتظر الصور

[العـربي]

الصورة خير برهان

وبدري على الفقع يابوالشباب

[عندك يابعدي]

ننتظـــــــــــــــــــر
ليش لا
السنةهذة بتكون سنة فقع
بإذن الله وكلا يبي يلقط
بشارة خيــــــــــــر وبــــــــــــــركة

[راعي نت]

الله يجيب الخير ان شاء الله

[نواف الردعي]

يا شباب لا تكذبوني شكلي محرج بس انا مازلت عند كلامي وتوني منزل السماعه من مدير جوال المناطق الي الاشتراك فيه على 800700ومننطقة الرياض ترسل 1 برساله على الرقم وهم يشيدون بمكشات وسينزلون الصور بعد المغرب وسوف انزلها بدوري هنا في مكشات على شان اطلع صادق والخبر صحيح يه بالميه
بعدين يا اخوان في بعض الردود الاخوان شكله ماهو مصدق والله الخبر صحيح والمكان الي فيه الفقع لايسقى كما ذكر بعض الاخوان حتى لنفرض انه يسقى 24ساعه لايمكن ان يطلع الفقع له وقت للسقياء ووقت للوع
يالله بعد الصلاه ان شاء الله تشوفون الردعي يجيب العلم والا لا

[نواف الردعي]

http://www.mekshat.com/pix/upload02/images88/mk3239_01.jpg
زبيدي بتاريخ 26/11/1429
http://www.mekshat.com/pix/upload02/images88/mk3239_02.jpg



سالم الحمود هو من وجدها اليوم
وجدها واستدعى زملائه هذا اليوم في مكان لايسمح التصوير فيه بشكل واضح
سيشك بعض الاخوان بمصداقية الصور
وانا بدوري اقسم بالله العظيم انها صحيحه وتحت مسئوليتي انه اليوم الاثنين ولكم شكري
ولي السبق ان كان في مكشات هذا الخبر من نواف الردعي

[windy]

ماشاء الله تبارك الله
صادق أخوي وجدنا ايضا فقع بالقرب من الرس قبل أيم قليلة

[برق4]

والله يا حبيب القلب ما اقدر اكذبك والتصديق ما اقدر ابلعه لأني انا بشرق الرياض والمطر ما جانا الا من كم يوم كيف راح يطلع فقع ومن مطره وحده يا أخي الفقع يبيله اقل شي بعد ما يمطر بالوسم حدود السبعين يوم الين يصير بهالحجم او اكثر ... مير لو انك قايل فقع بحجم صغير الهوبر مثل حبة الزيتون او الزبيب ممكن تنبلع .... وانا والله ما اكذبك بس ما ش ما ني مقتنع اسف لا تزعل مني

[الكونترولCONTROL]

لا تفوتكم حصاة وضاخ يا اهل القصيم
الوعد بعد اسبوعين ان شاء الله
قبل و بعد عيد الضحية !!

[هاوي الأمطار]

ماشاء الله تبارك الله

[ابو منصور2000]

فقع وكبر الفناجيل الله يجيب الخير

[نواف الردعي]

والله يا حبيب القلب ما اقدر اكذبك والتصديق ما اقدر ابلعه لأني انا بشرق الرياض والمطر ما جانا الا من كم يوم كيف راح يطلع فقع ومن مطره وحده يا أخي الفقع يبيله اقل شي بعد ما يمطر بالوسم حدود السبعين يوم الين يصير بهالحجم او اكثر ... مير لو انك قايل فقع بحجم صغير الهوبر مثل حبة الزيتون او الزبيب ممكن تنبلع .... وانا والله ما اكذبك بس ما ش ما ني مقتنع اسف لا تزعل مني


والله ما الومك ياطويل العمر
على طاري عدم تصديقك .. اسمح لي
في عهد الملك عبد العزيز رحمه الله في قبل توحيد المملكه...راح اثنين من حاضرة الرياض الى تركيا وشافو الراديو (الرادو)وانبهرو منه وعندما رجعوا للرياض جمعتهم عزيمه عند احد اقاربهم في عرس كبير وصارو الناس ينشدونهم عن تركيا ووش شافو فيها قال واحد منهم ملقوف مثلي ... يالربع لقينا لنا حديده تكلم عند الترك قالو له حديدة تكم قال ايه سمعتها انا وفلان يقصد صاحبه الي راح معه... قال حديدة ويسمونها الرادو ؟؟؟ انشدو فلان شافها معي ؟؟ قال خويه لاوالله يكذب ماشفت شي ؟؟ قال يارجال الحديدة الي تكلم .. قال ابد ماسمعت ولا شفت
انتهى العرس وخرج الاثنين من العرس وقال الاول راع السالفه لخويه ليش تكذبني قدام الناس .. رد عليه قال ياخي السالفه ذي ماتنقال عند الناس هذولا ...لايمكن يصدقونك وتبغاني انحرج قدام الناس ..لاوالله ماني مهبول مثلك .. والظاهر اني الاول راع السالفه
ما الومك يالطيب السالفه ما تدخل العقل ... لاكن هناك عالم فلكي اقرها اليوم عبر جوال منطقة الريض وقال يحدث ذلك ولا غرابه

[العزوم]

http://www.mekshat.com/pix/upload02/images88/mk3239_01.jpg
زبيدي بتاريخ 26/11/1429
http://www.mekshat.com/pix/upload02/images88/mk3239_02.jpg



سالم الحمود هو من وجدها اليوم
وجدها واستدعى زملائه هذا اليوم في مكان لايسمح التصوير فيه بشكل واضح
سيشك بعض الاخوان بمصداقية الصور
وانا بدوري اقسم بالله العظيم انها صحيحه وتحت مسئوليتي انه اليوم الاثنين ولكم شكري
ولي السبق ان كان في مكشات هذا الخبر من نواف الردعي



الله يعطيك العافيه
وبدون ماتقسم مصدقينك والله اعلم هذا (دفين) من اعوام سابقه وظهر بعد الامطار

تحياتي

[سهل777]

الله يكثر خير بلادنا
مشكور يا نواف

[الكونترولCONTROL]

لا إله إلا الله وحده لا شريك له له الملك و له الحمد و هو على كل شيء قدير (http://s7.ae.gladiatus.com/game/c.php?uid=54486)
سبحان الله و بحمده سبحان الله العظيم (http://s7.ae.gladiatus.com/game/c.php?uid=54486)

[مسلهم في سحاب]

كل شي جائز في زمن العجايب ؟؟!!!

[أبوعُمر]

الله قادر

و مصدق أخوي

[السنع كله]

زيزب فقعنا قبل ان يحصرم

[دغــ أبومحمد ــيم]

الله يتبع له بالسيل وماقصرت

[طلحة]

صادق يا اخوي من غير ما تحلف والله قادر على كل شيء

[ابراهيم2008]

تكفى وبسرعه عطنا الصور

[ولد الأجاويد]

الله يجزاك خير يا نواف
ونراك صادق إن شاء الله
لأن من حلف له بالله فليرض

[يوكن]

أنا اقول شكل فيه من هشوام طالعين رحلة في المكان إلي خويك لقى الفقع فيه ، وتطبخوا غداهم والزايد رموه ، تعرفون ماهو رز ولحم ، اكلهم ايدامات ومشويات ، أن اقول شكله كم حبة بطاطس ناسينه هشوام واخون يحسبه فقع ههههههههههه حلوه تجي ليه ما تجي ......؟:d

[مكشاتي الجزيرة]

الاخ نواف... ايش قصة جوال الرياض...

[نواف الردعي]

الحمد لله لقو الفقع
ولا عاد اعود ها اتكلم في شي مايدخل عقول الناس ... هذا درس لي الله يهديكم حديتوني عل الحلف وانحرجت
ارعص على الرابط تجد الفقع كبر الفناجيل في القصيم ماهوب فناجيلي ..
والغريب ولا واحد شكك في كلام صاحب الخبر اما انا ؟؟. هات يا تكذيب يالله الله يسامح من كذبني



http://www.mekshat.com/vb/showthread.php?t=172065