سمعت عن دربيل رخييييص للخرازة

[قروي]

السلام عليكم ورحمة الله وبركاته


الاخوة الكرام قريت في أحد الموضيع عن دربيل رخيص وممتاز للخرازة لكني نسيت وينه


اللي أنا متأكّد منه أنه مهوب ويبلي أو الأنواع المشهورة إذا فيه أحد يذكره يعلمني الله لا يهينكم




الشيء الثاني وش القاعدة الممتازة لدربيل ويبلي

الشيء الثالث هل محلات الرحلات تضمن وزنية الدربيل إذا أخذته من عندهم


أم أنه ممكن تتغير الوزنية مع الشيل والحط للبندق ؟



إلى مشرفن الخبير آسف إذا كان فيه موضوع يتكلم عن هالأمر وكررته

[الخبير]

السلام عليكم
ابد يا أخوي لا تنحرج.

انا أسمع عن وبلي من أكثر من واحد من الشباب ويمدحونه. لكن رخيصك بكم؟؟؟

هل هو 400 أو 1000

القواعد أشكال وألوان، تبدأ من 25 ريال. وتصل إلى 650 ريال.
الفرق بين القواعد المادة المصنوعة منها، بعض الدابيل إذا فكيته من البندق يحتاج إلى إعادة وزن، لكن مع الغالية ما يحتاج.

البنادق الموجودة مهيب قناصات أو مخصصة للقنص، هي غالباً بنادق تسمى رياضية لذلك لو تبي تثبت بندقك على ملزمة وتطلق كم طلقة تبي تلقى إنها ما تجي كلها في نفس النقطة، لكن تجي حول بعض.

اتمنى تفيدك المعلومات وإذا بغيت زود أبشر.

[Eagle]

نصيحتي لك ياخوي
احرص على القاعده السنعه للدربيل
لانه اذا القاعده ماهي مضبوطه الوزنيه راح تتغير مع كل رميه لانه الدربيل يتحرك

[alone]

السلام عليكم ورحمة الله وبركاته

أما بعد بانسبة لسؤالك عن الدرابيل فيه أنواع كثيرة بس من أفل ما جربت الشرلستون ياباني الصنع وسعره معقول تلقاه عند الهدف بالتخصصي ويازننونه لك مجانا.

[قروي]

وعليكم السلام ورحمة الله وبركاته



أخوي الخبير :

أبي الرخيص رخيص طلاب ملحطين:) ما هنا مكافأة تسوى ولا تجي إلا عقب حب الخشوم :mad:

المهم بس اللي أبي أعرفه

محلات الرحلات تضمن وزنية الدربيل إذا أخذته من عندهم ؟؟ أم أنه ممكن تتغير الوزنية مع الشيل والحط للبندق ؟؟؟؟؟



الشيء الثاني وش رايك في دربيل الشرلستون اللي يقوله أخونا alone ..؟؟؟

الشيء الثالث بالنسبة للقواعد هل صحيح أنه لازم تشال الشعيرة الخلفية اللي توزن البندق عشان أحط محله الدربيل وقواعده ؟؟؟ ولا فيه قواعد تحط بدون ماتشال الشعيرة الخلفية ؟؟؟





أخوي Eagle

وش أرخص :) (رجعنل على مادة ر خ ص ) قاعدة حليوه وتمشي ؟ وش نوعها ؟؟؟






أخوي alone

الله يجزاك خير معلومتك ممتازة أبسأل عن هالدربيل
كم سعر هذا الشرلستون ؟؟؟ لازم له قاعدة خاصة ؟؟؟

[alone]

السلام عليكم ورحمة الله وبركاته
ما بعد بالنسبة لسؤالك أخوي قروى فيه أنواع كثيرة زينة ورخيصة و القواعد وحدة بس نصيحتي إذا بغيت الدرابيل تعيش معك خذ القواعد الزينة لأنه إذا كانت القواعد خراط فمهما كان الدربيل فمهوب موقع أما أنواع الدرابيل الزينة عندك هاكو 250 و نوع ثاني لهاكو 550 و شايرستون 900 بس يستاهل أنت سير على الهدف و فيه واحد يقاله ماجد حبييب و مايقصر بالخصم (تراه سعودي) و في أمان الله

[الخبير]

السلام عليكم
حتى الآن يا القروي ما عطيتني سعر ( عطني ميزانية عشان أعلمك بالأفضل ).

ثانياً من ناحية القواعد مثل ما قلت قبل تراها أنواع واحد وكل واحد يختلف عن الثاني فيه إلي معادنها قوية وفيه إلي معادنها والله إنه!

لكن عموماً أنا أنصحك بإنك تبعد عن الرخيص لأنك تبي تشتري دربيل لفترة طويلة ( لأنك تقول إنك طفران ). شف نوع يقال له ورن هو أفضل ما شفت في السوق حتى الآن.