ياهل الخبرة وش الحل مع هذي الشيهانة البحرية المثلوثة

[ابوسعود 2]

السلام عليكم ورحمة الله وبركاته

ياهل الخبرة وش الحل مع هذي الشيهانة البحرية المثلوثة كل ما هديتها ع الحمامة تلحقها شوي ثم توقع ثم ترجع تلحقها مرة ثانية حوالي خمسين متر تم توقع يعني ما تلحقها متواصلة مدري وش السبب
للمعلوميه تراها سليمة من الامراض وقرنستها ممتازة ولا فيها اي عيب

وترى خبرتي بتدريب الطيور ما هي بالحيل وياليت تعطوني الحل معها

[ALAMIR]

اول طريقه
اقطع عنها العلف يوم
وجرب بعدها ولا تهد لها حمامه سلم
اتنف من الحمامه شوي بس خلها تطير
وبالتدريج وان ما طرحتها اتركها لليوم الثاني ان ما طرحتها لليوم الثاني الطير فيه شئ
والله يطعمك من صيدها

[مدماك]

اقصررر عليها بالعلف واذا ما صادت لا تعلفها لمدة يومين اذا ما هدت فمريضه ولا شي

[egyptianfalco]

this is good advise Alamair obey his advise

[أبو_خالد]

يمكنك تعشيها عشى طيب ليلة الهداد
وأخونا الأمير ما قصر

[الرجل الطموح]

انا اتوقع انها ضعيفه
لانها ماتقدر تسيطر
انا قول انك تعطها لمده ثلاث ايام حمامه كامله
ثم انك تقصر عليها شوي
واذا كنت تبي تطلع بكره
اعطها نص الثندوه وبكره هدها وشف
علشان انك تشوف هي فسقانه والا هي مقصور عليها بالعلف

[الحسن القاضي]

this is good advise Alamair obey his advise


أخي الكريم نحن في منتدى عربي سعودي أصيل خل الكلام الإنجليزي في المنتديات الغربية.
أرجو أن تتقبلها بروح رياضية وصدر رحب.

[الكرتون]

اول شي الطيره كملها وهي ماهدت

[ابرق آلريش]

اول شي تئكن انها مريضه ولا لا وجنحيها سليمه ولا لا
وكم لك ماهديتها

[عاشق البسيتين]

الطير سليم من الملوع

[راعي فزاع]

اول طريقه
اقطع عنها العلف يوم
وجرب بعدها ولا تهد لها حمامه سلم
اتنف من الحمامه شوي بس خلها تطير
وبالتدريج وان ما طرحتها اتركها لليوم الثاني ان ما طرحتها لليوم الثاني الطير فيه شئ
والله يطعمك من صيدها


السلام عليكم ورمة الله وركاته

هلابك
كلام اخوي صحيح في حال كان الطير صنيع

ترا الطير الهزيل ايضا مايهد
يعني الطير صنيع كان او هزيل مايهد
لازم تازنه ان كان صنيع تقصر له وتهده على حمامه ضعيفه وان كان هزيل ارفع شوي بالتدريج ولا تعلف هده على حمامه منتفه وضعيفه وخفف النتف يوم بعد يوم لين تشوف الطير ميزانه حلو وطياره احلى وقسه وثبته على هالوزنيه

كلامي واضح اخي صح وانت فيك الخير والبركه وتقدر تصقر افضل من غيرك
وتقبل مروري

[زعيم اسيا]

وعليكم السلاام ورحمه الله وبركااته..
اخوي نفس اللي حصل لطيرك حصل لطير عمي بس مو شيهاانه طير عمي حر ..
يهد حمام سلم ويلحقهاا بعدين يطيح . وبعد دقاايق يلحقهاا مره ثاانيه ..
مع المعلووميه ان طير عمي سليم من الاامرااض .
وعرفناا شنو السبب اللي ماايخليه يكون صامل في اللحق.( المدهنه تضيع ) عشاان كذاا الطير يعزل عن الحمام
ويمكن يكون سبب ثااني : يمكن انك تهد طيرك على صنعه ..
انشااء الله تلقى علاج لطيرك.. ويصيد معك .
بالتــــــــــــــــــوفيق يالغلااااا ..
اخوكــ : نـــــــــــــــــــواف:good:

[stewrd]

اخوي انا راي من راي الرجل الطموح لان هذا الشي صار معي الطير يبي الحمامه لاكنه هزيل وما يلحق بس انصحك انك تصنع الطير مزبوط وبعدها تقصر عنه مثل ما قلك الرجل الطموح ولك جزيل الشكر