هاااام لكل صاحب باثفندر مشكله عامه !!!!

[هواي البر]

السلام عليكم ورحمه الله وبركاته

يالله حيي القرووم وش اخباركم وعلومكم

اقول يا شباب عندي سياره باثفندر 2005 قير عادي

اولا : مشكلتي هي اذا مسكت طريق طويل او مشوار وفتحت النافذه اشم ريحه زيت محرووق !!
والجلده حقت القير متأثر من الحراره تتوقعون وش الحل ؟

ثانيا: اذا شغلت السياره اسمع صوت احتكاك خفيف في القير !!!
ياهوو مهبلبي ,,, وامس سمعت صوت ونه اذا دعست على الكلتش وبغيت اقوم السياره تزيد الونه واذا مشيت راحت ؟؟؟

ارجوا الرد للي حصلت معه المشكله ويدلنا على الورشه الخاصة في القيور ؟؟


والله يعطيكم عافيه
وشكرا

[فنجال السيف]

ريحه الزيت صارت لي على gxrوماادري وشي
بس صوت الكلتش اتوقع طبيعي
وتبي نصيحتي انسه ويصلح كلها وسوسه...;) ;)

[أبوناصر الدين]

أنا أيضاً عندي gxr2003اشم نفس الريحه ولا ادري وش السبب؟؟

[هواي البر]

ريحه الزيت صارت لي على gxrوماادري وشي
بس صوت الكلتش اتوقع طبيعي
وتبي نصيحتي انسه ويصلح كلها وسوسه...;) ;)

هلا اخوي فنجال السيف

اشكرك على رد بس اخوي مهب وسوسه لانه صوت واضح وقوي وانا اخاف يخرب القير ومكانك سر ؟؟؟

[abowesam2006]

السلام عليكم ورحمة الله وبركاتة

ياجماعة انا صارت لي المشكلة كان معاي باثفايندر 2003 وصارت معي هالريحة المهم بعتة خفت انه يسبب لي شيء

واشتري لي لاندكروزر 2007 جي اكس شريتة وكالة

ولما مشيت علية 40000 كيلو يعني لسا جديد والحين تطلع ريحة غير طبيعية مثل ريحة الزيت المحروق


ولما سالت ميكانيكي قال صارت في سارات كثيرة وقال الله اعلم انة من البنزين 95 يقصر في عمر الماكينة

والله اعلم

[أبونجم]

إذا الصوت مستمر على طول . يعني عندما تشغل السيارة وتمشي عليها . والصوت يروح لما تدعس كلتش .
أول شي تأكد من فحمات الكلتش (( اللي هي رمان بلي )) يجي مع صحن الدسك .
إذا طلع سليم .
عليك وعلى الوكاله يمكن صوت رمان داخل القير أو صوت تروس . ألحق عليه قبل لا يتكسر .

للمعلوميه أنا صار معي نفس المشكله وطلع : عدد 2 رمان بلي وترس كبير في القير وكلفني تقريبا 3000 ريال مع أجرة اليد في وكاله الحمراني الله لايربحة .....


وتقبل تحياتي ......

[أبونجم]

بالنسبه لريحة الزيت تفقد الدفرنسين والقير والدبل من التهريبات .... إذا سليمه تفقد الجلدة اللي تجي تحت الديكور حق القير يجي لها أربع أو خمس مسامير وكذالك الجلده الداخلية اللي تجي على قاعدة عصا القير يمكن مقطوعة ....

[المدرعم 2]

السلام عليكم
اذا كانك مركب دزق وكلتش وفاك القير ترى الى فكة قطع جلد وهي طلع الريحة والصوت يعني مافية عازل والجلدة تقريبن 250 تجي تحت الجلنط تأكد

[هبوب]

الله يعينكم على ها الموتر والورش نصب واحتيال

[النايفLx]

تبي النصيحه صرف السياره ولاتقرب مثل هلاشكال ماوراه الا التعب والخساير

[الوسيطاء]

اخوي من ناحيه الريحه رح لمحلات قطع الغيار وقلهم ابي اصلاح عصى قير الاعلوي

والصوت يظهرلي من الحذاف بس تأكد منه افضل

[موادع الشرقيه]

السلام عليكم ورحمه الله وبركاته



اولا : مشكلتي هي اذا مسكت طريق طويل او مشوار وفتحت النافذه اشم ريحه زيت محرووق !!
والجلده حقت القير متأثر من الحراره تتوقعون وش الحل ؟




وعليكم السلام ورحمة الله وبركاته

اخوي هواي البر
بعطيك حل مؤقت في مشكلة الريحة هذا
بما انها صارت لي وتعقدت منها

أولا رح لأقرب بنشر وخذلك قطعة لستك (تيوب) وقصة خلها يصير دائري بحجم كف اليد

بعدين رح للموتر وتفك الكور اللي على رأس القير والدبل اللي مكتوب عليها النمر
وبعدين تفك الديكور اللي حوله (ترى ما يبله شي كله كلبسات ) بعدين بتشوف عصا القير حديدة وأخرها جلدة مدرجة ولو تبعد الجلدة عن عصا القير راح تلاحظ جلدة داخل مقطوعة وعليها زيت وهذي هي سبب المشكلة
المهم تقوم على اللستك وتجرحه من النص جرح بسيط وتحطه على عصا القير وتبدا بسحبه على تحت وكل ما سحبة على تحت كل ما توسع الجرح على شدة عصا القير واسحبة لين تغطي به الجلدة المدرجة اللي بأخر عصا القير
وكذا راح يكتم الريحة .وممكن انك تدبل اللستك .

اتمنا اني افدتك
وأي سؤال انا حاضر .

اخوك /موادع الشرقية

[هواي البر]

السلام عليكم
اذا كانك مركب دزق وكلتش وفاك القير ترى الى فكة قطع جلد وهي طلع الريحة والصوت يعني مافية عازل والجلدة تقريبن 250 تجي تحت الجلنط تأكد


هلا اخوي المدرعم اشكرك على ردك

بالنسبة لسيارتي انا غيرت الدزق وفحمات الكلتش ورمانه يعني بالعربي فاك القير !!!

واتوقع كلامك صحيح طيب القطعه هذي وش اسمها وهل احصلها في محلات عادي ولا لازم الوكاله ؟؟



واشكر الجميع على الردود والتفاعل

[هواي البر]

وعليكم السلام ورحمة الله وبركاته

اخوي هواي البر
بعطيك حل مؤقت في مشكلة الريحة هذا
بما انها صارت لي وتعقدت منها

أولا رح لأقرب بنشر وخذلك قطعة لستك (تيوب) وقصة خلها يصير دائري بحجم كف اليد

بعدين رح للموتر وتفك الكور اللي على رأس القير والدبل اللي مكتوب عليها النمر
وبعدين تفك الديكور اللي حوله (ترى ما يبله شي كله كلبسات ) بعدين بتشوف عصا القير حديدة وأخرها جلدة مدرجة ولو تبعد الجلدة عن عصا القير راح تلاحظ جلدة داخل مقطوعة وعليها زيت وهذي هي سبب المشكلة
المهم تقوم على اللستك وتجرحه من النص جرح بسيط وتحطه على عصا القير وتبدا بسحبه على تحت وكل ما سحبة على تحت كل ما توسع الجرح على شدة عصا القير واسحبة لين تغطي به الجلدة المدرجة اللي بأخر عصا القير
وكذا راح يكتم الريحة .وممكن انك تدبل اللستك .

اتمنا اني افدتك
وأي سؤال انا حاضر .

اخوك /موادع الشرقية


اخوي موادع الشرقية

الله يعطيك عافية على الشرح الله لايهينك ممكن توضح اكثر بالنسبة للستك ( تيوب )
يعني لستك عادي ؟؟
وطريقة تركيبه !!

وهل ممكن صور لشرح

اكون لك من الشاكرين !!

[موادع الشرقيه]

اخوي موادع الشرقية

الله يعطيك عافية على الشرح الله لايهينك ممكن توضح اكثر بالنسبة للستك ( تيوب )
يعني لستك عادي ؟؟
وطريقة تركيبه !!

وهل ممكن صور لشرح

اكون لك من الشاكرين !!


الله يعافيك

بالنسبة للستك خذ لستك عادي من اي بنشر

وبنسبة للصور انا والله ما صورت الطريقة
بس ابشر راح اصور الطريقة بس ما عرف انزل الصور
إذا تعطيني ايميلك وارسلها لك

[صاحب الجيب]

وعليكم السلام ورحمة الله وبركاته

مساك الله بالخير أخوي هواي البر

ما قصرو الشباب في توضيح الصورة
أنا معي باثفندر 2005 المشكلة الأولى اللي هي الريحة تلاقي الربلة حقت عصى القير مقطوعة إذا كان القير عادي وكذلك لا تنسى إحراق المكينة للزيت المسمى بالتبخير وهذي المشكلة ما لها حل بس تحرص على التشييك كل أسبوع على زيت المحرك لأنه ينقص عندي نصف علبه إلى علبة في الشهر
بالنسبة للصوت في القير العادي إذا ضغطت الكلتش وراح الصوت فهذي فحمة الكلتش وعادي غيرتها أنا وبعد شهر رجع الصوت يعني تعود على الصوت

[هواي البر]

يعطيك العافية اخوي صاحب الجيب !!!

طيب الربله وين احصلها

[مطاربروق]

يا اخوي توكل على الله انا كان معي باث 2004 وكان فيه صوت في القير واذا دعست كلتش يروح وبعدين اذا حميت السياره برضوه الصوت يروح ويطلع ريحه كلتش محروق والله اني مشيت عليه اكثر من 200000 مائتين الف كلم وبعته على واحد من اقاربي وانه ما شاء الله عليه زي الحلاوه علمنا انه اكثر الناس في هذا المنتدي كانوا يشتكون من مسامير الثلاجه وجلس معي اربع سنوات ماخبري اني اشتكيت من شى فيه وللامانه ان السياره قويه جدا من واقع تجربه فتوكل على الله وامش عليه ان كان ماذكرت واذا زاد الصوت ففحص ذاك الوقت ولا توسوس السياره مايبالها كلام والله الموفق وتقبل مروري

[هواي البر]

مشكور اخوي مطار بروق

[سعود محمد]

بالنسبه للجلده الي تحت الديكور اسمه جلدة بدي الي تحت القير قيمتها 180 واذا تبي تعرف انها خربانه امش بموترك وافتح الدريشة بيجيك هواء حار من عند القير ترا تغيرها شغل يد ب50 الله يوفقنا وياك ويدلك على الخير